Showing posts with label June 16. Show all posts
Showing posts with label June 16. Show all posts
Wajue Vigogo wa Dunia Walio Nyuma ya Acacia Katika Sakata la Madini Ambao Watatua Nchini Kuikabili Kamati ya Magufuli..!!!

Wajue Vigogo wa Dunia Walio Nyuma ya Acacia Katika Sakata la Madini Ambao Watatua Nchini Kuikabili Kamati ya Magufuli..!!!

Wakati Serikali na kampuni ya Acacia zikiwa zinajiandaa kwa mazungumzo ya kumaliza mzozo wa usafirishaji mchanga wa madini nje ya nchi, taarifa zinaonyesha timu ya Tanzania itakuwa na kazi ngumu kukabiliana na upande wa pili.
Timu ya kampuni hiyo kubwa ya uchimbaji madini itaundwa na viongozi kutoka kampuni ya Barrick Gold Cooperation na Acacia.
Barrick inamiliki zaidi ya asilimia 63 za hisa za Acacia, ambayo inaendesha migodi ya Buzwagi, Bulyanhulu, inayozalisha mchanga unaosafirishwa nje kwa ajili ya kwenda kuuyeyusha kupata mabaki ya madini, pamoja na North Mara.
Mazungumzo hayo kwa upande wa Barrick yatahusisha vigogo 12 ambao ni wajumbe wa Bodi ya Kimataifa ya Ushauri, ambayo kwa mujibu wa tovuti yao imepewa jukumu la kutoa ushauri kwa Bodi ya Wakurugenzi na menejimenti kuhusu masuala ya ardhi na siasa na mambo mengine ya kimkakati yanayoathiri kampuni.
Vigogo hao ni pamoja na mawaziri wakuu wawili wa zamani, na mawaziri watatu wa zamani wa nchi nne tofauti zilizoendelea.
Mwenyekiti wa bodi hiyo ni Brian Mulroney, aliyekuwa Waziri Mkuu wa Canada kati ya mwaka 1984 na 1993, Jose Maria Aznar, aliyekuwa Waziri Mkuu wa Hispania (1996-2004), pamoja na aliyekuwa spika wa Bunge la Marekani Newt Gingrich (1995-1999) na ambaye pia ni shabiki mkubwa wa Rais Donald Trump ndani ya chama cha Republican.
Wajumbe wengine wazito ni John R. Baird, aliyekuwa Waziri wa Mambo ya Nje wa Canada (2011-2015) , William S. Cohen, aliyekuwa Waziri wa Ulinzi wa Marekani (1997-2001) na Karl-Theodor zu Guttenberg aliyekuwa Waziri wa Ulinzi wa Ujerumani (2009-2011).
Mwingine ni Charles Powell, aliyekuwa mshauri wa mambo ya nje wa Margareth Thatcher (Waziri Mkuu wa zamani wa Uingereza na John Major (1990). Kwa sasa Powell ni mjumbe wa Bunge la Mabwenyenye na amekuwa mshauri wa kampuni za Rolls-Royce na BAE Systems.
Wajumbe wengine wa bodi hiyo ni Peter Munk, muasisi na mwenyekiti wa Emeritus, Barrick Gold Corporation, mshauri wa kampuni za Akin, Gump, Strauss, Hauer & Feld na L.L.P, Vernon E. Jordan Jr, Andrónico Luksic na Gustavo Cisneros, mwenyekiti wa Cisneros Group of Companies ya Jamhuri ya Dominica.
Mwenyekiti mtendaji wa Barrick, Profesa John Thornton, ambaye alikutana na Rais Magufuli Jumatano na kukubaliana kuanza mazungumzo ya kumaliza mzozo wa suala hilo, pia ni mjumbe wa bodi hiyo.
Kwa upande mwingine, bodi ya Acacia inaundwa na watu wanane, akiwemo Mtanzania Juma Mwapachu, ambaye alikuwa katibu mkuu wa Jumuiya ya Afrika Mashariki. Mwenyekiti wa bodi hiyo ni Kelvin Dushnisky ambaye pia ni Rais wa Barrick. Mjumbe mwingine ni ofisa mtendaji mkuu wa kampuni hiyo, Brad Gordon.
Wakati Rais Magufuli alisema baada ya kukutana na Profesa Thornton kuwa Acacia imekiri makosa na imekubali kulipa deni, kampuni hiyo juzi usiku ilitoa ufafanuzi kuwa licha ya kukubaliana kuingia katika mazungumzo, “hakuna makubaliano yoyote yaliyofikiwa, lakini mazungumzo yatalenga kutafuta suluhisho kwa ajili ya maslahi ya pande zote mbili”. 
Credit – Mwananchi
 ASANTE KWA KUTEMBELEA MTANDAO WETU!!

from Blogger http://ift.tt/2t9ZWBG
via IFTTT


Breaking News..CCM Kuwatimua Wote Waliotajwa Kwenye Ripoti ya Ufisadi ya Mchanga wa Madini..Yupo Chenge na Genge Lake..!!!

Breaking News..CCM Kuwatimua Wote Waliotajwa Kwenye Ripoti ya Ufisadi ya Mchanga wa Madini..Yupo Chenge na Genge Lake..!!!

