Showing posts with label Singida. Show all posts
Showing posts with label Singida. Show all posts
Mwenyekiti wa UVCCM Singida, asema watoa rushwa kwenye Uchaguzi Mkuu mwaka huu, wasichaguliwe

Mwenyekiti wa UVCCM Singida, asema watoa rushwa kwenye Uchaguzi Mkuu mwaka huu, wasichaguliwe


mkt
Mwenyekiti wa UVCCM Mkoa wa Singida, Martin Lissu akizungumza kwenye mkutano mkuu wa Uchaguzi wa UVCCM Wilaya ya Singida Mjini juzi, Lissu alikemea vitendo vya rushwa ndani ya CCM.
lissu
Martin Lissu Mwenyekiti wa Uvccm Mkoa wa Singida.
katibu
Katibu wa UVCCM, Wilaya ya Singida Mjini, Pamfil James akisoma taarifa ya chama kwa wajumbe wa mkutano mkuu huo.
wagombea
Wagombea wa nafasi ya Mwenyekiti wa UVCCM Wilaya ya Singida wakiwa wanasubiri matokeo ya uchaguzi huo.
wajumbe
Wajumbe wa Mkutano Mkuu wa UVCCM Wilaya ya Singida Mjini.
mshindi
Jafari Ikaku aliibuka kidedea, kwa kuchaguliwa kuongoza Jumuiya ya UVCCM Wilaya ya Singida Mjini.
sele
Mmoja wa wagombea Seleman Moshi akimwaga sera kwenye uchaguzi huo.
ccm ijayo
Huyu mtoto ni tunda lijalo la CCM, alikuja kwenye uchaguzi huo akiongozana na baba yake mzazi Kessy ambaye ni mgombea Udiwani wa Kata ya Minga kwa tiketi ya CCM.(PICHA ZOTE NA HILLARY SHOO, SINGIDA).
Na Hillary Shoo, SINGIDA
MWENYEKITI wa Umoja wa Vijana (UVCCM) Mkoa wa Singida amekemea rushwa katika chaguzi mbalimbali hapa nchini huku akisema kuwa anayetoa rushwa ili awe kiongozi, je endapo atachaguliwa kwa staili hiyo hizo fedha alizotoa atarejeshaje kama sio kuiibia serikali.
Mwenyekiti huyu Martin Lissu alitoa kauli hiyo mjini hapa wakati akifungua mkutano mkuu wa uchaguzi wa Mwenyekiti wa Jumuiya  hiyo Wilaya ya Singida Mjini kwenye ukumbi wa FDC Singida.
Aidha alisema kuwa katikia kipindeio hiki cha kuelekea uchaguzi mkuu kumekuwepo na matukio mwengi sana ya rushwa miongoni mwa wagombea na kamwe katika uchuzi huo endepo itabainika mgombea kutoa rushwa attengua matokeo yake mara moja.
“ Mimi nachukia sana rushwa na niseme wazi kuwa nikibaini kuwa kuna mgombea ameshinda kwa kutoa rushwa kwa wajumbe, asilani asubuhi tu natengua matokeo yake, hatuwezi kuongozwa na watoa rushwa, na hili nalisema wazi , hata mimi nilichaguliwa kuwa Mwenyekiti wenu sikuwa hata na shilingi moja ndio kwanza nilikuwa natoka chuo kikuu.” Alisisitiza Lissu.
Lissu ambaye aligombea ubunge jimbo la Ikungi Mashariki na kushika nafasi ya pili, nyumba ya Jonathan Njau aliyeshinda, hata hivyo Kamati Kuu ya CCM ilitengua matokeo hayo na hivyo uchaguzi huo utarudiwa tenakutokana na kukiukwa kwa taratibu mbalimbali.
Aidha alisema CCM inaanzia katika ngazi ya familia kwani alama ya jembe na nyundo, hivyo itahakikisha watoto wa maskini watashinda katika chaguzi mbalimbali na ndio maana CCM imekuwa imara katika kudhibiti watoa rushwa kwenye chaguzi zake.
Akizungumzia Mwenyekiti wa CCM, Mgana Msindai kukihama chama na kujiunga na chadema huko ni kukosa dira na mwelelekeo, kwani nafasi ya uenyekiti aliyokuwa nayo Msindai ni kubwa sana ndani ya chama .
Lissu alisema Msindai amelijitia aibu, mkoa na Taifa kwa ujumla kwani ni mtu ambaye alikuwa akiheshimika sana ndani ya chama cha CCM lakini kwa kuwa ameona huko UKAWA kuna manufaa, anamtakia safari njema.
“UVCCM iko imara katika kuhakikisha inakilinda na kukitetea chama, hawa wazee wataendelea kubaki tu kuwa wazee wa Singida, vijana tupo na  ninawahakikishia tutashika dola.” Alisema Lissu.
Katika Uchaguzi huo Jafari Ikaku alichaguliwa kuwa Mwenyekiti wa UVCCM Wilaya ya Singida mjini baada ya kuwashinda wagombea wenzake nane.
Mshindi wa nafasi ya ubunge viti maalum CCM mkoa wa Singida, ampongeza msimamizi wa uchaguzi, Dk.Kone

