MASKINI…Mwanamke Aolewa Saa 10 Jioni, Afariki Saa 7 Usiku na Kichanga Tumboni…..

DAR ES SALAAM: Hii inauma sana! Wakati wengi wakitamani kuingia kwenye ndoa ili kuyafurahia maisha hayo, kwa binti Zai Mkiwa, mkazi wa Mtoni Kijichi jijini hapa, imekuwa tofauti kwani amejikuta akiyaonja maisha ya ndoa kwa saa chache na kisha kufariki, Amani linakudadavulia habari hii ya kusikitisha.

TUJIUNGE NA CHANZO

Kwa mujibu wa chanzo makini kilichohudhuria msiba wa binti huyo, Zai ambaye alidaiwa kuwa na ujauzito mchanga, alionekana ni mwenye siha njema hadi siku ya harusi, Jumapili iliyopita (Julai 30, mwaka huu) kabla ya kukutwa na umauti usiku wa saa 7 siku hiyo.

“Yaani marehemu alikuwa na afya njema kabisa, na siku ya harusi yake hakuonesha hata dalili zozote za kuumwa japo kuna wakati alisema anahisi kama kuishiwa nguvu.

FULL KUTABASAMU

“Muda mwingi alikuwa akitabasamu, alifurahia ndoa yake kwelikweli kama unavyojua watoto wa kike wanavyofurahia siku hiyo muhimu katika maisha yao,” kilisema chanzo hicho.

NDOA ILIFUNGWA SINZA MAPAMBANO

Kikizidi kufunguka chanzo hicho kilieleza kuwa, siku ya tukio, mumewe aliyefahamika kwa jina moja la Yasin, alifika nyumbani kwa babu wa marehemu, Mzee Msafiri anayeishi Sinza Mapambano jijini hapa na kukamilisha taratibu zote za ndoa na baada ya zoezi hilo kukamilika, Zai aliambatana na mumewe kwenda nyumbani kwao, Mtoni Kijichi.

…Hali ilivyokuwa siku ya harusi yake.

“Huwezi amini kumbe ni kama alikuwa anatuaga vile, maana tumesherehekea pale kwa nderemo na vifijo, wakaondoka zao na mumewe lakini ilipofika saa 7 usiku, tunaambiwa amefariki dunia,” kilisema chanzo hicho.

ALIANZA KUTAPIKA

Chanzo hicho kilieleza kuwa, ndugu wa karibu na marehemu walipopewa taarifa za msiba huo, walielezwa kuwa Zai alipofika nyumbani kwa mumewe, saa chache kabla ya kukata roho, alianza kutapika na mumewe akamkimbiza Hospitali ya Mbagala Zakhem lakini bahati mbaya, alifariki.

“Walifika salama salmini, wakahifadhi zawadi mbalimbali walizokuwa wamepewa na kisha kulala. Ilipofika saa saba usiku nasikia ndiyo akaanza kutapika na mumewe alipoona hali inazidi kuwa mbaya akalazimika kumkimbiza hospitalini, lakini alipofikishwa tu akafariki akiwa mikononi mwa madaktari,” kilisema chanzo hicho.

MSIBA WAWEKWA ALIPOOLEWA

Chanzo hicho kiliendelea kuweka bayana kuwa, asubuhi ya Jumatatu, Julai 31, mwaka huu, ndugu walikusanyika nyumbani kwa babu wa marehemu, Sinza-Mapambano ambapo taratibu zote za msiba ikiwemo mazishi zilifanyika pale.

“Palepale tuliposherekea harusi ndipo tulipokusanyika tena kwa ajili ya msiba. Yaani lile turubai lililotumika katika sherehe ya harusi yake ndilo hilohilo lililotumika wakati wa msiba wake, inauma sana! Tukaomboleza pale na baadaye mida kama ya saa 10 jioni, mwili wa Zai ulienda kuzikwa katika Makaburi ya Sinza,” chanzo kilizidi kueleza.

NI NDANI YA MASAA 24 TU!

Ukweli ni kwamba, mambo yote hayo yametokea harakaharaka mno, ni ndani ya saa 24 tu! Kila kitu kwenye maisha ya binti huyo kikabaki kuwa historia ya majonzi na masikitiko kwa ndugu na jamaa waliobaki duniani.

MUMEWE ABAKI NA MACHUNGU

Kwa mujibu wa chanzo hicho kilisema kikiwa makaburini hapo, mume wa marehemu alionekana kama mtu aliyepigwa na bumbuwazi, haamini kwa kilichotokea, hajielewielewi kwani hata kuzungumzia undani wa mazingira ya kifo cha mkewe hakuweza.

