Showing posts with label July 15. Show all posts
Showing posts with label July 15. Show all posts
Profesa Jay Afunguka Wema Sepetu Kuikacha Harusi yake

Profesa Jay Afunguka Wema Sepetu Kuikacha Harusi yake

BAADA ya Jumamosi iliyopita Mbunge wa Mikumi kwa tiketi ya Chama cha Demokrasia na Maendeleo (Chadema), Joseph Haule ‘Profesa Jay’ kufunga ndoa na mchumba’ke wa kitambo, Grace Mgonjo katika Kanisa la Mtakatifu Joseph lililopo Posta jijini Dar na sherehe kufanyika ndani ya Ukumbi wa Mlimani City, ameibuka na kufunguka suala la Miss Tanzania 2006/07, Wema Sepetu kuikacha harusi yake.
Taarifa za awali kutoka kwa chanzo makini zilieleza kuwa, Profesa Jay na Wema ambaye alihamia Chadema miezi kadhaa iliyopita wana bifu kali japokuwa haijulikani chanzo ni nini, ndiyo maana mwanadada huyo hakuhudhuria kwenye harusi hiyo.
“Unajua Wema na Jay hawana uhusiano mzuri tangu ahamie kwenye chama hicho yaani wana bifu ndiyo sababu hata Wema hakuhudhuria kwenye sherehe ya harusi ya Jay maana wangekuwa sawa ungeona mbwembwe zake ukumbini lakini hakutokea,” kilidai chanzo hicho.
Baada ya kuzinyaka habari hizo, Risasi Jumamosi lilimtafuta Profesa Jay kwa njia ya mtandao wa kijamii wa WhatsApp akiwa honeymoon ambapo mahojiano yalikuwa hivi;
Risasi Jumamosi: Hongera kwa kuoa na kuachana na ubachela Jay. Profesa
Jay: Asante sana, karibu.
Risasi Jumamosi: Kuna habari kuwa wewe na Wema mna bifu ndiyo maana hakuhudhuria hata kwenye harusi yako, hili likoje?
Profesa Jay: Jamani watu hawaishiwi maneno! Wema ni kamanda wangu tena tunahesh
imiana kwelikweli nisizuliwe bifu zisizokuwa na kichwa wala miguu.
Risasi Jumamosi: Kwa nini sasa hakuwepo au hukumwalika?
Profesa Jay: Mbona kuna watu wengi tu hawakuhudhuria kwa nini Wema? Mwacheni dada yangu apumzike, acha hizo stori. Profesa Jay kwa upande mwingine alieleza kuwa kesho Jumapili anatarajia kufanya sherehe kubwa kuliko ya mwanzo huko jimboni kwake Mikumi ambayo kila mwananchi atahudhuria kwani hakutakuwa na kadi na itafanyika uwanjani ikiwa ni shukrani kwao kwa kumchagua kuwatumikia

from Blogger http://ift.tt/2te6N0v
via IFTTT


Madiwani wa CHADEMA washuhudia walivyohongwa hela na CCM ili wahame

Madiwani 6 wa Chadema wilaya ya Arumeru mkoa wa Arusha wamejiuzulu na kujiunga na CCM
Katibu wa Chadema kanda ya Kaskazini Amani Gulugwa amesema wana ushahidi wa CCM kuwahonga madiwani hao na wameshachukua hatua za kisheria kudhibiti mwenendo huo
Diwani wa kata ya Majengo Emmanuel Kivondo anasema viongozi wa CCM wanatafuta mbinu ya kukaa naye wazungumze lakini wanashindwa
CCM Arumeru nao wamekanusha vikali tuhuma hizo wakisema madiwani hao wamehama kwa hiyari yao wenyewe na bado wengine wapo njiani kujiunga na CCM kwani wanaona hawapo sehemu salama VIDEO:

