Uncategories
DAR ES SALAAM: JUBILEE YA MIAKA 75 KUFANYWA NA JUMUIYA YA BRAHIMAKUMARISRAJAYOGA CENTRE
DAR ES SALAAM: JUBILEE YA MIAKA 75 KUFANYWA NA JUMUIYA YA BRAHIMAKUMARISRAJAYOGA CENTRE
JUMUIYA ya Brahima Kumaris Raja Yoga Centre inayojishughulisha na kutulia
na kutafakari
(meditation), itaadhimisha Jubilei ya Miaka 75 kwa kufanya mhadhara kwa umma
utakaoendeshwa na bingwa kutoka Urusi, Mtawa Charadhali kesho katika Ukumbi wa
Kituo cha Utamaduni cha Urusi, jijini Dar
es Salaam.
Mkuu wa Kituo cha Brahma Kumaris Raja Yoga cha Upanga, Sista Dhaerti Patel
ameyasema hayo wakati akizungumza na waandishi wa habari kuhusu maadhimisho
hayo.
Sista Dhaerti amesema maadhimisho hayo yatahusisha mhadhara wa namna ya kutulia
na kutafakari, utakaohutubiwa na bingwa wa fani hiyo, Mtawa Chakradhari kuanzia
saa 12 jioni hadi saa 2 usiku katika Ukumbi wa Kituo cha Utamaduni cha Urusi,
ambapo hakuna kiingilio.
Ametoa mwito kwa Watanzania wa rangi zote, dini zote, rika zote na jinsia zote
kujitokeza kwa wingi ili kufahamu kuhusu kitendo cha kutulia na kutafakari
kinavyosaidia kimaisha, na kusisitiza kuwa vitendo hivyo havina dini, bali
huwasaidia zaidi watu kuwa karibu kabisa na muumba wao.
