Showing posts with label 2017 at 05:53PM. Show all posts
Showing posts with label 2017 at 05:53PM. Show all posts
MBUNGE WA CCM KUNYANG’ANYWA VIWANDA ANAVYOMILIKI NA RAIS MAGUFULI

MBUNGE WA CCM KUNYANG’ANYWA VIWANDA ANAVYOMILIKI NA RAIS MAGUFULI

Rais Dkt John Pombe Magufuli mara nyingi husema kuwa yeye si mnafiki na huwa anapenda kusema ukweli kuliko kukaa na vitu ambavyo vitamuumiza moyo. Jana aliendelea kushikilia msimamo huo baada ya kumshukia Mbunge wa Morogoro Mjini, Aziz Abood akimtaka kuvirejesha serikali viwanda alivyobinafsishiwa kama hawezi kuviendeleza.
Rais Magufuli alitoa kauli hiyo jana aliposimama kuzungumza na wananchi katika Kituo cha Mabasi cha Msamvu mkoani Morogoro ambapo alikuwa akisiistiza wafanyabiashara kuviendeleza viwanda walivyonunua kutoka serikali na sio kubadilisha na kufanyia shughuli zao nyingine.
Alisema kwamba, haijalishi aliyenunua kiwanda kutoka serikalini yupo chama gani, lakini kama hawezi kukiendeleza basi akirudishe mwenyewe ili serikali iwape wawekezaji wengine wenye nia na uwezo wa kuviendeleza.
“Narudia wito wangu niliokwishatoa kwamba, wenye viwanda hapa Morogoro ambao wameshindwa kuviendeleza, na leo nataja, akiwemo Mbunge wa hapa CCM, narudia akiwemo Mbunge wa hapa CCM, alibinafsishiwa viwanda vingi, kama ameshindwa kuviendesha, arudishe ili tuwape watu wengine kwa sababu vijana hawa wanakosa ajira. Nazungumza kwa uwazi kwa sababu msema kweli ni mpenzi wa Mungu,” alisema Rais Magufuli.
Wakati Rais akitoa kauli hiyo alipokuwa akirejea Dar es Salaam akitokea Makao Makuu ya Nchi, mjini Dodoma, Waziri wa Viwanda, Biashara na Uwekezaji Charles Mwijage ametoa siku 19 kuanzia leo kwa watu wote waliobianfisishiwa viwanda kuviendeleza ama la watanyang’anywa.
Akizungumza na waandishi wa habari jana, Mwijage alisema serikali itavichukua viwanda 54 kati ya 156 vilivyobinafsishwa kati ya mwaka 1992 hadi 2004 ambavyo havijaendelezwa ifikapo Agosti 15 mwaka huu.
Waziri Mwijage alisema lengo la kuchukua viwanda hivyo ni ili wapewe wawekezaji wengine wenye nia na uwezo wa kuviendeleza kusudi vitoe ajira kwa vijana wengi ambao wanamaliza vyuo na kukaa mtaani bila ajira.
Katika kuhakikisha viwanda vinafanya kazi, Waziri Mwijage alisema kwa wale wote ambao wanapata ugumu kuviendesha, Taasisi ya Utafiti wa Viwanda na Maendeleo (TIRDO) na Shirika la Maendeleo ya Viwanda Vidogo (SIDO) watatoa msaada ya kitaalamu wa namna bora ya kuviendesha viwanda hivyo.

