BARAZA LA MAWAZIRI VIVURI HILI HAPA

Kiongozi wa Kambi ya Upinzani Freeman Mbowe.

Hatimaye, Kiongozi mkuu wa kambi ya upinzani bungeni Freeman Mbowe ametangaza baraza lake la mawaziri kivuli leo bungeni mjini Dodoma.

Aidha, Mbowe, ambaye ni Mbunge wa Jimbo la Hai na Mwenyekiti wa Chadema ametaja baraza lake ambalo litakuwa na lengo la kuishinikiza serikali ya Rais Magufuli kutimiza kile alichoahidi kwa Watanzania.

Baraza hilo la Mawaziri litakuwa na kazi kubwa ya kuendana na kauli Mbiu ya Chama cha Mapinduzi ya Hapa Kazi tu katika utekelezaji wa majukumu yake.

Baraza zima la Kambi rasmi ya Upinzani   ni kama ifuatavyo;

1.Wizara ya Ofisi ya Rais, Tamisemi, Utumishi na Utawala Bora.

Mawaziri – Jaffar Michael

Naibu Waziri – Joseph Nkundi na Ruth Mollel

2.Wizara ya Ofisi ya Makamu wa Rais, Muungano na Mazingira

Waziri – Ali Saleh Abdalla

Naibu Waziri – Pauline Gekul

3.Ofisi ya Waziri Mkuu: Sera, Bunge, Kazi Vijana, Ajira na Walemavu

Waziri – Esther Bulaya

Naibu – Yusuph Makame na Maftah Abdalla

4.Wizara ya Kilimo, Mifugo na Uvuvi

Waziri – Magdalena Sakaaya

Naibu Waziri – Emmaculate Swari

5.Wizara ya Ujenzi, Uchukuzi na Mawasiliano.

Waziri-Inj. James Mbatia

Naibu Waziri Willy Kombucha

6.Wizara ya Fedha na Mipango

Waziri – Halima Mdee

Naibu Waziri – David Silinde

7.Wizara ya Nishati na Madini

Waziri – John Mnyika

Naibu Waziri – John Heche

8.Wizara ya Katiba na Sheria

Waziri – Tundu Lissu

Naibu Waziri Abdalla Mtolela

9.Waziri wa Mambo ya Nje, Ushirikiano wa Afika Mashariki, Kikanda na Kimataifa.

Waziri – Peter Msigwa

Naibu Waziri – Riziki Shaghal

10.Wizara ya Ulinzi na Jeshi la Kujenga Taifa

Waziri – Juma Omari

Naibu Waziri Mwita Waitara

11.Wizara ya Mambo ya Ndani

Waziri – Godbless Lema

Naibu Waziri Masoud Abdalla

12.Wizara ya Ardhi Nyumba na Maendeleo ya Makazi.

Waziri – Wilfred Lwakatare

Naibu Waziri – Salum Mgoso

13.Wizara ya Maliasili na Utalii

Waziri Esther Matiko

Naibu Waziri– Cecilia Pareso

14.Wizara ya Viwanda, Biashara na Uwekezaji.

Waziri Anthony Komu

Naibu Waziri Cecil Mwambe

15.Wizara ya Elimu, Sayansi Teknolojia na Ufundi

Waziri – Suzan Lyimo

Naibu Waziri Dkt. Ali Suleiman Yusuph

16.Wizara ya Afya,Maendeleo ya Jamii, Jinsia, Wazee na Watoto

Waziri – Dkt. Godwin Mollel

Naibu Waziri Zubeda Sakul

17.Wizara ya Habari, Utamadu, Wasanii na Michezo

Waziri – Joseph Mbilinyi

Naibu Waziri – Devotha Minja

18.Wizara ya Maji na Umwagiliaji

Waziri – Hamidu Hassan

Naibu Waziri– Peter Lijualikali

UKAWA Wasimulia Kilichowafanya Walete Vurugu Na Kumzomea Rais wa Zanzibar, Dk. Ali Mohamed Shein

UMOJA wa Katiba ya Wananchi (Ukawa), umesema mipango yao ya kutomruhusu Rais Dk. John Magufuli kulihutubia Bunge akiwa na Rais wa Zanzibar, Dk. Ali Mohamed Shein, imefanikiwa.

Mwenyekiti wa Umoja huo, Freeman Mbowe, alisema jana kuwa walimua kuzuia Rais Magufuli asihutubie Bunge kwa vile Dk. Shein, muda wake wa kuwa rais ulikwisha tangu Novemba 2 mwaka huu kwa hiyo hakustahili kuhudhuria Bunge hilo.