from Blogger http://ift.tt/2tUZfyE
via IFTTT


Ajabu..Simba Apatikana Akimnyonyesha Mtoto wa Chui Serengeti

Ajabu..Simba Apatikana Akimnyonyesha Mtoto wa Chui Serengeti

Mwana wa chui hawezi kubadili madoa doa katika ngozi yake lakini simba huyo hajali hilo.
Picha hizi ni za kwanza kuchukuliwa simba akimnyonyesha mwana wa chui kutoka jamii nyengine ya wanayama, kisa kisicho cha kawaida.
Wawili hao walionekana na Joop Van Der Linde mgeni katika katika eneo la Ndutu safari Lodge nchini Tanzania katika eneo la uhifadhi la wanyma pori la Ngorongoro.
Eneo hilo ni la Serengeti. Simba huyo amepewa jina Nosikitok na ana umri wa miaka mitano.
Simba huyo amewekewa mfumo wa GPS katika shingo yake ili kutambua anakokwenda na ana watoto watatu waliozaliwa kati ya mwezi Juni 27-28.
Daktari Luke Hunter , ambaye ni rais muhifadhi mkuu wa Panthera ,shirika kuu la ufugaji wa wanyama aina ya paka aliambia BBC kwamba kisa hicho ni cha kipekee.
Sio kitu ambacho nilijuwa ambapo simba angeweza kuwalea watoto wa simba mwengine.,…hiki ni kisa tofauti sana.
Sina kisa chengine chochote nikijuacho kati ya familia ya mnyama paka kwa mfano pale ambapo mnyama mmoja amechukua mwana wa mnyama mwengine katika familia hiyo hiyo na kumnyonyesha.
Simba wengi wa kike huwauwa watoto wa chui wanapokutana nao, na huwaona kama wapinzani katika mapambano ya kutafuta chakula.
Daktari Hunter anasema Nosikitok ana watoto wachanga walio na umri sawa na mwana huyo wa chui wakiwa na wiki mbili hadi tatu hivi.
Simba huyo alikuwa kilomita moja kutoka kwa nyumba yao ambapo kuna maficho ya watoto wake alipokutana na chuo huyo mdogo.
Alimchukua mwana huyo na kumlea kama wake na humlindi dhidi ya shambulio lolote.

