Showing posts with label 2017 at 02:16PM. Show all posts
Showing posts with label 2017 at 02:16PM. Show all posts
SERIKALI YAFANIKIWA JARIBIO LA PILI DHIDI YA MITAMBO YA IPTL

SERIKALI YAFANIKIWA JARIBIO LA PILI DHIDI YA MITAMBO YA IPTL

NI wingu zito, ndivyo unavyoweza kusema baada ya maombi ya Kampuni ya Kufua Umeme ya Independent Power Tanzania Limited (IPTL) kukwama, huku wakilazimika kuzima rasmi mitambo yao ya uzalishaji umeme.
Hatua hiyo imekuja baada ya kukwama kwa maombi ya kuongezewa muda wa miezi 55 ya leseni yake ya uzalishaji umeme kutokana na kusubiri uamuzi wa Ikulu.
Hali hiyo inajitokeza wakati mmiliki wa Kampuni ya Pan Afrika Power (PAP), Harbinder Singh Sethi na Mkurugenzi wa Kampuni ya VIP Engineering, James Rugemalira wakiwa tayari wamefikishwa mahakamani kujibu mashtaka ya uhujumu uchumi, kutakatisha fedha na kuisababishia hasara Serikali.
Habari za uhakika zilizolifikia gazeti hili jana zilisema mitambo hiyo kwa sasa haizalishi umeme. MTANZANIA lilitembelea mitambo hiyo iliyoko Tegeta na kukuta wafanyakazi wachache ambao walikiri mitambo hiyo kutofanya kazi.
“Mitambo ilizimwa tangu siku ile walipomkamata Sethi,” alisema mmoja wa wafanyakazi wa kampuni hiyo ambaye hakuwa tayari kutajwa jina lake gazetini.
Pamoja na hatua hiyo inaelezwa kuwa kuna hatari ta kuitaifishwa kwa mitambo hiyo hasa baada ya Serikali kuweka ngumu katika utoaji wa leseni mpya ya biashara ya kuzalisha umeme kwa kampuni hiyo.
Licha ya hali hiyo leseni ya kampuni hiyo ilimalizika muda wake Julai 15, mwaka huu ambapo hadi sasa uamuzi wa kuitafisha mitambo hiyo kurudi kuwa mali za Tanesco ama laa ukisubiri uamuzi wa Ikulu.
Kwa sababu hiyo, kama Serikali itaendelea na msimamo wake dhidi ya IPTL ndiyo utakuwa mwisho wa miaka 23 ya IPTL. Kampuni hiyo ya IPTL iliingia chini tangu mwaka 1994 na kila mwezi imekuwa ikilipwa Sh. bilioni 5.943 na Shirika la Umeme Tanzania (Tanesco) ikiwa ni gharama za uwekezaji mbali na gharama za umeme inaoliuzia shirika hilo.
Novemba 2014, baada ya Bunge kujadili Ripoti ya Mdhibiti na Mkaguzi Mkuu wa Hesabu za Serikali (CAG) kuhusu akaunti ya Tegeta Escrow, Kamati ya Kudumu ya Bunge ya Hesabu za Serikali (PAC), ilitoa maazimio manane ikiwa ni pamoja na kuangalia uwezekano wa kuichukua mitambo ya IPTL na kuimilikisha kwa Tanesco.
Siku chache baada ya Bunge kupitisha uamuzi huo ambao ulifanyiwa kazi kwa haraka kwa Profesa Sospeter Muhongo kujiuzulu nafasi yake.
Wengine ni Profesa Anna Tibaijuka ambaye pia alijiuzulu nafasi ya Waziri wa Nyumba na Maendeleo ya Makazi na Jaji Frederick Werema aliyejiuzulu nafasi ya Mwanasheria Mkuu wa Serikali.
