Showing posts with label IRINGA. Show all posts
Showing posts with label IRINGA. Show all posts
Mchungaji Msigwa Wa Iringa Matatani ni yule mgombea ubunge Chadema

Mchungaji Msigwa Wa Iringa Matatani ni yule mgombea ubunge Chadema

Na MatukiodaimaBlog

JESHI  la polisi kikosi cha kutuliza ghasia (FFU) mkoani  Iringa watumia mabomu ya machozi kuwakamata wafuasi  zaidi ya 60  wa  chama  cha  Demokrasia  na maendeleo (chadema ) akiwemo mgombea  ubunge wao  jimbo la  Iringa mjini  mchungaji Peter Msigwa matatani  kwa kumpiga mawe mkuu wa kikosi cha  kutuliza ghasia (FFU) Iringa na   wananchi  waliokuwa  wakitoka katika mkutano  wa mgombea  Urais wa chama cha mapinduzi (CCM) Dr John Magufuli.




Baada ya  polisi kufatua mabamo mawili ya machozi kwa ajili ya  kusambaratisha  wafuasi hao baadhi yao  walikimbia huku  mgombea  ubunge  huyo Mchungaji Msigwa akienda kujisalimisha mwenyewe  polisi baada ya  kutakiwa  kufanya   hivyo kabla ya  kukamatwa na  polisi.




Imeelezwa  kuwa   wafuasi hao ambao  wengi  wao ni vijana walikuwa  wamekutana katika  eneo la kambi ya  kampeni ya Chadema  iliyopo  eneo la Hoteli  ya  Sambala jirani na kambi ya kikosi cha kutuliza ghasia (FFU) kwa  ajili ya kikao cha ndani toka majira ya mchana na jioni  ndipo  walipofanya  vurugu   hizo  wakati wananchi  wakitoka katika  mkutano wa kampeni za mgombea  huyo wa Urais wa CCM.

 

Kamanda  wa  polisi  wa  mkoa  wa Iringa Rmadhan Mungi aliwaeleza  jana  waandishi wa habari  kuwa tukio  hilo  lilitokea   jana  majira ya saa 12;30   jioni baada  ya  wafuasi hao  kufunga barabara  kuu ya  Iringa –Dodoma  na  kufanya  vurugu  hizo kwa kuwarushia mawe  wananchi  waliokuwa  wakitoka katika  mkutano wa kampeni za Dr Magufuli uwanja  wa  Samora.

 

Alisema  kuwa  wakati  jeshi la polisi  likiwa katika mkutano wa mgombea  huyo wa Urais wa CCM walipokea taarifa kuwa  kuna  vijana wa  boda  boda  zaidi ya 150 walikuwa  wakijikusanya  kuelekea  katika eneo hilo la Sambala Lodge  na baada ya kufuatilia ndipo  walibaini  kuwa  wanakwenda katika  kikao chao cha  ndani  na kwa kawaida  jeshi la  polisi halikatazi  watu  kufanya  vikao  vyao vya  ndani .




“Jeshi  la  polisi  halizuii  wanachama wa  chama  chochote cha siasa  kufanya vikao vya ndani kwani  ni haki yao ya  kisheria na kikatiba …..lakini  baada ya  kikao chao kumalizika  vijana hao  walitoka  nje ya ukumbi  huo uliopo kando kando ya  barabara na  kuanza  kufunga  barabara  na kucheza muziki katikakati ya barabara na kuzuia watumiaji wengine wa barabara  kushindwa  kupita  ……baada ya   vurugu hizo nilimuagiza mkuu wa FFU  kwenda  kuwatoa watu  hao  barabara ila  walipuuza na kuishia kumpiga mawe  na  baadae  kukimbilia kujifungia katika Lodge hiyo ya Sambala  eneo  ambalo  wamefanya kama makao makuu ya Kampeni za Chadema  “ alisema kamanda Mungi.




Alisema  wakati wa vurugu  hizo baadhi ya  vijana  waliumia kwa  kuruka ukuta  na wengine kwa  kuanguka wakati wa  kujaribu  kukwepa  kukamatwa na  kuwa wale  wote waliokamatwa  watafikishwa mahakamani wakati  wowote  kuanzia  sasa na  kuwa miongoni mwao  yumo mgombea  ubunge  jimbo  hilo Mchungaji Msigwa .




