Showing posts with label 2017 at 02:20PM. Show all posts
Showing posts with label 2017 at 02:20PM. Show all posts
PICHA: WAFUASI WA MAALIM SEIF NA LIPUMBA WAZICHAPA MAHAKAMANI

PICHA: WAFUASI WA MAALIM SEIF NA LIPUMBA WAZICHAPA MAHAKAMANI

Wafuasi wa Chama na Wanawanchi (CUF) wanaomuunga mkono Katibu Mkuu wa CUF, Maalim Seif na wale wanaomuunga mkono Mwenyekiti wa CUF, Prof. Lipumba wamepigana wakiwa katika eneo la Mahakama Kuu ya Tanzania Dar es Salaam.
Wafuasi hao walifika mahakamani hapo kwa ajili ya kutolewa kwa uamuzi wa mapingamizi ya wabunge wanane na madiwani wawili wa CUF wanaopinga kuvuliwa uanachama. Mahakama hiyo pia inatarajiwa kutoa maamuzi ya pingamizi moja kati ya manne dhidi ya maombi ya kupinga kuvuliwa uanachama ambayo yaliwekwa na serikali.
C

from Blogger http://ift.tt/2uav6Nf
via IFTTT


UAMUZI WA BODI YA MIKOPO KWA WALIOSITISHA MASOMO AU KUKUTWA NA VYETI FEKI

UAMUZI WA BODI YA MIKOPO KWA WALIOSITISHA MASOMO AU KUKUTWA NA VYETI FEKI

Bodi ya Mikopo ya Wanafunzi wa Elimu ya Juu (HESLB) imesema kuwa, haijalishi mnufaika wa mkopo wa elimu ya juu alipatwa na kadhia ya vyeti feki au alifeli shule na hivyo kusitishiwa masomo, ilimradi alikopa anatakiwa kulipa deni lake.
Akizungumza Dar es Salaam jana na waandishi wa habari, Mkurugenzi Mtendaji wa HESLB, Abdurazack Badru alisema, hadi sasa tayari wamekusanya Tsh 216.9 bilioni kati ya Tshh 427.7 bilioni za mikopo iliyoiva ambayo ipo tayari kukusanywa. Pia imesema licha ya kuendelea kuwatafuta wadaiwa sugu 100,000 kwa sasa, katika mwaka wa 2016/17 walifanikiwa kuvuka lengo la makusanyo waliyojiwekea ambapo walikusanya bilioni 116 kutoka lengo walilojiwekea la bilioni 76.
Badru alisema kuwa mafanikio hayo yametokana na hatua tatu kuu za kuhakikisha marejesho ya mikopo yanafanyika, ambazo ni pamoja na kuwatafuta wadaiwa sugu wa kuanzia mwaka fedha 1994/95.
Alitaja hatua nyingine mbali na kutoa ankara kwa wadaiwa kuwa ni kuwatafuta wanufaika, kupata taarifa zao muhimu pamoja na ukaguzi mahali pa kazi. Kwa mujibu wa Badru, hadi kufikia Juni mwaka huu, wanufaika 139,259 walitambuliwa na kuanza kulipa marejesho ya mikopo yao.
Miongoni mwa wanufaikaji wengi waliochangia kiasi hicho cha fedha wapo katika sekta ya umma ambao wamewekewa mfumo mrahisi wa kuwabaini na kurejesha mikopo hiyo, alisema Badru.
“Sekta binafsi nayo imetusaidia ingawa kundi la waliojiajiri mfano kuendesha bodaboda na wanaoendesha kilimo na ujasiriamali mwingine lenye wanufaika 28,893 nalo limerejesha jumla ya Sh bilioni 13.7 na kutuonesha mwitikio mkubwa zaidi,” alieleza.
Akielezea miongoni mwa changamoto ambazo wanakumbana nazo sana alisema ni kutokuwa na taarifa za baadhi ya wanufaikaji sehemu wanapofanyia kazi kama wameajiriwa au kujiajiri, lakini pia baadhi ya waajiri ama kwa makusudi au kutokuju hawawasilishi michango ya wafanyakazi wao wanayowakata.
Badru alisema wamewafikisha mahakamani waajiri watatu ambao ni kampuni kwa makosa hayo ya kukaa na fedha za marejesho ya mikopo ilhali wamekwishayatoa kwenye mishahara ya wanufaika ambao ni waajiriwa wao.
ASANTE KWA KUTEMBELEA MTANDAO WETU!!