Eliachim Maswi aliyekuwa Katibu Mkuu wa Wizara ya Nishati na Madini alisimamishwa kazi pamoja na wajumbe wa Bodi ya Wakurugenzi wa Tanesco waliotakiwa kuwajibishwa, kukaa pembeni baada ya muda wa bodi yao kwisha na ikaundwa nyingine.
Naye Spika wa Bunge wakati huo, Anne Makinda alitangaza kuwa wazi nafasi za wenyeviti wa kamati za Bunge ambao ni William Ngeleja, aliyekuwa Mwenyekiti wa Kamati ya Katiba, Sheria na Utawala, Andrew Chenge aliyekuwa Mwenyekiti wa Kamati ya Bajeti na Victor Mwambalaswa aliyekuwa Mwenyekiti wa Kamati ya Nishati na Madini.
Azimio jingine lililotaka Harbinder Singh Seth ambaye ni Mwenyekiti wa PAP kufikishwa mahakamani, lilitekelezwa hivi karibuni ambako yeye na mwenzake James Rugemalira wa VIP Engineering, walifikishwa mahakamani na kusomewa mashitaka 12 yakiwamo ya uhujumu uchumi na kutakatisha fedha.
Baadhi ya maazimio ambayo yalikuwa hayajafanyiwa kazi ni lile la pili lilolotaka Serikali iangalie uwezekano wa kuichukua mitambo ya IPTL na kuimilikisha kwa TANESCO.
Mei 11, Kiongozi wa Kambi ya Upinzani Bungeni, Freeman Mbowe, wakati wa maswali ya papo kwa papo bungeni, alimuhoji Waziri Mkuu, Kassim Majaliwa kuhusu kutokutekelezwa maazimio hayo ya Bunge kuhusu Escrow.
Akijibu swali hilo, Majaliwa alimuhakikishia Mbowe kuwa Serikali inaheshimu muhimili wa Bunge na kuthamini uamuzi wake. Alisema kunahitajika uchunguzi wa kina na yapo mambo ambayo yana umuhimu wa kufikishwa bungeni hivyo uchunguzi wa Serikali utakapokamilika yatawasilishwa bungeni.
Kwa sababu hiyo, inawezekana kuisha leseni hiyo ya IPTL sasa, kukachukuliwa kama moja ya njia ya kutekeleza azimio la lipi la Bunge.
Pia Juni 20 mwaka huu, akiwa ziarani mkoani Pwani, Rais John Magufuli, alisema serikali itaendelea kuchukua hatua dhidi ya watu wanaolihujumu Taifa ikiwamo kujihusisha na vitendo vya wizi na rushwa na haitakatishwa tamaa na watu wanaolalamika na kubeza juhudi hizo.
“Stiegler’s Gorge, mradi ambao ulifanyiwa utafiti tangu enzi ya Mwalimu Nyerere tukautelekeza. Nataka tujenge bwawa litakalozalisha umeme utakaotosheleza katika nchi yetu, nchi ya viwanda ili Watanzania wasilalamikie tena suala la umeme, nataka tuachane na umeme wa matapeli wanaokuja hapa wanawekeza kwa lengo la kutuibia.”
“Mimi nachukia wezi na kwa kweli wezi watakoma tu, awe mwizi wa Tanzania, awe mwizi wa Ulaya, awe anatoka magharibi, mashariki, kaskazini au kusini, mwizi ni mwizi tu,” alisema Rais Magufuli.
IPTL imekuwa ikilalamikiwa kuwa ni miongoni mwa miradi inayoiumiza Tanesco, hivyo kauli hiyo ya mkuu wa nchi inaweza kuwa siyo ishara njema kwa kampuni hiyo.
Chanzo: MTANZANIA

