Dk Shein awaapisha watendaji Zanzibar

• + Comment via Twitter
• Bofya kulike Elimtaa
• Baruapepe
• 
  
• 
  
• Panga upya  

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bi. Rukia Mohamed Issa,kuwa Mjumbe wa Kamisheni ya Utumishi wa Umma,katika hafla iliyofanyika Ukumbi wa Mikutano Ikulu Mjini Zanzibar.

 Naibu Katibu Mkuu Bw.Ahmad Kassim Haji

Mjumbe wa Kamisheni ya Utumishi wa Umma Bi. Rukia Mohamed Issa

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bw.Ahmad Kassim Haji, kuwa Naibu Katibu Mkuu ,Ofisi ya Makamu wa Pili wa Rais wa Zanzibar katika hafla iliyofanyika Ukumbi wa Mikutano Ikulu Mjini Zanzibar

Picha na Ramadhan Othman  Ikulu

STATE HOUSE ZANZIBAR

OFFICE OF THE PRESS SECRETARY

PRESS RELEASE

    Zanzibar                                                                    20 Januari, 2014

TAARIFA KWA VYOMBO VYA HABARI

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein leo amewaapisha Nd. Ahmed Kassim Haji kuwa Naibu Katibu Mkuu Ofisi ya Makamu wa Pili wa Rais na Bibi Rukia Mohamed Issa kuwa Mjumbe wa Kamisheni ya Utumishi wa Umma nchini.

Kuapishwa kwa watendaji hao kunafuatia uteuzi wao uliofanyika hivi karibuni ambapo Mheshimiwa Rais wa Zanzibar na Mwenyekiti wa Baraza la Mapinduzi alimteua pia Dk. Mohamed Seif Khatib kuwa Mwenyekiti wa Baraza la Kiswahili Zanzibar.

Miongoni mwa viongozi waliohudhuria hafla hiyo ya kuapishwa ni pamoja na Makamu wa Pili wa Rais Balozi Seif Ali Iddi, Jaji Mkuu wa Zanzibar Mheshimiwa Omar Makungu, Spika wa Baraza la Wawakilishi Mheshimiwa Pandu Ameir Kificho, Mufti Mkuu wa Zanzibar Sheikh Omar Saleh Kabi, Katibu Mkuu Kiongozi Dk. Abdulhamid Yahya Mzee, Mstahiki Meya wa Manispaa ya Mji wa Zanzibar Mheshimiwa Khatib Abdulrahman Khatib na Mkuu wa Mkoa wa Mjini Magharibi Abdalla Mwinyi Khamis.  
Na Zanzinews

Share this

Share on FacebookPlus on Google+