Wapalestina zaidi wankamatwa na vikosi vya uslama vya Israel

Polisi nchini Israel imewakamata wapalestina wasiopungua 23 katika eneo la mashariki la mji wa Jerusalem kuanzia jana usiku hadi leo katika msako uliofuatia miezi kadhaa ya machafuko katika mji huo mtukufu-maafisa wa Palestina wamesema.  Hata hivyo msemaji wa polisi  amesema waliokamatwa ni watu wanne,bila ya kuwataja wengineo ambao pengine wamekamatwa na idara nyengine za usalama. Waliokamatwa ni wakaazi wa Issawiya na Wadi Joz-mitaa ya waarabu katika eneo linalokaliwa na Israel Mashariki ya Jerusalem pamoja pia na mji mkongwe-shirika linaloshughulikia wafungwa wa kiplastina limesema katika taarifa yake. Alhamisi iliyopita polisi ya Israel ilimpiga risasi na kumuuwa mpalastina anaetuhumiwa kutaka kumuuwa mchamngu wa kiyahudi-rabbi-anaefuata nadharia kali za kiyahudi na kusababisha mapigano makali kati ya vijana wanaovurumisha mawe na vikosi vya usalama vilivyokuwa vikifyetua gesi za kutoa machozi na risasi za mpira. Kwa mujibu wa polisi,wapalestina wasiopungua 11 wamekamatwa tangu machafuko ya Oktoba 22 Mashariki ya Jerusalem.

Share this

Share on FacebookPlus on Google+