CHADEMA WAMSHITAKI RAIS KIKWETE UMOJA WA MATAIFA, AU NA KATIKA MAHAKAMA YA KIMATAIFA

CHAMA cha Demokrasia na Maendeleo Chadema kimemshitaki Rais wa Jamhuri ya Muungano wa Tanzania Jakaya Mrisho Kikwete.

Akizungumza na waandishi wa habari  jana mchana ukumbi wa Kisenga uliopo Millenium Tower, wakili wa Chadema, John Mallya alisema Rais  Kikwete ameshitakiwa Umoja wa Mataifa, Umoja wa Afrika na Mahakama ya kihalifu Uholanzi kwa sababu anatumia madaraka yake vibaya kutisha wananchi kuelekea uchaguzi mkuu.

Mallya alisema kuwa Mashitaka hayo yameelekezwa Umoja wa Mataifa lakini pia nakala za tuhuma dhidi ya Rais Kikwete zimepelekwa pia Umoja wa Afrika (AU) na Mahakama ya Kimataifa ya uhalifu wa kivita iliyopo The Hegue Uholanzi.

Kwa mujibu wa wakili huyo wa Chadema, barua hiyo ya tuhuma dhidi ya Rais Kikwete imesainiwa na Makamu Mwenyekiti wa chama hicho Prof. Abdallah Safari.

Mashataka haya yanakuja ikiwa ni miezi miwili tangu Rais Kikwete ailaumu  Mahakama hiyo ya kihalifu kwa kusema kuwa viongozi wa Afrika hawafurahii kwa namna ambavyo mahakama hiyo inavyofanya kazi zake kwa kuwashughulikia zaidi viongozi wa mataifa ya Afrika.

Kauli hiyo ya Rais Kikwete aliitoa jijini Dar es Salaam wakati akifungua mkutano wa 16 wa Umoja wa Wanasheria wa Jumuiya ya Maendeleo ya Uchumi Kusini mwa Afrika-SADC,

Hiyo ilikuwa ni siku moja baada ya ICC kueleza kwamba inafuatilia mwenendo wa uchaguzi nchini Tanzania.

Mwendesha Mashtaka Mkuu wa ICC, Fatou Bensouda, alikaririwa na vyombo vya habari vya Aljazeera na Gambia Today akisema kuwa Mahakama hiyo inatazama kwa umakini mkubwa yanayotokea Tanzania kuelekea Uchaguzi Mkuu kama ilivyofanya katika nchi za Kenya, Ivory Coast na Congo na kwamba itachukua hatua za haraka kama kutakuwa na uvunjaji wa haki za binadamu.

Kauli hiyo ya Bensouda ilitanguliwa na ile iliyotolewa na mgombea urais wa Chama cha Demokrasia na Maendeleo (Chadema), anayeungwa mkono na Umoja wa Katiba ya Wananchi (Ukawa), Edward Lowassa.

Lowassa alilazimika kusema hayo katika ziara ya kutafuta wadhamini katika mikoa ya Arusha na Mwanza  kwa  kulitahadharisha Jeshi la Polisi juu ya uwepo wa Mahakama ya ICC kutokana na kitendo chake cha kutumia nguvu dhidi ya wapinzani kwa kuupiga mabomu msafara wake.

Bashir Aenda China Bila Kuogopa Kukamatwa na ICC

Waziri wa mambo ya nje wa Sudan, Ibrahim Ghandour, amesema mashtaka dhidi ya  Rais Omar al Bashir, wa Sudan, yaliyowasilishwa mbele ya  mahakama ya uhalifu wa  kimataifa ya ICC huko The Hagiue ni tuhuma za nchi za  ulaya pekee.

Bwana Ghandour, amesema mashtaka hayo yanapingwa na  na jumuia nyingine za kimataifa ikiwa ni pamoja na viongozi wa umoja wa Afrika.

Waziri huyo alizungumza hayo kabla ya Rais Omar al Bashir kuelekea Beijing, China, kuanza ziara ya siku nne nchini China.

Akizungumza na sauti ya Amerika kwa njia ya simu, waziri Ghandour, amesema kuwa Rais Bashir, anendelea kutembelea nchi mbali mbali anazoalikwa na viongozi wenzake  bila hofu ya kukamatwa.

Rais Bashir, Jumatatu ameanza ziara ya siku nne huko China chini ya mualiko wa serikali ya China kuhudhuria sherehe za maadhimisho ya kushindwa kwa Japan katika vita ya pili vya dunia.

Hii ni ziara ya pili kwa kiongozi huyo wa Sudan kutembelea China. Waziri Ghandour, amesema kwamba Sudan na China zina uhusiano mzuri.

Ameongeza kusema, Sudan, ni miongoni mwa mataifa ya juu barani Afrika yenye ushirikiano mkubwa wa kiuchumi na China, na nchi hiyo iliisaidia Khartoum wakati wa kipindi kizito cha historia yake pale Marekani ilipoitenga.

Amesema ziara ya Rais Bashir, itakua ni pamoja na mazungumzo juu ya ushirikiano kati ya nchi hizo mbili, mkutano na wafanyabiashara wa China waliowekeza Sudan pamoja na watu kutoka Sudan wanoishi China.

Rais Bashir, alishitakiwa mwaka 2010 kwa uahlifu wa kivita na uhalifu dhidi ya binadamu kutokana na vita ya jimbo la Darfur.