Mshindi wa nafasi ya ubunge viti maalum CCM mkoa wa Singida, ampongeza msimamizi wa uchaguzi, Dk.Kone


IMG_1615
Mshindi wa kwanza wa nafasi ya ubunge viti maalum CCM mkoa wa Singida, Aysharose Ndogholi Mattembe, akiwashukuru wapiga kura 318 (hawapo kwenye picha). Aysharose  ambaye ni Mkurugenzi wa shule ya British Zanzibar ya Kisauni Zanzibar, alipata ushindi huo mnono baada ya kuwabwaga wapinzani wake 13 kwenye uchaguzi uliofanyika kwenye ukumbi wa mikutano wa kanisa katoliki mjini hapa.
IMG_1574
Mshindi wa kwanza wa nafasi ya ubunge viti maalum CCM mkoa wa Singida, Aysharose Ndogholi Mattembe (kulia) akiwa na msindi wa pili ( kura 235)  nafasi ya ubunge viti maalum CCM mkoa wa Singida, Martha Moses Mlata (kushoto), kwa pamoja wakiwashukuru wapiga kura wao, muda mfupi baada ya kutangazwa washindi. Kwa nyuma yao,ni aliyekuwa msimamizi uchaguzi wa UWT mkoa ambao ulichagua wana CCM wawili nafasi ya ubunge viti maalum, Dk. Parseko Kone.
IMG_1618
Msindi wa kwanza wa nafasi ya ubunge viti maalum CCM mkoa wa Singida, Aysharose Ndogholi Mattembe (wa kwanza kushoto), akiwa na wapinzani wake 12 wakifuatilia ufungaji wa mkutano huo uliofanywa na Katibu UWT mkoa wa Singida, Angela Mirembe.(Picha na Nathaniel Limu).
Na Nathaniel Limu, Singida
MSHINDI wa kwanza ubunge viti maalum (CCM) mkoa wa Singida,Aysharose Ndogholi Mattembe, amemshukru na kumpongeza msimamizi wa mkutano mkuu wa uchaguzi UWT uliofanyika hivi karibuni, Dk.Parseko Kone,kwa madai kwamba alitenda haki kitendo kilichochangia mkutano umalizike kwa amani na utulivu mkubwa.
Uchaguzi huo uliofanyika kwenye ukumbi wa mikutano wa kanisa katoliki mjini hapa,Mattembe alizoa kura 318 na kufuatiwa na Martha Moses Mlata aliyetetea nafasi yake kwa kupata kura 235.
Akifafanua, Mattembe ambaye ni Mkurugenzi shule ya British Zanzibar iliyopo Kisauni,alisema msimamizi huyo ambaye ni mkuu wa mkoa wa Singida,alitenda haki kuanzia mwanzo wa mkutano hadi mwisho.
“Nadhani katika kutaka pasiwepo na malalamiko,msimamizi Dk.Kone,alitutaka sisi wagombea wote tuwepo kwenye chumba cha kuhesabia kura.Uwepo wetu ndani ya chumba hicho,kuliondoka kabisa wazo la  wizi wa kura kwenye uchaguzi wetu”,alisema.
Alisema kuwa kwa ujumla msimamizi alikuwa ‘fair’ kabisa na ndio maana hata wagombea waliopata kura ambazo hazikutosha, kwanza walishukuru uchanguzi umefanyika kwa haki na uhuru na waliondoka ukumbi wakiwa na amani ya hali ya juu pamoja na mashabiki wao.
Katika hatua nyingine,Mattembe aliwaahidi wajumbe wa mkutano huo zaidi ya 940,kwamba hatawaangusha na wategemee ushirikiano na vitendo atavipa kipaumbele zaidi.
Kwa upande wake  msanii maarufu wa filamu na aliyekuwa Mlimbwende nambari moja nchini mwaka 2006, Wema Sepetu ametingisha kwenye kura za maoni kuwania nafasi mbili za ubunge Viti Maalum (Wanawake).
 Katika kinyang’anyiro hicho, Wema alipata kura 90 akiwa nyuma ya wagombea wakongwe watatu; Diana Chilolo aliyeshika nafasi ya tatu kwa kupata kura 182, Martha Mlata aliyeibuka wa pili kwa kura 235 na AyshaRose Matembe aliyekuwa wa kwanza kwa kuzoa kura 318.
 Kwa mujibu wa msimamizi wa uchaguzi huo, Dk Kone, walioshiriki wengine kwenye uchaguzi huo na matokeo yao kwenye mabano kuwa ni Sarah Mwambu (74), Martha Gwau (44), Rehema Madusa (24), Aziza Ntandu (5), Mary Marco (3), Sofia Joseph (2), Salome Mpondo (1), Leah Samike (1) na Elizabeth Lucas (0)
Aidha, msimamizi huyo alimtangaza Sarah Mkumbo kuwa mwakilishi wa kundi la Walemavu wakati Hawa Athman alichaguliwa kuwakilisha kundi la Mashirika yasiyo ya Kiserikali.
Akitoa shukrani zake kwa wajumbe, Wema alisema kuwa anawashukuru wajumbe kwa kuonesha imani kubwa kiasi hicho kwake japo ni mara yake ya kwanza kujitokeza na akawahakikishia kuwa huo ndio mwanzo tu wa safari yake.
Naye Chilolo, ambaye ametumikia nafasi ya ubunge Viti Maalum mkoa wa Singida kwa miaka 15 na sasa ndiye  Mwenyekiti wa UWT mkoa, aliwataka washindi wote kushirikiana kwa dhati ili CCM ipate ushindi kwenye Uchaguzi mkuu Oktoba mwaka huu.
Wataalam JWTZ kuchunguza bomu lililolipuka Singida.

