HALIMASHAURI ya Wilaya ya Rungwe Mkoani Mbeya itaondoa changamoto zilizopo kwenye chuo cha ualimu Msasani ikiwamo
ya kujenga shule ya sekondari katika chuo hicho ili kuwarahisishia
wanachuo katika chuo hicho kufanya mazoezi ya kufundisha kirahisi
kuliko ilivyo hivi sasa.
 |
| Mkuu wa wilaya ya Rungwe, Crispine Meela. |
Kauli hiyo ilitolewa hivi karibuni
na mkuu wa Wilaya ya Rungwe Chrispin Meela wakati wa mahafari ya 36 ya
kuwaaga wanachuo waliohitimu kozi ya Diploma ya Ualimu iliyofanyika
katika ukumbi wa chuo hicho uliopo kata ya Msasani Wilayani humo,
Meela ambaye
alikuwa mgeni rasmi katika mahafari hayo alisema kuwa kawaida ya vyuo
vya ualimu ni kuwa na shule za sekondari ili kurahisisha masomo ya
vitendo yatakayo warahisishia wanafunzi kufanya vizuri katika masomo yao na kupelekea kuwa na waalimu wenye sifa katika Idara ya elimu,
‘’Changamoto
zote zilizotolewa hapa nitazifanyia kazi na kipaumbele ni kujenga shule
ya sekondari ya chuo kwa lengo la kupunguza usumbufu wanaoupata
wanafunzi ambao wanasafiri umbali mrefu kwenda kufanya mazoezi ya kufundisha katika shule za mbali’’ alisema Meela,
Alizitaja changamoto zilizopo chuoni hapo kuwa ni uchakavu wa majengo,mfumo mbovu wa maji katika vyoo,ubovu wa barabara yenye kilometa 3 kutoka chuoni hadi Tukuyu mjini,ukosefu wa shule ya sekondari pamoja
na upungufu wa nyumba za waalimu ambapo alisimia 80 ya waalimu wanaishi
kwenye nyumba zilizopo mbali na shule hiyo,na Serikali imekubali kuondoa changamoto hizo,
Mkuu wa
chuo hicho Mathius Mvula mbali na kuipongeza Serikali kukubali kuondoa
changamoto hizo pia alitaja idadi ya wahitimu wa mwaka huu kuwa ni 491
kati ya hao wanaume ni 313 na wanawake ni 178,na kuongeza kuwa serikali
inatakiwa kukitazama kwa jicho la tatu chuo hicho ambacho kinatoa waalimu wengi wa masomo ya Sayansi na sanaa kwa zaidi ya miaka sita sasa,
Aliongeza kuwa chuo hicho kinapokea wanafunzi wengi lakini majengo yaliyopo chuoni hapo ni chakavu yanatakiwa kufanyiwa ukarabati na kuwa iwapo serikali itaondoa changamoto zilizopo sifa za chuo hicho zitaongezeka na kwamba kwa sasa hali ya chuo hicho haiendani na taaluma nzuri wanayoitoa kwa kuwa majengo yaliyopo ni chakavu na yanashusha hadhi ya cho hicho,
Mkuu huyo wa chuo alimaliza kwa kuwaasa wahitimu kuwa makini na maisha ya uraiani kuacha kujiingiza katika vitendo viovu,na kuwa iwapo
watapangiwa kufanya kazi ya kufundisha katika shule zilizopo vijijini
wasikatae kwani imekuwa ni kawaida ya waalimu kuzikataa shule za
vijijini na kuzikimbilia shule zalizopo mijini na kuziacha shule za
vijijini zikiwa na upungufu mkubwa wa waalimu.