Showing posts with label May 26. Show all posts
Showing posts with label May 26. Show all posts
Imefichuka..Sumaye Alikuwa Analipwa Zaidi ya Milioni 55 Kama Posho ya Vikao Tu Kwenye Bodi ya CRDB..!!!

Imefichuka..Sumaye Alikuwa Analipwa Zaidi ya Milioni 55 Kama Posho ya Vikao Tu Kwenye Bodi ya CRDB..!!!

Waziri Mkuu mstaafu, Frederick Sumaye si wa kwanza kustaafu ukurugenzi wa bodi ya Benki ya CRDB. Ni utaratibu uliopo ndani ya taasisi hiyo ya fedha, kuchiana vijiti licha ya malipo manono yanayoambatana na nafasi hiyo.
Sumaye alitangaza kujiondoa kwenye bodi ya wakurugenzi wa benki hiyo kwenye mkutano mkuu wa 22 uliofanyika jijini Arusha wiki iliyopita, jambo lililozusha mjadala miongoni mwa wadau wengi wa biashara hasa sekta ya fedha.
Kujiuzulu kwa Sumaye aliyedumu kwenye bodi hiyo tangu mwaka 2011, kulitoa nafasi ya kuchaguliwa kwa Mhadhiri Mwandamizi wa Chuo Kikuu cha Dar es Salaam, Dk Neema Munisi.
Sumaye na mrithi wake, wamo kwenye kundi la wenye chini ya asilimia moja ya hisa zote za kampuni ambao wanatakiwa kuwa na mkurugenzi mmoja miongoni mwa 13 wanaotakiwa.
Kwenye mkutano huo, Dk Neema aliwashinda wenzake baada ya kupata asilimia 50 ya kura zote zilizopigwa. Wanahisa zaidi ya milioni 527 walipiga kura kwenye uchaguzi huo.
Kuepusha mgongano wa maslahi, benki inawataka wakurugenzi wake kueleza bayana kama wanazo biashara zenye ushindani na CRDB. Ni sharti mkurugenzi kutokuwa na biashara au ajira ya kudumu yenye mgongano wa maslahi na benki hiyo.
Siasa zimemuondoa Sumaye, ambaye anasema atalazimika kutumia muda mwingi kuitumikia Chadema katika kujipanga na uchguzi mkuu ujao au wowote utakaojitokeza kabla ya mwaka 2020.
“Mambo yangu mengi yanafuatiliwa. Hata mashamba ya wanangu yamechukuliwa. Sitaki kuiingiza benki hii yenye maelfu ya wanahisa kwenye matatizo kwa ajili yangu,” anasema Sumaye.
Sumaye mwenye zaidi ya hisa milioni 7.448, amejiondoa kwenye bodi hiyo licha ya mamilioni ya shilingi aliyokuwa akilipwa kutokana majukumu aliyokuwa akitekeleza. Kumbukumbu za benki hiyo zinabainisha; mwaka jana alilipwa Sh58 milioni kati ya Sh616 milioni, wakati mwaka 2015 alipokea Sh53 milioni kati ya Sh553 milioni zilizotengwa kwa ajili ya malipo ya wajumbe wa bodi. Malipo hayo yalifanywa baada ya Sumaye kuhudhuria vikao saba kati ya vinane vilivyopangwa na kufanyika mwaka 2016.
Mwanasiasa huyo amejiondoa wakati bajeti ikiwa kwa ajili ya posho za wakurugenzi ikiwa imeongezeka. Zaidi ya Sh700 milioni zinatarajiwa kutumika kwa ajili hiyo mwaka huu.
“Hata baada ya uamuzi huu rafiki zangu wa Mtaa wa Lumumba hawafurahi. Nilitarajia wataridhika kwa kuona nitakosa posho hizi zinazolipwa kwa wajumbe,” anatania.
Waliiojiuzulu
