Serikali Yashtuka..Yagoma Kupokea Misaada yenye Masharti haya

Makamu wa Rais wa Jamhuri ya Muungano wa Tanzania Mhe Samia Suluhu Hassan amesema Taifa halipo tayari hata kidogo kupokea misaada yenye masharti ambayo haiendani na mila na desturi za Kitanzania.

Makamu wa Rais Mhe Samia Suluhu Hassan ametoa kauli hiyo baada ya kukutana na kufanya mazungumzo na Rais Mstaafu wa Ireland Mary Robinson pamoja na Mwanzilishi wa Taasisi ya Graca Machel, Craca Machel pamoja na ujumbe walioambatana nao Ikulu- Jijini Dar es Salaam.

Makamu wa Rais Mhe Samia Suluhu Hassan amesema kuwa kuna baadhi ya wafadhili wanaisaidia Serikali katika utekelezaji wa miradi ya maendeleo na bajeti vizuri sana na bila masharti mabaya lakini kuna baadhi ya wafadhili wanaonyesha wazi kuwa wanataka Serikali ikubali masharti yao ambayo yanaenda kinyume na maadili ya taifa kitu ambacho hakiwezekani.

Amesema kutokana na changamoto hiyo Serikali itaendelea kusimamia maadili ya Taifa ipasavyo na imeweka mipango na mikakati mizuri kwa ajili ya kuongeza mapato yake ya ndani ili kuondokana na utegemezi kutoka kwa baadhi ya wafadhili ambao baadhi yao wanaahidi kuchangia bajeti kuu ya Serikali lakini mwisho hawafanyi hivyo.

Kuhusu Sekta ya afya, Makamu wa Rais Mhe Samia Suluhu Hassan amesema kuwa Serikali imeongeza maradufu bajeti yake kwa mwaka wa fedha wa 2017/2018 katika sekta ya afya ili kuhakikisha wananchi wanapata huduma za afya kwa viwango vinavyotakiwa nchini.

Kwa upande wake, Rais Mstaafu wa Ireland Mary Robinson pamoja na Mwanzilishi wa Taasisi ya Kimataifa ya Graca Machel, Craca Machel waipongeza Serikali kwa jitihada inazozifanya katika uimarishaji wa sekta ya afya nchini na wameahidi kuendelea kushirikiana na Serikali katika kuhakikisha huduma za afya nchini zinaendelea kuboreshwa ipasavyo.

from Blogger http://ift.tt/2v3h1Ox
via IFTTT

KESI YA DAWA ZA KULEVYA YA YUSUF MANJI YAENDELEA TENA

Kesi ya matumizi ya dawa za kulevya inayomkabili mfanyabishara maarufu nchini, Yusuf Manji imeahirishwa hadi Agosti 10 mwaka huu baada ya upande wa jamhuri kusema kuwa upelelezi haijakamilika.

Hakimu Mfawidhi wa Mahakama ya Hakimu Makazi Kisutu, Cyprian Mkeha aliahirisha kesi hiyo Julai 6 baada ya wakili wa serikali kusema mahakamani hapo kuwa upelelezi haujawa tayari.

Manji ambaye ni Diwani wa Mbagala kwa tiketi ya CCM, hakuwepo mahakamani hapo wakati kesi hiyo ikiendelea.

Katika kesi ya msingi, Yusuf Manji anatuhumiwa kati ya Februari 6 na 9 mwaka huu katika eneo la Upanga Sea View, Dar es Salaam alitumia dawa za kulevya aina ya heroin.

Baada ya kusomewa mashtaka hayo Februari 16 mwaka huu, Manji alikana na kuachiwa kwa dhamana baada ya kutimiza masharti ya kuwa na mdhamini mmoja aliyesaini bondi ya Tsh 10 milioni.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sOAllg
via IFTTT