Mbali ya  mchangaji  Msigwa   wengine  waliokamatwa kwa tuhuma  za  vurugu  hizo  ni pamoja na mgombea  udiwani  kata ya  Gangilonga  ambae  pia ni mkuu wa kambi hiyo Dady Igogo

 

Kamanda  Mungi  alisema  watuhumiwa  wote  watafikishwa mahakamani  wakati wowote  kuanzia sasa mara baada ya upelelezi  kumamilika  alisema  kuwa mchungaji Msigwa hakuwepo katika  eneo la  tukio wakati  vurugu hizo  zikitokea  ila ameingizwa katika  orodha  ya  watuhumiwa kwa  wakosaji wakuu  wapo  makundi manne likiwemo moja la  yule  anaendenda kosa kwa  mikono  yake ,kundi  la  pili  muwezeshaji au  mshauri  na  kundi la nne kutoa hamasa kwa  wakosaji hivyo  alisema mgombea  huyo anashikiliwa kwa kutuma za  kutoa hamasa kwa watuhumiwa hao  kufanya  vurugu.

 

Wakati  huo  huo jeshi  hilo la  polisi  limepiga marufuku  vyama  vyote  vya  siasa kuwahamasisha wafuasi ama  wanachama  wake  kufanya  vurugu  za wakati  huu  wa kampeni na  kuwa kamwe jeshi  hilo halitamvumilia kiongozi ama mtu  yeyote atakayejihusisha na uvunjifu wa amani.




“Amani ni  kitu cha kwanza na yeyote anayetishia  kuvuruga amani ya Iringa anatishia kazi  za  polisi Iringa kamwe  hatavumiliwa  zaidi ya  kuchukuliwa hatua kali na kuwataka  vijana  kuepuka  kutumiwa na wanasiasa  kufanya vurugu  “




Kuhusu  mwenendo  wa  kampeni toka  zianze alisema  kuwa  hadi  sasa  tupo  nusu ya kampeni  hizo  toka  zianze na  kuwa  toka  tarehe 22 hadi 30  mwezi wa nane hakukuwa na  kosa  lolote   lililoripotiwa kutokea  kuhusiana na kampeni  ila  tarehe 1 hadi 5 mwezi wa tisa  kulikuwa na makosa 9  yaliyoripotiwa kituoni na  tarehe 5- 19 kulikuwa na makosa 17 yaliyoripotiwa na makosa 15  yalitokea  jimbo la Iringa mjini na makosa mawili  wilaya ya  Mufindi huku katika wilaya ya Kilolo hakuna  kosa hata  moja

Hivyo amewataka  wagombea na  wafuasi wao  kufuata maelekezo  yaliyomo katika kitabu  cha maadili ya uchaguzi kilichotolewa na tume ya Taifa ya  uchaguzi .

 



Kwa  upande  wake  mgombea  ubunge  wa  jimbo la Iringa mjini mchungaji Msigwa katika ukurasa  wake wa fecaboook alithibitisha kukukamatwa kwa  vijana  hao na kiongozi wa kambi  hiyo Bw Igogo wakiwa katika ngome    hiyo ya kampeni.

By MichuziBlog

MAJONZI YATAWALA HOSPITALI YA WILAYA YA MAFINGA BAADA YA KUWASILI MIILI YA WALIOPATA AJALI LEO


Simanzi katika Hospitali ya Wilaya ya Mafinga wakati maiti zilizopatikana kwenye ajali mbaya iliyotokea mapema leo asubuhi,maeneo ya Changarawe,Mafinga Mkoani Iringa,zikiwasili. Zaidi ya 30 wamepoteza maisha katika ajali hiyo iliyohusisha Lori la Mizigo na Basi la abiria la Kampuni ya Majinja lililokuwa likitokea Mkoani Mbeya kuelekea jijini Dar es salaam.Picha zote na Mdau Baraka Chibiriti.
Ni majonzi kwa kila alefika kwenye hospitali hii.
 Sehemu ya Wasamalia na Mafundi waliosaidia kazi ya kuyatenganisha magari hayo wakiangalia kama kuna watu waliosalia kwenye basi lililopata ajali leo kwa kugongana na kuangukiwa na lori la Mizigo.
 Lionekanavyo basi hilo kwa nyuma.
 Basi hilo linavyoonekana baada ya ajali hiyo ambayo imeleta majonji makubwa sana kwa Taifa.
 Kontena la Lori hilo likiwa limewekwa pembeni baada ya kuondolewa kwenye eneo la Ajali.
Picha na mdau Baraka wa Chibiriti
VURUGU IRINGA, WANANCHI WAFUNGA BARABARA KUU

VURUGU IRINGA, WANANCHI WAFUNGA BARABARA KUU


Muonekano wa mji wa Ilula mkoani Iringa baada ya wananchi kufunga barabara kuu ya mji huo.

