RAIS WA MALAWI BINGU WA MUTHALIKA AZIKUWA KWAKE

Rais wa zamani nchini Malawi, Bingu wa Mutharika, amezikwa nyumbani kwake kusini mwa nchi. Wa Mutharika alifariki dunia mwezi jana baada ya kupatwa na mshutuko wa moyo.

 

Mazishi ya rais Mutharika

Marehemu alizikwa kando ya kaburi la mkewe Ethel Mutharika. Maelfu ya waombolezaji wakiwemo marais kadhaa barani Afrika walihudhuria maziko hayo yaliyokuwa ya kitaifa.

Rais Mpya Joyce Banda aliwaongoza waandamanaji ambapo alitetea baadhi ya sera za mtangulizi wake hususan kukabiliana na umasikini.Nchini Malawi, siku hii imetangazwa ya mapumziko kama ishara ya heshima kwa marehemu.

Bingu wa Mutharika alijenga makaazi yake mwaka 2004 pamoja na kaburi hilo ambalo alitaka kupumzishwa pamoja na mkewe aliyefariki dunia mwaka 2007 baada ya kuugua maradhi ya saratani.
Mwaka 2010 alimuoa Callista Chapola-Chimombo ambaye zamani alikuwa Waziri wa Utalii. Kakake rais, Peter Mutharika aliteuliwa na Bingu mrithi wake baada ya kustaafu mwaka ujao.

Baada ya kifo cha rais huyo kulikuwa na hofu kwamba wandani wake watajaribu kupuuza utaratibu wa katiba katika kupokezana madaraka kwa Joyce Banda ambaye alitofautiana na marehemu akiwa Makamu wake.

Bingu wa Mutharika ni mwanauchumi ambapo alisifiwa sana kutokana na sera zake kuimarisha sekta ya kilimo nchini Malawi. Hata hivyo mafanikio haya yalighubikwa lalama zilizoanza kumuandama rais huyo.

Alikosolewa vikali na wanaharakati wa kudhibiti uhuru wa vyombo vya habari, kukandamiza wapinzani wake wa kisiasa pamoja na usimamizi mbaya wa uchumi.

Share this

Share on FacebookPlus on Google+