Alisema kuwa waliamua kufanya vile wakiamini kuwa ilikuwa sehemu muafaka ya kufikisha kilio chao kutokana na wageni mbalimbali waliohudhuria mkutano ule, wakitokea katika nchi za jumuiya ya kimataifa.

“Tulishangaa kumuona Dk. Shein, Pandu Amiri Kificho na Makamu wa Pili wa Rais wakiwa ndani ya Bunge wakati kikatiba hawana uhalali,” alisema Mbowe.

Alisema, baada ya kitendo kile hivi sasa umoja wa vyama hivyo, unatarajia kukutana ili kupeana mikakati ya kuendeleza mapambano ya ndani na nje ya nchi ya kudai haki.

“Uchaguzi wa Zanzibar hauwezi kutenganishwa kikatiba au kisiasa na uchaguzi mkuu wa Jamhuri ya muungano,” alisema Mbowe.

Mbowe alisema Ukawa hawako tayari kuinajisi Katiba ya Jamhuri ya Muungano wa Tanzania kwa kuruhusu viongozi wasio halali kuingia bungeni.

Aidha, Mbowe alisema walitaka shughuli ya ufunguzi rasmi wa Bunge isitishwe kwa sasa na kuahirishwa hadi hapo Rais halali aliyechaguliwa na wananchi wa Zanzibar, Seif Sharrif Hamad, atakapotangazwa rasmi na kuapishwa.

Naye Mwenyekiti Mwenza, James Mbatia, alisema haijawahi kutokea katika historia ya Bunge tangu nchi hiyo ilipopata uhuru kwa vyombo vya dola kuingia ndani ya bunge na kuwatoa wabunge kwa nguvu.

“Wakati sisi tunatafuta majadiliano mezani ilikumaliza mgogoro huu wenzetu Chama Cha Mapinduzi (CCM), wameamua kutumia majeshi kukandamiza demokrasia,” alisema Mbatia.

Mbatia alisema kuwa hawatakaa kimya bali wataendelea kupigania matakwa ya wananchi hususan kwa upande wa Zanzibara.

“Kuna mambo mengi yanafanywa hovyo na CCM na wapinzani wamekuwa wakivumilia kwa sababu ya kumpenda mama Tanzania lakini hivi sasa wasijaribu kuharibu amani, utulivu na mshikamano uliopo,” alisema.

Mbatia, alisema kwa kawaida mtu anapodhulumiwa haki yake kila mara matokeo yake anachoka kwa hiyo kuna siku ataifuta haki yake hata kwa kusababisha kumwaga damu.

Naye Mwanasheria wa Chadema, Tundu Lissu alisema Umoja wa Katiba ya Wanachi (Ukawa ) wamesikitishwa na kitendo cha serikali ya CCM kuonesha wazi jinsi walivyobaka na kuikanyaga demokrasia nchini.

Alitoa kauli hiyo aipokuwa akizungumza na mwandishi wetu muda mfupi baada ya kutoka bungeni baada ya kufukuzwa na Spika wa Bunge, Job Ndugai baada ya wabunge wa umoja huo kupinga kitendo cha kuruhusiwa kwa Rais wa Zanzibar kuwa sehemu ya Bunge.

Lissu alisema imeonesha wazi kuwa serikali ya CCM ilivyo kuwa ikitumia mabavu ya kuvunja sheria waziwazi sambamba na kuvunja kanuni za bunge jambo ambalo ni hatari kwa afya ya nchi.

Akizungumzia kutoka kwao nje ya ukumbi wa Bunge alisema serikali ya CCM kwa kutumia kiti cha Spika walionekana kupanga mbinu chafu za kuwazima wabunge wa Ukawa ili wasiweze kufikisha hoja zao mbele za wananchi kupitia bunge hilo.

“Unaweza kuona kwamba serikali ya CCM inavyoweza kuvitumia vibaya vyombo vya dola, kwa utaratibu jinsi ulivyo ili kuruhusu watu waingie katika ukumbi wa bunge ni lazima kutengua kanuni ili watu waeze kuingia lakini kutokana na uovyo na ujinga mkubwa wa serikali ya CCM, ambayo haizingatii sheria na katiba imeweza kuleta askari wengi pamoja na majeshi kwa ajili ya kukabiliana na upinzani.

“Jambo kubwa na baya zaidi na la ajabu ni pale ambapo askali waliovaa magwanda ya polisi na jeshi wakiwa na silaha za moto walivyoweza kuingia katika ukumbi wa bunge kwa misingi ya kutaka kukabiliana na wabunge wa upinzani.

