Mahakama zetu zimeendelea kudharaulika baada ya leo bungeni spika ndugai kusema wabunge waliosimamishwa vikao mwaka mzima wanakimbia kimbia tu hakuna cha kesi mimi ndio Spika.
Nimejiuliza,Ndugai anahakika gani kama mahakama itaamua tofauti na maamuzi yake ya kuwasimamisha mwaka?
Je,Ina maana Ndugai anauwezo wa kuingilia maamuzi ya mahakama mpaka kujipiga kifua hamna cha kesi?”Na kejeli”
Kauli kama hizi endapo mahakama itaamua kuendana na majigambo ya Spika ndugai hata kama maamuzi yake yatakuwa ya haki,zinapunguza imani ya wananchi kwa mahakama zao.Lazima mahakama ijipange la sivyo hadhi yake inaweza kuporomoka kabisa.
Jeshi la polisi limethibitisha kuungana na wadau wa soka mkoa wa Dar es Salaam katika kuhakikisha ulinzi na usalama wa wachezaji, viongozi, waamuzi, mashabiki na mali zao wakati wote wa mashindano ya Ndondo Cup 2017.
Kamisha msaidizi wa polisi (ACP) Philip Kalangi amesema, jeshi la polisi litatumia mbinu ya ulinzi shirikishi pamoja na wadau wengine wa vyombo vya ulinzi na usalama kuhakikisha amani inakuwepo wakati wote wa mashindano.
“Tumejipanga lakini tutakuwa na ullinzi shirikishi ambao utahusisha wadau wengine wa vyombo vya ulinzi na usalama na vikundi mbalimbali vya ulinzi navyo vitakuwepo. Tunawasihi wananchi wajitokeze kwa wingi kuja kuona vijana wao, wapate burudani na mwisho wa siku tupate kitu tunachokitarajia.”
“Suala la ulinzi na usalama ni muhimu sana katika jambo lolote kwenye maisha ya kila siku, ulinzi na usalama ni suala mtambu na linahitaji ushirikishwaji wa pamoja, makuindi yote katika jamii yetu tunatakiwa tushiriki katika nafasi yake linahitaji kushiriki moja kwa moja katika ulinzi na usalama.”
“Hata kwenye jeshi la polisi tunafanya michezo, tuna program moja inaitwa michezo na vijana ambapo tumekuwa tunahamasisha vijana kuachana na matumizi ya madawa ya kulevya na uhalifu wa aina mbalimbali.”
“Kama mnavyofahamu, michezo inajenga ushirikiano, upendo na mambo mengi lakini kubwa ni ajira. Vijana wengi hawana ajira kwa hiyo kwenye mashindano haya tunategemea vipaji mbalimbali vitaibuliwa na kuwasaidia hapo badae kwenye maisha yao.”
“Sisi kama jeshi la polisi tutakuwepo na tumekuwa na mahusiano na raia enzi na enzi tangu kuanzishwa kwa jeshi la poilisi, hauwezi kututenga na raia wala huwezi kuwatenga raia na askari. Kwa hiyo ushirikiano ni lazima uwepo na uendelee kwenye masuala ya ulinzi na usalama.”
Michuano ya Ndondo Cup 2017 hatua ya makundi inataraji kuanza rasmi Jumamosi Juni 17, 2017 ambapo mechi ya ufunguzi wa hatua ya makundi itazikutanisha Stimtosha dhidi ya Makuburi kwenye uwanja wa Kinesi.
Baada ya kuipandisha ligi kuu kocha Claudio Ranieri aliipa Leicester ubingwa wa Epl lakini msimu uliofuata alitimuliwa na timu hiyo, lakini leo kocha Claudio Ranieri amepata klabu mpya baada ya timu ya Nantes ya nchini Ufaransa kumtambulisha kama kocha wao mpya.
Lakini huko huko nchini Ufaransa klabu ya Psg imeionya klabu ya Barcelona kuhusu kiungo wao Marco Veratti na kusisitiza kwamba kiungo huyo hauzwi kwa dau lolote hivyo Barcelona wakatafute mchezaji mwingine.
Klabu ya Arsenal ambayo inamsaka kwa udi na uvumba mshambuliaji wa Lyon Alexandre Lacazette, sasa klabu ya Lyon imetaja dau ambalo Arsenal wanapaswa kulipa kama wanamtaka itabidi watoe euro 48.7m.
Baada ya kutoswa na kocha George Sampaoli aliyepata kazi mpya ya kuinoa timu ya taifa ya Argentina, klabu ya Sevilla leo imepata kocha mpya ambapo aliyekuwa kocha wa Celta bwana Edurdo Berizzo amepewa jukumu hilo la Sampaoli.
