Showing posts with label Mugabe. Show all posts
Showing posts with label Mugabe. Show all posts
Aliye mtukana Rais Mugabe na Mkewe ashitakiwa

Aliye mtukana Rais Mugabe na Mkewe ashitakiwa


Image captionRais Mugabe na mkewe Grace
Afisa mmoja wa polisi amefikishwa mahakamani nchini Zimbabwe baada ya kulaumiwa kwa kusema kuwa rais Robert Mugabe ambaye sasa ana umri wa miaka 92 ni mzee sana kuwa kiongozi.
Thomson Joseph Mloyi pia anadaiwa kumtukana mkewe rais Mugabe Grabe, kuwa kahaba kwa mujibu wa gazeti la kibinafsi nchini humo.
Bwana Mloyi aliachiliwa kwa dhamana ya dola 100 na anatarajiw kufikishwa mahakamani tena tarehe 15 mwezi huu.
Mugabe ndiye kiongozi wa umri mkubwa zaidi duniani baada ya kutimia umri wa miaka 92 mwezi uliopita.

ZIMBABWE YAIPA MAJENGO SADC KWA AJILI YA KITUO CHA KUFUNDISHIA WALINDA AMANI


Rais wa Zimbabwe na Mwenyekiti wa Jumuiya ya Maendeleo ya Nchi za Kusini mwa Afrika (SADC), Mhe. Robert Mugabe akiangalia Hati Miliki ya Majengo ambayo Serikali ya Zimbabwe imetoa kwa SADC kuwa Kituo cha Kufundishia Walinda Amani. Hati hiyo ilikabidhiwa kwa Katibu Mtendaji wa SADC, Dkt. Stergomena Tax anayeonekana kushoto. Majengo hayo yapo kwenye kiwanja chenye ukubwa wa ekari 16 ambayo Zimbabwe imetoa bure kwa SADC kama mchango wake wa kuhamasisha amani na utulivu barani Afrika.
Rais Mugabe akiongea machache mara baada ya kukabidhi Hati Miliki ya majengo ya Kituo cha Kufundishia Walinda Amani.
Wageni 'stop' biashara ndogo Zimbabwe

Wageni 'stop' biashara ndogo Zimbabwe

Wamiliki wa makampuni ya nje yanayoendesha shughuli katika baadhi ya sekta nchini Zimbabwe kuanzia Januari mosi mwaka 2014 hawataruhusiwa na iwapo watakiuka agizo hilo watakamatwa mmoja wa maafisa waandamizi wa serikali ya nchi hiyo amesema.
Rais Robert Mugabe wa Zimbabwe
Katibu wa Uwezeshaji Uchumi George Magosvongwe alitoa onyo katika bunge la nchi hiyo, gazeti moja la serikali limesema.
Kumilikisha uchumi kwa wanyonge ni moja ya kampeni ya Rais Robert Mugabe katika uchaguzi uliofanyika mwezi Machi.
Kilimo, maduka ya kunyoa nywele, biashara za saluni, biashara ya kuuza vitafunio ni miongoni mwa kazi zitakazofanywa na wazawa pekee nchini humo.
"Kuanzia Januari mosi mwezi mmoja unaokuja tutaanza kuchukua hatua na tayari tumeandaa utaratibu na hatua za kuchukuka kwa wal watakaokiuka agizo hilo," Gazeti la serikali ya Herald limemnukuu Bwana Magosvongwe akisema.
Amesema raia wa Zimbabwe wamekwishaandaliwa ili kuchukua nafasi za kuendesha shughuli zilizokuwa zikiendeshwa na wageni ili kuepuka upungufu wa bidhaa.
Kwa mujibu wa gazeti la Herald biashara zilitengwa kwa wazawa ni pamoja na biashara za reja reja na jumla, maduka ya kunyoa, biashara za saluni, biashara za kutengeneza na kuuza vitafunio, kilimo , usafirishaji, biashara za majengo na matangazo.
Amesema migahawa inayomilikiwa na wageni ambayo haitengenezi vyakula vya asili haitaathirika.
Wamiliki wa biashara ambao hawatakidhi vigezo vya biashara za wazawa watakuwa katika hatari ya kupigwa faini au kifungo kama wataendelea kufanya biashara hizo gazeti la Herald limesema.

Kategori

Kategori