KABLA YA NDOA ALIUMWA

Inasemekana, siku chache kabla Zai hajaolewa, aliishiwa nguvu na kukimbizwa hospitali lakini alitibiwa na kurejea nyumbani na hata ilipofika siku ya harusi, alikuwa mzima wa afya.

BABA AZUNGUMZA

Gazeti la Amani lilifanikiwa kuzungumza na baba wa marehemu, Ketel Madua ambaye alisema amepokea kwa masikitiko makubwa kwa kuondokewa na binti yake huyo, saa chache baada ya kumuoezesha. Gazeti hili linatoa pole kwa ndugu na jamaa kwa msiba wa Zai.

from Blogger http://ift.tt/2v3iC9e
via IFTTT

Facebook Wataanza Kulipa Watu Kupitia Video Wanazopakia kwenye mtandao huo

Facebook wapo mbioni kuhakikisha watu wanaanza kulipwa kwa kupakia video na maudhui mengine kwenye mtandao huo, ambapo hivi karibuni wameinunua kampuni ya masuala ya hakimiliki mtandaoni Source 3 ili kuhakikisha hakuna wizi wa maudhui yatakayokuwa yanapakiwa kwenye mtandao huo, ikiwa pamoja na kuzuia watu watakao kuwa wana nakili maudhui ya watu wengine ili kujiingizia pesa kupitia matangazo yatakayokuwa yanatokea wakati video au kitu chochote kikiwa kinatazamwa na mashabiki wa mpakiaji.

Source 3 watakuja na teknolojia ambayo inafanya kazi sawa na ile inayotumika kwenye YouTube inayofahamika kama YouTube Content ID. Teknolojia hiyo itawawezesha wapakiaji video kwenye Facebook kuweza kuzuia video zao zisipakiwe na watu wengine au kuchukua mapato yatakayopatikana kwenye video hiyo kutoka kwa mtu ambaye si mmiliki halali wa video.

Pia Facebook walizindua app maalumu kwa wamiliki wa kurasa. App hiyo itawawezesha wamiliki wa kurasa kwenye mtandao huo kuweza kuwapatia mashabiki wao machapisho ya kwenye kurasa zao moja kwa moja huku wakitengeneza pesa kupitia machapisho hayo.

Kwa sasa Facebook inazaidi ya mashabiki bilioni 2 ambao kila mwezi lazima waingie kwenye mtandao huo, Facebook inatarajiwa kuwa ndiyo sehemu kubwa ya kuingiza pesa kwa watu watakaokuwa wanamiliki kurasa kwenye mtandao huo, huku YouTube ikishika mkia.

from Blogger http://ift.tt/2wrx6xe
via IFTTT

TAZAMA Dunia Yetu Ilivyo Ndogo Ukilinganisha Na Sayari Zingine

Dunia yetu inaonekana ni kubwa sana ambapo ukubwa huo unatufanya sisi tujione ni wadogo sana. Ni kweli Dunia yetu ni kubwa sana ukilinganisha na sisi, lakini tukiangalia upande wa pili na tukailinganisha na sayari au vitu vingine ulimwenguni basi lazima utastaajabu kuona jinsi gani sisi na Dunia yetu tulivyowadogo sana.

Kutokana na kukua kwa teknolojia siku hadi siku wanasayansi wameweza kuziona sayari, nyota na vitu vingine vilivyokuwa mbali sana kupitia darubini kubwa zilizokuwa huko angani. Picha zifuatazo zitakuonesha ni jinsi gani Dunia yetu ilivyokuwa ndogo ukilinganisha na vitu vingine vilivyokuwa huko angani.

Hii inafahamika kama SuperCluster of Galaxies au muunganiko wa galaksi mbali mbali kitaalamu inaitwa Laniakea (Mbingu isiyopimika). Hapo mshale ulipoonyesha ndipo galaxy yetu inayoitwa Milky Way ilipo.

