Showing posts with label 2017 at 02:34PM. Show all posts
Showing posts with label 2017 at 02:34PM. Show all posts
VITU 9 AMBAVYO HUTAKIWI KUSHARE NA MTU MWINGINE

VITU 9 AMBAVYO HUTAKIWI KUSHARE NA MTU MWINGINE

Kuna upendo katika kushirikiana vitu lakini kuna wakati upendo huo wa kushirikiana kila kitu unaweza kukuweka katika hali ya hatari sana.
Inapokuwa wakati wa kushirikiana baadhi ya vitu na mtu mwingine, ni vyema ukafikiri mara mbili kabla ya kukubali kufanya hivyo, kwa sababu kukataa ndio jibu unalotakiwa kulisema.
Hapa chini ni orodha ya vitu tisa ambavyo hutakiwi kushirikiana na mtu mwingine yeyote.
1. Sabuni ya kuogea
Watu wengi hawajui kuwa kushirikiana sabuni na mtu mwingine ni jambo la hatari. Mwingine ataamua kutumia sabani ambayo si ya kwake kwa sababu tu anaona uvuvi kwenda dukani kununua ya kwake.
Sabuni inatakiwa kutumia na mtu mmoja kusafishia mwili wake kwani kila mtu ana namna yake ya kutumia sabuni, hivyo haushauriwi kutumia sabuni na mtu/watu wengine.
Uwepo wa vitu kama fangasi au bakteria au wadudu wengine wanaweza kujihifadhi kwenye sabuni na kusababisha maambukizi kwa watu wengine watakaoitumia.
2. Taulo
Hili ni jambo ambalo watu wengi hasa wapenzi au wanandoa hulichukulia kama la kawaida bila kujali kuwa linaweza kuwaletea madhara kiafya.
Kutumia taulo moja mtu zaidi ya mmoja kunaweza kukusababishia madhara mbalimbali kwani kwenye taulo kunaweza kuwepo bakteria mbalimbali.
Mbali na kutumia mataulo tofauti, mnashauriwa kutoyachanganya sehemu moja baada ya kutumia.
3. Mswaki
Ukikaa na kufikiri, unaweza usielewe kwanini mtu anakubali kutumia mswaki wake na mtu mwingine. Licha ya kuwa hili ni jambo la ajabu, lakini hutokea mara nyingi.
Kama ilivyokuwa kwa sabuni, mdomo huwa na bakteria ambapo baada ya kusafisha hubaki kwenye mswaki. Kila mmoja akiacha bakteria wake kwenye mswaki, huenda mkaambukizana matatizo ya kinywa au hata kulika meno.
Lakini wakati mwingine mmoja wenu anaweza kuwa na tatizo la kutokwa na damu kwenye fizi wakati wa kuswaki, kitu kinachosababisha hatari zaidi kwa mwenzake.
4. Hereni
Hereni hasa zile ambazo zinahusisha kutoboa masikio ni hatari sana kwani huwa zina ncha upande wa kuingizia na hivyo kuweza kumchubua mtumiaji wa kwanza na kusababisha maamuziki kwa mtu mwingine kwa kutumia damu iliyotoka wakati ulipochubuliwa.
Kuna wakati mwingine kutokana na gharama kuwa kubwa anashindwa kununua hereni zake anaamua kumuazima rafiki yake, lakini jiulize, huo urembo wa muda ni muhimu kuliko afya yako?
5. Mafuta ya kujipaka
Vidole vya binadamu ni moja ya maeneo ambapo virusi (germs) vinaweza kukaa kutoka na vitu mbalimbali ambavyo huwa tunashika bila kusafisha mikono.
Mtu yeyote anayekuja na kutumbukiza vidole vyake kwenye kopo lako la mafuta kwa nia ya kujipaka, huacha virusi ambavyo mwisho wa siku husambaa kwenye kopo lote. Hii itakufanya ikijakupika wewe, kuweka virusi kwenye ngozi yako.
Bakteria wanaofahamika kama, streptococcus au staphylococcus husababisha kuungua kwa vinyoleo na pia huleta chunusi kutokana na kutumia mafuta na mtu mwingine.
Njia salama ya kutumia mafuta hayo ni kuhakikisha kuwa kunakuwapo na chombo kingine cha kutolea mafuta kwenye kopo, au mafuta unayamimina mkononi. Lakini kwanini uteseke kwa hayo yote? Ni bora kila mmoja akawa na ya kwake.
7. Lip balm
Midomo ya binadamu huwa na mishipa mingi ya damu ambayo kuna wakati mtu anaweza akawa anatokwa damu kwa sababu mbalimbali. Wengine midomo yao hukauka kiasi kwamba inakuwa kama imepasuka.
Katika hali hiyo ni hatari sana kutumia lip balm na mtu mwingine kwani unaweza kumuambukiza magonjwa mbalimbali.
8. Wembe/’Nail clipper’
Ni vigumu kudhani kuwa kuna watu bado hawajui hatari ya kushirikiana kutumia wembe mmoja katika karne hii ya 21. Lakini ukweli utabaki pale pale kuwa kushirikiana kutumia wembe ni kitu cha hatari sana kwa afya yako.
Ni rahisi sana kwa virusi na bakteria kujikusanya kwenye wembe uliotumiwa na mtu mmoja na kisha kumwathiri mwingine atakayeutumia.
Hali hii inakuwa ni mbaya zaidi hasa pale ambapo unatumia wembe na mtu ambaye anaishi na Virusi vya UKIMWI kwa sababu utakuwa katika hatari kubwa ya kuambukizwa ugonjwa huo.
Licha ya kuwa nail clippers si hatari kama ilivyo wembe, lakini haushauriwi kutumia na mtu mwingine.
9. Spika za masikioni
Inanisikitisha sana kama mimi ndio nitakuwa nakukumbusha au kukwambia kwa mara ya kwanza kwamba kutumia earphones na mtu mwingine ni hatari sana.
Tafiti zimeonyesha kuwa spika za masikioni hubeba bakteria kutoka kwenye masikio ya mtumiaji mmoja kwenda kwa mtumiaji mwingine.
Bakteria kama staph na strep zinaweza kukaa kwenye spika za masikioni na kuhamia kwa mtu mwingine mara tu anapozitumia na kusababisha madhara.
Njia bora ya kutumia spika hizo na mtu mwingine ni kama mtumiaji wa kwanza akimaliza ataziosha vizuri kwa kemikali na kuua bakteria wote, lakini kama hilo haliwezekani, sema hapana kwa yeyote anayetaka kutumia spika hizo kupata mdundo.