from Blogger http://ift.tt/2tVcAqB
via IFTTT


Watumishi 450 Washinda Rufaa ya vyeti feki, Hakuna Mishahara Mipya

Watumishi 450 Washinda Rufaa ya vyeti feki, Hakuna Mishahara Mipya

SERIKALI imetangaza kuwa watumishi wa umma 450 wameshinda rufaa, kati ya waombaji 1,050 ambao waliwasilisha rufaa zao katika mamlaka husika baada ya kutajwa katika orodha ya watumishi wenye vyeti feki.
Akizungumza na waandishi wa habari jana jijini Dar es Salaam, Katibu Mkuu, Ofisi ya Rais, Menejimenti ya Utumishi wa Umma, Utawala Bora, Dk Laurian Ndumbaro alisema serikali iliendesha uhakiki wa vyeti vya kidato cha nne, sita na ualimu ambako watumishi wa umma 9,932 walibainika kukutwa na vyeti feki.
Dk Ndumbaro alisema baada ya kutangazwa kwa orodha hiyo ya watumishi wenye vyeti feki, watumishi 1,050 walikata rufaa na watumishi 450 pekee walishinda rufaa hizo huku watumishi 8,800 wakiridhika na matokeo hayo.
Aliongeza kuwa rufaa hizo zilizokubaliwa ni kwa watumishi wale waliokuwa wakitumia majina ya waume zao baada ya kuolewa, ambayo yalitofautiana na majina yaliyopo kwenye vyeti na baada ya uhakiki walionekana kama ni vyeti feki.
“Bahati mbaya Watanzania wanapoolewa wanatumia majina mawili ya waume zao badala ya jina moja, hivyo ilileta usumbufu wakati wa uhakiki baada ya vyeti vyao kuonesha majina tofauti,” alisema Dk Ndumbaro.
Aidha, alifafanua kuwa wengine walioshinda rufaa ni wale ambao majina yao ya kidato cha nne yalikuwa tofauti na majina ya kidato cha sita kwa kuwa kidato cha nne hakutumia jina la kati kama kidato cha sita, lakini baada ya kujieleza, wamekubaliwa rufaa na kurejeshwa katika utumishi wa umma.
Wengine waliokubaliwa ni wale walioonekana kuwa na makaratasi ya vyeti ambayo sio sahihi, lakini matokeo ni sahihi na wamesoma katika shule husika, lakini baada ya kuhojiwa na Baraza la Mitihani la Taifa (NECTA), walionekana kuwa walipata vyeti kwenye shule zao, lakini karatasi iliyotumika haikuwa sahihi kutokana na wao kuchelewa kuchukua vyeti vyao kwa miaka mingi.
“Hawa wa kundi hili hawakuwa na lengo la kubadilisha matokeo hivyo imeonekana wanastahili kurejeshwa kwenye utumishi wa umma kwa kuwa walipewa vyeti ambavyo havikubadilishwa matokeo,” aliongeza Katibu Mkuu Utumishi.
Dk Ndumbaro pia alizungumzia suala la ajira mpya, akieleza kuwa serikali imeanza kutoa vibali vya ajira mpya kuanzia mwezi ujao, watatangaza nafasi hizo na Watanzania wenye sifa watajaza nafasi hizo 10,184 na nyingi zikiwa kwenye sekta ya afya na elimu.
Juzi, Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Angella Kairuki alitangaza kutoa vibali vya ajira 10,184 ili kuziba nafasi zilizoachwa wazi na watumishi wa umma waliobainika kughushi vyeti vya elimu.
Kwa mujibu wa Kairuki, agizo hilo linazihusu Mamlaka za Serikali za Mitaa, Sekretarieti za Mikoa, Wakala wa Serikali pamoja na Taasisi na Mashirika ya Umma. Alieleza kuwa taratibu za kukamilisha mgawo wa nafasi za ajira 4,816 zilizosalia, unaendelea ili kuwezesha wizara na taasisi nyingine zilizokamilisha uhakiki wa watumishi wa umma hivi karibuni kuajiri watumishi wapya kuziba nafasi wazi zilizojitokeza.
Alieleza kuwa serikali imetoa kibali kuajiri watumishi wapya 15,000 ili kuziba pengo lililosababishwa na kuondolewa kwenye orodha ya malipo ya mishahara kwa watumishi wa umma, waliobainika kughushi vyeti baada ya zoezi la uhakiki.
Aprili mwaka huu, Rais John Magufuli alipokea ripoti yenye orodha ya watumishi wa umma ambao kati yao wanadaiwa kuwa na vyeti pungufu, vyenye utata na vya kughushi kutokea kwa Waziri Kairuki. Waliokuwa na vyeti vya kughushi walikuwa 9,932, na Rais aliapa kwamba hawatarudi kazini.
Rais Magufuli aliagiza kufutwa kazi kwa wote waliotajwa kwenye ripoti hiyo na kuzuia mishahara yao ya mwezi huo, lakini hata hivyo bado mlango uliwekwa wazi kwa wenye pingamizi na wapo waliokataa rufaa huku wengine wakienda kwenye mamlaka husika kutafuta ufumbuzi wa suala hilo.
Wiki iliyopita akiwa Dodoma, Dk Ndumbaro alitangaza kuwa wiki hii serikali itatoa vibali 3,000 vya ajira katika sekta ya afya vikiwemo vya madaktari na wauguzi pamoja na maofisa hesabu 535 kwa ajili ya vituo vya afya vya kata ili washughulike na ukusanyaji wa mapato kwenye vituo vya afya na zahanati.
Aidha, Dk Ndumbaro alisema baada ya kumalizika uhakiki, imeonekana kuna watumishi wengine katika utumishi wa umma wanaotakiwa kuwa na sifa za kidato cha nne na wanatakiwa kuwasilisha vyeti vyao kwa uhakiki, lakini hawajafanya hivyo mpaka sasa na walikuwa wanaendelea kupata mshahara kama watumishi wa darasa la saba.
Dk Ndumbaro alisema walitoa waraka unaoelezea kwamba Sera ya Watumishi wa Umma ya mwaka 1998 ilitaka watumishi wote wa umma wawe kidato cha nne badala ya darasa la saba na utekelezaji wa sera ulianza Mei 20, 2004 kwamba kuanzia hapo waajiriwa wote watakaoanza kuajiriwa wawe na sifa ya kidato cha nne.
Alisema baada ya sera hiyo, mtumishi yeyote aliyeajiriwa katika utumishi wa umma kuanzia Mei 20, 2004 ni lazima awe na ufaulu wa kidato cha nne na uliwataka watumishi walioajiriwa kabla ya 2004 kwa sifa ya darasa la saba wachukuliwe kama wamehitimu kidato cha nne yaani wabaki katika utumishi wa umma mpaka watakapostaafu.
Alifafanua kuwa baada ya waraka huo kumekuwa na mkanganyiko mkubwa kwa maofisa utumishi na waajiri mbalimbali wameamua kuwasimamisha kazi watumishi wa elimu ya darasa la saba kitu ambacho sio sahihi.
“Usahihi ni kwamba kuanzia Mei 20, mwaka 2004 watumishi walioajiriwa kuanzia tarehe hiyo wanatakiwa kuwa na sifa ya kidato cha nne lakini walioajiriwa kabla ya tarehe hiyo wataendelea kuwa na sifa yao ya darasa la saba na wataendelea kubaki kwenye utumishi wa umma mpaka watakapofikia wakati wa kustaafu,” alisema Dk Ndumbaro.
Alisema watumishi wote walioajiriwa kuanzia Mei 20, 2004 ambao hawajawasilisha vyeti vyao kwa ajili ya kuhakikiwa na Baraza la Mitihani mishahara yao isimamishwe kuanzia mwezi huu hadi hapo watakapowasilisha vyeti hivyo kwa uhakiki.
Aidha, alisema watumishi wote ambao miundo ya maendeleo ya utumishi wao iliwataka kuwa na sifa ya kidato cha nne wakati wanaajiriwa na ambao hawajawasilisha vyeti vyao kwa ajili ya kuhakikiwa mishahara yao isimame kuanzia mwezi huu hadi hapo watakapowasilisha vyeti kwa ajili ya uhakiki.
Akizungumzia suala mishahara mipya, Dk Ndumbaro alisema serikali haikupanga kuongeza mishahara katika mwaka huu wa fedha, bali Rais John Magufuli alisema anafikiria kutoa nyongeza na sio mishahara mipya na hilo linafanyiwa kazi na litakapokamilika taarifa itatolewa. “Kuna tofauti kati ya mishahara mipya na nyongeza, Rais alisema atatoa nyongeza na sio mishahara mipya,” alisisitiza
Chanzo: Habarileo