Hapo mshale ulipoelekeza ndipo galaksi ya Milky Way ilipo

Kama tukiikuza picha ya SuperCluster kwa ukaribu kuelekea kwenye galaxy yetu ya Milky Way hivi ndivyo itakavyoonekana kwa ukaribu. MilkyWay ndiyo galaxy yetu tulipo sisi, hapo kwenye mshale ulipoelekeza ndipo Jua letu, Dunia, pamoja na Sayari zingine zote zilizokuwa kwenye mfumo wetu wa Jua zilipo. Hivyo vidoti vyenye rangi mbali mbali vinavyong’aa ndizo nyota zote tunazoziona usiku. Hapo kati kuna shimo jeusi (Black Hole) ambalo linafyonza hizo nyota zote ikiwemo na sayari zake kuingia humo ndani. Siku moja na sisi Jua letu litafika hapo baada ya miaka bilioni kadhaa huko mbele.

Hapo mshale ulipoelekeza ndipo mfumo wetu wa jua ulipo (Jua na sayari zote ikiwamo na dunia yetu)

Jua letu limechukua asilimia 99.86% ya sehemu yote kwenye mfumo wetu wa jua (Solar System) na ni kubwa sana ambapo Dunia milioni 1.3 zinaweza kutosha ndani yake.

Hapo mshale ulipolekeza ni dunia

Pete za kwenye sayari ya Zohali ni kubwa sana ambapo Dunia sita zinaweza kutosha kwenye pete hizo. Hizi pete ni mchanganyiko wa mapande makubwa ya barafu na mawe yanayozunguka sayari hiyo ya Zohali.

Dunia sita zinaweza kutosha kwenye pete ya zohali

Hilo doti kubwa jekundu unaloliona ni kimbunga kikubwa sana kilichomo katika sayari ya Sumbula. Kimbunga hicho ni kikubwa sana ambapo Dunia tatu zinaweza tosha.

Dunia tatu zinaweza kutosha kwenye kimbunga cha kwenye sayari ya Sumbula

Hii picha ilipigwa mwaka 2013 na chombo kinachoitwa NASA Cassin Spacecraft. Hicho kidoti cha bluu kilichooneshewa mshale mwekundu ni Dunia yetu. Umbali kutoka eneo picha hii ilipopigwa mpaka Duniani ni maili milioni 898.

Hicho kidoti cha bluu kilichooneshwa na mshale ni Dunia yetu

from Blogger http://ift.tt/2v3e9Dq
via IFTTT

RAIS MAGUFULI AANZA ZIARA YA SIKU 5 MKOANI TANGA

Rais wa Jamhuri ya Muungano wa Tanzania, Dkt. John Pombe Magufuli akizungumza na wananchi wa Mkata wakati alipokuwa njiani kuelekea mkoani Tanga kwa ajili ya ziara ya kikazi.

Rais wa Jamhuri ya Muungano wa Tanzania, Dkt. John Pombe Magufuli akiwapungia mkono wananchi wa Mkata waliosimama pembeni ya barabara kuu ya Chalinze- Segera (hawaonekani pichani) mara baada ya kumaliza kuhutubia katika kijiji cha Mkata mkoani Tanga.

Viongozi mbalimbali wa mkoa wa Tanga akiwemo Wabunge na wakuu wa Wilaya wakipiga makofi wakati Rais wa Jamhuri ya Muungano wa Tanzania, Dkt. John Pombe Magufuli alipokuwa akihutubia Mkata mkoani Tanga.

Rais wa Jamhuri ya Muungano wa Tanzania, Dkt. John Pombe Magufuli akizungumza na wananchi wa waliosimama pembeni ya barabara kuu ya Chalinze Segera katika eneo la Kwa mkonga wakati akiwa njiani kuelekea Tanga.

Rais wa Jamhuri ya Muungano wa Tanzania, Dkt. John Pombe Magufuli akiwapungia mkono wananchi wa Kabuku mara baada ya kumaliza kuwahutubia wakati akielekea mkoani Tanga.

Rais wa Jamhuri ya Muungano wa Tanzania, Dkt. John Pombe Magufuli akihutubia wakazi wa Kabuku Handeni mkoani Tanga.

Rais wa Jamhuri ya Muungano wa Tanzania, Dkt. John Pombe Magufuli akizungumza na Mkuu wa Mkoa wa Tanga, Martin Shigela kabla ya kuwahutubia wananchi wa Hale mkoani Tanga.

Rais wa Jamhuri ya Muungano wa Tanzania, Dkt. John Pombe Magufuli akihutubia wakazi wa Hale mkoani Tanga.

Rais wa Jamhuri ya Muungano wa Tanzania, Dkt. John Pombe Magufuli akisalimiana na mmoja ya wakazi wa Hale mkoani Tanga mara baada ya kuhutubia katika eneo hilo.