Bodi ya wakurugenzi ndiyo mamlaka ya juu inayosimamia utawala ambayo inazo kamati zinazoshughulikia vihatarishi vya mikopo, ukaguzi, utawala na rasilimali watu ili kuongeza umadhubuti wa biashara na fedha.
Kwenye mkutano mkuu uliopita, wajumbe watatu; Boniface Muhegi, Ally Laay na Adam Mayingu walistaafu. Mayingu hakutaka kurudi tena, lakini Laay aligombea na kuchaguliwa kuwa mwenyekiti baada ya kustaafu kwa Martin Mmari. Muhegi bado yupo kwenye bodi hiyo baada ya kuchaguliwa tena.
Bodi ya wakurugenzi wa CRDB ina wakurugenzi 13, miongoni mwao 12 siyo watendaji akiwamo mwenyekiti isipokuwa mkurugenzi mtendaji. Mwenyekiti huchaguliwa kila mwaka kuiongoza bodi hiyo.
Kila mwenye asilimia 10 ya hisa za benki huruhusiwa kuchagua mkurugenzi wa benki. Wenye kati ya asilimia moja mpaka 10 huruhusiwa kuchagua mkurugenzi kwa kila asilimia 10, wale ambao hawafikishi asilimia 10 kwa ujumla hawaruhusiwi kuchagua mkurugenzi.
Kwenye mkutano mkuu uliofanyika mwaka 2015, wanahisa walikubaliana kuwaruhusu International Finance Co-operation (IFC), Africa Capitalizationa Fund (AFCap) na Kampuni ya CDC (Commonwealth Development Corporation) Group kuteua mkurugenzi mmoja iwapo hisa zao zitafika asilimia tano.
Wanahisa wanaomiliki chini ya asilimia moja ya hisa zote, wanaruhusiwa kuchagua mkurugenzi mmoja na wanahisa wote kwa pamoja wanaweza kuchagua mkurugenzi huru.
Kwa mujibu wa katiba ya benki, wajumbe wa bodi wanapaswa kustaafu ingawa wanaweza kuchaguliwa tena baada ya muda wao wa miaka mitatu kumalizika iwapo wanakidhi vigezo.
Itakumbukwa, aliyekuwa Mwenyekiti wa bodi, Martin Mmari aliteuliwa na Mfuko wa Pensheni wa PPF na alistaafu tangu Julai 2016 na nafasi yake kujazwa na Hosea Kashimba.
Profesa Mohammed Warsame alichaguliwa kuwakilisha kundi la wenye hisa kati ya asilimia moja mpaka 10, wakati Madren Oluoch-Olunya alichaguliwa kuwa mjumbe huru akichukua nafasi iliyoachwa wazi na Lawrence Mafuru.
Bodi ina jukumu la kusimamia na kupitisha malengo na mikakati ya benki na kampuni zake tanzu na kufuatilia utekelezaji, kusimamia utekelezaji wa mfumo wa utawala kuhakikisha unaendana na mabadiliko yoyote kama vile ukubwa, mtandao wa shughuli, mkakati wa biashara, masoko na udhibiti.
Vilevile, hushirikiana na menejimenti kuangalia vihatarishi na sheria za udhibiti zilizopo na maslahi ya muda mrefu ya kampuni kwa ufanisi.
Mhadhiri Mwandamizi wa Chuo Kikuu cha Ardhi, Dk Mlenge Fanuel anasema kuondoka kwenye bodi ya wakurugenzi siyo kitu cha ajabu kwa wajumbe wa taasisi nyingi.
“Kitu muhimu ni ufanisi wa taasisi husika. Kama huduma zake zinakidhi matarajio ya wateja, hakuna tatizo lolote. Ni kawaida kwa wajumbe kupishana. Waikuwapo wengi CRDB ambao waiondoka,” anasema Dk Fanuel.
Credit – Mwananchi