from Blogger http://ift.tt/2uAeGxE
via IFTTT


TAZAMA PICHA ZA MAPOKEZI YA KLABU YA EVERTON JIJINI DAR ES SALAAM

TAZAMA PICHA ZA MAPOKEZI YA KLABU YA EVERTON JIJINI DAR ES SALAAM

Klabu ya Liguu ya soka nchini Uingereza, Everton imewasili salama katika Uwanja wa ndege wa kimataifa wa Mwalimu Julius Kambarage Nyerere saa nne asubuhi ya leo kwa ajili ya mchezo wao wa kujiandaa na msimu mpya wa ligi kuu ya Barclays dhidi ya klabu ya Gor Mahia utakaopigwa kesho kwenye uwanja wa Taifa jijini Dar es salaam.
Klabu hiyo imetumia ndege binafsi kutoka Uingereza mpaka Dar es salaam ambapo wamepata mapokezo makubwa kutoka kwa mashabiki wa soka nchini, hasa wanaofatilia kwa karibu ligi kuu ya Uingereza na mchezaji mashuhuri aliyehamia klabu hiyo wiki iliyopita kutokea kwa Mashetani wa jijini Manchester, Wayne Rooney.
Waziri wa Habari, Sanaa, Utamaduni na Michezo, Dkt. Harrison Mwakyembe ameongoza umati mkubwa wa mashabki wa soka waliojitokeza uwanja wa ndege asubuhi hii kuilaki timu ya Everton, jambo lililowafurahisha sana timu nzima ya wakali hao wa Ligi Kuu ya Uingereza.
Katika tovuti ya klabu ya Everton, kikosi hicho kimeelezea kufurahishwa kwake na mapokezi makubwa waliyoyapata kutoka kwa ngoma za kabila la Kimasai na wananchi waliojitokeza kuwapokea na kwamba wachezaji wakikosi hicho wana hamasa kubwa ya kuona vivutio vya Tanzania kwa siku chache zijazo watakazokuwa hapa nchini.
Katika tovuti ya klabu hiyo, Everton wameandika:
“Tumepata mapokezi makubwa sana, ni jambo la kuvutia sana kwetu tulipopokewa na Wamasai. Ni jambo ambalo hatuwezi kabisa kuliona huko kwetu. Tumeshuka moja kwa moja kutoka kwenye ndege na sote tunafurahi sana kuwa hapa.””Tutafanya mazoezi leo usiku na tunausubiri kwa hamu mchezo wetu wa kesho. Lakini kwa sasa tutapimana ubavu tu kwakuwa tumerudi kutoka kambini wiki iliyopita tu. Itakuwa ni mchezo mzuri kwa kujipima nguvu na ni mategemeo yetu kwamba mashabiki wa hapa watajitokeza kwa wingi na wataufurahia mchezo huo.”Klabu hiyo itamenyena na Gor Mahia kesho Alhamis saa 11 jioni katika mchezo huo wa kirafiki. Gor Mahia imefanikiwa kupata nafasi hii baada ya Kampuni ya Bahati Nasibu za Michezo (SportPesa) kuendesha ligi ndogo iliyolenga kupata mshindani wa Everton. Klabu zote za Tanzania zilizoshiriki kwenye ligi hiyo zilitolewa na zote zitabaki kuwa watazamaji.
Tazama picha za mapokezi ya klabu ya Everton iliyowasili nchini leo hii:
Shabiki mnazi wa timu hiyo aliyetangulia kuja nchini siku chache zilizopita, Andrew Pemberton ameposti kwenye akaunti yake ya mtandao wa Twitter akiwaambiwa wenzake kwamba:
“Nimeipeperusha vyema bendera ya Everton nchini Tanzania kwahiyo natumai wenzangu mtanendelea pale nilipoishia mimi.”
Ujumbe huo ameuandika akiweka picha ambayo amepiga akiwa kwenye kilele cha Mlima Kilimanjaro. Mlima mrefu kuliko yote barani Afrika ambapo alipiga picha hito akiwa ameshika bendera ya klabu yake.
Kikosi cha Eveton chenye wachezaji 25 kilichowasili leo ni:
Maarten Stekelenburg, Mateusz Hewelt, Chris Renshaw, Tom Davies, Phil Jagielka, Ashley Williams, Callum Connolly, Jonjoe Kenny, Michael Keane, Muhamed Besic, Leighton Baines, Morgan Schneiderlin, James McCarthy, Davy Klaassen, Gareth Barry, Idrissa Gana Gueye, Joe Williams, Kieran Dowell, Kevin Mirallas, Wayne Rooney, Aaron Lennon, Dominic Calvert-Lewin, Ademola Lookman, Matthew Pennington, Yannick Bolasie.
ASANTE KWA KUTEMBELEA MTANDAO WETU!!

from Blogger http://ift.tt/2udEazH
via IFTTT


KIBITI KWAZIDI KUTISHA, MAUAJI MENGINE YATOKEA USIKU WA KUAMIKIA LEO

KIBITI KWAZIDI KUTISHA, MAUAJI MENGINE YATOKEA USIKU WA KUAMIKIA LEO

Wakati Jeshi la Polisi Tanzania likiendelea kuweka mikakati mbalimbali ya kudhibiti mauaji ya raia yanayoendelea Mkoani Pwani, usiku wa kuamkia leo raia mwingine ameuawa na watu wasiofahamika.
Kamanda wa Polisi Mkoa wa Kipolisi wa Rufiji, Onesmo Lyanga amethibitisha kutokea kwa mauaji hayo ambapo mkazi wa Kitongoji cha Nyambwanda katika Kijiji cha Hanga wilayani Kibiti, Hamis Ndikanye (54) ameuawa kwa kupigwa risasi na watu wasiojulikana usiku wa kuamkia leo Jumamosi akiwa nyumbani kwake.
Kwa mujibu wa maelezo ya ndugu wa marehemu, Hamis Saidi alisema majira ya saa sita za usiku watu takribani watano wakiwa na bunduki walifika nyumbani kwa ndugu yakena kutelekeza mauaji hayo.
Ndugu huyo wa marehemu aliesema kuwa, kabla ya watuhumiwa hao kutekeleza mauaji hayo, walimfunga mke wa marehemu kitambaa usoni na kisha kumpiga risasi mbili mume wake.
Taarifa kutoka kwa Mganga wa Kituo cha Afya Kibiti, Dk Sadock Bandiko zinaeleza kuwa, Ndikaye amepigwa risasi mbili mwilini mwake, moja kichwani na nyingine mgongoni.

