Showing posts with label 2017 at 11:38AM. Show all posts
Showing posts with label 2017 at 11:38AM. Show all posts

VIDEO Tundu Alipogoma Kutoka Mahakani tizama

July 19, 2017 Mbunge wa Singida mashariki Tundu Lissu aligoma kutoka katika chumba cha Mahakama ya wilaya Dodoma alipokuwa akifanya shughuli zake za uwakili kwa kuhofia kukamatwa na Polisi waliosemekana kumsubiri nje wamkamate kwa tuhuma za uchochezi.
Akiwa ndani ya Mahakama, Tundu Lissu aliongea mbele ya Waandishi wa habari Dodoma na kusema kuwa alibaini njama za Polisi kutaka kumkamata baada ya kupata taarifa kutoka kwa Mke wake na kwamba Polisi walianzia kumtafuta nyumbani Dar es salaam kabla ya kufahamu kuwa yuko Dodoma.
Kwenye hii video hapa chini Tundu Lissu anaonekana akielezea mkasa huo…

from Blogger http://ift.tt/2thjRhG
via IFTTT


Mkandarasi Aamriwa Kurudia Ujenzi wa Barabara

Mkandarasi Aamriwa Kurudia Ujenzi wa Barabara

MKANDARASI wa barabara ya Kilindoni-Utende wilayani Mafia mkoani Pwani, ametakiwa kurudia ujenzi wa barabara hiyo kwa gharama zake mwenyewe.
Kauli hiyo ilitolewa na Naibu Waziri wa Ujenzi, Uchukuzi na Mawasiliano, Edwin Ngonyani wakati akijibu swali la Mbunge wa Mafia, Mbaraka Dau (CCM) aliyetaka kujua mkandarasi wa barabara hiyo anachukuliwa hatua gani.
Alisema, baada ya kufanya uchunguzi matokeo yaliyonesha kuwa baadhi ya sehemu za barabara hiyo hazijajengwa katika ubora unaotakiwa.
Ngonyani alisema, kutokana na hali hiyo mkandarasi alielekezwa kurudia kwa gharama zake mwenyewe maeneo yote yaliyoonekana yana upunguf kulingana na matakwa ya mkataba.
Kazi hiyo ya kurudia maeneo ambayo yamejengwa chini ya kiwango utaanza mara baada ya kipindi cha mvua.
Alisema uangalizi wa karibu wa maeneo mengine unaendelea kufanywa na Tanroads ili kuhakikisha kuwa barabara hiyo inakabidhiwa serikali ikiwa na viwango vya ubora unaokubalika kimkataba.
Barabara hiyo yenye urefu wa kilometa 14 ilijengwa kwa kiwango cha lami na kampuni ya China Henan International Cooperation Group Limited (Chico) na kukamilika Januari mosi, 2015 na kufuatiwa na kipindi cha uangalizi cha mwaka mmoja.
Wizara kupitia Tanroads ilikataa kuipokea barabara hiyo kutokana na kasoro zilizojitokeza wakati wa kipindi cha uangalizi na iliamua ifanywe uchunguzi na kubaini upungufu huo.

from Blogger http://ift.tt/2nLPDVn
via IFTTT


Kimenukaa..Panga Pangua Yawaweka Kando Vigogo Hawa wa Uhamiaji…!!!

Kimenukaa..Panga Pangua Yawaweka Kando Vigogo Hawa wa Uhamiaji…!!!