Mabasi ya kwenda mikoani yakiwa yamepaki baada ya wananchi kufunga barabara.
Wananchi wakiwa eneo la tukio.
WANANCHI wenye hasira mjini Ilula, mkoani Iringa,  wamevamia kituo cha polisi na kuvunja milango kisha kuwafungulia mahabusu waliokuwemo ndani, wakachoma moto baadhi ya magari yaliyokuwepo kituoni hapo pamoja na mafaili.
Kwa mujibu wa shuhuda wa tukio hilo, tukio hilo limetokea leo asubuhi kufuatia mwanamke ambaye hakufahamika jina lake kujigonga ukutani na kuanguka kisha kufariki dunia wakati akiwakimbia polisi waliokuwa kwenye oparesheni ya kuwakamata watu wanaokunywa pombe wakati wa asubuhi.
Habari zaidi zinapasha kwamba, licha ya kuchoma moto magari, waliziba barabara kuu ya kwenda mikoani na kuyazuia magari kupita,  hali iliyosababisha polisi kuwakabili lakini walizidiwa nguvu na kuingia ndani ya basi la Nyagawa.
Askari wakiwa ndani ya gari hilo waliendelea kushambuliwa na wananchi kwa mawe na kuvunja vioo vyake.
Hadi tunakwenda mitamboni, habari zinasema wananchi kadhaa wamejeruhiwa katika kadhia hiyo.
kwa hisani ya

 (PICHA: GLOBAL WHATSAPP +255 753 715 779/ GPL)
TAMWA: Serikari isimamie haki

TAMWA: Serikari isimamie haki


Serikali imetakiwa kusimamia haki za binadamu ipasavyo na kuzifuatilia kwa ukaribu na kutoa adhabu kali ili kuondokana na tatizo la unyanyasaji wa kijinsia ususani kwa watoto, wananwake na walemavu wa ngozi.
Hayo yalisemwa na Wence Mushi mwezeshaji kutoka katika chama cha waandishi wa habari wakati akitoa mafunzo kwa waandishi wa habari wa mikoa mine yaliyofanyika mkoani iringa na kubainisha kuwa bila sheria za binaadamu kusimamiwa kikamilifu bado unyanyasaji utazidi kuendelea nchini.
“Kama sheria za haki za binadamu hazitasimamiwa vizuri na maafisa usitawi wa jamii bado ukatili wa aina yoyote utaendelea katika mazingira tunayoishi,hadhi ya wanawake na kuonekana kama ni chombo cha starehe itaendelea kwa sababu haki hazisimamiwi ipasavyo”alisema Mushi
Mushi aliwataka wanahabari kuendelea kuibua mambo ya kikatili yanayofanywa na baadhi ya watu hasa kwa watoto, wanawake na walemavu wa ngozi ili kuipa elimu jamii na kushinikiza serikali kuchukua hatua katika ukatili huu.
“kuna taasisi na mashirika yanayojihusisha na kutetea haki za watoto hivyo ni vyema waandishi kila wanapoona matukio kama hayo yanatokea wakayaibua ili kuyatokomezakwa kuchukuliwa hatua”aliongeza.

“Ni dhahiri kwamba kuwa vitendo vya unyanyasaji vimepungua kutokana na wanaofanya ukatili huo kuelewa, na watendewa pia kuzidi kuamka, juhudi zaidi zilitakiwa kujipenyeza zaidi dhidi ya imani za kimila ambazo bado zinashikiliwa katika sehemu mbalimbali za nchi.”alisema Mushi

kwa upande wake mwanahabari  Geofrey Nilahi kutoka gazeti la Tanzania daima songea alisema kuwa wanahabari ni chachu ya mabadiliko kama tukiibua mambo ya kikatili yanayofanywa na kushinikiza yafanyiwe mabadiliko hasa katika usimamizi wa sheria na kuchukuliwa hatua kwa waharifu.
“wanahabari ni chombo muhimu sana na ili kutokomeza ukatili wa ainayoyote ni lazima kalamu zetu zitumike kukemea mambo yasiyostahili kutedwa na kufuata haki za binadamu ili kuleta usawa katika jamii”alisema

Festo Sikagonamo mwakilishi wa ITV mbeya alisema kuwa endapo wanahabari wakiwezeshwa na  TAMWA kufuatilia habari juu ya ukatili wa kijinsia pamoja na mauwaji ya watu wenye ulemavu hakika mabadiliko yatakuja kupitia kalamu zetu.zitaleta mabadiliko makubwa hapa nchini.