“Jambo hapa ni kwamba hata wao wanajua kuwa Dk. Shein siyo rais halali wa Zanziba lakini kwa ubishi wao wanalazimisha kufanya hivyo na kutokana na hali hiyo ndiyo maana serikali imekuwa ikitumia vyombo vya dola kwa ajili ya kuthibiti wabunge wa Upinzania ambao wametumwa na Umma wasitoe mawazo yao,” amesema Lissu.

Mbali na hilo alisema pamoja na kuwa walizuiliwa kuendelea na bunge, kwa ajili ya kuwasilisha hoja zao kwa watanzania lakini watatumia mbinu nyingi za kufikisha ujumbe kwa jamii kwani kwa sasa kuna kila mikakati ya kuhakikisha wanataka kuuzima upinzani.

Akizungumzia kuhusu kanuni za bunge kwa sasa alisema kama ilivyo katiba ya sasa ilivyo na makosa kibao ndivyo na kanuni za bunge zinavyotakiwa kurekebishwa kwani kuna makosa mengi zaidi.

Kwa upande wao wabunge wa Zanzibar walisema ni dhambi kubwa kwa Dk. Ali Mohamed Shein kuenedelea kung’ang’ania kukaa madarakani wakati muda wake umeisha jambo ambalo linaonesha wazi kuwa ni matumizi mabaya ya madaraka na dola yake.

“Inasikisha zaidi kuona jinsi Rais wa Zanzibar alivyokuwa siyo muungwana anajua kabisa kwamba hakushinda uchaguzi, lakini ikumbukwe wakati wa kuvunja baraza la wawakirishi wabunge wa CCM walimkataa Maalim Seif Shariff Hamad kama makamu wa kwanza wa rais asiingie katika bunge.

“Lakini kwa uungwana wa kiongozi huyo aliondoka wala hakuhudhuria kikao hicho lakini jambo la kushangaza huyu Dk. Shein amekomaa sasa inafikia hatua anazomewa bila kuwa na aibu sasa huo ni uongozi gani na anamuongoza nani,” amesema.

“Tunamuuliza Rais Magufuli, ni nani akapeleka vifaru na kuongeza askari wengi katika nchi za Zanzibar na ni kwa sababu gani.

“Kwa sasa hali ya Zanzibar si shwali kwani kila jambo sasa limelala kwani hata watalii hawaji kama ilivyokuwa mwanzo, mbali na hilo kuna hali ya sitofahamu ni kwani nguvu nyingi ya vyombo vya dola inaelekezwa Zanzibar,” alisema mmoja wa wabunge wa Zanzibar.

Ukawa wapitisha majina mawili kusaka uspika na Unaibu

Baada ya mchakato wa ndani ya vyama na hatimaye maridhiano baina ya vyama vinavyounda UKAWA, tayari uteuzi wa wagombea wa nafasi ya Uspika na Naibu Spika umefanyika, kama ifuatavyo;

Katika nafasi ya Spika wa Bunge la Jamhuri ya Muungano wa Tanzania, UKAWA umemteua Ndugu Goodluck Joseph Ole Medeye ambaye atagombea kupitia tiketi ya CHADEMA.

Kwa nafasi ya Naibu Spika, UKAWA watawakilishwa na Ndugu Magdalena Sakaya, ambaye atagombea kwa tiketi ya CUF.


Makene

WAFANYABIASHARA WATISHIWA KUVUNJIWA SOKO WASIPO CHAGUA CCM

WAFANYABIASHARA mkoani Njombe katika soko kuu wametakiwa kutokuwa na wasiwasi wa kuichagua Chadema kutokan ana tishilo walilotishiwa aliyekuwa meya wa mji wa Njombe Edwin Mwanzinga wakati akimnadi mgombea utiwani CCM sokoni hapo.

Hayo yalebainishwa katika kampeni za chama cha Demokrasia na maendeleo Chadema na mgombea, chama hicho jimbo la Njombe kusini Emmanuel Masonga alisema kuwa soko hilo ni la serikali na kuwa hakuna anaye weza kulivunja akishindwa uchaguzi.

Masonga aliyasema hayo baada ya kuwepo kwa kauli za kuvunjwa kwa soko kuu la Njombe kama hawata mchagua diwani wa chama cha mapinduzi CCM huku wafanyabiashara wakiachwa midomo wazi.

Alisema kuwa meya huyo hana mamlaka ya kuvunja soko la Njombe mjini na kuwa soko hilo sio la chama kwa kuwa ni soko la mji wa Njombe.

