Maelfu ya polisi wa Afrika kusini watawekwa katika eneo la tukio la kumbukumbu ya Nelson Mandela katika uwanja wa kandanda wa mjini Soweto, na maafisa watazuwia watu kuingia katika eneo hilo iwapo watu watakuwa wengi kupita kiasi.
Waombolezaji ikiwa
ni pamoja na viongozi zaidi ya 70 kutoka kote duniani
wanatarajiwa kumiminika katika uwanja wa Soccer City
wenye uwezo wa kuingia watu 95,000. Mandela alijitokeza mara ya mwisho katika uwanja huo siku ya mwisho ya fainali za kombe la dunia mwaka 2010.
Luteni kanali Solomon Makgale, msemaji wa jeshi la polisi nchini Afrika kusini , amesema kuwa polisi 1,000 wataelekeza magari, watawalinda waombolezaji na watasaidia walinzi wa viongozi ambao watawasili nchini humo kwa ajili ya tukio hilo.
Miongoni mwa viongozi wanaotarajiwa kuwasili nchini Afrika kusini leo na kesho ni pamoja na rais Barack Obama pamoja na mkewe Michelle Obama.
NA dw.de