Vijana na wapenzi wa chama cha Mapinduzi wametakiwa kujihadhari na kujiepusha na vikundi vinavyoashiria kufanya fujo wakati wa uchaguzi hali ambayo inaweza kusababisha vurugu zitakazoharibu amani ya nchi.
Wanafahamishwa kwamba Uchaguzi ni hatua moja ya kujenga nchi kuelekea katika maendeleo hivyo si vyema wananchi wakaingia katika majaribu yatakayogharimu mustakbali wa maisha na nchi yao.
Akiwa katika kampeni za chama cha mapinduzi akiwanadi wagombea uwakilishi na madiwani katika jimbo la Donge wilaya ya kaskazini B kada wa CCM ASHA ABDALLA JUMA Pamoja na kuelezea umakini wa wagombea wa jimbo hilo anawataka wananchi wa jimbo hilo kutokufanya makosa wakati wa uchaguzi ila kitu muhimu ni kuendeleza amani.
Akiomba kura wakati wa mkutano huo uliofanyika katika wadi ya …jimbo la Donge mgombea uwakilishi wa jimbo hilo Dr Khalid Salum anasema kuwa kulingana na ilani ya CCM watakuwa na kazi kubwa ya kutandaza miundombinu ya elimu ,afya,maji pamoja kutandaza barabara za ndani zitakazorahisisha usafiri na kuleta maendeleo kwa wananchi.
Aidha ametumia fursa hiyo kuwatahadharisha wananchi kuvitunza vitambulisho vya kupigia kura na wasikubali kuhadaiwa kwa kuviuza kwa matapeli wasio na nia njema.
Nao wagombea udiwani katika jimbo hilo wamepata fursa ya kusalimiana na wananchi wakati wa mkutano huo.
By Startv