Showing posts with label Tripoli. Show all posts
Showing posts with label Tripoli. Show all posts
 Wanamgambo waanza kuondoka Tripoli

Wanamgambo waanza kuondoka Tripoli


Waandamanaji wakiandamana kutoa wito kwa wanamgambo kuondoka mjini Tripoli, November 15, 2013
Waandamanaji wakiandamana kutoa wito kwa wanamgambo kuondoka mjini Tripoli, November 15, 2013

Wapiganaji wa jeshi la mgambo huko Libya wanaolaumiwa kwa ghasia mbaya mjini Tripoli tangu kuanguka kwa Moammar Ghadafi walianza kuondoka katika mji mkuu Jumatatu huku vikosi vya jeshi la Libya vikiingia kuhakikisha usalama mitaani.

Wanamgambo kutoka pwani ya mji wa Misrata walianza kuondoka kuelekea mashariki baada ya  kutokea ufyatuaji risasi kwa waandamanaji Ijumaa na kuchochea siku mbili za mapambano ambayo yaliuwa watu wasiopungua 46 na kuwajeruhi mamia wengine.

Pia Jumatatu naibu mkuu wa upelelezi nchini Libya, Mustafa Nuh aliachiwa huru na watekaji nyara wake siku moja baada ya kumkamata wakati akiondoka kwenye uwanja wa ndege wa Tripoli.

Haikufahamika ni nani alimteka Nuh ambaye familia yake inatokea Misrata.

Ghasia zazuka upya mjini Tripoli

Mapigano yamezuka upya mjini Tripoli hii leo, wakati idadi ya vifo vilivyotokana na maandamanao ya kupinga makundi ya waasi katika mji huo mkuu wa Libya ikiongezeka hadi 40. 
Zaidi ya watu 400 pia wamejeruhiwa wakati maandamano hayo ya jana yalipogeuka kuwa vurugu na kuendelea usiku kucha. Waziri wa Sheria Salah al-Marghani amesema idadi ya vifo inatarajiwa kuongezeka. 
Mapigano mapya yamezuka wakati magari yaliyojaa waasi wa Misrata wakielekea katika mji mkuu Tripoli wakitokea katika viunga vya mashariki vya Tajura. 
Waziri Mkuu Ali Zeidan ametoa wito wa "kuvumiliana na kusitisha ghasia" huku akionya kuwa kuwepo magari zaidi ya kivita katika mji huo mkuu "kutafanya hali kuwa mbaya zaidi". 
Waziri Mkuu Ali Zeidan amekuwa
akijitahidi kudhibiti wanamgambo, waasi walio na itikadi kali za kidini na waasi wa zamani waliokataa kusalimisha silaha zao miaka miwili baada ya kuondolewa na kuuwawa kwa aliyekuwa kiongozi wa nchi hiyo Muammar Gaddaffi. 
Na Dw.de 

Kategori

Kategori