Ripoti ya kamati ya pili ya makinikia iliyowasilishwa mwanzoni mwa wiki, inawaweka katika wakati mgumu vigogo watano wa CCM, imefahamika.
Ripoti ya kamati hiyo iliyoongozwa na Profesa Nehemiah Osorro ilipendekeza vigogo waliohusika kuingia mikataba mikubwa ya migodi ya madini na kulitia hasara Taifa, wachukuliwe hatua kali za kisheria.
Kitendo cha Rais John Magufuli kukubali mapendekezo yote 21 ya kamati hiyo, ikiwamo kuwachukulia hatua waliotajwa katika ripoti hiyo, kunafanya uhai wa vigogo hao ndani ya chama tawala kuwa shakani.
“Tutawashughulikia wote, ambaye hataguswa ni marehemu tu,” alisema Magufuli huku akiagiza vyombo vya dola kuanza kuwahoji wote waliotajwa.
Mbali na kauli hiyo ya Rais, jana Katibu wa Itikadi na Uenezi wa CCM, Humphrey Polepole alitaka vyombo vya dola viharakishe uchunguzi wao, huku Mwenyekiti wa CCM Mkoa wa Geita, Joseph Kasheku, maarufu kwa jina la Msukuma, akishauri wahusika watimuliwe kutoka chama hicho tawala.
Miongoni mwa vigogo waliotajwa kuhusika kuingia mikataba hiyo ni mawaziri wa zamani wa Wizara ya Nishati na Madini; Dk Abdallah Kigoda (marehemu), Daniel Yona, Nazir Karamagi, William Ngeleja na Profesa Sospeter Muhongo.
Wengine ni wanasheria wakuu wa zamani na manaibu; Andrew Chenge, Johnson Mwanyika, Felix Mrema na Sazi Salula.
Mbali na hao pia wamo makamishna wa madini na wakuu wa idara ya mikataba wa zamani; Paulo Masanja, Ally Samaje, Dk Dalaly Kafumu, Maria Ndossi na Julius Malaba.
Lakini, ambao wanaweza kujikuta matatani ni wale walio kwenye ngazi za uongozi wa chama hicho tawala.
Vigogo hao wanaoweza kuchukuliwa hatua ndani ya chama hicho ni Profesa Muhongo, Karamagi, Ngeleja, Chenge na Kafumu ambao ni wajumbe wa Halmashauri Kuu ya CCM na baadhi ni wabunge.
Chenge ni mbunge na mwenyekiti wa Bunge na iwapo ataondolewa CCM atapoteza nafasi yake ya ubunge wa Bariadi Magharibi kama ilivyo kwa wengine wanaoshika nafasi hiyo.
Wabunge hao – Kafumu (Igunga), Profesa Muhongo (Musoma Vijijini) na Ngeleja (Sengerema) – wanaweza kujikuta wakipoteza nafasi za uwakilishi wa wananchi wao bungeni iwapo watavuliwa uanachama.
Karamagi, mfanyabiashara ambaye amewahi kuwa mbunge wa Bukoba Vijijini alishindwa katika mchujo wa chama chake kwenye uchaguzi wa 2010 ikiwa ni miaka miwili tangu ajiuzulu uwaziri wa nishati na madini kutokana na kashfa ya mitambo ya kufua umeme ya Richmond.
Akizungumza Machi 11 kwenye Mkutano Mkuu Maalumu wa CCM mjini Dodoma, Polepole alisema chama hicho hakiwezi kuwavumilia wanachama na viongozi watakaokwenda kinyume na maadili.
“Wanachama na viongozi wa CCM, ambao kwa wakati wowote ule watakwenda kinyume cha maadili, watakihujumu Chama cha Mapinduzi, watajihusisha na rushwa, ubadhirifu na tabia zozote zile ambazo kwa asili yake zinakwenda kinyume na uongozi bora na uaminifu, (wataadhibiwa) kuhakikisha chama chetu kinakuwa ni mfano wa vyama vyote sio tu Tanzania, lakini Afrika nzima kwa ujumla,” alisema Polepole.
Alitoa kauli hiyo alipokuwa akitangaza kuwatimua wanachama 12, wakiwamo wajumbe wawili wa Halmashauri Kuu, wenyeviti wanne wa mikoa, watano wa wilaya na mwenyekiti wa UWT kwa madai ya kukisaliti chama hicho wakati wa Uchaguzi Mkuu 2015.
Waliofukuzwa wakati huo ni pamoja na Sophia Simba, ambaye alikuwa Mwenyekiti wa UWT na Mjumbe wa Kamati Kuu ya CCM.
Wenyeviti wa mikoa waliotimuliwa ni Jesca Msambatavangu (Iringa), Ramadhani Madabida (Dar es Salaam), Erasto Kwilasa (Shinyanga) na Christopher Sanya (Mara).
Wajumbe wa Halmashauri Kuu waliofukuzwa uanachama ni Ally Sumaye (Babati Mjini) na Erasto Manga (Arumeru).
Ikiwa ni miezi mitatu tangu CCM ifanye uamuzi huo mgumu, suala hilo linaweza kujirudia tena, lakini safari hii kwa wanachama ambao tuhuma zao hazihusiani moja kwa moja na chama.
Jana, Polepole aliendelea kuwa na msimamo huohuo aliposema chama hicho kinasubiri makada hao wahojiwe na kwamba ikithibitika walihusika watachukuliwa hatua za kinidhamu.