Aliongeza kuwa Wananchi wakiichagua Chadema  kutakuwa na maendeleo katika soko hilo na kukamilisha ujenzi wa mageti katika soko hilo na kuepusha wizi usio wa lazima kutokana na kuto kuwepo kwa mageti sokoni hapo.

Hata hivyo alisema kuwa Haita wezekana mtu aliye shindwa kwenda kuvunja soko kwa kuwa haya kuwa madarakani.

Alisema Chama hicho kitafanya mpango wa kurejesha vitu vyo te vilivyo jengw ana wananchi wakati wa chama kimoja na kumilikishwa CCM na kuwa kama chama kinataka kuwa na mradi kiatakiwa kutumia fedha zake na sio nguvu za wananchi wote katika ujenzi wa mali za vyama.

Alisema hata Chadema wakitaka kuwa ma mradi watarazimika kutumia nguvu zao na sio kutumia nguvu za wananchi katika ukamilishaji wa miradi hiyo.

UKAWA YATANGAZA KITUO CHAKE CHA KUTOLEA HABARI RASMI ZA UCHAGUZI MKUU 2015

Ukumbi wa Kisenga uliopo katika jengo la Millenium Towers Kijitonyama Jijini Dar es Salaam

UMOJA wa Katiba ya Wananchi (UKAWA) leo umezindua rasmi ukumbi maalum wa vikao na utoaji taarifa mbalimbali zinazohusu masuala ya vyama hivyo vinavyounda umoja huo.

Akizungumza na waandishi katika ukumbi huo Afisa Habari wa Chama cha Demokrasi na Maendeleo (CHADEMA), Tumaini Makene amesema ukumbi huo utatumika kutoa maelezo mafupi na vikao na waandishi wa habari kuanzia saa sita hadi nane za mchana.

Makene ameutaja Ukumbi huo kuwa ni Kisenga uliopo Millenium Towers Kijitonyama Jijini Dar es Salaam ni ukumbi wa kwanza kwa umoja wa vyama hivyo kuuteua kuwa ukumbi maalum wa kufanyia vikao badala ya kubadilibadili maeneo ya mikutano yao.

Umoja huo unaomuunga mkono mgombea Urais, Edward Lowassa kwa tiketi ya Chama cha Demokrasia na Maendeleo (Chadema), unaundwa na vyama vinne ambavyo ni Chadema yenyewe, Chama cha Wananchi (CUF), National League for Democracy (NLD) na NCCR-Mageuzi.

Makene amesema kuanzia leo ukumbi huo utatumika kufanyia vikao na kila kinachohusisha masuala ya habari kwa vyama vyote vya ukawa ikiwa kama idara ya habari ya Ukawa hadi pale watakapotangaza mabadiliko mengine ya ratiba zao.

Amesema “kuanzia leo na siku zote zinazoendelea ukumbi huu utatumika kufanyia vikao na waandishi wa habari pamoja na kutoa taarifa zinazohusu vyama vya Ukawa.”

Aidha alibainisha kuwa muda wa kutoa taarifa kwa waandishi wa habari au maelezo yeyote utakuwa ni saa 6 hadi saa 8 kila siku.

Hii ni mara ya kwanza kwa chama hicho kikuu cha upinzani pamoja na Ukawa kuwa na kituo cha kutolea taarifa za Uchaguzi kila siku tangu kianze kushiriki uchaguzi mkuu mwaka 1995.

DR MAGUFULI ARUSHA KOMBORA UKAWA

MGOMBEA urais wa Chama Cha Mapinduzi (CCM), Dk. John Magufuli, amesema mabadiliko ya kweli hayawezi kuletwa kwa kuzungusha mikono, bali yatakuja kwa kufanya kazi.

Kutokana na hali hiyo, amesema yeye ndiye anayeweza kuleta mabadiliko ya kweli yanayokwenda na vitendo katika kujenga uchumi wa nchi na watu wake.

Dk. Magufuli alitoa kauli hiyo jana kwa nyakati tofauti, alipokuwa akizungumza wakati wa  mikutano ya kampeni iliyofanyika katika majimbo ya Buchosa, Geita na Busanda.

Katika mazungumzo yake, Mgufuli aliwataka Watanzania wasidanganywe na baadhi ya wanasiasa wanaowataka wasiipigie kura CCM.

Alisema kwamba, pamoja na baadhi ya wanasiasa kukesha wakihamasisha mabadiliko kwa kutoichagua CCM, jambo hilo halitawezekana kwa kuwa ni sawa na ndoto za mchana.