China haikutia saini mkataba wa kuundwa  ICC lakini ni mwanachama wa kudumu wa Baraza la Usalama la Umoja wa Mataifa.

Lubanga:'Nataka kusomea chanzo cha ukabila'

Lubanga

Mtu wa kwanza kabisa kuhukumiwa na mahakama ya kimataifa ya makosa ya Jinai iliyoko the Hague nchini Uholanzi, ameiambia mahakam hiyo kuwa anataka kurejea nyumbani ili kusomea chanzo cha mapigano ya kikabila.

Mbabe huyo wa kivita raia wa Congo, Thomas Lubanga, alisema hayo wakati wa kusikizwa kwa kesi yake, ambapo majaji wanajaribu kuona iwapo anaweza kufunguliwa mapema baada ya kuhudumia robo tatu ya kifungo chake.

Ameiambia mahakama hiyo ya ICC kuwa, amegundua uwezo wake mkubwa alio nao wa kuleta uwelewano na upatanishi nchini DRC.

Bwana Lubanga anahudumia jela miaka kumi na nne kwa kuwatumia watoto kama wanajeshi katika vita na makosa mengine.

Amekuwa kifungoni tangu mwaka 2006.

ICC: Ahueni kwa William Ruto

Naibu Rais Ruto amepata ahueni ya kutohudhuria baadhi ya vikao vya kesi yake

Mahakama ya kimataifa ya uhalifu wa kivita, ICC, imemruhusu Naibu Rais wa Kenya William Ruto kutohudhuria baadhi ya vikao vya kesi dhidi yake katika mahakama hiyo.

Ruto alishitakiwa kwa kosa la uhalifu dhidi ya binadamu baada ya kusemekana kuwa baadhi ya washukiwa wakuu wa ghasia za baada ya uchaguzi zilizokumba Kenya mwaka 2007/08.

Jaji mkuu katika kesi yake hata hivyo amesema kuwa sharti Ruto ahudhurie vikao muhimu wakati kesi yake ikiendelea, ikiwemo nyakati mashahidi wanapotoa ushahidi.
Ruto amekanusha madai ya kuhusika na ghasia za baada ya uchaguzi wa mwaka 2007 na 2008.
Takriban watu 1,200 waliuawa katika ghasia hizo za kikabila na wengine laki sita kuachwa bila makao.
Mwaka jana mahakama hiyo pia ilimruhusu Rais Uhuru Kenyatta kutohudhuria vikao vyote vya kesi yake.
Kenyatta na Ruto walishitakiwa kama washukiwa wakuu wa ghasia zilizozuka baada ya kuibuka utata kuhusu matokeo ya uchaguzi mkuu wakati huo kati ya Rais mstaafu Mwai Kibaki na aliyekuwa waziri mkuu Raila Odinga.
Na BBCSwahili

ICC yawakamata washirika wa Bemba

Bambe alikuwa naibu rais wa DRC na alikamatwa kwa tuhuma za za uhalifu wa kivita

Washirika wanne wa aliyekuwa naibu rais wa DRC, Jean-Pierre Bemba, wamekamatwa kwa madai ya kuhitilafiana na ushahidi dhidi ya Bemba katika kesi inayomkabili katika mahakama ya ICC.

Mahakama hiyo imethibitisha kuwa washukiwa wanne waliokamatwa ni pamoja na mawakili wa Bemba, pamoja na aliyekuwa karani wake.

Taarifa zinazohusiana

• drc,
• Siasa

Kesi dhidi ya kiongzoi huyo wa zamani wa waasi, imekuwa ikiendelea tangu Novemba mwaka 2010, ambapo anatuhumiwa kwa makosa ya mauaji , ubakaji na uporaji katika Jamhuri ya kidemokrasia ya Congo
Mahakama ya ICC katika taarifa yake imesema kuwa washukiwa hao pia waliwasilisha stakabadhi bandia kwa mahakama hiyo.
Jean Pierre Bemba ni kiongozi wa upinzani pamoja na kuwa kiongozi wa waasi ambaye alifikishwa Hague kwa tuhuma za uhalifu dhidi ya binadamu katika Jamuhuri ya Afrika ya Kati.
ICC imetoa vibali vya kukamatwa kwa watu 5 akiwemo Bemba, lakini pia, mawakili wake wawili, shahidi mmoja na mbunge kutoka kwa chama chake walikamatwa.
Wanatuhumiwa kuwa sehemu ya mtandao wa watu waliowasilisha stakabadhi bandia kwa mahakama ya ICC pamoja na kuwapa mlungula baadhi ya mashahidi ili watoe ushahidi wa uongo katika kesi dhidi ya Bemba.
Jean Pierre Bemba amezuiliwa Hague tangu mwaka 2008 kwa makosa anayodaiwa kuyafanya katika Jamuhuri ya Afrika ya Kati,kati ya mwaka 2002-2003. Washirika wake walikamatwa na polisi nchini DRC, Ufarnsa , Ubelgiji na Uholanzi.
Mahakama inasema kuwa watapelekwa Hague jkatika muda mfuypi ujao.
Afisaa mmoja wa ICC aliambia BBC kuwa ikiwa watapatikana na hatia huenda watkatumia kifungo cha miaka mitano gerezani