BENKI nchini
zimetakiwa kuwekeza katika kuwasaidia wakulima mbalimbali ili waweze kusindika
mazao yao katika maeneo yanakozalishwa ili kulinda ubora wa mazao hayo.
Akizungumza na
wafanyabiashara katika hafula fupi baada ya uzinduzi wa tawi la benki ya Commercial
bank of Africa, (CBA) katika mji wa Tunduma, Mkuu wa wilaya ya Momba, Abihudi
Saidea alisema kuwa benki ziwawezeshe wakulima wa Mpunga wa wilayani humo kwa
kuwapa mikopo.
Alisema kuwa
wilaya hiyo imekuwa ikizalisha mpunga wenye sifa kubwa hapa nchini lakini
wilaya hiyo haipati sifa kutokana na mpunga huo kusindikwa nje ya wilaya
kutokana na kukosa uwezo wa kusindika wilayani humo.
Alisema wakulima
wakiwezeshwa kwa kupewa mikopo katika kilimo chao na kuazishwa kwa mashine
zitakazo wawezesha kusindika mpunga huo na kutoka ukiwa tayali ni mchele wilaya
hiyo itapata sifa ya kile inacho kizalisha.
Mchele huo
umekuwa ukishuka sabani ya ubora kutokana na kuto sindikwa ukiwa wilayani humo
na huenda sifa kupewa wilaya nyingine unako sindikwa mchele huo.
Nae
mkurugenzi mtendaji wa benki hiyo, Yohana Kaduma, alisema kuwa benki ipo tayali
kuwakopesha wafanyabiashara watakao kuwa tayali kuweza mashine ya kusindoka
mchele huo.
Alisema kuwa
kwa kuwa benki hiyo imefunguia tawi wilayani huo itajitahidi kuhakikisha
inawasaidia wakulima wilayani humo kwa kuwapatia mikopo nafuu kwa ajili ya
kukuza uchumi wa wananchi wilayani humo.
Wilaya ya
Momba imekuwa ikisifika kwa kuzalisha zao la mpunga katika maeneo ya kamsamba
ambapo wafanyabiashara wengi wamekuwa wakichukua jumua mpunga kutoka huko na
kuusafirisha na kuusindika nje ya wilaya hiyo.