“Tunaomba vyombo vya dola vianze kazi ya kuwahoji watu hao haraka na makada waliotajwa watoe ushirikiano ili ukweli ujulikane ili chama kiwachukulie hatua za kinidhamu,” alisema.
Alisema chama hicho kinampongeza Rais John Magufuli kwa ujasiri aliounyesha katika kusimamia rasilimali za Watanzania.
“Tunamuunga mkono Rais Magufuli, tuko pamoja naye ameonyesha kuwa Serikali ya Awamu ya Tano si ya kinyonge,” alisema.
Alisema Watanzania wanatakiwa kushirikiana katika kipindi hiki kumuunga mkono Rais ili apate nguvu ya kusimamia rasilimali nyingine.
“Wako watu wachache ambao wanataka kumkatisha tamaa, lakini tulio wengi tuendelee kushikamana kumpa moyo Rais wetu,” alisema.
“Katika Ilani ya CCM, kifungu cha 35 (k) tumeweka wazi kuwa tutarekebisha mfumo wa uendeshaji wa migodi ili kukomesha utoroshaji wa madini kwenda nje ya nchi,” alisema.
Alisema pamoja na ilani kuahidi hayo, kitendo cha Rais Magufuli kimewapa nguvu Watanzania ya kusimamia rasilimali za nchi.
“Tunaomba aendelee kutuongoza kusimamia madini mengine kama almasi na rasilimali nyingine za nchi,” alisema.
Msukuma akoleza moto
Suala hilo pia lilijitokeza bungeni, ambako Kasheku “Msukuma” alisema wakati akichangia mjadala wa bajeti ya mwaka 2017/18 kuwa wana-CCM waliotajwa katika sakata la mchanga wa madini wachukuliwe hatua.
Msukuma ambaye pia ni Mbunge wa Geita Vijijini, alisema: “Tufike mahali tuambiane ukweli tuache mizaha. Wote tumeangalia ripoti ya maprofesa, watu tusiosoma na wananchi wetu kule vijijini. Halafu wabunge mliotajwa kutoka CCM mnaanza kuweka kwenye twitter (mtandao) mimi sihojiwi mpaka nini?
“Hivi kweli wezi wana kinga? Kama kweli wametajwa ni wezi, hata kama wapo CCM hili sio suala la mizaha. Kuna maisha ya watu na watu tumeumia, watu mmetajwa wabunge wenzangu wa CCM humu. Halafu mzee wetu tunayemuheshimu humu ndani anasema hawezi kuhojiwa mpaka mahakamani, yeye ni nani?”
Msukuma alisema watu waliburuzwa sana miaka iliyopita na kwamba kuna watu walikwenda Ulaya wakasaini mikataba huko na wakawagawana fedha.
“Naomba kama kuna uwezekano hawa watu kama ni mbunge, kama ni nani wakamatwe. Wanaotusumbua humu ndani ni haohao wametajwa kwa Profesa Osorro, katajwa Kafumu, Ngeleja na Chenge,” alisema.
“Wanakinga gani kama wezi? Kwani magereza imewekwa kwa ajili ya kina babu Seya peke yao? Tufike mahali tulipiganie Taifa hili. CCM sio kichaka cha wezi. Kila mwaka kila tuhuma mtu anatajwa. Tufike mahali tuwe serious kwenye suala hili.”
Msukuma alimpongeza Rais kwa kumtumbua aliyekuwa Waziri wa Nishati na Madini, Profesa Muhongo na kisha akageuka na kuuliza, “Sijui kama yupo humu nina hamu naye kweli.
“Rais alisema aliamini vyeti, lakini vimemuangusha, halafu juzi tu alisema mara tatu PhD 17 za BoT (Benki Kuu Tanzania). Nilikuwa naishauri Serikali tuangalie uwezo wa mtu na ikiwezekana hata mawaziri hawa wawe wanafanyiwa interview.
“Haiwezekani unakuwa na watu wana PhD za kutisha. Tunapogundua wezi, haohao wenye PhD wanaanza kututisha sisi ambao hatuna digrii. Sasa yako wapi madigrii tunayoyategemea hapo?” alihoji.
“Tufanye kitu cha msingi kama wabunge hata kama kubadilisha sheria tusiamini haya madigirii na mavyeti makubwa. Kwa kuwa Katiba ilitamka elimu kubwa katika baadhi ya vyeo watu waliforge (walighushi), hivyo vyeti na matokeo yake tunayaona leo hapa,” alisema.
Ngeleja, mmoja wa waliotajwa, aliposimama alielezea umuhimu wa kuangalia upya Sheria ya Madini akisema kuna kifungu kinaruhusu na baadaye kutaka Bunge limpe Rais heshima kwa kusimama na wabunge wakasimama wakipiga makofi.
Kitendo hicho kilimfanya mbunge wa Mbozi (Chadema), Pascal Haonga kusimama kumpa taarifa Ngeleja kwamba awaeleze Watanzania anahusikaje kwenye makinikia.
Lakini Mwenyekiti wa Bunge, Mussa Azzan Zungu alimzuia Ngeleja kujibu taarifa hiyo na kumruhusu aeendelee kuchangia.
Kabla ya kuendelea, Ngeleja alimjibu Haonga akisema: “Mdogo wangu Haonga anafahamu kutuhumiwa si kupatikana na hatia. Maisha yanaendelea na kazi inaendelea tunazungumzia masilahi ya Taifa.” 
Credit – Mwananchi

