TAASISI za
kibenki katika Mkoani Mbeya zimetakiwa kujikika katika kuweka bidhaa kulingana
na mahitaji ya wakazi wa mazingira husika.
Hayo yamebainishwa
na Mkuu wa wilaya ya Momba, Abihudi Saidea wakati wa uzinduzi wa Tawi la Benki
ya Commercial bank of Africa, (CBA), katika mji wa Tunduma wilayani Momba
mkoani Mbeya, alisema kuwa taasisi za kibenki ziangalie mahitaji ya watejawao
kabla ya kufungua huduma.
Saidea
alisema kuwa kumekuwa na taasisi nyingi za kibengi ambazo zimekuwa zikianzisha
huduma ambazo haziendeani na wateja wake huzika na hiyo imekuwa ni changamoto.
Alisema kuwa
katika wilaya hiyo kumekuwa na shughuli
mbalimbali za kibiashara na kilimo ambapo wananchi wanahitaji huduma za kibenki
kuwa karibu.
Alisema kutokana
na mji mdogo wa Tunduma ambapo limefunguliwa tawi la benki hiyo kumekuwa na
biashara mbalimbali kutokana na mji huo kuwa mpakani hivyo benki zinatakiwa
kuangalia uhitaji wabiashara zinazo patikana maeneo hayo.
Wakazi wa
maeneo hayo wamesema kuwa wamekuwa wakipata shida katika biashara ya
kubadilisha fedha kutokana na shilingi kuwa adimu katika mabenki ya eneo hilo
lenye uhitaji mkubwa wa ubadilishaji wa fedha.
Mmoja wa wafanyabiashara
wa maeneo ya mji mdogo wa Tunduma, Peter Sanga alisema kuwa wamekuwa
wakipatashida kubadilisha fedha za kigeni kuwa za kitanzania kutokana na fedha za
kitanzania kuwa chache zinapo hitajika.
Kwa upande
wake Mkurugenzi mtendaji wa Benk ya CBA, Yohana Kaduma alisema kuwa benki hiyo
kwa kutambua uhitaji wa kubadilisha fedha katika mji huo wa Tunduma Beki
inakitengo maalum cha kubadilisha fedha.
Alisema kuwa
kitengo hicho cha kubadilisha fedha za kigeni watajitahidi kuleta fedha za kutosha
kukidhi mahitaji ya mji huo.