YANGA KUWASHITAKI MEDEAMA

LIVE KUTOKA TUNISIA (FULL TIME...BALL POSSESSION etoile 51% yanga 49%): ETOILE DU SAHEL 1 VS YANGA 0

Etoile wanafanya mabadiliko kupoteza muda
DAKIKA 90+3
Dk 84&88 Yanga wanaonekana kuwa fiti zaidi, wanashambulia kwa kasi huku Etoile wakiwa wamerudi nyuma kwa wingi.

SUB: Dk 83, Yanga wanamtoa Telela na nafasi yake inachukuliwa na Coutinho

Dk 81, Youssef tena anapata nafasi vizuri sana anapiga kichwa lakinianapaisha

Dk 78, Banghoura anaingia katika eneo la hatari anapiga vizuri lakini Dida anadaka safi kabisa
KADI Dk 72 Yondani analambwa kadi ya njano kutokana na kumfanyia madhambo Youssef
Dk 71, Dida anafanya kazi nzuri ya kudaka mashuti mawili mfululizo ya Waarabu

DK 70 Tambwe anapata nafasi nzuri kabisa lakini anapiga shuti dhaifu

KADI Dk 64 Yanga wanamtoa Sherman na nafasi yake inachukuliwa na Hussein Javu
Dk 55&58, Yanga wanaonekana kuumiliki vizuri mpira na kuwapa wakati mgumu Etoile lakini bado mpira unachezwa katikati ya uwanja.

Dk 51, anajaribu kupiga shuti lakini linaonekana ni nyanya kwa kipa
Dk 47, Etoile wanalazimika kufanya kazi ya ziada kuokoa mpira unaotoka nje. Kama Sherman angeuwahi ingekuwa jambo jingine

Dk 45, Makapu anaokoa mpira uliompita Dida ukienda kuvuka msitari baada ya Youssef kuwatoka mabeki Juma Abdul na Yondani.

KADI Dk 42 Kom raia wa Cameroon analambwa kadi ya nyekundu kwa kumfanyia madhambi Msuva..anakwenda nje

Dk 33, Sherman anapoteza nafasi nzuri kabisa baada ya kupokea pasi nzuri ya Ngassa lakini anashindwa kuitumia kwa kupaisha buuu
Dk 30 Yanga wanafanya shambulizi kali, Ngassa anapiga krosi nzuri lakini Etoile wanaokoa na kuwa kona
GOOOOOOOO Dk 25 Ammar Jemal anaifungia Etoile bao la kichwa baada ya krosi nzuri ya Kom na difensi ya Yanga kupoteana.

Dk 24, Kom anapiga shuti kali  lakini Dida anaokoa na kuwa kona
Dk 21, Dida anaanguka baada ya kufanyiwa madhambi, mwamuzi anaruhusu atibiwe

KADI Dk 19, Tambwe analambwa kadi ya njano kwa kucheza faulo...Dk 18, Youssef Mohebi anageuka anageuka na kupiga shuti kali ndani ya eneo la hatari la Yanga, mpira unatoka nje kidogo.

Kwa upande wa Yanga, nahodha ni Mbuyu Twite katika mechi ya leo..
Mechi imeanza kwa kasi kubwa. Tayari Etoile wamefika mara tano langoni mwa Yanga na Yanga wakiwa wamefika mara mbili tu.

Mpira una kazi kubwa lakini Yanga wanaonekana kuihimili.

Hata hivyo Etoile wanatumia mipira ya kasi na krosi kutaka kufunga lakini kipa Deogratius Munish ‘Dida’ anakuwa makini.

Yanga ndiyo mabingwa TZ Bara.. leo ni headlines za mchezaji wao, Mrisho Ngassa

Jopo maalum la makocha ambao huchagua wachezaji bora kwa kila mchezo kwenye ligi kuu ya soka Tanzania bara wametoa matokeo ya wachezaji waliochaguliwa kuwa bora kwenye ligi hiyo kwa mwezi April.

Mshambuliaji wa Yanga na timu ya Taifa, Mrisho Ngassa amechaguliwa kuwa mchezaji bora wa Ligi Kuu ya Vodacom ya mwezi April.

Ngassa ametajwa kuwa mshindi katika nafasi hiyo, wenzake ambao walikuwa wakishiriki ni pamoja na mchezaji Amos Edward, Frank Domayo na Emmanuel Okwi baada ya kupata alama nyingi za mchezaji bora kwa kila mchezo.

Mbali na Ngassa pia James Ambrose ametajwa kuwa mchezaji bora wa Ligi hiyo kwa mwezi March 2015.

Zawadi ambayo watapatiwa mastaa hao kila mmoja ni pesa kiasi cha Tshs. Mil. 1 kutoka kwa wadhamini wa ligi hiyo kampuni ya simu za mkononi ya Vodacom.