from Blogger http://ift.tt/2rnoea8
via IFTTT


Wabunge wa CCM Wafunguka ya Moyoni Juu ya Sababu za Kushuka kwa Umaarufu wa JPM..!!

Wabunge wa CCM Wafunguka ya Moyoni Juu ya Sababu za Kushuka kwa Umaarufu wa JPM..!!

Wabunge wa chama tawala wameunga mkono ripoti ya Taasisi ya Twaweza inayoeleza kushuka kwa ushawishi wa Rais John Magufuli.
Ripoti hiyo iliyotolewa jana na kubainisha kwamba umaarufu wa Rais huyo wa awamu ya tano umeshuka na kwamba anakubalika miongoni mwa maskini, wasio na elimu kubwa pamoja na waishio vijijini.
Mbunge wa Viti Maalum (CCM), Lucy Mayenga amesema kilichoelezwa na Twaweza ni sahihi kwa sababu Rais amejielekeza kwa makundi hayo ambayo hayana mtetezi.
“Hao ndiyo watu wengi zaidi. Kiuchumi inakubalika,” amesema Lucy.
Wakati Lucy akiendelea kutoa hoja zake, Mbunge wa Mkuranga, Abdallah Ulega alitoa taarifa iliyopokelewa na mtoa hoja.
Uledi amesema: “Kwa muda wa utafiti, Rais alikuwa anapambana na vyeti feki, dawa za kulevya na mafisadi. Hao wote hawawezi kumpenda zaidi ya maskini ambao hawaguswi na mambo hayo.”
Lucy ametoa maoni hayo wakati akichangia mjadala wa bajeti ya Serikali unaoendelea bungeni.
 ASANTE KWA KUTEMBELEA MTANDAO WETU!!

from Blogger http://ift.tt/2tv96YP
via IFTTT


Beka: Mkubwa Fella Hajatujengea Nyumba..!!!

Beka: Mkubwa Fella Hajatujengea Nyumba..!!!

BAADA ya kundi la Yamoto Band kusambaratika na wasanii wake, Enock Bella, Aslay, Beka na Maromboso kila mmoja kupata menejimenti yake mpya na kuanza kufanya kazi kama ‘solo artists’, hatimaye Beka 1 Flavour anayetamba na ngoma yake ya Libebe ameibuka na kujibu tuhuma zinazowakabili kuwa licha ya kupewa nyumba na meneja wao wa Yamoto Band, Mkubwa Fella, bado wamemkimbia.
“Yamoto Band bado ipo isipokuwa Mkubwa mwenyewe ametupa ‘go ahead’ ya kufanya kazi kama ‘solo artists’ na kuhusu kupewa nyumba Mkubwa hajatugawia nyumba isipokuwa yale ni mavuno ya tulichokipanda baada ya kufanya shoo nyingi ndani na nje ya nchi na kuingiza mtonyo wa kutosha ndipo tukakaa na kujadili kwamba badala ya kutugawia malipo yetu, kila mmoja tukaona ni bora atusimamie tuweze kusimamisha vibanda vyetu,” amesema Beka1 Flavour.
 ASANTE KWA KUTEMBELEA MTANDAO WETU!!

from Blogger http://ift.tt/2t986dz
via IFTTT


Hawa Ndio Magaidi Hasa wa Mkuranga na Kibiti (Tanzania) Waliotajwa Rasmi…

Hawa Ndio Magaidi Hasa wa Mkuranga na Kibiti (Tanzania) Waliotajwa Rasmi…

Ni wazi kabisa kuwa Ugaidi ni Uadui mkubwa sana katika dunia hii, Pia ni Upumbavu na Dhambi.
Nimefurahi sana kusikia hatua iliyoamua kuchukuliwa na Serikali kuwa watapeleka “Wanajeshi” katika Wilaya za Mkuranga na Kibiti ili kuwadhibiti hao Magaidi walioua viongozi wa vijiji, mapolisi na wananchi.
Mwaka 1998, serikali ilichukua hatua kama hiyo ya kuwapeleka wanajeshi wilayani Ngorongoro wakisaidiana na Wamasai ili kupambana na majangili ya kisomali (baada ya mapolisi kushindwa kuwathibiti na OCD wao kuuawa na majangili hayo)
Mpaka leo hii Ngorongoro kumetulia tuli.
Magaidi waliotajwa rasmi wapo 11 na waliotiwa mikononi ni wanne.
Imethibitika kuwa Magaidi hao wote ni waumini wa dini ya kiislam hivyo wengi kuhusisha ugaidi wao na imani ya dini yao. 
Zaidi baadhi ya wananchi wa wilaya hizo walihojiwa na kusema kuwa watu hao wamekuwa wakisema kuwa wanawachukua vijana wao na kuwapeleka Somalia kwa ajili ya mafunzo mbalimbali ya kujikwamua kiuchumi.
Hata hivyo, haijathibitishwa kwa asilimia zote kuwa walipata support za kiimani ya dini yao.
Wafuatao ndio wahusika wa ugaidi waliotajwa:-
1) Faraj Ismail Nangalava
2) Anaf Rashid Kapera
3) Said Ngunde
4) Omari Abdallah Matimbwa
5) Shaban Kinyangulia
6) Haji Ulatule
7) Ally Ulatule
8) Hassan Uponda
9) Rashid Salim Mtulula
10) Sheikh Hassan Nasri Mzuzuri
11) Hassan Njame
Source: Gazeti la Jamhuri trh 13-19.
 ASANTE KWA KUTEMBELEA MTANDAO WETU!!