from Blogger http://ift.tt/2vyJfUT
via IFTTT


WAZIRI WA MKAPA NA JK ATIWA MBARONI NA POLISI KWA AMRI YA MKUU WA WILAYA

WAZIRI WA MKAPA NA JK ATIWA MBARONI NA POLISI KWA AMRI YA MKUU WA WILAYA

Waziri wa zamani wa Serikali ya awamu ya tatu na nne, Dkt. Mary Nagu amekamatwa na Jeshi la Polisi Wilaya ya Hanang’ mkoani Manyara kwa amri ya Mkuu wa Wilaya hiyo, Sara Msafiri. Mbali na Nagu, wengine waliokamatwa ni Katibu wa CCM Wilaya hiyo, Othman Dunga na Mwenyekiti wa Halmashauri ya Wilaya, George Bajuta.
Viongozi hao walikamatwa jana wakiwa kwenye kikao cha Kamati ya Siasa baada ya kudaiwa kuibuka vurugu kwenye kikao hicho kulikosababishwa na agenda ya uchaguzi iliyowasilishwa kwenye kikao hicho ambayo baadhi ya wajumbe hawakukubaliana nayo. Kikao hicho pia kilihudhuriwa na DC Sara Msafiri ambaye pia ni mjumbe wa Kamati ya Siasa ya Wilaya hiyo.
Baada ya kuibuka kwa vurugu hizo, Mkuu wa Wilaya aliamuru Dkt. Mary Nagu na viongozi hao wa CCM wakamatwe na kupelekwa Kituo cha Polisi Katesh kwa ajili ya kutoa maelezo.
Kamanda wa Polisi Mkoa wa Manyara, Francis Massawe alithibitisha kukamatwa kwa viongozi hao waliokuwa kwenye kikao cha ndani cha CCM Wilaya wakijadili masuala yao na kusababisha kuibuka vurugu zilizohatarisha usalama.
“Mkuu wa Wilaya alielekeza waende Kituo cha Polisi kutoa maelezo yao, sasa sisi tunawahoji kujua tatizo ni nini, walikuwa wanajadili nini na nani alisababisha vurugu? Kwa vile kikao hicho kilikuwa na Mwenyekiti wake, atatuambia nani walioanzisha vurugu ndani ya kikao,” alisema.
HT @ MTANZANIA