from Blogger http://ift.tt/2t2dr5O
via IFTTT


Waziri Mwakyembe: Serikali Hairidhishwi na Kampuni ya Ubia Kati ya TBC na Star Times

Waziri Mwakyembe: Serikali Hairidhishwi na Kampuni ya Ubia Kati ya TBC na Star Times

Waziri Mwakyembe: Serikali hairidhishwi na kampuni ya ubia kati ya TBC na Star Times hasa kuzalisha hasara kila mwaka.
Waziri Mwakyembe: Nimekutana leo na Mwenyekiti wa Star Times Bwana Pang kujadili mkataba huu ili kufanya uamuzi mwezi huu huu
Waziri Mwakyembe: Nimeunda Timu ya Wataalamu kufanyakazi kwa siku saba kutupa mrejesho ili kuamua kama tunaboresha ubia huu ama la.
Mwenyekiti Star Times amemshukuru Rais Magufuli kwa nia ya kutaka mkataba uwe wa mafanikio zaidi.Yeye yuko tayari kurekebisha kasoro zozote.

from Blogger http://ift.tt/2upIHiX
via IFTTT


Mwanamziki Diamond Video Tatu Ndani ya Mwezi Mmoja za Nini zote Hizo?

Mwanamziki Diamond Video Tatu Ndani ya Mwezi Mmoja za Nini zote Hizo?