Wataalam JWTZ kuchunguza bomu lililolipuka Singida.

Akieleza zaidi kamanda Sedoyeka amesema baada ya kupeleka zawadi hiyo nyumbani kwake aliyo pewa siku ya tarehe thelasini mwezi wa kumina mbili mwaka jana na kuamua kuifungua tarehe mbili mwezi wa kwanaza mwaka huu na kulipuka, ulikuwa na ujumbe unaosema hatuwezi kufana dili ya shilingi milioni tisini na kutuzurumu.

Jeshi la polisi mkoani Singida limeamua kuagiza wataalamu wa mabomu kutoka jeshi la wananchi mkoani Arusha kwa ajili ya kuchunguza na kubaini kitu ambacho kinasadikiwa kuwa bomu ambalo lilimlipukia mkurugenzi wa halmashauri ya wilaya ya Iramba Bi.Halima Mpita.

Akieleza kwa waandishi wa habari huku akionyesha mabaki ya bomu kamanda wa jeshi la polisi mkoani Singida ACP Thobias Sedoyeka amesema tukio hilo ambalo limetokea siku ya tarehe mbili mwezi wa kwanza, baada ya mkurugenzi wa halmashauri ya wilaya ya Iramba Bi Halima Mpita kupewa zawadi ya mwaka mpya kutoka kwa katibu mutasi wake iliyo ipokea kutoka kwa wadau wake.
Jeshi la polisi mpaka sasa bado hawajafanikiwa kumshika mtu aliye husika na tukio hilo na uchunguzi zaidi unaendelea, ili kuweza kuwabaini walio husika na kuchukuliwa hatua kali za sheria