“Ninasema hapa, eti kuna watu wanahangaika kuzungusha mikono na kusema wanaleta mabadiliko, ni lazima wajue mabadiliko hayawezi kuja kwa mtindo huo.

“China hivi sasa inatisha kwa kuwa na uchumi wa daraja la kwanza duniani na kuna hatari hata ya kutaka kuizidi Marekani.

“Kwa mfumo wao huo, hawakukiondoa madarakani chama tawala ila walifanya mabadiliko ya ndani ya chama na Serikali.

“Ndiyo maana Magufuli ninakuja na mabadiliko ya kwenda ndani ya Serikali na ndani ya CCM. Katika hili, sina mchezo ndugu zangu Watanzania, naomba mniamini,” alisema Dk. Magufuli.

Kwa kuwa Watanzania wameshaamua kumpa urais Oktoba 25, mwaka huu, jambo atakalo anza nalo ni kuunda mahakama ya mafisadi.

Alisema, amezaliwa katika familia maskini na hatakuwa tayari kuona wajasiriamali wadogo wakinyanyaswa na hata kutozwa ushuru ambao umekuwa ukiwakandamiza katika biashara zao.

Alisema anajua eneo la Nkome ni maarufu kwa kilimo cha mananasi daraja la kwanza, lakini bado wakulima wamekuwa wakikosa soko la uhakika.

Kutokana na hali hiyo, atatimiza mkakati wa Serikali yake kwa kujenga kiwanda cha juisi katika  eneo hilo.

“Ni aibu kwa nchi yetu inayozalisha matunda kwa wingi, kukosa kiwanda cha kusindika matunda.

“Napenda kuahidi hapa, nitajenga kiwanda cha juisi kitakachosaidia wakulima wa mananasi kuwa na soko la uhakika badala ya kwenda Geita mjini au Mwanza.

“Tukijenga kiwanda hapa, tutatoa ajira kwa vijana na tutatengeneza juisi yetu badala ya kila siku kuagiza kutoka nje ya nchi, hii ni aibu,” alisema.

Vita ya Tizeba

Dk. Magufuli aligusia mgogoro wa kifamilia uliopo kati ya mgombea ubunge wa Jimbo la Buchosa, Dk. Charles Tizeba, anayepigwa vita na wapinzani wake wakishirikiana na kaka yake wa kuzaliwa.

Alisema anatambua kazi inayofanywa na Dk. Tizeba, hivyo aliwaomba wananchi wa jimbo hilo wamchague kwa kura nyingi.

“Jamani mti wenye matunda ndiyo unaopigwa mawe maana hapa Buchosa eti Tizeba anapigwa vita na watu tena hata ndugu yake wa kuzaliwa naye,” alisema.

Azuru kaburi la babu yake

Akiwa njiani kuelekea katika mkutano wa kampeni katika Jimbo la Geita Vijijini, Dk. Magufuli alilazimika kwenda katika Kijiji cha Katoma na kuzuru kaburi la babu yake mzaa baba, Marco Nyahinga, aliyefariki akiwa na miaka 103.

Katika makaburi hayo, alitembelea pia kaburi la bibi yake mzaa baba, Anastazia Nuhi.

Akizungumza katika makaburi hayo, baba mdogo wa Dk. Magufuli, Simon Marco, alisema familia imefarijika kwa ujio wa mtoto wao huyo na kwamba Mungu atamsaidia ili ashinde.

“Tunafurahi sana mtoto wetu amekuwa na kazi kubwa ya kuomba kura kwa Watanzania, nasi tunakuombea kwa Mwenyezi Mungu ili ashinde,” alisema.

Kwa upande wake Dk. Magufuli alisema anajua asili yake kwani babu yake mzee Marco aliwapenda watu wote wakiwemo majirani zake, jambo ambalo limemsaidia naye kufuata nyayo hizo.

“Hapa Katoma ndipo asili yangu na kitovu changu kilipo, ndipo babu na baba zangu walipolala, baba yangu maisha yake yote yalikuwa hapa Katoma kabla hajahamia Chato,” alisema Dk. Magufuli.

Wakati huo huo, Dk. Magufuli alipowasili katika uwanja wa Shule ya Msingi Ihumilo kwa ajili ya mkutano wa hadhara, alikataa kiti cha mapambo alichopangiwa na badala yake alikalia kiti cha plastiki.

Kutokana na hali hiyo iliwalazimu wasaidizi wake kupanga viti vya kawaida katika jukwaa na kuvitoa viti maalumu vya mapambo.

MTANZANIA