KAMISHNA Jenerali wa Uhamiaji Dk Anna Makakala amefanya mabadiliko ya viongozi wa Uhamiaji wa mikoa na kuteua wapya Tanzania Bara na Visiwani.
Mabadiliko hayo yamemgusa Kamishna wa Idara hiyo Kanda ya Dar es Salaam, John Msumule ambaye ameondolewa na nafasi yake kuchukuliwa na Naibu Kamishna Mary Palmer.
Kwa mujibu wa taarifa ya Dk Anna, 
katika mabadiliko hayo, Sixstus Nyaki aliyekuwa Mkuu wa Uhamiaji wa Mkoa wa Mwanza amehamishiwa Simiyu wakati aliyekuwa na nafasi kama hiyo mkoani Rukwa, Selemani Kameya amehamishiwa Tabora.
Aidha, katika mabadiliko hayo, Mkuu wa Uhamiaji Mkoa wa Mbeya, Asumsio Achacha amehamishiwa mkoa wa Kaskazini Pemba huku aliyekuwa Manyara, Peter Kundy akihamishiwa Dodoma kuchukua nafasi ya Ali Mohamed ambaye amehamishiwa Arusha.
Mkemi Mhina Seif ameteuliwa kuongoza mkoa wa Kusini Unguja, huku Muhsin Abdallah Muhsin akiteuliwa kuongoza mkoa wa Kaskazini Unguja.
Katika mabadiliko hayo pia, Said Omary Hamdani ataongoza idara hiyo mkoa wa Mjini Magharibi na Othman Khamis Salum anakuwa Mkuu wa Uhamiaji Mjini Magharibi Unguja.
Baadhi ya wakuu wa Uhamiaji wa mikoa wamebaki kwenye vituo vyao vya kazi vya awali.
Katika mabadiliko hayo, Kamishna Jenerali Makakala pia aliteua viongozi wapya idara kwenye baadhi ya mikoa ambapo Plasid Mazengo ameteuliwa kuongoza mkoa wa Pwani huku Mrakibu Mwandamizi James Mwanjotile akipelekwa kuongoza Mtwara.
Kamishna Msaidizi Mwandamizi Hope Kawawa ameteuliwa kuwa Mkuu wa Uhamiaji Mkoa wa Iringa na Kamishna Msaidizi wa Uhamiaji Hosea Kagimbo anahamishiwa mkoa wa Njombe.
Wengine ni Rashid Magetta anakuwa Mkuu wa Uhamiaji wa Mkoa wa Songwe, Carlos Haule, anakwenda Rukwa; Julieth Sagamiko, Manyara; Albert Rwelamila, Kilimanjaro na Paul Eranga, Mwanza.
Crispin Ngonyani anakwenda Tanga; Shaban Hatibu, Katavi; Remigius Pesambili, Kigoma na Novaita Mrosso anakwenda Mbeya.
Aidha, Bakari Mohamed Ameir anakuwa Mkuu wa Kituo cha Uhamiaji cha Uwanja wa Ndege wa Kimataifa wa Abeid Amani Karume (AAKIA) na Fulgence Mutarasha anakuwa Mkuu wa Uhamiaji Kituo cha Uwanja wa Ndege wa Kimataifa wa Julius Nyerere (JNIA).

from Blogger http://ift.tt/2nSkex4
via IFTTT


Tamko la Waziri Dkt Mwakyembe Kuhusu Madai ya RC Makonda Kuvamia Clouds

Waziri wa Habari, Utamaduni, Sanaa na Michezo, Dkt. Harrison Mwakyembe, leo baada ya kuapishwa Ikulu jijini Dar es salaam, amekiri kuwa anafahamu kuhusu tukio la uvamizi lililofanyika katika ofisi za Clouds Media Group.
Akizungumza na waandishi wa habari, Waziri Mwakyembe aliyechukua nafasi ya aliyekuwa Waziri wa Habari, Utamaduni, Sanaa na Michezo, Nape Moses Nnauye alisema kuwa yeye kwa sasa hawezi kulizungumzia tukio hilo wala kutoa uamuzi wowote kwa kuwa hajapata ushahidi unaojitegemea.
“Ninachokijua kuhusu hilo tukio kinatokana na taarifa za vyombo vya habari, taarifa za magazeti, za redio, za televisheni, na sidhani kama taarifa hizo zinatosha kwa mimi kutoa uamuzi wowote.”
Ameongeza kuwa bado suala hilo ni la kuchunguzwa zaidi kwani picha inayotolewa ni ya upande mmoja.
“Mlalamikaji hapa ni Clouds, anayetupa taarifa kuhusu suala hili zima ni Clouds na wenzake. Kwa hivyo naipata picha hii kwa upande mmoja…”
Aidha kwa mujibu wa ripoti iliyokuwa imetolewa na kamati iliyoundwa na aliyekuwa Waziri, Nape Nnauye ilisema kuwa wamesikiliza upande wa mlalamikaji (Clouds Media Group).
Lakini walipokwenda kwa ajili ya kuusikiliza upande wa mlalamikiwa (RC Paul Makonda) hawakufanikiwa kumpata. Hii ni baada ya wao kusubirishwa kwa muda mrefu nje ya ofisi yake na baadae kuambiwa kuwa Makonda ameondoka na hatoweza kurudi kwa siku hiyo. Jambo hili liliwafanya wajumbe hao kujiaminisha kuwa Makonda hakuwa tayari kulizungumzia suala hilo na aliamua kuwatoroka.
Hata hivyo ripoti hiyo ilikabidhiwa kwa aliyekuwa Waziri, Nape Nnauye ili aifikishe katika mamlaka husika kwa ajili ya kuchukuliwa hatua zaidi.
TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2nyjVtj
via IFTTT


Kategori

Kategori