Zoezi la kupima ulevi na kutokutumia simu kwa madereva wa mabasi sasa Singida


Pc Damiani Christiani wa polisi mkoa wa Singida,akitumia chombo maalum kupimia madereva wa mabasi endapo wametumia kilevi wakati wa zoezi la kampeni ya"Wait to send" lililofanyika katika kituo cha mabasi cha Misuna Singida mjini inayohamasisha madereva kutokutumia simu zao wakiwa wanatumia vyombo vya moto,Kampeni hiyo imedhaminiwa na Vodacom Tanzania.
PC.Abdalah Ramadhani kutoka trafiki makao makuu Dar-es-salaam,akitumia chombo maalum kupimia madereva wa mabasi endapo wametumia kilevi wakati zoezi la kampeni ya"Wait to send" lililofanyika katika kituo cha mabasi cha Misuna Singida mjini inayohamasisha madereva kutokutumia simu zao wakiwa wanatumia vyombo vya moto,Kampeni hiyo imedhaminiwa na Vodacom Tanzania.
Mrakibu msaidizi wa Jeshi la polisi (ACP) mkuu wa kitengo cha elimu kwa umma makao makuu ya usalama barabarani jijini Dar-es-salaam,Abel Swai,akiwahamasisha abiria wa basi la kampuni ya France line lililokuwa likitokea Dodoma kwenda Arusha kutoa taarifa kwa jeshi la polisi endapo watagundua dereva mlevi au akiendesha gari vibaya,ili hatua za haraka ziweze kuchukuliwa ikiwa ni mwendelezo wa kampeni ya"Wait to send"inayohamasisha madereva kutokutumia simu zao wakiwa wanatumia vyombo vya moto,Kampeni hiyo imedhaminiwa na Vodacom Tanzania.

MRAKIBU msaidizi wa polisi makao makuu kitengo cha elimu kwa umma usalama barabarani (trafiki) ACP,Abel Swai,amewataka madereva wa mabasi nchini, kuhakikisha wanakuwa watanashati kwa kuvaa nguo zinazolingana na unyeti wa kazi yao,ili waweze kujijengea mazingira mazuri ya kukubalika na kuaminika na wateja wao (abiria.

ACP Swai metoa wito huo jana wakati akisimamia zoezi la kupima ulevi madereva wa mabasi na kuhakikisha sheria,taratibu na kanuni za usalama barabarani kama zinatekelezwa ipasavyo.Zoezi hilo linaloendeshwa na Jeshi la polisi kwa ushirikiano na Baraza la Taifa la usalama barabarani na Vodacom Tanzania,lilifanyika katika kituo kikuu cha mabasi mjini Singida.

Alisema kwamba wapo baadhi ya madereva wa mabasi licha ya kutofaa sare ya kampuni zao akiwa barabarani,wanavaa nguo ambazo hazifafani na heshima ya kazi anayoifanya, kitendo ambacho baadhi ya abiria kupunguza imani kwake kwa kudhani sio dereva makini.

"Kazi ya udereva wa mabasi ina heshima ya kipekee.Kwa hiyo ni lazima dereva pamoja na kutekeleza kazi yake kikamilifu,pia anapaswa awe nadhifu kwa mavazi yake na vitendo vyake vingi vikubalike mbele ya jamii",alifafanua zaidi ACP Swai.

Kuhusu zoezi lao,mratibu huyo msaidizi,alisema sambamba  na zoezi la kudumu la kupima madereva walevi,pia wamekuwa wakikangua madereva watumiaji wa vyombo vya moto,watembea kwa miguu na wasukuma matoroli kama wanazingatia kikamilifu sheria zote za usalama barabarani bila shuruti.

"Lengo letu ni kuwakumbusha madereva,abiria na wananchi kwa ujumla wajibu wao wawapo barabarani.Abiria kama wanagundua gari wanalosafiria ni mbovu,wamecheleweshwa,dereva ni mlezi au makosa yo yote ya jinai,atoe taarifa haraka kwa jeshi la polisi.Hali kadhalika madereva watimize wajibu wao kwa mujibu wa sheria.Wakati wote wazingatie au waheshimu alama na mistari iliyowekwa barabarani"alisema.

Alisema endapo kila Mtanzania atatambua anatakiwa afanye nini ili kuokoa maisha ya mwezake,ajali ya barabarani zinazopotesha maisha ya watu na mali zao,zitapungua kwa kiasi mkikubwa.

ACP Swai ametumia fursa hiyo kuwakumbusha madereva kuacha kutumia pombe wakati wakiwa barabarani kwa madai kwamba zinasabaisha wakose umakini na kunza kutoa maamuzi ambayo ni hatari kwao na wateja wao.Pia amesema ni marufuku mabasi ya masafa marefu kuwa na dereva mmoja,ni lazima wawe wawili.


Katika zoezi la kupima madereva watumiaji wa pombe wakiwa barabarani, lililofanyika mjini hapa jana,madereva wawili  wa nje ya mkoa huu,waligundulika kutumia pombe na wanashikiliwa na jeshi la polisi mjini hapa.
Na Michuzi-Matukio

Kategori

Kategori