Waahidi 2.4 billioni

Mataifa  ya  magharibi  na  ya  Kiarabu  yameahidi  kutoa dola  bilioni  2.4 kwa  ajili  ya  misaada  ya  kiutu  ya  Umoja wa  mataifa  katika  mzozo  wa  Syria. 
Ahadi  za  michango zilitolewa  jana  nchini  Kuwait  katika  mkutano  wa  siku moja  wa  kimataifa, na  umefanyika  kufuatia  tahadhari iliyotolewa  na  Umoja  wa  Mataifa  kwamba  nusu  ya Wasyria , zaidi  ya  milioni  tisa  wanahitaji  msaada  wa haraka.
Mkutano  huo  umefanyika  ili  kuusaidia  Umoja  wa Mataifa  kufikia  lengo  lake  la  misaada  kwa  Syria linalofikia  kiasi  cha  dola  bilioni 6.5, ikiwa  ni  wito mkubwa  wa  kuomba  msaada  kuwahi  kutolewa  na Umoja  wa  Mataifa.
Pia  mkutano  huo  umefanyika  kabla  ya  mazungumzo ya  amani  ya  Syria  yaliyopangwa  kufanyika  nchini Uswisi  Jumatano  wiki  ijayo, ambayo  kuna  matumaini kuwa  makundi  kutoka upinzani  na  serikali  ya  Syria yatahudhuria.
Na DW.DESwahili

Share this

Share on FacebookPlus on Google+