DRFA NA TFF WAIPA MANENO MAZITO YANGA KUELEKEA KUWAKABILI WATUNISIA

DRFA YAIPA MBINU YANGA KUINYOA ETOILE DU SAHEL

Kuelekea mchezo wa michuano ya kombe la shirikisho barani afrika kati ya Yanga dhidi ya Etoile Du Sahel ya Tunisia utakaopigwa jumamosi hii April 18 katika uwanja wa taifa,Chama cha soka mkoa wa Dar es salaam DRFA,kimeitabiria makubwa klabu hiyo ya Jangwani kuvuka katika kizingiti hicho kigumu kwa mchezo wa nyumbani na ugenini dhidi ya wababe hao wa Tunisia.

Mwenyekiti wa chama hicho Almasi Kasongo,amesema ili yanga ifanye vizuri katika mechi hiyo na kuwapa raha mashabiki wake na watanzania kwa ujumla,ni lazima icheze kwa uangalifu mkubwa na kukwepa kuendana na style ya kupoozesha mpira wanayoitumia wapinzani katika mechi za ugenini.

kasongo amelishauri benchi la ufundi la Yanga chini ya makocha Hans Pluijm na msaidizi wake Charles Mkwasa,kutumia mbinu ya kushambulia kwa muda wote ili kuwaduwaza wapinzani ambao wakati mwingine hutumia mbinu ya kufanya mashambulizi ya kushtukiza.

Ametoa wito pia kwa mashabiki wa soka mkoa wa Dar es salaam na maeneo ya jirani, kujitokeza kwa wingi siku ya jumamosi kuishangilia Yanga ambao wanaliwakilisha taifa katika mashindano hayo ya vilabu barani afrika.

Hata hivyo DRFA inaamini kuwa Yanga ambayo ni moja ya timu zake zilizopo katika mkoa wa Dar es salaam haina sababu ya kutofanya vizuri katika mchezo huo, kutokana na kuwa na kikosi kizuri kilichovisambaratisha katika michuano hiyo vilabu vya BDF ya Botswana pamoja na Platinum ya Zimbabwe.

 

Imetolewa na Chama Cha Soka Mkoa wa Dar es salaam,DRFA.

KILA LA KHERI YANGA JUMAMOSI

Rais wa Shirikisho la Mpira wa Miguu nchini TFF, Jamal Malinzi ameitakia kila la kheri timu ya Young Africans katika mchezo wake wa jumamosi wa Kombe la Shirikisho barani Afrika (CC) dhidi ya timu ya Etoile du Sahel kutoka Tunisia, mechi itakayopigwa kwenye Uwanja wa Taifa jijini Dar  es salaam.

Katika salamu zake kwa klabu ya Young Africans, Rais Malinzi amewaambia wanapaswa kupambana na kuhakikisha wanapata ushindi katika mchezo huo wa jumamosi, ili kujiweka katika mazingira mazuri ya kusonga mbele katika mchezo wa marudiano kwani ndio pekee kwa sasa wanaoipeperusha bendera ya Tanzania katika michuano ya kimataifa.

Young Africans imeingia katika hatua ya 16 bora Kombe l Shirikisho barani Afrika,baada ya kuzitoa BDF XI ya Botswana katika hatua ya awali kwa jumla ya mabao (3-2), kisha kuwaondoa FC Platinum ya Zimbabwe katika hatua ya kwanza kwa jumla ya mabao (5-2).

Endapo timu ya Young Africans itafanikiwa kuwaondoa Etoile du Sahel itasuburia kucheza  mechi ya mtoano (Play-off) dhidi ya timu mojawapo zitakaotolewa katika 16 bora ya Ligi ya Mabingwa barani Afrika (CL).

Wakati huo huo wapinzani wa Young Africans timu ya Etoile du Sahel wanatarajiwa kuwasili  saa 9 usiku kuamkia ijumaa kwa usafiri wa Ndege ya kukodi ya kampuni ya Nouvelair   bj 4870 wakiwa na msafara wa watu 56.

Makamu wa Rais wa Shirikisho la Mpira wa Miguu nchini Tunisia  (FTF), Bw. Krifa Jalel ndiye mkuu wa msafara huo akiwa na Rais wa klabu ya Etoile du Sahel (ESS) Bw.Charefeddine Ridha, wachezaji 19, benchi la ufundi lenye watu 13, waandishi wa habari 12 na wanachama 10

Timu ya Etoile du Sahel itafikia katika hoteli ya Ledger Plaza zamani Bahari Beach eneo la Kunduchi, na kesho jioni ijumaa wanatarajiwa kufanya mazoezi katika uwanja wa Taifa jijini Dar es salaam.

Waamuzi wa mchezo huo ni Samwel Chirindiza, Arsenio Marenguka, Celio de Jesus Musabe, Jose Maria Bachide wote kutoka nchini Msumbuji na wanatarajiwa kuwasili leo mchana, huku kamisaa wa mchezo huo Salah Ahmed Mohamed kutokea nchini Sudan akitarajiwa kuwasili leo jioni na wote watafikia katika hoteli ya Protea iliyopo Oysterbay.