MABWENI YAWAKA MOTO

MABWENI waliyokuwa wakiishi wanafunzi 355 wa shule ya Wenda yameteketea kwa moto uliozuka katika mabeni hayo katika maeneo ya Mbalizi halmashauri ya Mbeya na kuteketeza vitu mbalimbali.

 

Akizungumza na waandishi wa habari Kamanda wa Polisi Mkoa wa Mbeya Ahmed Msangi alisema kuwa tukio hilo lilitokea Juzi katika Shule Wenda iliyopo maeneo ya Mbarizi halmashauri ya Mbeya.

Alisema Mkurugezi wa Shule hiyo Fideles Daniel (54) majira ya saa 2:15 usiku aligundua moto katika mabweni ya shule hiyo.

Mabweni yaliyo teketea katika shule hiyo yalikuwa na majina tofauti tofauti, Koffi Annan na Marcus kwenye mabweni haya moto ulidhibitiwa kwa kuzimwa na wanafunzi pamoja na watu wanaoishi jirani na shule hiyo kwa kushirikiana na kikosi cha zima moto.

Alisema, kuwa mabweni ya State House na Malcom X yaliteketea kabisa kwa moto na hakuna kitu kilichookolewa katika mabweni haya.

Wakati moto huo unaanza kuteketeza mabweni hayo wanafunzi walikuwa katika vyumba vya madarasa wakijisomea muda wa usiku.

Alisema kuwa chanzo cha moto huo bado hakijajulikana na kuwa thamani ya vitu vilivyo teketea inaenelea kuchunguzwa.

Msangi alisema kuwa mabweni yaliyoteketea yalikuwa yakilaliwa na wanafunzi wanaume na kuwa jumla ya vitanda 74 vimeteketea.

Kamanda amewataka wamiliki wa shule na taasisi zingine kuwa na vifaa vya kuzimia moto ilikukabiliana na matukio ya aina hiyo yanapo tokea.

Share this

Share on FacebookPlus on Google+