from Blogger http://ift.tt/2v4esP3
via IFTTT


MAHAKAMA YAWAMURU TIGO KUWALIPA MABILIONI MWANA FA NA A.Y KWA KUVUNJA SHERIA

MAHAKAMA YAWAMURU TIGO KUWALIPA MABILIONI MWANA FA NA A.Y KWA KUVUNJA SHERIA

Mahakama Kuu ya Tanzania leo Julai 21, 2017 imetupilia mbali rufaa iliyofunguliwa na Kampuni ya simu ya MIC Tanzania (Tigo) kupinga kuwalipa wasanii Ambwene Yesayah maarufu A.Y na Hamis Mwinjuma maarufu MwanaFA Tshs 2,185,000,000 kwa kutumia nyimbo zao bila idhini yaowala kuwa na mkataba.
Akizungumza na Swahili Times baada ya uamuzi huo wa mahakama, Wakili Albert Msando ambaye ndiye alikuwa anawawakilisha wasanii wao manguli wa muziki Tanzania amesema kwamba, huu ni ushindi muhimu kwa sanaa ya Tanzania.
“Mahakama imekubaliana na hoja zetu dhidi ya rufaa ya Tigo na kuitupilia mbali na kuamuru wasanii hao walipwe kiasi hicho kama kilivyokuwa kimeamuriwa mara moja,” alinukuliwa Msando akisema.
Awali, A.Y na Mwana FA walifungua kesi hiyo ya madai kwenye Mahakama ya Wilaya ya Ilala kupinga kitendo cha kampuni hiyo ya mawasiliano nchini kutumia nyimbo zao kwenye miito ya simu bila ya ridhaa yao au kuwa na mkataba.
Hakimu Mfawidhi wa Mahakama ya Wilaya ya Ilala, Juma Hassan alitoa hukumu ya kesi hiyo Aprili 11, akiwapaushindi wasanii hao ambapo iliiamuru Tigo kulipa Tsh 2,185,000,000 kama faini ya jumla kwa ukiukwaji wa sheria.
Kampuni ya Tigo ilikata rufaa Mahakama Kuu ikipinga uamuzi huo wa Mahakama ya Wilaya ya Ilala, ambapo leo mahakama kuu nayo imetupilia mbali rufaa hiyo.
Wasanii hao wawili wameweka historia katika Sheria ya Haki Miliki nchini kwani ndio wasanii wa kwanza wa muziki wa kizazi kipya kufungua kesi ya hakimiliki na kushinda.
Kwa upande wake Mwana FA aliyekuwa mahakamani hapo wakati hukumu hiyo ikitolewa alisema kwamba, fedha hizo walitakiwa walipwe tangu hukumu ilipotolewa na mahakama ya wilaya, lakini ilishindikana kutokana na Tigo kukata rufaa mahakama kuu, na hivyo kutakiwa kusubiri maamuzi ya mahakama.
Aidha, alisema, kufuatia uamuzi wa mahakama kuu leo wa kutupilia mbali rufaa hiyo, wanatakiwa kulipwa fedha hizo katika kipindi cha muda mfupi.
Mafanikio haya makubwa katika kesi hii, huenda yakawachochea wasanii wengine ambapo kazi zao zinatumiwa kinyume na sheria kwenda mahakamani kudai haki yao. Lakini pia, uamuzi huu utaimarisha haki miliki za kazi za wasanii wa Tanzania.

from Blogger http://ift.tt/2gQf3y4
via IFTTT


YANGA SC WATOA TAMKO JUU YA KAMATI YA SAA 72

YANGA SC WATOA TAMKO JUU YA KAMATI YA SAA 72

Leo milango ya saa sita kamili ofisi ya katibu mkuu Yanga SC akiwa pamoja na wajumbe wa kamati ya utendaji , walikutana na waandishi wa habari kuongelea juu ya maamuzi na utendaji wa kamati ya saa 72 kwa rufaa mbalimbali zilizowakilishwa wao kubwa ikiwa rufaa ya Simba SC kwa Kagera Sugar.Viongozi hao wakiongozwa na Mwenyekiti wa kamati ya mashindano ya Yanga SC Mhandisi Paul Malume , wamesema hawana imani na kamati hiyo na kinachoendelea ni kutaka kuvuruga utulivu wa ligi kuu na soka kiujumla .
Tayari wameziangazia harufu na fununu ya kubadilishwa kwa ripoti za michezo ambayo Simba wanasema mlinzi wa Kagera Mohamedi Fakhi alipata kadi 3 za njano .
Kwanza kabisa Salumu Mkemi mjumbe kamati kuu Yanga SC amesema kamati hiyo haina usawa ; ni kamati inayoundwa na zaidi ya wanachama 6 wandamizi wa Simba SC na wao kama Yanga wakiwa na wanachama wawili tu.
” kamati hii imechelea kutoa maamuzi kwa kuandaa ripoti za uongo za michezo dhidi ya Fakhi pia tuna taarifa za kughushiwa email na nyaraka zingine ili kuipa alama tatu Simba SC yenye zaidi ya wajumbe 6 katika kamati hiyo. Kama Yanga tumeanza uchunguzi wetu na kutoa taarifa kwa vyombo husika vya dola pia maamuzi yoyote ya kuibeba Simba tutakwenda mahakamani licha ya sheria za FIFA kukataza hivyo kama hawataki tufike huko lazima haki itendeke. ..” alieleza mjumbe huyo.
“tumeshavijulisha vyombo husika yaani takukuru na watu wa (cyber crime) na TCRA juu ya uchunguzi wa mawasilano ya waamuzi wote waliosika na kutajwa kwenye rufaa hiyo”
Ofisi hiyo imetoa rai kwa wakati umefika wa kuundwa kwa kamati zisizo na masilahi pande yoyote ili kuleta haki katika maamuzi mbalimbali ya soka letu.
” tuache kumtafuta bingwa wa mezani . Sisi tumefungwa karibu mechi tatu na hatujalilia alama za mezani kwanini wao?! Mbona jana wamecheza mchezo mzuri mwishoni na kupata ushindi wa jioni dhidi ya Mbao na hakuna kelele?! tena tunawapongeza kwa come back ile . Hiki ndicho mashabiki wa timu hizi wanakitaka . Ushindi wa uwanjani sio figisu . “
“Tunawapongeza sana kwa ushindi wao wa jana kwa kuonyesha kupambana na kuweza kurudisha magoli mawili na kupata ushindi dhidi ya mbao wapambane hivyohivyo kupata point tatu uwanjani na sio mezani kama wnavyotaka hizo za Kagera Sukari” alieleza Mjumbe Salum Mkemi