from Blogger http://ift.tt/2szpMlj
via IFTTT


Simba Wamsotea Niyonzima Uwanja wa Ndege..Bin Kleb Amwambia Akitua Bongo Tu Afikie Jangwani..!!!

Simba Wamsotea Niyonzima Uwanja wa Ndege..Bin Kleb Amwambia Akitua Bongo Tu Afikie Jangwani..!!!

WAKATI Yanga wakimsubiria kiungo wao mchezeshaji, Haruna Niyonzima atue nchini kwa ajili ya kumuongezea mkataba watani wao wa Simba wenyewe hawakauki Uwanja wa Ndege wa Kimataifa wa Mwalimu Julius Nyerere ili wamsainishe. 
Hiyo, ikiwa ni siku chache tangu tetesi zienee kuwa kiungo huyo anayemudu kucheza namba nane tayari amesaini mkataba wa miaka miwili kuichezea Simba. Kiungo huyo, hivi sasa ni mchezaji huru anayeruhusiwa kufanya mazungumzo na klabu nyingine kutokana na mkataba wake kumalizika mwezi ujao kwa mujibu wa kanuni za Fifa.
Kwa mujibu wa taarifa ambazo gazeti la Championi Ijumaa linazo, kutoka kwa ndugu wa karibu wa Niyonzima viongozi wa Simba walikuwa tayari wapande ndege kumfuata kiungo huyo Rwanda, lakini ilishindikana kutokana na kukatishwa tamaa na meneja wake.
Mtoa taarifa huyo, mfanyabiashara maarufu nchini, Mohammed Dewji ‘Mo’ ndiye alikuwa anawasiliana na Niyonzima kwa ajili ya kwenda kumsainisha nchini Rwanda kwa dau la shilingi milioni 70. “Nikwambie ukweli tu, ni ngumu Niyonzima kwenda kusaini mkataba wa kuichezea Simba, kwani mpango wao wa kwanza walioupanga umeshindikana kwani walipanga wamfuate Rwanda alipokuwa kwenye majukumu yake ya timu ya taifa.
“Mipango hiyo ilishindikana ni baada ya meneja wake kuuzuia
uongozi wa Simba usiende huko na badala yake wamsubirie hadi ataporejea nchini na baada ya kuona wamekwama, viongozi hao wa Simba wakaanza kwenda kumwinda uwanja wa ndege kwa kukagua muda wa ndege wa Rwanda Air na mratibu wa hilo ni Mo.
“Lakini wakati wakipanga hayo, Bin Kleb (Abdallah), yeye aliwasiliana na Niyonzima na kumwambia mara baada ya kutua nchini asionane na yeyote zaidi yake yeye,” alisema mtoa taarifa huyo. Championi Ijumaa,lilimtafuta Niyonzima na kuzungumza naye moja kwa moja kutoka Rwanda kuhusiana na taarifa za yeye kusaini Simba alisema kuwa: “Hayo maneno tu wanaongea, 
nikuhakikishie mimi sijasaini Simba na kama unakumbuka mimi nilikwambia nimeichezea kwa amani Yanga miaka sita hivi sasa.”
 ASANTE KWA KUTEMBELEA MTANDAO WETU!!

from Blogger http://ift.tt/2szroMd
via IFTTT


Picha: Lady Jaydee Aonyesha Mjengo Wake Mpya

Picha: Lady Jaydee Aonyesha Mjengo Wake Mpya

Mambo yanazidi kumnyookea mkongwe wa muziki wa Bongo Flava, Lady Jaydee.
Msani huyo ameonyesha picha za mjengo wake mpya wa kisasa alioujenga ambao upo maeneo ya Kimara Temboni jijini Dar es Salaam.
Kupitia mtandao wa Instagram, mrembo huyo ameweka baadhi ya picha za jumba hilo na kuandika,
“Jide Ville.” Mashabiki wameanza kujiuliza, je huo ndio mjengo ambao yatakuwa makazi mapya ya Jide na mpenzi wake Spicy kutoka Nigeria?
 ASANTE KWA KUTEMBELEA MTANDAO WETU!!