Kwanza kabisa nakupongeza sana kaka kwa kazi nzuri sana, pia mimi nishabiki wako kwa kiwango cha lami.
Sasa najiuliza kwanini umeachia video tatu kwa wakati mmoja( Fire, I miss you na Eneka) zote hizo za nini bado hujiamini? Kumbuka wewe ni msanii mkubwa sana hapa Tanzania na Africa unakimbia unaenda wapi na hizo video yaani wakati mimi natafakari single yako ya fire jinsi ilivyo nzuri mara naona single ya I miss you sijakaa sawa naona Eneka.
Mwisho kabisa naomba uachane na mtindo huu unatuchanganya mashabiki wako kaka toa single moja tupe mda wa kuenjoy na single moja kwa mda mrefu kama ulivyofanya kwa single ya Merry you.

from Blogger http://ift.tt/2vo9Tvw
via IFTTT


Serikali Yashtuka..Yagoma Kupokea Misaada yenye Masharti haya

Serikali Yashtuka..Yagoma Kupokea Misaada yenye Masharti haya

Makamu wa Rais wa Jamhuri ya Muungano wa Tanzania Mhe Samia Suluhu Hassan amesema Taifa halipo tayari hata kidogo kupokea misaada yenye masharti ambayo haiendani na mila na desturi za Kitanzania.
Makamu wa Rais Mhe Samia Suluhu Hassan ametoa kauli hiyo baada ya kukutana na kufanya mazungumzo na Rais Mstaafu wa Ireland Mary Robinson pamoja na Mwanzilishi wa Taasisi ya Graca Machel, Craca Machel pamoja na ujumbe walioambatana nao Ikulu- Jijini Dar es Salaam.
Makamu wa Rais Mhe Samia Suluhu Hassan amesema kuwa kuna baadhi ya wafadhili wanaisaidia Serikali katika utekelezaji wa miradi ya maendeleo na bajeti vizuri sana na bila masharti mabaya lakini kuna baadhi ya wafadhili wanaonyesha wazi kuwa wanataka Serikali ikubali masharti yao ambayo yanaenda kinyume na maadili ya taifa kitu ambacho hakiwezekani.
Amesema kutokana na changamoto hiyo Serikali itaendelea kusimamia maadili ya Taifa ipasavyo na imeweka mipango na mikakati mizuri kwa ajili ya kuongeza mapato yake ya ndani ili kuondokana na utegemezi kutoka kwa baadhi ya wafadhili ambao baadhi yao wanaahidi kuchangia bajeti kuu ya Serikali lakini mwisho hawafanyi hivyo.
Kuhusu Sekta ya afya, Makamu wa Rais Mhe Samia Suluhu Hassan amesema kuwa Serikali imeongeza maradufu bajeti yake kwa mwaka wa fedha wa 2017/2018 katika sekta ya afya ili kuhakikisha wananchi wanapata huduma za afya kwa viwango vinavyotakiwa nchini.
Kwa upande wake, Rais Mstaafu wa Ireland Mary Robinson pamoja na Mwanzilishi wa Taasisi ya Kimataifa ya Graca Machel, Craca Machel waipongeza Serikali kwa jitihada inazozifanya katika uimarishaji wa sekta ya afya nchini na wameahidi kuendelea kushirikiana na Serikali katika kuhakikisha huduma za afya nchini zinaendelea kuboreshwa ipasavyo.

from Blogger http://ift.tt/2v3h1Ox
via IFTTT


Jerry Muro Apigwa Chini Yanga

Jerry Muro Apigwa Chini Yanga

KATIBU Mkuu wa Yanga, Boniface Mkwasa, jana amemtambulisha rasmi, Dismas Ten kuwa Ofisa wa Habari wa klabu hiyo. Kabla ya utambulisho huo, Dismas alikuwa ofisa habari wa Mbeya City ya Mbeya ambayo pia inashiriki Ligi Kuu Bara kama Yanga.
Hii ina maana kuwa, Yanga haitakuwa tena na aliyekuwa ofisa wa habari wake, Jerry Muro ambaye hivi karibuni alimaliza kifungo chake cha kufungiwa mwaka mmoja alichopewa na Shirikisho la Soka Tanzania (TFF). Jerry alifungiwa na Kamati ya Maadili ya TFF, chini ya mwenyekiti
wake, Wakili Wilson Ogunde kwa kosa la kudharau uamuzi wa Kamati ya Nidhamu ya shirikisho hilo.
Akizungumza jana jijini Dar es Salaam, Mkwasa alisema amemtambulisha Dismas baada ya ofisa huyo kumaliza mkataba wake wa miaka minne Mbeya City. “Nichukue nafasi hii kumtangaza
Dismas kuwa ndiye ofisa wetu wa habari mpya atakayefanya kazi pamoja na Chicharito (Godlisten).
“Hiyo yote ni katika kukiboresha kitengo chetu cha habari cha Yanga ili kifanye kazi yake vizuri ndani ya klabu yetu,” alisema Mkwasa.