from Blogger http://ift.tt/2s3KaXr
via IFTTT


Tetemeko la Ardhi la Sekunde 10 Laua na Kujeruhi Watu Mwanza..!!!

Tetemeko la Ardhi la Sekunde 10 Laua na Kujeruhi Watu Mwanza..!!!

ASKARI polisi mmoja alifariki dunia na mwingine mmoja, mtuhumiwa mmoja kupoteza fahamu jana kufuatia tetemeko la ardhi lililopiga kwa sekude 10 katika maeneo machache ya mkoa wa Mwanza. Tetemeko hilo lililotokea jana saa 6:55 mchana.
Akithibitisha kutokea kwa kifo hicho, Kamanda wa Polisi mkoani hapa, Ahmed Msangi alimtaja marehemu kuwa ni askari wa kike mwenye namba WP 4674, koplo Joyce Mwalingo.
Kamanda Msangi alisema WP Joyce alifariki akiwa katika eneo lake la kazi, akifanya mahojiano na mtuhumiwa katika kituo cha Polisi Misungwi kilichopo wilaya ya Misungwi mkoani hapa.
“WP Joyce alifariki dunia baada ya tetemeko lililotokea majira ya saa 6:55 mchana, wakati akifanya mahojiano huku akiwa na askari mwenziye WP 11954, Stela ambaye alipata mshtuko baada ya kupata taarifa ya kifo cha mwenzake,” alisema Kamanda Msangi.
Alisema WP Stela alipelekwa hospitalini kwa matibabu kutokana na hali yake kuwa mbaya pamoja na mahabusu Mathias Saimon ambaye alizimia kwa mshtuko wa janga hilo.
Kamanda huyo hakuweza kutaja kipimo cha tetemeko hilo, lakini halikuwa na ukubwa wa janga la Septemba 10, mwaka jana lililokumba mkoa wa Kagera lililokuwa na nguvu ya 5.7 katika vipimo vya Richter, na kwa mujibu wa mtandao wa kompyuta wa earthquaketrack.com ndilo kubwa zaidi katika historia kutokea nchini.
Tetemeko hilo lilisababisha vifo vya watu 18, majeruhi 190 na uharibifu mkubwa wa mali na miundombinu.
Aidha, Kamanda Msangi alisema tetemeko hilo lilitikisa maeneo kadhaa ya wilaya za Kwimba, Misungwi na Nyamagana na kuzua hofu kwa watu kutokujua nini wafanye.
Alitaka wananchi, hususani waliojenga katika maeneo ya milimani, pembezoni mwa mawe, kuchukua tahadhari ya kutoka nje mapema pindi waonapo hali ya tofauti.
Meneja wa kampuni ya bima ya Jubilee Insurance, Jared Awando ambaye ni shuhuda wa tetemeko hilo alisema jengo ambalo ofisi yake ipo lilitikisika, hivyo yeye na wafanyakazi wote walitoka nje kwa kukimbia na kuungana na wananchi wengine ambao walionekana kuhangaika bila kujua cha kufanya.
Jackline Timo na Bahati John walisema wao walikuwa ndani ya nyumba wakifanya shughuli zao na pindi wakaona jengo linatetemeka ndipo wakachukua maamuzi ya kutoka nje haraka.
Tetemeko hutokeaje?
Mtaalamu wa masuala ya miamba, George John anasema ardhi ya dunia imegawanyika katika sehemu kuu tatu ambazo ni tabaka la juu, la kati na la chini.
Anasema katika tabaka la kati mara nyingi kunatokea msuguano ama msukumo wa volcano ambao kila upande unavuta upande wake.
Anasema wakati kitendo hicho kinatokea ndipo mgongano unagonga katika tabaka la juu la uso wa dunia na kutokea tetemeko la ardhi.
“Ni mvutano ambao hautabiriki utatokea lini, hata utabiri wa hali ya hewa hawajui, ni kitendo ambacho hutokea chini ya ardhi ya dunia,” alisema John.
John anasema hata ziwa Victoria na Tanganyika yote yametokea kutokana na mvutano huo miaka bilioni 3.5 iliyopita.
Anasema maeneo kama Manyara, Kagera, Mwanza na Mara yapo katika bonde la ufa, hata nchi za Kenya, Rwanda na Uganda.
Anasema tetemeko lililotokea katika mikoa ya Mwanza na Kagera lilisababishwa na msuguano wa volkano, lakini ni tofauti na tetemeko lililotokea nchini Japan hivi karibuni ambalo lilisababishwa na msuguano wa miamba.

from Blogger http://ift.tt/2rGKleK
via IFTTT


Umewahi Kukaa Sehemu Ukawa Unapiga Story na Mungu? Fanya Hivyo kwa Njia Hiiโ€ฆ!!!