from Blogger http://ift.tt/2tpo0UX
via IFTTT


ACACIA YAKIMBILIA KUTAFUTA USULUHISHI BAADA YA SHERIA YA MADINI KUPITA

ACACIA YAKIMBILIA KUTAFUTA USULUHISHI BAADA YA SHERIA YA MADINI KUPITA

Saa chache baada ya bunge kipitisha sheria ya marekenisho ya sheria mbalimbali itayayoleta mageuzi makubwa katika usimamizi wa rasilimali za taifa, kampuni ya uchimbaji madini ya Acacia imemtaarifu msuluhishi kuhusu uwepo wa mgogoro kati yake na serikali ya Tanzania.
Serikali iliwasilisha bungeni miswada mitatu inayohusu rasilimali za taifa ambayo ina lengo la kubadili sheria zinazosimamia madini sasa nchini kufuatia kubainika kuwa taifa linapoteza mabilioni ya fedha kila mwaka kupitia sekta ya madini.
Baadhi ya mapinduzi yatakayoletwa na sheria hizo ni pamoja na Benki Kuu ya Tanzania kupewa mamlaka ya kuhifadhi dhahabu baada ya kutokufanya hivyo kwa miaka mingi, huku sheria ikitamka kuwa madini ni mali ya watanzania wote kupitia kwa rais wa nchi.
Sheria hizo zitaiwezesha serikali kufannya uangalizi wa maeneo ya uchumbaji wa madini huku ikihakikisha hakuna ndege itakayotua na kuondoka na madini kama ilivyokuwa awali.
Kufuatia mabadiliko hayo, Acacia jana ilitoa taarifa kuwa Kampuni ya Bulyanhulu Gold Mine (BGM) na Pangea Mineral Limited (PML) zimetoa notisi ya usuluhishi kufuatia uzuiwaji wa usafirishaji wa mchanga wa madini.
Taarifa hiyo iliyochapishwa katika tovuti rasmi ya Acacia ilieleza kuwa, notisi hizo zinarejea mgogoro wa sasa na serikali ya Tanzania dhidi ya BGM NA PML kwenda katika usuluhishi.
Japo kuwa Acacia hawakueleza wamefungua wapi amombi hayo ya usuluhishi lakini walieleza kufanya hivyo kwa wakati huu ni jambo muhimu ili kulinda kampuni wakaeleza pia majadiliano ndio njia bora itakayosaidia kuleta maafikiano ambapo wakati huo wote wao wateendelea kufanya kazi Tanzania.
Wakati majadiliano ya usuluhisi yatakapoanza, Acacia hawatakuwa sehemu ya majadiliano hayo yatakayofanyika kati ya Tanzania na Barrick Gold ambao ndio wamiliki wakubwa wa Acacia. Aidha wamesema kuwa maafikiano yoyote yatakayofikiwa katika majadiliano hayo yatatakiwa kuridhiwa na Acacia na kwamba watatoa ushirikiano kwa Barrick wakati wa mazungumzo.
Acacia walisema kuwa mgodi yake mitatu inaendelea na uchimbaji kwa kutumia makubaliano ya awali na kwamba itaendelea kutoa taarifa zaidi kuhusu yatakayojiri pamoja na miswada iliyopitishwa na bunge la Tanzania.
ASANTE KWA KUTEMBELEA MTANDAO WETU!!

from Blogger http://ift.tt/2uoK9zx
via IFTTT


MSANII WA UFARANSA AATAMIA MAYAI YA KUKU

MSANII WA UFARANSA AATAMIA MAYAI YA KUKU

Msanii wa Ufaransa, Abraham Poincheval amefanya tukio hatarishi la kuiishi ndani ya chumba maalum kwa lengo la kutotoa vifaranga wa kuku akitumia joto la mwili wake.
Atakaa kwa muda wa wiki tatu (siku 21 mpaka 26) katika chumba maalum cha vioo akiatamia mayai kumi ya kuku kwa kutumia joto la mwili wake. Watalii wengi wamekuwa wakimuangalia msanii huyo ambaye mpaka sasa ameshatumia muda wa wiki tatu akiwa ndani ya chumba hicho katika makumbusho ya Palais de Tokyo nchini Paris.
“Ukweli ni kuwa nitakuwa kuku” alisema.
Msanii huyo mwenye umri wa miaka 44 alianza tukio hilo alilolipa jina la “Oeuf” lenye maana ya “Mayai” siku ya jumatano ya Machi 15, 2017. Aliyakalia mayai hayo katika kiti kilichowekewa mfuko chini yake.
Poincheval amejifunga blanketi ili kuzuia joto kupotea na anatumia vyakula vinavyoongeza sana joto mwilini kama vile tangawizi.
Wakati wa haja, msanii huyo hatopaswa kuinuka kwenda kujisaidia, badala yake atatumia boksi maalumu lililotengenezwa chini ya kiti hicho.
Ili mayai yaweze kuanguliwa vizuri, anapaswa kuinuka katika kiti hicho kwa muda usiozidi dakika 30 ndani ya saa 24.
Kabla ya kufanya tukio hilo la kuatamia mayai ya kuku, Poincheval amewahi pia kuishi ndani ya jiwe la chokaa lililotengenezwa kwa umbo la yai.
Amewahi pia kuishi ndani ya sanamu ya dubu, katika mfereji ulioko chini ya maktaba na kusafiri ndani ya maji akiwa katika chupa kubwa ya plastiki iliyowekwa mfuniko.

from Blogger http://ift.tt/2p8Xp85
via IFTTT


Kategori

Kategori