from Blogger http://ift.tt/2tdZZLr
via IFTTT


Video: Ndondo Cup haiishiwi vituko, angalia shabiki alivyooga uwanjani

Jata Boy ni shabiki wa Ndondo Cup ambaye msimu huu 2017 amekuja kwa style ya aina yake ambayo ni mpya kabisa kwenye michuanono hii, Jata Boy aliamua kuoga uwanjani kisha kujiremba na kuvaa nguo zake na kuendelea kushangilia.
Anafanya yote hayo kwa ajili ya kutaka kuwa shabiki bora ili anyakue tuzo ya kikundi bora cha ushangiliaji tuzo ambayo imekuwa ikidondoka mikononi mwa Chief wa Kauzu.
ASANTE KWA KUTEMBELEA MTANDAO WETU!!

from Blogger http://ift.tt/2s577df
via IFTTT


BREAKING: VIGOGO WA ESCROW WAFIKISHWA MAHAKAMANI LEO

BREAKING: VIGOGO WA ESCROW WAFIKISHWA MAHAKAMANI LEO


Taasisi ya Kuzuia na Kupambana na Rushwa (TAKUKURU) aimewafikisha katika Mahakama ya Hakimu Mkazi Kisutu wafanyabiashara James Rugemarila na Harbinder Sethi kwa tuhuma za uhujumu uchumi na makosa mengine yanayofanana na hao.
Hayo yamesemwa leo na Mkurugenzi Mkuu wa TAKUKURU, Valentino Mlowola alipokuwa akizungumza na waandishi wa habari ambapo alisema kuwa muda mrefu wamekuwa wakiulizwa kuhusu kesi ya Escrow hivyo sasa anaamini ni wakati muafaka wa kuwafikisha watuhumiwa hao wawili mahakamani.
Mlowola alisema kuwa taasisi hiyo imefanya uchunguzi wa kutosha kwa muda wote ambao ilikuwa kimya, na hivyo wamefikishwa mahakamani kisutu na baada ya hapo mahakama itafanya taratibu za kuhamishia kesi hiyo katika Mahakama ya Rushwa na Uhujumu Uchumi.
Kabla ya vigogo hawa wawili kufikishwa mahakamani leo, baadhi ya watumishi wa TANESCO tayari walishtakiwa kufuatia tuhuma za kupokea fedha kutoka kwa Mkurugenzi wa Kampuni ya VIP Engeneering & Marketing ambaye pia alikuwa Mkurugenzi wa kampuni ya kufua umeme ya Independent Power Tanzania Ltd (IPTL), James Rugemalira.
 ASANTE KWA KUTEMBELEA MTANDAO WETU!!

from Blogger http://ift.tt/2rMX1gk
via IFTTT


Maisha Ya Mke wa Deo Filikunjombe Baada ya Miaka Miwili ya Kifo Cha Mumewe..!!!

Maisha Ya Mke wa Deo Filikunjombe Baada ya Miaka Miwili ya Kifo Cha Mumewe..!!!