from Blogger http://ift.tt/2tdw4YS
via IFTTT


Everton Wamefurahia Ukarimu wa Watanzani โ€“ Rooney

Everton Wamefurahia Ukarimu wa Watanzani – Rooney

Timu ya Soka ya Everton inayoshiriki ligi kuu nchini Uiungereza imemaliza ziara yake ya siku mbili nchini Tanzania na kueleza kufurahishwa na namna Watanzania walivyoipokea timu hiyo.
Wayne Rooney (wa tatu kushoto) akiwa na wachezaji wenzake walipokuwa Jijini Dar es Salaam ambapo timu ya Everton ilicheza na timu ya Gor Mahia katika mchezo wa kirafiki ulichezwa katika uwanja wa Taifa Jijini Dar es Salaam.
Timu ya Everton iliwasili Tanzania siku ya Jumatano wiki hii ambapo juzi ilicheza mchezo wa kirafiki dhidi ya timu ya Gor Mahia kutoka Kenya.
“Nimepata uzoefu mpya kwangu kuja hapa (Tanzania) na nina tumaini sasa Makamu wa Rais atakuwa akiishabikia Everton”, alieleza Wayne Rooney kupitia tovuti ya timu hiyo.
Pia katika akaunti yake ya mtandao wa tweeter, Rooney aliwashukuru mashabikji wa Tanzania kwa kuiunga mkono Everton katika mchezo wao wa kirafiki dhidi ya timu ya Gor Mahia kutoka Kenya.
“Great start to the pre-season. Special thanks to the fans supporting us in Tanzania”, aliandika Rooney akitoa shukrani za pekee kwa Mashabiki wa Tanzania.
Kwa upande wa Kocha wa timu hiyo, Ronald Koeman alielezea kufarahia ziara ya kuja Tanzania na zaidi ni kutokana na hali ya urafiki iliyooneshwa na mashabiki wa soka nchini.
Rooney pia aliungana na wachezaji wengine kama Morgan Schneiderlin, Jonjoe Kenny na Kevin Mirallas wa timu hiyo walipata fursa ya kujifunza tamaduni za kimsai, kujifunza kupika chakula cha asili, kutembelea shule yenye wanafunzi wenye mahitaji maalum na pia kufanya mazoezi na timu ya vijana wenye ulemavu wa ngozi (Albino United).
Timu ya soka ya Everton ilifanya ziara nchni Tanzania ambapo ilicheza mchezo wa kirafiki dhidi ya Gor Mahia ya Kenya katika Uwanja wa Taifa Jijini Dar es Salaam na kuhudhuriwa na viongozi mbali mbali akiwemo Makamu wa Rais, Mhe. Samia Suluhu Hassan ambaye alikuwa Mgeni Rasmi, Marais wastaafu, Alhaji Ali Hassan Mwinyi na Dkt. Jakaya Mrisho Kikwete, Waziri wa Habari, Utamaduni, Sanaa na Michezo na wageni mbalimbali kutoka ndani na nje ya nchi.

