NIMEAMUA KURUDIA KAZI YANGU YA UTABIRI KWA MUDA TU..TUMIA NAFASI VIZURI
Huwa sipendi sana kutumia utaalamu wangu wa nyota, ambao nilifundishwa
huko Uajemi kusini wakati nikiwa katika safari zangu za kutafuta
vichekesho vya Kiajemi. Lakini kwa
maombi ya wengi nimelazimu kuchukua nafasi hii kutabili mambo muhimu
katika kipindi cha mwaka kilichobakia. Kutokana na nyota zilivyokaa
nitazungumzia zaidi hali ya mapenzi na wapendanao kwa kipindi cha mwaka
kilichosalia.
UTABIRI....Kuanzia
leo tarehe 13 hadi 25 Disemba ni kipindi kibaya kwa
wapendanao. Kuna wadada wengi watajikuta wanaachika bila sababu maalumu,
kitendo cha kumtania tu umpendae, au kuchelewa kujibu simu, text,
whatsapp kitaishia kufukuzwa na kutengwa kwa hasira kuu, hii
ni kutokana na nyota kuingiliana njia, hizi nyota zimejichanganya za
kusini zikapita njia ya zile za magharibi. Bahati nzuri ni rahisi sana
kukwepa balaa hili la kuachika. Wadada ni muhimu nasema ni muhimu,
kuanzia leo, usitamke neno ZAWADI. Kwa kuwa kinyota neno hilo
limezingirwa na nyota nyeusi isiyotabirika na hivyo kuweza kumfanya
mpenzi wako asitabirike na kukufukuza bila sababu. Epuka narudia tena
epuka kutamka neno ZAWADI na hasa ukIwa umeunganisha katika sentensi
moja neno KRISMAS au NEW YEAR. Balaa hili litapita tarehe 31 Disemba
asubuhi, hapo unaweza
kutamka maneno hayo bila balaa yoyote kukumba. Ila kwa wale
wataakaoachika
wasipaniki maana nyota zinaonyesha mapenzi yatarudi katika hali yake
kuanzia hiyo tarehe 31.
NA CHEKA NA KITIME