MAMA shujaa! Ikiwa imebaki miezi minne na siku kadhaa itimie miaka miwili kutokea kwa kifo cha aliyekuwa kada muaminifu wa Chama Cha Mapinduzi (CCM) na Mbunge wa Jimbo la Ludewa mkoani Njombe, marehemu Deo Haule Filikunjombe, mkewe Sarah Filikunjombe (Pichani) amethibitisha ushujaa kwa kuendelea kupambana na changamoto za kimaisha na kufikia vilele mbalimbali vya mafanikio, Ijumaa limemfungia kazi.
Mwishoni mwa wiki iliyopita na mwanzoni mwa wiki hii, kwa siku tatu tofauti, waandishi wetu walijipa kazi ya ziada ya kumtafuta Sarah ili kujua nini kimeendelea katika maisha yake baada ya kuondoka kwa mumewe ambapo walibaini mambo mengi mazuri yenye kutia moyo, ambayo mama huyu licha ya kuonekana sistaduu, ameyafanya kwa ujasiri wa kipekee.
IJUMAA NYUMBANI KWAKE
Hatimaye Jumanne mchana, gazeti hili lilifika nyumbani kwake, Kijichi Mbagala jijini Dar na kufanya naye mahojiano ambapo alitoa ushirikiano wa kutosha na kufunguka mengi juu maisha yake tangu kuondokewa na mumewe.
BAADA YA KIFO CHA MUMEWE
“Kufiwa ni kovu la milele maishani, kifo cha mume wangu kiliniumiza sana na hata sasa sijapona jereha hilo, nililia, nilihuzunika na bado nahuzunika lakini ilikuwa lazima maisha yaendelee. Aliniacha na watoto ambao bado ni wadogo hivyo wanahitaji uangalizi wa hali ya juu, kwa hiyo ilinibidi nijipange upya namna ya kuwatunza,” alisema Sarah na kuongeza; “Ukiondoa nyumba na miradi mingine, mume wangu aliacha Kampuni ya Jumbo Camera House inayojishughulisha na uuzaji wa kamera za kisasa, iliyopo Posta Mpya, kwenye Jengo la Benjamin Mkapa, lakini sikutaka kabisa kutegemea kitu hicho pekee, niliamua kuangalia njia nyingine za kuingiza kipato ili nikikusanya huku na huku, maisha yanasonga kwa wepesi.
“Hivyo, nilianza kujishughulisha na kilimo na ufugaji ambapo nafuga kuku wa kisasa na pia nina mabwawa ya kufuga samaki aina ya kambale, vyote hivyo viko wilayani Mkuranga Mkoa wa Pwani, pia nimewekeza kwenye vinywaji ambapo nimefungua baa iliyopo Vianzi hukohuko Mkuranga na vilevile niko kwenye hatua ya mwisho kukamilisha mradi wa kuuza unga wa sembe ambao nitakuwa naufunga kwenye viroba, yote hayo yako chini ya Kampuni ya Tripple L, ambayo inawakilisha majina ya wanangu wapendwa watatu, Lee, Levis na Larry ambapo hata nembo ya viroba vya unga itakuwa na picha yetu wote wanne,” alisema Sarah.
MARAFIKI WAPO PAMOJA NAYE?
“Idadi imepungua kwa kweli, hata wale marafiki waliokuwa karibu na mume wangu hawana tena ule ukaribu kama ilivyokuwa zamani, lakini huwezi kulaumu maana majukumu yanabana na kila mtu anapambana kukimbiza ndoto zake maishani.
“Hata marafiki zangu wamebaki wachache sana, wengi walidhani ningekuwa tegemezi na niseme bila kuficha walikuwa karibu na mimi kipindi mume wangu akiwa hai, wakitarajia msaada wa haraka . Sasa mambo yamebadilika, ingawa mimi nipo na ninapigana na maisha, simtegemei mtu zaidi ya Mungu na wale wanaokuwa karibu yangu maana sasa nina marafiki wapya kabisa,” alisema Sarah.
KUNA HILI LA MADENI “Katika mzunguko wa kutafuta mafanikio maishani, hususan kwa wafanyabiashara jambo la madeni halikwepeki, iwe kudai au kudaiwa. Sisi tunadaiwa na duka moja kule Dubai, wakati mume wangu akiwa hai, alikopa mzigo na alifariki tukiwa bado hatujakamilisha lakini Mungu yu mwema ulipaji utakamilika na pia tuna pesa tunadai, siwezi kusema ni wapi lakini ieleweke tu kwamba kuna mahali tunadai na vilevile matarajio ya kulipwa ni makubwa,” alisema.
SUALA LA MIRATHI LIKOJE?
“Kuna watu wanashughulikia jambo hilo, hivyo siwezi kulisemea chochote.”
ANASAIDIA NYUMBANI KWAO?
“Japo si kwa haraka kama ilivyokuwa zamani, sasa hivi wakihitaji msaada kutoka kwangu, lazima niwaambie wasubiri kwanza nijikusanye au kuangalia kilichopo kwa wakati huo, unajua kwenye familia yetu ni mimi na dada yangu ndiyo tumejaaliwa kuwa na unafuu wa kimaisha hivyo familia yetu ni ya kawaida sana kwa maana ya kipato,” alisema Sarah.
MSAADA KWA WANAWAKE WENZAKE
“Sitaki kujisifia juu ya hilo, lakini kwa kidogo nilichojaaliwa kwa maana ya mawazo ya kimaisha, huwa nashirikiana sana na wanawake wenzangu, hususan wajane kama nilivyo, kuna kipindi nilikuwa naendesha mafunzo ya namna ya kufuga samaki bure na elimu ya kufungua miradi mbalimbali, sikutaka malipo yoyote na hata sasa huwa nawafundisha, nikitarajia malipo kutoka kwa Mungu,” alisema Sarah.
VIPI KUHUSU MRITHI WA DEO?
“Hapana, kwa sasa nimeelekeza nguvu na akili yangu yote kwa wanangu, nawapenda mno, zaidi ya neno lenyewe na hata wao wanajua kuwa nawapenda, napambana kuhakikisha wanapata mahitaji yao yote kwa wakati, sitaki kujiingiza kwenye mambo ya kuwekeana msongo wa mawazo na mwanaume mwingine, pia hayupo wa kuziba pengo la marehemu mume wangu mpendwa, ameacha nembo ya milele maishani mwangu, kwa hiyo siwezi kuwaza kuwa na mtu kwa sasa,” alisema.
NENO LAKE KWA WAJANE NA WANAWAKE KWA UJUMLA
“Kufiwa ni jambo moja, lakini haipaswi kulia tu
bila kutenda jambo. Kama nilivyosema mwanzoni, kovu la kufiwa lina maumivu ya kuvuka kiwango cha kutamkwa, lakini lazima mwanamke asimame na kupambana na maisha, wapo wanawake wengi walifiwa na wanaume zao na kuwaacha mikono mitupu kabisa, wakati mwingine kunyang’anywa kila kilichokuwepo na baadhi ya ndugu, lakini leo hii wamesimama na kufanikiwa zaidi ya ilivyokuwa awali. “Nguvu ya mwanamke ni kubwa, mwanamke ni kiumbe wa pekee mno akiamua kufanya jambo kwa kuielekeza akili na nguvu yote kwenye jambo husika, lazima lifanikiwe ndiyo maana kuna ule msemo kwamba nyuma ya mafanikio ya kila mwanaume kuna mwanamke, hivyo sisi ni Generation point (chanzo cha uzalishaji) ya mafanikio, Mungu ameweka nguvu kubwa mno maishani mwetu, wanawake tuamke na tuzidi kupambana huku tukimuweka Mungu kama nguzo muhimu maishani,” alisema Sarah.
ANAO MPANGO WA KUJITOSA KWENYE SIASA?
“Sifikirii, nina mambo mengi sana kuhusu maisha na siasa inahitaji muda wa kutosha katika kuwahudumia wananchi, nilikuwa naona wakati wa mume wangu, jinsi alivyokuwa akijitoa kwenye siasa na wakati mwingine zaidi ya ilivyokuwa kwa familia, kwa hiyo sina wito wa siasa, mimi napambana na maisha tu,” alisema Sarah Filikunjombe katika mahojiano hayo maalum.
NI MAUMIVU KUKUMBUKA, LAKINI TURUDI NYUMA KIDOGO
Marehemu Deo Haule Filikunjombe alifariki dunia Oktoba 15, mwaka 2015 wakati wa kampeni za uchaguzi mkuu, katika ajali ya chopa ilikuwa na usajili namba 5Y-DKK ndani ya Hifadhi ya Taifa ya Selous, ambapo watu wengine watatu walifariki, akiwemo rubani William Silaa, aliyekuwa Katibu Tawala wa Wilaya ya Tarime mkoani Mara, Egdi Mkwera na aliyekuwa mtumishi wa Halmashauri ya Wilaya ya Ludewa, Vitalis Blanko Haule