from Blogger http://ift.tt/2rmYfzt
via IFTTT


Kauli ya CCM Baada ya Viongozi Wao Kutajwa Sakata la Mchanga wa Madini

Kauli ya CCM Baada ya Viongozi Wao Kutajwa Sakata la Mchanga wa Madini

Chama Cha Mapinduzi (CM) kimewataka viongozi na wote waliotajwa katika sakata la mchanga wa madini kutoa ushirikiano kwa vyombo vya dola baada ya kutuhumiwa kulisababishia Taifa hasara kubwa ya matrilioni ya fedha kutokana na usafirishaji wa mchanga wa madini kwenda nje ya nchi.
Hayo yameelezwa leo na Katibu wa Itikadi na Uenezi wa chama hicho, Humphrey Polepole alipokuwa akizungumza na waandishi wa habari katika ofisi ndogo za chama hicho Lumumba jijini Dar es Salaam.
Aidha, Polepole alisema kuwa, chama hicho hakitasita kuwachukulia hatua kwa wanachama wake iwapo watabainika kuliingizia taifa hasara kupitia njia mbalimbali ikiwamo hii ya sasa ya kupitia mchanga wa madini. Polepole amesema kwa sasa chama kinaviachia kwanza vyombo vya dola vifanye kazi yake ya kuwahoji waliotajwa kwenye ripoti hizo mbili.
CCM imepongeza Rais Dkt John Pombe Magufuli ambaye ni mwenyekiti wa chama hicho kwa jitihada kubwa anazofanya katika kuhakikisha kuwa rasilimali za nchi zinawanufaisha watanzania wote.
Polepole alisema nashangaa kuona baadhi ya wanasisasa na watu wengine wakikejeli hatua mbalimbali zilizochukuliwa na Rais Magufuli katika kupigania rasilimali za taifa na kusema hatua hizo ni za kihistoria kwani hazijawahi kuonekana popote.
Pamoja na mambo mengine, Polepole amesema kilichofanywa na Rais Magufuli ni utekelezaji wa Ilani ya uchaguzi ya CCM ambayo imeelekeza kukomesha wizi unaofanywa na baadhi ya wawekezaji katika migodi ya madini hapa nchini.
Hata hivyo, CCM kimepongeza hatua za awali zilizooneshwa na Mmliki wa Kampuni ya Acacia kwa kukiri kukosea na kuahaidi kufanya mazungumzo na serikali ili kulipa kiasi cha pesa kinachodaiwa na Tanzania.
 ASANTE KWA KUTEMBELEA MTANDAO WETU!!

from Blogger http://ift.tt/2t8X87N
via IFTTT


Wabunge 200 Kumshitaki Rais Trump kwa Kukiuka Katiba ya Marekani ..!!!

Wabunge 200 Kumshitaki Rais Trump kwa Kukiuka Katiba ya Marekani ..!!!

KARIBU wabunge 200 wa Democrats wamesema watafungua mashitaka dhidi ya Rais Donald Trump wakidai kuwa kuendelea kwake kujihusisha na biashara zake kunakiuka Katiba ya nchi.
Mashitaka hayo yatamtuhumu Trump kwa kukiuka Kifungu cha Maslahi cha Katiba ya Marekani, ambacho kinakataza maofisa wa Serikali kupokea zawadi au wadhifa kutoka serikali za kigeni bila kuidhinishwa na Bunge, kwa mujibu wa wabunge wanaoongoza azma hiyo.
Kesi hiyo itakuwa na walalamikaji wengi kuliko kesi yoyote iliyopata kufunguliwa dhidi ya Rais katika historia ya Taifa hili, kwa mujibu wa Mbunge wa Michigan, John Conyers, ambaye yuko kwenye Kamati ya Bunge ya Sheria.
“Hatufanyi hivi kujifurahisha au kupendelea, lakini ni kwa kuwa Rais Trump ametufanya tushindwe kufanya vinginevyo,” alisema.
Shirika la Trump linajumuisha zaidi ya kampuni 500 za kibiashara zilizo kwenye takriban mataifa 20 duniani, na zinahusisha hoteli, viwanja vya gofu na nyumba za makazi, nyingi zikifanya biashara na serikali za kigeni.
Serikali hizo zimelipia matukio mbalimbali kwenye hoteli za Trump na ada za matengenezo ya vyumba katika majengo ya Trump. 
Ingawa Shirika la Trump limeahidi kutoa faida zitokazo kwenye Serikali hizo katika biashara ya hoteli kwa ajili ya Hazina ya Marekani, waraka wa sera za kampuni uliotolewa mwezi jana, unaonesha kuwa mali za Trump hazitathibitisha kama wateja binafsi ni wawakilishi wa serikali za kigeni kibiashara.
Seneta Richard Blumenthal wa Connecticut, alisema mashitaka hayo ni ya lazima ili kumlazimisha Trump aweke hadharani ni kwa kiasi gani kampuni zake zinaendesha biashara na serikali za kigeni na kuruhusu Bunge kutekeleza majukumu yake ya kikatiba ya kutoa au kutotoa ruhusa chini ya Kifungu cha Maslahi.
“Hatuwezi kuruhusu tusichokijua,” alisema. “Anaingilia wajibu wetu wa kikatiba.”
Trump na wanasheria wake wamesema kifungu hicho hakihusiki na miamala ya soko la haki na kwamba alishachukua hatua za kujiondoa kwenye biashara zake.
Hata hivyo, wakfu ambamo Trump amewekeza mali zake unaendeshwa na wanawe wa kiume. Trump ni mnufaika pekee wa wakfu huo na anaweza kuchukua fedha muda wowote atakao.
Anatarajiwa kupokea taarifa za fedha za biashara yake wakati wote akiwa madarakani. Ni rais pekee katika historia ambaye hajawasilisha nakala ya marejesho yake ya kodi.
Wabunge hao walisema watawasilisha malalamiko yao Jumatano asubuhi kwenye Mahakama ya Wilaya ya Marekani ya Washington DC. Kesi hiyo inataka uamuzi wa Mahakama unaosema Trump anahusika na Kifungu cha Maslahi na amri ya kumtaka Trump asipokee zawadi. 
Wabunge hao wanawakilishwa na Kituo cha Uwajibikaji Kikatiba, kilichoko DC ambacho ni cha kisheria “kilichopo kwa ajili ya kukidhi utekelezaji wa Katiba.”
Kutokana na kutofautiana kwa kanuni za kimaadili za Bunge na Baraza la Seneti, maseneta watatenganisha gharama za uwakilishi wa kisheria. Kituo hicho cha Uwajibikaji Kikatiba kitatoa huduma za kisheria kwa wabunge hao.
 ASANTE KWA KUTEMBELEA MTANDAO WETU!!