Kwa upande wa waandishi wa habari wa Nyanda za Juu Kusini walioshiriki warsha hiyo walisema kuwa wanafanya kazi hiyo katika mazingira magumu,hivyo kuwaomba TAMWA kuwasaidia chombo cha usafiri kila mkoa ili waweze kuwafikia wananchi waliopo hasa maeneo ya vijijini.

Hata hivyo aliwataka  wanahabari  kufanya kazi kwa kufuata weledi na maadili ya kazi yao.

CHANJO YA SURUA IRINGA


Wauguzi wa afya,‭ ‬viongozi wa dini na serikali zaidi ya‭ ‬30‭ ‬wa Manispaa ya Iringa Mkoani Iringa wamepata mafunzo ya siku moja kuhusu chanjo ya ugonjwa wa surua ambayo inatarajia kutolewa kwa watoto mwezi huu.‭
Mkuu wa wilaya ya Iringa Dkt.‭ ‬Leticia Warioba amesema‭ ‬Mhe.‭Rais Jakaya Kikwete atazindua kampeni‭ ‬ya chanjo ya surua kwa‭ ‬watoto wa‭ ‬miezi‭ ‬9‭ ‬hadi miaka‭ ‬5‭ ‬mjini Dodoma Oktoba‭ ‬18‭ ‬mwaka huu ambapo kwa Mkoa wa Iringa itafanyika kwenye hospitari ya wilaya ya Frelimo Manispaa ya Iringa.‭ ‬
Dkt.‭ ‬Warioba amewashauri wananchi wa Manispaa na Mkoa wa Iringa kwa ujumla kuepukana na dhana ya kuwa chanjo mbalimbali ambazo hutolewa na serikali hupelekea kuzuia uzazi.
Kwa upande wa Mganga mkuu wa Manispaa ya Iringa Dkt.‭ ‬May Alexander amesema zaidi ya asilimia‭ ‬85‭ ‬ya watoto wameendelea kupata chanjo ya surua ambapo lengo la Manispaa likiwa ni kufikia asilimia‭ ‬100 ya watoto wote.
Dkt.‭ ‬Alexander ameongeza kuwa serikali imeongeza kasi ya kupambana na magonjwa mbalimbali ikiwa ni pamoja na ugonjwa wa ukoma,‭ ‬tauni,‭ ‬mabusha,‭ ‬matende,‭ ‬kichocho na minyoo ya tumbo ambayo awali yalikuwa hayapewi kipaumbele na yalikuwa yakiwaathiri watoto kwa kiasi kikubwa.
Hata hivyo,‭ ‬nao baadhi ya washiriki wa mafunzo hayo Mchg.‭ ‬Emso Sandagila wa kanisa la KKKT na Padre Anjero Pizzaia wa Parokia ya Mshindo Manispaa ya Iringa wameahidi kuhamasisha waumini wao juu ya umuhimu wa chanzo hiyo.‭

MBUNGE WA JIMBO LA KALENGA AWAONYA WAPIGAKURA WAKE KUTOSHIRIKI MAANDAMANO YASIO NA TIJA , ATAKA WASHIRIKI KULETA MAENDELEO


  


Mbunge  wa  jimbo la  kalenga Bw. Godfrey  Mgimwa  akitoa  salam  zake kwa  waumini wa kanisaa la romani cathoric parokia ya  Ifunda  leo .
Mbunge wa jimbo la Kalenga  Godfrey Mgimwa akipongezwa na mwenyekiti wa kwaya ya Mtakatifu Secilia parokia ya Ifunda bAmadea Mwehange mara baada ya  kukabidhiwa msaada wa Tsh milioni 2 kwa ajili ya  kuingia studio kurekodi 
Paroko wa kanisa la RC Ifunda  Alois Mdemu wa  tatu kulia akiwa na  wahisani mbali mbali wanaosaidia kanisa  hilo kutoka  nchini Ujerumani pamoja na mbunge wa  jimbo la Kalenga Godfrey Mgimwa wa nne  kulia 
Paroko Mdemu  akimweleza jambo mbunge Mgimwa kabla ya  kuwashukuru  wahisani hao kutoka Ujerumani 
Mbunge Mgimwa akiwashukuru  wahisani  toka Ujerumani ambao  wanasaidia misaada mbali mbali kanisani hapo
Mbunge Mgimwa  kulia akipewa maelekezo baada ya kutembelea  chuo cha ufundi cha kanisa  hilo 
Mgimwa akitazama kivaa cha kubebea  vinywaji  kilichotengenezwa kwa mbao 
Waumini wa kanisa  hilo  wakifuatilia salam za mbunge wao 