from Blogger http://ift.tt/2o5JMoX
via IFTTT


LEMA ATUMA UJUMBE KWA RAIS KWA KUWAITA WASALITI WABUNGE WA CCM WALIOTAKA KUMTEMBELEA

LEMA ATUMA UJUMBE KWA RAIS KWA KUWAITA WASALITI WABUNGE WA CCM WALIOTAKA KUMTEMBELEA

Mbunge wa Arusha Mjini, Godbless Lema (CHADEMA) ameonyesha kusikitishwa na kauli iliyotolewa na Mwenyekiti wa CCM na Rais Dkt Magufuli kuwa baadhi ya wabunge waliokua wamepanga kwenda kumuona akiwa mahabusu, wangekuwa ni wasaliti kwa chama.
Dkt Magufuli aliyasema hayo jana wakati wa kikao na wabunge wa CCM katika Ikulu ndogo ya Chamwino mkoani Dodoma.
Nimekuwa nikielezwa kuwa baadhi mliunda kamati mkitaka kwenda kumuona Lema alipokuwa gerezani, jambo hilo ni sawa na usaliti kwa chama na viongozi wa CCM, alisema M/kiti Dkt Magufuli.
Kufuatia kauli hiyo, Mbunge Godbless Lema ameandika ujumbe huu kwa Rais Dkt Magufuli;
Mh Rais Magufuli nakusalimu.
Nimetoka Magereza hivi karibuni ambako nilikuwa huko kwa zaidi ya miezi minne kwa kunyimwa masharti ya dhamana kwa dhamana iliyokuwa wazi.
Mh Rais, nimeona kwenye vyombo vya habari leo kuwa kwamba wale Wabunge waliokuwa wanataka kunisalimia nilipokuwa Magereza kuwa ni wasaliti wa chama cha CCM, Mh Rais wengi walinisalimia , Wachungaji , Masheikh, Wabunge na Viongozi mbali mbali , sidhani kama hatua hii ilikuwa ni usaliti isipokuwa upendo ambao ni muhimu kwa binadamu yoyote haswa wakati wa matatizo.
Mh Rais , nimeogopa sana kwa kauli hii yako , je Taifa linakwenda wapi , hivi kweli sisi Wabunge ni maadui? kama viongozi tutafikiri utengano ni moja ya njia ya kuimarisha vyama vyetu , basi bila shaka tutakuwa tunalitendea Taifa ubaya .
Dhambi hii ikikomaa basi ni hakika kwamba lugha za udini ,ukanda na ukabila hazitaacha kukomaa , ni muhimu sasa tukajenga utamaduni wa kuimiza mshikamano wa Kitaifa bila kujali itikadi kama kweli tunawapenda masikini na wanyonge wa Nchi hii .
Nawaomba Wabunge wenzangu walionijali wakati niko magereza wasijisikie vibaya kwani walifanya jambo jema na muhimu kwa wakati muhimu sana katika maisha yangu , ninatarajia kuwa Spika wa Bunge atatoa kauli juu ya kauli yako .
Mh Rais wakati wa Msiba wa Christina Lissu dada yake na Mh Tundu Lissu nilikuona katika msiba ule wewe na Mama yetu Mke wako , je Mh Rais na wewe ulikuwa unasaliti Chama chako ?
Mh Rais neno la Mungu linasema , Wapendeni maadui zenu , waombeni wanaowauzi , wabarikini wanaowaonea kwani kufanya hivi ni kuishi kwa thawabu za Mwenyezi Mungu .
Mungu akubariki sana , natumaini Mh Rais sitakamatwa leo kwa ujumbe huu mfupi .
Godbless J Lema (MB)

from Blogger http://ift.tt/2mJiJ3X
via IFTTT


Kategori

Kategori