from Blogger http://ift.tt/2sGeUSm
via IFTTT


Gazeti la Mawio Waijibu Serikali Baada ya Kutangaza Kulifungia Kwa Miezi 24

Gazeti la Mawio Waijibu Serikali Baada ya Kutangaza Kulifungia Kwa Miezi 24

Uongozi wa gazeti la MAWIO umeapa kwenda mahakamani kupinga uamuzi wa serikali kulifungia gazeti hilo kutochapishwa kwa kipindi cha miezi 24.
Uamuzi wa kulifungia gazeti hilo ulitangazwa na serikali kupiti Wizara ya Habari, Utamaduni, Sanaa na Michezo ambapo sababu iliyotajwa ni gazeti hilo kukiuka maagizo ya serikali ya kutowahusisha marais wastaafu Mzee Mkapa na Dkt Kikwete katika ripoti za uchunguzi wa mchanga wa madini.
Mkurugenzi wa Kampuni ya Victoria Media Services Ltd ambaye pia ni Mhariri Mtendaji wa gazeti la MAWIO, Simon Martha Mkina, aliliambia The Citizen kuwa, amuzi huo si wa haki na utapingwa mahakamani.
“Bodi itakutakana kujadili uamuzi huo kama jambo la dharura, lakini tunachoweza kukwambia kwa sasa, tutakwenda mahakamani,” alisema Mkina.
Kwa mujibu wa taarifa ya Waziri Dkt Mwakyembe iliyotolewa na Idara ya Habari (MAELEZO), Waziri alinukuliwa akisema, “Sina budi kulifungia gazeti lako, na kukutaka usitishe kuchapisha nakala ngumu au ya mtandaoni katika kipindi cha muda wa miezi ishirini na nne (24) tangu tarehe ya barua hii, kwa mamlaka niliyopewa chini ya Sheria ya Huduma za Habari Na. 12 ya mwaka 2016 kifungu cha 59.”
Gazeti hilo liliandika habari iliyokuwa na ujumbe wa jumla kuwa, marais hao wamelisababishia taifa hasara kubwa sana kutokana na usafirishaji wa mchanga nje ya nchi kwa kipindi cha miaka 19.
Kwa mujibu wa mamlaka iliyonayo kupitia Sheria ya Magazeti ya mwaka 1976 sura ya 229 kifungu cha 25(1), Januari 15, 2016 Serikali ilitangaza kulifungia kwa muda wote gazeti la MAWIO lakini baada ya mwaka mmoja wa kukaa kifungoni lilirejea mtaani baada ya kushinda rufaa mahakamani.
 ASANTE KWA KUTEMBELEA MTANDAO WETU!!