Mshambuliaji raia wa Crotia Ivan Perisic ambaye anawindwa sana na klabu ya Manchester United inasemekana amewaambia wazi waajiri wake klabu ya Inter Milan kwamba wamuache ajiunge na Manchester United.
Timu ya taifa ya Brazil ikiwa ugenini dhidi ya Australia ilitoa kipigo kikubwa cha mabao 4 kwa 0 dhidi ya Australia huku mabao ya Brazil yakiwekwa kambani na Diego Souza, Thiago Silva, Taison na Diego Souza.
Argentina nao walikuwa ugenini dhidi ya Singapore walishinda mabao 6 kwa 0 huku mabao ya Argentina yakifungwa na Fredrico Fazio na Joaquin Correa waliofunga kipindi cha kwanza huku kipindi cha pili yaliongezwa mengine manne Gomez,Daniel Parades,Lucas Alario na Di Maria.
Waafrika wenzetu Bafanabafana walikuwa nyumbani kuikaribisha Zambia na Zambia waliibuka kidedea kwa ushindi wa mabao mawili kwa moja huku mabao ya Zambia yakiwekwa kimiani na Brian Mwila na Lubinda Munia huku la kufutia machozi la Bafanabafana likifungwa na Lebongang Manyama.
Mabingwa wa Afrika timu ya taifa ya Cameroon walifungwa mabao 4 kwa 0 na Colombia huku mabao ya Colombia yakifungwa na Rodriguez,Yery Moina akifunga mawili na Jose Izquirero huku Cameroon wakimaliza pungufu baada ya Ndip Tambe kupewa kadi nyekundu.
Mabao mawili ya Harry Kane hayakutosha kuizuia England isifungwe mabao 3 kwa 2 na Ufaransa ambao mabao yao yalifungwa na Samuel Umtiti,Djibrii Sidibe na Osmane Dembele katika mchezo ambao Ufaransa walimaliza pungufu baada ya Raphael Varane kuoneshwa kadi nyekundu,
WAZIRI Mkuu mstaafu na Mjumbe wa Kamati Kuu ya Chama cha Demokrasia na Maendeleo (Chadema), Fredrick Sumaye, alisema nchi inashindwa kuendelea kwa sababu inaendeshwa kwa ushabiki wa kisiasa hata katika masuala yenye masilahi kwa Taifa.
Sumaye aliyasema hayo mwishoni mwa wiki kwenye kongamano la Baraza la Vijana wa Chama cha Demokrasia na Maendeleo Chadema (Bavicha) pamoja na Umoja wa Vijana wa
Vyuo Vikuu ambao ni wanachama wa chama hicho jijini Mbeya (Chaso)
Sumaye ambaye alikuwa mgeni rasmi, alisema mambo mengi yenye masilahi ya
Taifa hayapaswi kufanyiwa mzaha kwani yanaweza kuzusha madhara makubwa ambayo hayakutarajiwa.
Sumaye ambaye pia ni Mwenyekiti wa Chadema Kanda ya Pwani, alitolea mfano suala la bajeti ya mwaka huu 2017/2017 kwamba inaonyesha wazi haina uhalisia wa maisha ya wananchi wa kipato cha chini ambao ni wengi.
Alisema bajeti hiyo ingechambuliwa vyema na chombo chenye uwakilishi wa wananchi yaani Bunge kama chombo huru, lakini katika miaka ya hivi karibuni limeingiliwa na Serikali ya chama tawala na hivyo kupoteza sifa yake ya kuwasimamia wananchi.
“Nchi kwa sasa inayumba na inashindwa kuendelea kutokana na kuendeshwa kishabiki, bajeti yetu ya mwaka uliopita fedha za miradi ya maendeleo
zilitolewa kwa asilimia 34 pekee na Serikali ilikiri, lakini sasa hivi wanakuja na bajeti kubwa zaidi ya hiyo ambayo haijatekelezwa na wabunge wa CCM wanashangilia,” alisema Sumaye na kuongeza:
Wakati Gor Mahia ikiibuka na ushindi wa bao 3 0 dhidi ya AFC Leopard katika michuano ya SportPesa SuperCup ambapo watani hawa wa jadi kutoka Kenya walipokutana Tanzania, shabiki wa timu hiyo amemuomba Magufuli kutoa msaada kwa Raila Odinga.
Jenerali Jaro Soja ambaye ni Rais wa mashabiki wa Gor Mahia amemuomba Rais Magufuli kumsaidia mlezi wa timu yao hiyo Mhe. Raila Odinga katika kampeni zake kama ambavyo kiongozi huyo alifanya kipindi Tanzania inafanya uchaguzi mkuu mwaka 2015 ambapo Raila Odinga alikuwa akimpa nguvu Rais John Pombe Magufuli.
