Viongozi wa dunia kujadili kitisho cha IS

Viongozi wa dunia wanaokutana kwenye Hadhara Kuu ya Umoja wa Mataifa, leo watazingatia kampeni inayoongozwa na Marekani kuwaangamiza wapiganaji wa Dola la Kiislamu nchini Iraq na Syria na hatua za kuwapiga marufuku wapiganaji wa kigeni. Rais Barrack Obama (Pichani) wa Marekani anayetafuta uungaji mkono wa kimataifa dhidi ya wapiganaji hao, ni miongoni mwa viongozi wa kwanza watakaohutubia katika mjadala huo wa Baraza Kuu, unaoanza leo.
Baadaye Obama atauongoza mkutano maalum wa Baraza la Usalama, linalotazamiwa kupitisha azimio juu ya kuzuwia wapiganaji wa kigeni kwenda Iraq na Syria. Kitisho cha kundi hilo la Dola la Kiislamu kilisababisha Marekani kufanya mashambulizi ya angani nchini Iraq mwezi uliopita, na jana ikatanua kampeni yake hiyo na kuzishambulia ngome zao nchini Syria.

Share this

Share on FacebookPlus on Google+