from Blogger http://ift.tt/2swe4r5
via IFTTT


Jambo Moja Watanzania Waliloshindwa Kuelewa Mkutano wa JPM na Bosi wa Acacia

Jambo Moja Watanzania Waliloshindwa Kuelewa Mkutano wa JPM na Bosi wa Acacia

Kwa ufupi unaweza kusema kuwa wananchi walio wengi wameshindwa kuelewa mazungumzo ya kikao kilichofanyika kati ya Rais wa Jamhuri ya Muungano wa Tanzana, Dkt John Pombe Magufuli na Mwenyekiti wa Kampuni ya Barrick Gold Corporation ambayo ni mmiliki mkubwa wa kampuni ya Acacia Mining Limited Prof. John L. Thornton, Ikulu jana.
Kwa mujibu wa taarifa iliyotolewa jana na Kurugenzi ya Mawasiliano ya Rais Ikulu ilieleza kuwa, kampuni hiyo ipo tayari kufanya mazungumzo na Serikali ya Tanzania ili kulipa fedha ambazo Tanzania imezipoteza kutokana na kampuni hiyo kuendesha shughuli zake hapa nchini.
Baadhi ya watu wengi wameonekana kuitumia sentensi hii pekee “kulipa fedha ambazo Tanzania imezipoteza” bila kusikiliza kwa makini taarifa nzima ya kikao hicho.
Mazungumzo kati ya Rais Magufuli na kiongozi wa Barrick hayakumaanisha moja kwa moja kuwa Tanzania italipwa trilioni 108 ambazo kamati ilieleza kuwa taifa limepoteza tangu mwaka 1998 hadi Machi 2017 kutokana na kusafirisha kwa makinikia ya dhahabu kwenda nje ya nchi.
Taarifa hiyo iliendelea kueleza kuwa, Prof. John L. Thornton amesema kampuni yake ipo tayari kufanya mazungumzo na Tanzania yatakayozingatia maslahi ya pande zote mbili na pia ipo tayari kulipa fedha zote ambazo inapaswa kulipa kwa Tanzania.
Kwa upande wake Rais Magufuli alisema, serikali inakaribisha mazungumzo hayo na itaunda jopo la wataalamu watakaofanya majadiliano na kampuni ya Barrick Gold Corporation ili kufikia makubaliano ya kulipwa fedha zinazodaiwa na namna kampuni hiyo itakavyoendesha shughuli zake nchini maslahi ya pande zote mbili.
Kwa mantiki hiyo, kiasi cha fedha ambacho Barrick Gold Corporation ambayo ni mmiliki mkubwa wa kampuni ya Acacia Mining Limited itatakiwa kuilipa Tanzania kitataamuliwa na mazungumzo yatakayofanywa baina ya pande mbili.
Lakini mbali na mazungumzo hayo kuamua kiasi cha fedha ambacho Tanzania kitakacholipwa, itaamua pia njia bora ambayo kampuni hiyo itaendesha shughuli zake hapa nchi kwani kamati ilidai kwamba Acacia hawafanyi kazi kisheria na pia kuhakikisha kwamba rasilimali hizo zinanufaisha pande zote.
Vyombo vya habari hasa magazeti yameonekana kuripoti kwa namna inayoonesha kuwa Tanzania italipwa kiasi cha fedha (trilioni 108) kilichotajwa na kamati ya pili iliyowasilisha ripoti yake mbele ya Rais Juni 12 mwaka huu.
Baadhi ya vichwa vya habari vya magezeti ya leo vinasomeka, Barrick wamekiri kosa, wamesema wako tayari kulipa fedha tunazowadai (TanzaniaDaima), Acacia Kulipa (Nipashe), Acacia yasalimu Amri (Uhuru), Kampuni ya Barrick Yakubali Yaishe (HABARILEO).
Lakini, kuna uwezekano Acacia wakalipa fedha hizo, Tsh trilioni 108 ambazo kamati ilisema wameliibia taifa, kama taarifa za kamati zilikuwa ni sahihi na baada ya mazungumzo ya pande mbili wakaafikiana hivyo, lakini vinginevyo fedha hizo zinaweza kuwa nyingi zaidi au kuwa pungufu.
 ASANTE KWA KUTEMBELEA MTANDAO WETU!!

from Blogger http://ift.tt/2szdoBR
via IFTTT


Picha 9 mwili wa Cheikh Tiote ulivyopokelewa Ivory Coast

Picha 9 mwili wa Cheikh Tiote ulivyopokelewa Ivory Coast

Hatimaye mwili wa Cheikh Tiote aliyefariki nchini China umewasili nchini kwao Ivory Coast tayari kwa mazishi, waombolezaji mbali mbali walijitokeza kuupokea mwili huo akiwemo mchezaji wa zamani wa Man City Wilfred Bonny pamoja na kocha wa zamani wa Ivory Coast Herve Renard.
Pia wananafamilia kutoka familia ya wakina Tiote, raisi wa chama cha soka cha Ivory Coast na mashabiki wengi waliojichora jina la Tiote walikuwepo uwanjani kuupokea mwili huo, hizi hapa ni baadhi ya picha wakati mwili huo ukiwasili.
 ASANTE KWA KUTEMBELEA MTANDAO WETU!!

from Blogger http://ift.tt/2rD9GlU
via IFTTT


Thibaut Courtois akataa kusaini mkataba mpya,Madrid wachekelea.

Thibaut Courtois akataa kusaini mkataba mpya,Madrid wachekelea.

Mazungumzo ya mwanzo kati ya golikipa wa Chelsea Thibaut Courtois na klabu hiyo yamekwama. Taarifa zinasema klabu ya Chelsea ilikuwa na mazungumzo ya mwazo kuhusu mkataba wa golikipa huyo.
Hata hivyo pande zote mbili zinazozungumza zimeshindwa kufikia muafaka na suala kubwa likiwa ni nyongeza ya pesa katika mkataba huo, lakini wakala wa Courtois atakutana tena na Chelsea kufanya mazungumzo mengine ya pili.
Matajiri wa Real Madrid wanafuatilia kwa karibu suala la mkataba wa Courtois na Chelsea ambaye kwa muda sasa wamekuwa wakitaka kumsajili na kama mazungumzo kati ya Chelsea na Courtois yatashindikana baasi inaweza kuwa njema kwao.
Courtois amekataa mazungumzo ya awali kipindi ambacho golikipa wa Ac Millan Gianluigi Donnaruma amekataa kusaini mkataba mpya na anaweza kuchukua nafasi ya Courtois au anaweza kwenda Real Madrid kama Courtois akisaini mkataba mpya.
 ASANTE KWA KUTEMBELEA MTANDAO WETU!!

from Blogger http://ift.tt/2rCE4wJ
via IFTTT


Kategori

Kategori