Rais wa Jamhuri ya Muungano wa Tanzania, Dkt. John Pombe Magufuli akimpongeza Mwanachama wa Chama cha Mapinduzi CCM Hadija Juma mara baada ya kusoma ujumbe ulioandikwa kwenye sare aliyovaa mama huyo.

Wananchi wa Muheza wakimpokea Rais wa Jamhuri ya Muungano wa Tanzania, Dkt. John Pombe Magufuli mara baada ya kufika katika eneo hilo la mjini akiwa njiani kuelekea Tanga. PICHA NA IKULU.

from Blogger http://ift.tt/2v4Ysdj
via IFTTT

WANANCHI WAPEWA SHAMBA LA JKT NA RAIS MAGUFULI

Rais wa Jamhuri ya Muungano wa Tanzania Mhe. Dkt. John Pombe Magufuli amesema Serikali imeanza kuchukua hatua dhidi ya watu waliouziwa mashamba makubwa Mkoani Tanga na kisha kuyatelekeza ambapo mpaka sasa hati miliki za ardhi 5 zenye zaidi ya ekari 14,000 zimefutwa.

Mhe. Rais Magufuli amesema hayo leo tarehe 03 Agosti, 2017 kwa nyakati tofauti wakati akizungumza na wananchi wa Mkata, Komkonga, Kabuku, Michungwani, Hale, Muheza na Pongwe katika Wilaya za Handeni, Muheza na Tanga ambako ameanza ziara ya kikazi ya siku 5 Mkoani wa Tanga.

Mhe. Rais Magufuli amefafanua kuwa Mkoa wa Tanga una mashamba 72 yaliyouzwa kwa watu mbalimbali na kwamba hatua za kunyang’anya mashamba yaliyotelekezwa zimeanza kuchukuliwa kwa mashamba 12 na tayari mashamba 5 ambayo hati zake zimeshafutwa, utaratibu unaendelea kuwagawia wananchi na wawekezaji watakaokuwa tayari kuyaendeleza kama ilivyokusudiwa.

Sambamba na hilo akiwa Mkata Wilayani Handeni, Mhe. Dkt. Magufuli ameagiza shamba la ekari 50 lililopo katika kijiji cha Kabuku na ambalo lililotolewa na wananchi kwa Jeshi la Kujenga Taifa (JKT) kwa lengo la kujenga kiwanda miaka 7 iliyopita, lirejeshwe kwa wananchi na ametaka JKT ijenge kiwanda hicho katika eneo lake jingine lenye ukubwa wa zaidi ya ekari 9,000.

Aidha, Mhe. Rais Magufuli ametoa siku 15 kufanyika kwa uchunguzi wa fedha kiasi cha Shilingi Milioni 500 zilizotolewa kwa ajili ya ujenzi wa majengo ya kituo cha afya cha Mkata, kufuatia kuwepo kwa taarifa za ufujaji wa fedha hizo na ameongeza kuwa Serikali itapeleka Shilingi Milioni 800 kwa ajili ya kuendeleza kituo hicho baada ya hatua stahiki kuchukuliwa.

“Siku 15 tuwe tumepata jibu ili fedha nyingine Shilingi Milioni 800 zije, kama huyo Mkandarasi hafai afukuzwe, kama kuna mtu hafai aondolewe, tuanze na ukurasa mpya, na ningeomba Mkuu wa Wilaya ulifuatilie hili ili asiponyoke mtu yeyote, na wewe una Mamlaka yote” amesema Mhe. Rais Magufuli.

Kuhusu maji, Mhe. Rais Magufuli amesema Serikali imeanza kuchukua hatua dhidi ya tatizo hilo ikiwemo kutoa Shilingi Bilioni 2 kwa ajili ya kuupatia maji Mji wa Muheza na vijiji vingine na kwamba mradi mwingine wa Shilingi Bilioni 30 utatekelezwa ili kumaliza tatizo hilo.

Mhe. Rais Magufuli amewataka wananchi wa Tanga kujipanga kunufaika na fursa mbalimbali za ajira na biashara kufuatia mradi mkubwa wa ujenzi wa bomba la mafuta ghafi la kutoka Hoima nchini Uganda hadi bandari ya Tanga hapa Tanzania na amewahakikishia kuwa mradi huo utatoa mchango mkubwa katika maendeleo ya Tanga na Taifa kwa ujumla.