from Blogger http://ift.tt/2r6i8eP
via IFTTT


Timu ya Kagera Sugar Yaipinga TFF Kuipa Simba Point 3, Yaandika Barua Hii

Timu ya Kagera Sugar Yaipinga TFF Kuipa Simba Point 3, Yaandika Barua Hii

KLABU ya Soka ya Kagera imeaiandikia barua Shirikisho la Mpira wa Miguu Nchini (TFF) kulalamikia maamuzi yaliyotolewa na kamati ya saa 72 kwa kuipatia pointi tatu timu ya Simba ikidaiwa wamemchezesha mchezaji mwenye kadi tatu za njano.
Braua hiyo iliyopelekwa moja kwa moja kwa Mtendaji Mkuu wa TFF, Selestine Mwesigwa imeandikwa na Mwenyekiti wa klabu hiyo Hamis Mdaki na kuelekeza malalamiko yao ya kutokubaliana na maamuzi ya kamati ya saa 72.
Hukumu ya kuipatia Simba alama hizo ilitoka jana usiku naada ya Mwenyekiti wa Bodi ya Ligi Mohamed Yahya alitoa maamuzii hayo mbele ya waandishi wa habari na kusema kuwa kamati imethibitisha kuwa Mchezaji Mohamed Fakhi alikuwa na kadi tatu za njano alizozipata katika michezo dhidi ya Prisons, Majimaji na African Lyon.
Hukumu hiyo imeonekana kutokukubalika kwani kamati ilishindwa kupitia ripoti za waamuzi baada ya kuonekana kutofautiana baina ya mwamuzi na kamisaa wa mchezo na kuamua kuwaita waamuzi waje kuthibitisha kama ni kweli Fakhi alipewa kadi ya njano.
Kagera wamemtaka katibu mkuu kuiangalia upya hukumu hiyo kwani wana uhakika kuwa Fakhi alikuwa na kadi mbili za njano na sio tatu kama wanazodai Simba. Katika mchezo huo wa Kagera walifanikiwa kutoka na ushindi wa goli 2-1 dhid ya Simba uliochezwa kwenye dimba la Uwanja wa Kaitaba Mkoani Kagera.
Baaada ya maamuzi hayo Simba wamejikita kileleni zaidi wakiwa na alama 61 wakifuatiwa na Yanga wenye alama 56.

from Blogger http://ift.tt/2pi6j6X
via IFTTT


Kategori

Kategori