MJI WA BAIDOA WAKOMBOLEWA

Wapiganaji wa Alshabab wapata pigo kubwa baada ya mji wa Baidoa kukombolewa na viksi vya Amisom.

 

• 
• 
• 
• 
  

Mwanamgambo wa Alshabab akiwa anaonyesha jambo kwa umma huko Elasha kusini mwa Mogadishu.

 

Kundi la wanamgambo  wa Somalia  al -shabab  limepata pigo kubwa  baada  ya kulazimishwa kusalimu amri na kuachia udhibiti wa mji wa Baidoa, mji wa tatu kwa ukubwa ambao ndio ngome kuu ya wanamgambo hao.

Kuanguka kwa Baidoa kunafuatia  shambulizi la majeshi ya tume ya  Umoja wa Afrika huko Somalia (AMISOM) kulikotokea katika siku hiyo hiyo ambayo baraza la usalama la Umoja wa Mataifa lilipiga kura  kuongeza idadi ya vikosi hivyo  kwa takriban wanajeshi  6,000.

Balozi wa Marekani kwenye Umoja wa Mataifa Susan Rice amesema kura hiyo ya siri ya baraza hilo inaweza kuleta mabadiliko makubwa ya kuvunja nguvu za kigaidi na kuleta amani.

Wawakilishi wa zaidi ya serikali 40 na jumuiya ya kimataifa wanakutana Uingereza kwa  siku moja Alhamis  kwa lengo la kuanzisha serikali thabiti huko Somalia. Nchi hiyo ya pembe ya Afrika haijawa na amani kwa zaidi ya miongo miwili.

Share this

Share on FacebookPlus on Google+