“Ndugu zangu wananchi wa Tanga nataka kuwahakikishia kuwa tunakwenda vizuri, tumepata mradi huu mkubwa na pia uchumi wetu unakwenda vizuri, hivi sasa nchi yetu ni kati ya nchi 5 duniani zenye uchumi unaokua kwa kasi na ni nchi ya 2 barani Afrika ikitanguliwa na Ethiopia” amesisitiza Mhe. Rais Magufuli.

Katika ziara hii Mhe. Rais Magufuli ameongozana na Mkewe Mama Janeth Magufuli, Waziri wa Afya, Ustawi wa Jamii, Jinsia, Wazee na Watoto Mhe. Ummy Mwalimu, Waziri wa Nchi, Ofisi ya Makamu wa Rais, Muungano na Mazingira Mhe. Januari Makamba na Wabunge wa Mkoa wa Tanga.

Gerson Msigwa

Mkurugenzi wa Mawasiliano ya Rais, IKULU

Tanga

03 Agosti, 2017

from Blogger http://ift.tt/2uaw7F9
via IFTTT

VITU 9 AMBAVYO HUTAKIWI KUSHARE NA MTU MWINGINE

Kuna upendo katika kushirikiana vitu lakini kuna wakati upendo huo wa kushirikiana kila kitu unaweza kukuweka katika hali ya hatari sana.

Inapokuwa wakati wa kushirikiana baadhi ya vitu na mtu mwingine, ni vyema ukafikiri mara mbili kabla ya kukubali kufanya hivyo, kwa sababu kukataa ndio jibu unalotakiwa kulisema.

Hapa chini ni orodha ya vitu tisa ambavyo hutakiwi kushirikiana na mtu mwingine yeyote.

1. Sabuni ya kuogea

Watu wengi hawajui kuwa kushirikiana sabuni na mtu mwingine ni jambo la hatari. Mwingine ataamua kutumia sabani ambayo si ya kwake kwa sababu tu anaona uvuvi kwenda dukani kununua ya kwake.

Sabuni inatakiwa kutumia na mtu mmoja kusafishia mwili wake kwani kila mtu ana namna yake ya kutumia sabuni, hivyo haushauriwi kutumia sabuni na mtu/watu wengine.

Uwepo wa vitu kama fangasi au bakteria au wadudu wengine wanaweza kujihifadhi kwenye sabuni na kusababisha maambukizi kwa watu wengine watakaoitumia.

2. Taulo

Hili ni jambo ambalo watu wengi hasa wapenzi au wanandoa hulichukulia kama la kawaida bila kujali kuwa linaweza kuwaletea madhara kiafya.

Kutumia taulo moja mtu zaidi ya mmoja kunaweza kukusababishia madhara mbalimbali kwani kwenye taulo kunaweza kuwepo bakteria mbalimbali.

Mbali na kutumia mataulo tofauti, mnashauriwa kutoyachanganya sehemu moja baada ya kutumia.

3. Mswaki

Ukikaa na kufikiri, unaweza usielewe kwanini mtu anakubali kutumia mswaki wake na mtu mwingine. Licha ya kuwa hili ni jambo la ajabu, lakini hutokea mara nyingi.

Kama ilivyokuwa kwa sabuni, mdomo huwa na bakteria ambapo baada ya kusafisha hubaki kwenye mswaki. Kila mmoja akiacha bakteria wake kwenye mswaki, huenda mkaambukizana matatizo ya kinywa au hata kulika meno.

Lakini wakati mwingine mmoja wenu anaweza kuwa na tatizo la kutokwa na damu kwenye fizi wakati wa kuswaki, kitu kinachosababisha hatari zaidi kwa mwenzake.

4. Hereni

Hereni hasa zile ambazo zinahusisha kutoboa masikio ni hatari sana kwani huwa zina ncha upande wa kuingizia na hivyo kuweza kumchubua mtumiaji wa kwanza na kusababisha maamuziki kwa mtu mwingine kwa kutumia damu iliyotoka wakati ulipochubuliwa.

Kuna wakati mwingine kutokana na gharama kuwa kubwa anashindwa kununua hereni zake anaamua kumuazima rafiki yake, lakini jiulize, huo urembo wa muda ni muhimu kuliko afya yako?

5. Mafuta ya kujipaka

Vidole vya binadamu ni moja ya maeneo ambapo virusi (germs) vinaweza kukaa kutoka na vitu mbalimbali ambavyo huwa tunashika bila kusafisha mikono.

Mtu yeyote anayekuja na kutumbukiza vidole vyake kwenye kopo lako la mafuta kwa nia ya kujipaka, huacha virusi ambavyo mwisho wa siku husambaa kwenye kopo lote. Hii itakufanya ikijakupika wewe, kuweka virusi kwenye ngozi yako.