from Blogger http://ift.tt/2u9iTIt
via IFTTT


JB- Simba ya Hivi Sasa Ni Nzuri..Lakini Si Kama Ile ya Okwi..!!!

JB- Simba ya Hivi Sasa Ni Nzuri..Lakini Si Kama Ile ya Okwi..!!!

Msanii wa filamu nchini Jacob Stephen maarufu kama JB amefunguka na kusema kuwa kikosi cha Simba cha hivi sasa si kibaya sana ukilinganisha na vikosi kadhaa vya Simba ambavyo yeye anavikubali zaidi. 
JB anadai kuwa katika moja ya vikosi vya Simba ambavyo vimewahi kumkosha sana ni pamoja na kile kikosi kilichoipiga Yanga bao 4 
“Simba ambayo ilinifurahisha naikumbuka ni ile Simba ya CAF, iliyofika fainali ya CAF Simba ile niliipenda sana ile ilikuwa ni Simba bora kwangu mimi, harafu nyuma yake baada ya ile Simba nyingine iliyokuwa nzuri ni ile ya Captain aliyemaliza muda wake Seleman Matola nayo ilikuwa Simba nzuri sana ambayo kwa mara ya kwanza iliweza kuwatoa waarabu kama unakumbuka ni Simba ambayo ilinifurahisha mno” alisema JB 
JB alizidi kufafanua vikosi vya Simba ambavyo kwake vilimkosha kuwa ni pamoja na Simba ile ambayo Okwi aliingia kwa mara ya kwanza. 
“Simba ya Okwi wakati anaingia kwa mara ya kwanza ilikuwa nzuri sana, Simba ile iliyopiga Yanga goli 4 ilikuwa Simba nzuri, na hata hii Simba tuliyonayo saizi si Simba mbaya sana lakini zile za nyuma nadhani zilikuwa katika ubora wake zaidi” JB

from Blogger http://ift.tt/2ohnL6E
via IFTTT


Tajiri Aliyeoa Wake Wawili Ndani ya Saa 48 Aandika Historia

Tajiri Aliyeoa Wake Wawili Ndani ya Saa 48 Aandika Historia

Kwa Javan Bidogo, wale wanaosema “penzi haligawanyiki” ni kama wanaamini msemo uliopitwa na wakati.
Bidogo, mwenye umri wa miaka 42, ameweza kuligawanya penzi lake kwa wanawake wawili ambao aliwaoa ndani ya siku mbili na kwenda nao fungate nje ya nchi kabla ya kurejea nchini ambako sasa anaishi nao nyumba moja.
Ndoa ya zaidi ya mke mmoja si jambo la ajabu, lakini Javan Bidogo na wake zake wawili waliibua mijadala takriban wiki moja iliyopita baada ya picha zao za harusi kurushwa kwenye mitandao ya kijamii.
Akiwa amevalia koti la kitambaa cha velveti cha rangi ya damu ya mzee, upande wa kushoto kukiwa na wasichana watatu na kulia wengine watatu, wote wakiwa wamevalia gauni za rangi hiyo kuanzia kiunoni wakati sehemu ya juu ikiwa ya rangi ya maziwa. “Sikutaka kuwakosa wote kwa kuwa ninawapenda kwa dhati. (Ndio maana) Nikafanya uamuzi. Nilizungumza na Asha (34) akakubali na pia Elvas (21) naye akabariki hilo. Kwa kuwa walikuwa wachumba zangu wa muda mrefu, niliona ni sahihi na nina haki kisheria,” alisema. Hata wake zake, Elvas Kulengwa na Asha Juma wanaonekana si tu kukubaliana na suala hilo, bali kufurahia ndoa hiyo ya mitala, wakionekana wenye tabasamu katika picha zote za harusi na nyingine ambazo zinaonekana kuchukuliwa kabla ya harusi.

from Blogger http://ift.tt/2oMxrYw
via IFTTT


Kategori

Kategori