from Blogger http://ift.tt/2v3F4gv
via IFTTT


Sahau kuhusu Lukaku, hawa nao walingโ€™ara walipovua jezi ya Chelsea

Sahau kuhusu Lukaku, hawa nao waling’ara walipovua jezi ya Chelsea

Romelu Lukaku ni mchezaji ambaye hakuwa na thamani kubwa sana kama alivyopaswa kuwa nayo wakati akiwa Chelsea, kocha wa sasa wa United na jopo la ufundi la Chelsea lilisema Lukaku hakuwa bora sana na ndio maana wakamuondoa katika kikosi chao.
Maisha yanakwenda kasi sana baada ya Lukaku kujiunga tu na West Bromich moto ukawaka na kiwango kikakua sana, alipoenda Everton ndio kabisa kila klabu ikatamani kuwa naye, sasa kama ulizani ni Lukaku tu ambaye aaling’ara baada ya kuondoka Chelsea utakuwa umekosea.
Daniel Struridge.Alionekana sio lolote akiwa Chelsea na mwaka 2013 akaona sio kesi ni bora aende zake Liverpool, amekuwa na kiwango kizuri sana akiwa na klabu ya Liverpool japokuwa majeraha ya mara kwa mara yamekuwa yakimuweka nje ya uwanja,lakini pamoja na majeruhi yote hayo ila katika mechi 119 Sturidge ameshapasia kamba mara 60.
Ryan Bertand.Tetesi zinasema klabu ya Chelsea iko katika mpango wa kumrudisha mlinzi huyu wa kushoto lakini bado kuna vilabu kama Sevilla na Napoli nao wanataka saini ya Bertand, wakati alipokuwa Chelsea naye alionekana wa kawaida sana na hakuwa na thamani lakini akiwa na Southampton amekuwa kati ya walinzi wanaozungumziwa sana katika ligi kuu Uingereza.
Nemanja Matic,Mwaka 2009 alijiunga na klabu ya Chelsea lakini hakupewa nafasi sana aliishia kucheza michezo mitatu, baadae Chelsea wakaona sio mtu sahihi kwao wakaamua kumpeleka Benfica akitumika kama chambo ya kumpata David Luiz hiyo ilikuwa mwaka 2012 lakini kufikia mwaka 2015 Chelsea hao hao wakauona uwezo mkubwa kwenye miguu ya Matic na wakaamua kumrudisha kwa £21m.
David Luiz.Kama unakumbuka Luiz aliletwa Chelsea baada ya Matic kupelekwa Benfica,lakini Chelsea nao wakaona wamuuze kwenda PSG na baadae wakamfuata tena kumnunua, tangu arudi Chelsea ni ukweli usiopingika kwamba Luiz amekuwa mhimili mkubwa sana wa ngome ya ulinzi ya Chelsea na kufanikiwa kubeba kombe msimu uliopita.
Juan Cuadrado.Baada ya mashindano ya kombe la dunia la mwaka 2014 watu wengi waliuona uwezo wa Mcolombia huyu na akafanikiwa kutua Chelsea,kilichotokea huko ni kati ya hadithi chungu kwake kwani aliishia kusota benchi na baadae Chelsea hao hao wakaamua kumtoa kwa mkopo kwenda Juventus na baadae kumuiza kabisa lakini maisha ya Cuadrado akiwa Juventus yamekuwa matamu kwake kama mchezaji akiisaidia Juventus kubeba makombe Italia na kucheza fainali ya Champions League.
Mohamed Salah.Walipomnunua toka Basel hata mashabiki wa Chelsea walitamani kuona ubora wake lakini ghafla akaoneshwa mlango wa kutokea Darajani, umri wa Salah bado ulikuwa mdogo wakati akiwa Chelsea lakini hawakutaka kumpa muda, msimu uliopita alikuwa bora sana na As Roma akifunga mabao 15 na kuassist 11 jambo lililowavuta Liverpool kumrudisha Epl.

from Blogger http://ift.tt/2ul71Tj
via IFTTT


BREAKING: NECTA YATANGAZA MATOKEO YA KIDATO CHA SITA NA UALIMU 2017

BREAKING: NECTA YATANGAZA MATOKEO YA KIDATO CHA SITA NA UALIMU 2017

Image result for NECTA
Mbali na mtokeo hayo ya kidato cha sita, NECTA wametoa pia matokeo ya ualimu (DSEE) 2017 pamoja na matokeo ya ualimu (GATCE) 2017.
Kuona matokeo ya kidato cha sita bonyeza hapa Matokeo ya kidato cha sita (ACSEE) 2017
Kuona matokeo ya ualimu (DSEE) bonyeza hapa Matokeo ya Ualimu (DSEE) 2017
Kuona matokeo ya ualimu (GATCE) bonyeza hapa Matokeo ya Ualimu (GATCE) 2017
 ASANTE KWA KUTEMBELEA MTANDAO WETU!!

from Blogger http://ift.tt/2v3Hifx
via IFTTT


Kategori

Kategori