Bakteria wanaofahamika kama, streptococcus au staphylococcus husababisha kuungua kwa vinyoleo na pia huleta chunusi kutokana na kutumia mafuta na mtu mwingine.

Njia salama ya kutumia mafuta hayo ni kuhakikisha kuwa kunakuwapo na chombo kingine cha kutolea mafuta kwenye kopo, au mafuta unayamimina mkononi. Lakini kwanini uteseke kwa hayo yote? Ni bora kila mmoja akawa na ya kwake.

7. Lip balm

Midomo ya binadamu huwa na mishipa mingi ya damu ambayo kuna wakati mtu anaweza akawa anatokwa damu kwa sababu mbalimbali. Wengine midomo yao hukauka kiasi kwamba inakuwa kama imepasuka.

Katika hali hiyo ni hatari sana kutumia lip balm na mtu mwingine kwani unaweza kumuambukiza magonjwa mbalimbali.

8. Wembe/’Nail clipper’

Ni vigumu kudhani kuwa kuna watu bado hawajui hatari ya kushirikiana kutumia wembe mmoja katika karne hii ya 21. Lakini ukweli utabaki pale pale kuwa kushirikiana kutumia wembe ni kitu cha hatari sana kwa afya yako.

Ni rahisi sana kwa virusi na bakteria kujikusanya kwenye wembe uliotumiwa na mtu mmoja na kisha kumwathiri mwingine atakayeutumia.

Hali hii inakuwa ni mbaya zaidi hasa pale ambapo unatumia wembe na mtu ambaye anaishi na Virusi vya UKIMWI kwa sababu utakuwa katika hatari kubwa ya kuambukizwa ugonjwa huo.

Licha ya kuwa nail clippers si hatari kama ilivyo wembe, lakini haushauriwi kutumia na mtu mwingine.

9. Spika za masikioni

Inanisikitisha sana kama mimi ndio nitakuwa nakukumbusha au kukwambia kwa mara ya kwanza kwamba kutumia earphones na mtu mwingine ni hatari sana.

Tafiti zimeonyesha kuwa spika za masikioni hubeba bakteria kutoka kwenye masikio ya mtumiaji mmoja kwenda kwa mtumiaji mwingine.

Bakteria kama staph na strep zinaweza kukaa kwenye spika za masikioni na kuhamia kwa mtu mwingine mara tu anapozitumia na kusababisha madhara.

Njia bora ya kutumia spika hizo na mtu mwingine ni kama mtumiaji wa kwanza akimaliza ataziosha vizuri kwa kemikali na kuua bakteria wote, lakini kama hilo haliwezekani, sema hapana kwa yeyote anayetaka kutumia spika hizo kupata mdundo.

from Blogger http://ift.tt/2vyJfUT
via IFTTT

VYAMA VYA UPINZANI WAANZA KUMDAI MRITHI WA PROF. MUHONGO

Mbunge wa Jimbo la Kibamba, ambae ni Waziri Kivuli wa Nishati na Madini, John Mnyika, akiongea katika mkutano wa hadhara Jumatano 2/8/2017 eneo la Goba mwisho katika Jimbo la Kibamba, amemtaka Rais Magufuli ateue Waziri wa Nishati na Madini ili aongoze majadiliano kuhusu madini.

“Ni muda mrefu umepita Rais hajateua Waziri wa Nishati na Madini, ambaye ndiye anayestahili kuongoza majadiliano kuhusu madini, badala yake anamuachia Waziri wa Katiba na Sheria kuongoza majadiliano kuhusu masuala ya madini, Ameamuachia Waziri wa Katiba na Sheria kwa sababu alikuwa kwenye tume ya mabadiliko ya Katiba, nae amekataa kuendeleza mabadiliko ya katiba mpya” amesema Mnyika.

Amesema Serikali makini isingeanza na makinikia huku madini yanaendelea kuchimbwa na kutoka, wakati kuna makampuni mengine yanaendelea na uchimbaji, na kampuni inayoingoza kwa uzalishaji ni kampuni ya Geita Gold mine (GGM) na inaendelea na uchimbaji hakuna ufuatiliaji wala majadiliano yeyote yanayoendelea, huku Taifa likielekezwa kwenye majadiliano kuhusu makinikia badala yafanyike majadiliano kuhusu madini kwa upana wake.

from Blogger http://ift.tt/2vwccA7
via IFTTT