Paroko  wa kanisa  la RC Ifunda Alois Mdemu  akimpongeza mbunge Mgimwa kwa mchangowake katika  jimbo la Kalenga 

..........................................
Na  matukiodaima.co.tz 

WAKATI viongozi wa umoja  wa katiba  ya  wananchi (UKAWA)wakitishia  kufanya maandamano yasio ya  kikomo kushirikiza bunge la katiba  kushitishwa ,mbunge wa jimbo la kalenga Godfrey Mgimwa amewataka wanakalenga kutoshiriki maandamano yasio ya kimaendeleo Kwao.

Mbali ya kuwataka kuepuka maandamano hayo pia amewataka waumini wa dini mbalimbali Kalenga kufanya Kazi ya kuombea amani ya nchi ili bunge hilo limalizike salama na kupata katiba bora itakayolivusha Taifa miaka 50 zaidi.


Akitoa Salam zake wakati akikabidhi msaada wa Tsh milioni 2 kwa wanakwaya wa mtakatifu secilia parokia ya Ifunda na matenki mawili ya maji katika zahanati ya kanisa hilo jana ,mbunge Mgimwa alisema kuwa mbali ya kulipongeza kanisa hilo kwa kuendelea kuombea amani bado alisema Kazi kubwa ni kuendelea kuombea bunge la katiba na amani ya nchi.


Kwani alisema bunge hilo la katiba linalokaribia kufika mwisho mwezi ujao ili liweze kumalizika kwa heri na mafanikio ni vema watanzania wote kuelekeza Sara na dua zao kuwaombea wajumbe wa bunge la katiba ili waweze kumalizia mchakato huo salama.


" waumini wenzangu na wapiga kura wa jimbo langu la kalenga mimi mbunge wenu nawawakilisha vema katika kuwaletea maendeleo ......hivyo nawaombeni tushirikiane kufanya maandamano ya kuliletea jimbo letu maendeleo sio maandamano ya kuvuruga amani yetu"


Alisema ni vema wanakalenga kuwakwepa wale wote wanaopandikiza chuki dhidi ya watanzania na wale wanaoanzisha maandamano yasio na tija.


Kuhusu utekelezaji wa ahadi zake jimboni mbunge huyo alisema hadi sasa ana kila sababu ya kujivunia maendeleo makubwa ambayo amepata kuyaleta jimboni.


Kwani alisema hadi sasa jimbo la kalenga ni jimbo pekee katika Mkoa wa Iringa ambalo ameweza kuwaunganisha wapiga kura wake na vicoba na hadi sasa ahadi mbali mbali amepata kuzitekeleza ndani ya miezi mitatu japo ubunge wake ni wa mwaka mmoja pekee.


Hata hivyo alisema kuwa kwa wananchi wa Kalenga kwa sasa ndoto zao kuwa na maendeleo na hivyo iwapo wananchi wake watajiepusha na maandamano yasiyo kwisha ni vema kujielekeza nguvu zao katika ndoto ya maandamano ya kufanya Kazi kwa juhudi zaidi ili jimbo hilo liweze kupiga hatua zaidi katika maendeleo.


Kwa upande wake Paroko wa kanisa hilo Alois Mdemu pamoja na kushukuru kwa jitihada za mbunge huyo bado alisema jimbo la kalenga limepata mbunge wa kweli kutokana na matendo yake.


Alisema baada ya kifo cha mbunge wao mwaka huu Dr Wiliam Mgimwa wananchi wa jimbo hilo walianza kujihisi wapweke na kuvunjia moyo kuwa hawatapata mbunge mwingine kama aliyetangulia ila imekuwa tofauti baada ya mbunge wao huyo kufanikiwa kufanya makubwa zaidi.


Hivyo alisema wajibu wake kanisa kiongozi wa kanisa ni kuzidi kumuombea mbunge Godfrey Mgimwa ili azidi kuwatumikia wana kalenga na Taifa.

Kategori

Kategori