Umewahi Kukaa Sehemu Ukawa Unapiga Story na Mungu? Fanya Hivyo kwa Njia Hii…!!!

Je umewah kukaa sehemu ukawa unapiga story na Mungu mnacheka,mnagonga na kushauriana?
wakati mwingine dhambi zetu zinatutenga na Mungu tunaanza kuwa waoga na wenye kujishtukia, wenye chuki kwa Mungu na moja kwa moja tunajitenga naye. lakini kama Tungejua vile ambavyo yeye alipenda tuwe wala tusingekuwa tunamchukulia jinsi tunavyomchukulia. Mungu alipenda sana tuish naye kwa maisha ya amani na upendo. 
sasa chukua muda wako vizuri nenda chumbani kwako katika mazingira mazuri na tulivu. kama utakaa kwenye kochi au kitandani au hata chini yeye Mungu hampi shida ongea naye. anasikiliza. na unaweza ukawa unaongea na Mungu kiasi kwamba sometime unajikuta unacheka au unapata furaha flan ambayo katika mazingira ya kawaida huwez ipata. Unapoongea na Mungu Ukamzoea utajikuta ukiwa unapiga naye story moyoni unajisikia utulivu sana. kichwani kunakuwa hakuna makelele tena hata kama humo ndani kuna makelele. 
unasikia harufu nzuri yenye utulivu na mwili mwako unalegea kwa maana ya kuwa una relax sana. ukimya wake unakuwa kana kwamba hata mapigo ya moyo huyasikii. hapo unaweza jikuta unatulia sana. una furaha sana, una amani sana. utaongea na Mungu. 
give thanks and praise. Acha lawama na majungu unapokuwa unapiga story na Mungu
Usiongee na Mungu kwa Kumlaumu. nani anapenda lawama? hamna. na ni unaweza anzisha naye mazungumzo kwa lawama? nenda kwa boss wako anayekupenda na kukujali. mwambie ” boss unajua wewe unatunyonya sana?hutujali, kazi nyingi mshahara kidogo, tunateseka na kazi zako wewe tu ndo unafaidika” halafu angalia uhusino wenu utakuaje.
Mpe sifa Mungu. maana Mungu huketi mahali penye sifa na Mungu anapenda sifa. anapenda sana sifa. msifu na mshukuru kwa kila ulicho nacho na sasa hapo u(chomekee na mahitaji mengine) tuache kumlaumu Mungu. hili ni kosa kubwa tunafanya. lawama kwa Mungu. tunasahau kuwa tunapolalamika kuwa mimi sijala na familia yangu. kuna mwingine chakula anapata lakini hawezi kula. au analishwa kwa mirija hata ladha ya chakula hapati. au akila chote kinatoka. 
Ukiwa unapiga Story na Mungu acha Majungu, fitna ,Umbea na Uchonganishi. usimpe hizo story.
acha majungu na umbea… “ooo Mungu mbona flan umemsaidia, mbona flan anakula bata, mbona flan anatutesa hapa mtaani” hayo ni majungu. wewe omba au piga story zako achana za kuwafitinisha watu na Mungu. hiyo ni kazi ya shetani asilimia 100. kama unataka kupiga story za watu wengine kwa Mungu basi ziwe njema kuwa unamsifu kwa kuwa amemtumia flan kuwasaidia watu flan.lakini siyo kumwaribia mwenzio kuwa anapata utajiri wakati ye mlevi mzinzi au si mwema kama wewe…hizo siyo issues za kupiga story na Mungu. acha majungu fanya yako.
tumshukuru Mungu huyu baba yetu na sisi wana wake kwa sifa na utukufu. watu wanashangaa mtu akisema yeye ni mwana wa Mungu. kwa nini?kama shetani ana watoto wake na kwa nini Mungu asiwe na watoto wake? 
Unaweza mshawishi Mungu akufanyie jambo mpaka akakubali kulifanya.
unapokaa na Mungu kupiga story hebu jifunze kumshawishi. mshawishi afanye jambo lako ikiwa ni jema. yeaah yu can do that. sometime Mungu anakuwa hakukuweka kwenye ratiba flan. lakini kama utamshawishi anaweza akakufanyia Upendeleo. na Mungu anatoa Upendelea kutokana na Ushawishi wako na Kazi zako.Si kweli kuwa Mungu hana Upendeleo. anao. kwa nini unadhani si wote wamelazwa muda huu? unadhani kwa nini wewe umekula?kwa nini wewe mzima? unadhani ni sababu wewe ni mwema sana au unastahili kuliko aliyepata ajali jana na juzi au mgonjwa wa kusubiri kufa?
well..upendeleo wake hauhusian na mali au uzuri wa nje. kila jambo Mungu hufanya kwa kusudi au huruhusu litokee kwa makusudi
Mungu anapenda sana Sifa hasa akiwa anapiga story na Shetani
Usidhani Mungu na Shetani hawaongei. wanaongea. tena huwa sometime wanatambiana sana. Mungu anatamba kwa shetani kwa watu wake wema wanaotenda mema. rejea habari ya Ayubu katika kitabu cha Ayubu 1:7 Shetani akiwa katika mizunguko yake ya kila siku ya kutafuta watu wa kuwapoteza akapita sehemu Mungu akamwona akamwuuliza “unatoka wapi?” naye akajibu kuwa anatoka katika kuzunguka zunguka huko na kule. Kwa majidai kabisa Mungu akamwuliza Shetani “unamwona mtumishi wangu Ayubu? maana hakuna aliye mkamilifu kama yeye…..”
Mungu anajivunia Ayubu. unadhan wewe ikitokea Shetani amekutana na Mungu nani atajivuna kwa mwenzie?anyway, wadau msisite ku kaa na kupiga story na Mungu na ukiwa katika story usipige story za hovyo hovyo. jiheshimu na umheshimu. muombe kwa unyenyekevu na kujishusha na pia uwe na subira usiforce mambo.ndo hapo unasema Mapenzi yako yatimizwe.
Jifunze kudeka kwa Mungu. anapenda sana kudekeza aisee…tena utaenjoy sana.
sometime unaweza hata deka kwa Mungu. unajua anapenda sana kudekeza. hivi umewah kuwaangalia ndege wa angani? walivyo wazuri na wenye kupendeza. hivi uliona wapi mashamba wanayolima? uliona wapi wakifuma nguo au manyoya wanayotumia? anyway. wewe ni bora kuliko wale ndege. wewe una thaman kuliko wale ndege. MUNGU NI BABA YAKO. Issues nyingine mweleze tu reality a juhudi zako then mwambie umemwachia yeye. unataka mke…mwambie wewe umeshajipanga na upo tayari sasa naye akupige tafu maana wewe huwezi jichagulia mke. mke mwema anatoka kwa Mungu.basi akupe mtoto mkali mwema anayekufaa. basi. unaachana na hiyo issue unasubiri. kama una vifungu vya kumkamatia kwenye biblia hebu mtajie. mkumbushe mwoneshe unajua unachoomba. sometime wewe dai mambo yako kupitia tu maandiko yake then mwachie. au kama kuna mazuri unatenda mkumbushe wala si dhambi
Haya, njooni, tusemezane, asema Bwana.Dhambi zenu zijapokuwa nyekundu sana, zitakuwa nyeupe kama theluji, zijapokuwa nyekundu kama bendera, zitakuwa kama sufu.
Kama mkikubali na kutii mtakula mema ya nchi, kama mkikataa na kuasi mtaangamizwa kwa upanga;maana kinywa cha Bwana kimenena haya
(Isaya 1: 18-19)
Mungu ni Rafiki, Mungu hataki aogopewe, Mungu anapenda wana wake… Sisi ni wana wa Mungu na kama sisi ni wana wa Mungu basi sisi ni Miungu. “ninyi ni miungu” katika Zaburi 82: 6 na Yohana 10:34?”

from Blogger http://ift.tt/2s3CwMH
via IFTTT


Kategori

Kategori