Jaro Soja anasema kuwa wao kama mashabiki wa Gor Mahia wanampenda sana Rais Magufuli kwa kuwa yeye ni rafiki mkubwa wa mlezi wao wa timu hivyo wanamkaribisha Kenya.
Mkuu wa Jeshi la Polisi Kamishna Simon Sirro amelezea juu ya hali ya Kibiti na kusema mpaka sasa kikosi cha Polisi kinaendelea na kazi yake huku akisisitiza watu wanaofanya mauaji na utekaji lazima wapatikane na kufikishwa katika vyombo vya sheria.
(IGP) Kamishna Simon Sirro amesekuwa kuwa katika suala hilo Watanzania wanataka majibu hivyo na yeye tayari ameshatoa maelekezo kwa vikosi vyake na tayari vipo kazini huku akiwaomba wananchi hao waendelee kutoa ushirikiano kwa Jeshi la Polisi ili waweze kufanikisha kuwakamata watu hao.
“Watanzania wanataka majibu, maelekezo yameshatolewa na vyombo vyetu vinafanya kazi kwa hiyo nisema tu kwamba wananchi waendelee kutupa ushirikiano, tunajua tatizo lipo na lazima tupate majibu, tuna team yetu ya kutosha na askari wa kutosha wanafanya kazi hiyo, kwa hiyo porojo porojo zingine mimi sina katika suala la Kibiti iliyobakia ni kazi tupate majibu, wanaofanya hivyo vitendo wapelekwe kwenye vyombo vya sheria ‘full stop'” alisisitiza Kamishna Sirro.
UONGOZI wa Yanga kupitia kamati yake maalumu, umemwangukia Mwenyekiti wa klabu hiyo na kumwomba afikirie upya uamuzi wake wa kujiuzulu nafasi hiyo, baada ya klabu kudaiwa kukumbwa na hali mbaya ya kiuchumi.
Mei mwaka huu kigogo huyo aliandika barua ya kujiuzulu nafasi yake kwa madai kwamba ametingwa na majukumu binafsi, hivyo ametoa fursa kwa Wanayanga wengine kupokea kijiti cha kuiongoza klabu hiyo kongwe nchini.
Barua hiyo ilipokewa na uongozi wa Yanga na kujadiliwa kabla ya viongozi wa matawi ya klabu hiyo kukutana hivi karibuni na kukubaliana kuunda kamati maalumu ambayo tayari imewasilisha ombi kwa Mwenyekiti huyo kumwomba afute uamuzi wake.
Akizungumza jana, Mjumbe wa Kamati ya Utendaji ya klabu hiyo, Salum Mkemi, alisema baada ya kuwasilisha ombi hilo sasa wanasubiri jibu kutoka kwa milionea huyo kama atakubali kubadili uamuzi wake wa kutaka kujiuzulu.
“Hakuna mgogoro wowote ndani ya Yanga ambao umesababisha Mwenyekiti atangaze kujiuzulu nafasi yake, bali uamuzi huo aliufanya mwenyewe bila ya kushinikizwa na mtu yeyote.
“Kwa kuthibitisha kwamba Yanga tupo shwari, kwa pamoja tumekubaliana kupeleka ombi letu la kumwomba mwenyekiti kufikiria upya uamuzi wake, hivyo itakuwa ni hiyari yake kukubaliana na ombi letu,” alisema Mkemi.
Inadaiwa kwamba uongozi wa Yanga umefikia uamuzi wa kumwangukia mwenyekiti wao kutokana na kubanwa na hali ngumu ya kiuchumi tangu alipotangaza kujiondoa, hasa katika suala zima la usajili wa wachezaji kwa maandalizi ya msimu ujao wa ligi.
Akizungumzia kuhusu usajili wa kimya kimya unaofanywa na klabu hiyo, Mkemi alisema hawatengenezi kikosi kibaya msimu ujao bali wanataka kuboresha maeneo ambayo Kocha Mkuu, George Lwandamina, aliona kuna mapungufu.
Aidha, Mkemi aliongeza kuwa klabu imefikia azimio la kuwabakiza nyota wake wote ambao wanawategemea kuwa watatoa mchango mkubwa katika Ligi Kuu Tanzania Bara msimu ujao na michuano ya kimataifa mwakani.
“Tetesi zilizozagaa kwamba tumeachana na wachezaji wetu ambao ni tegemeo kwenye timu zinatengenezwa tu, malengo yetu ni kuwabakisha nyota wote muhimu ambao walisaidia katika mafanikio ya kutetea ubingwa wa ligi kuu kwa mara ya tatu mfululizo,” alisema.
Rais wa Tanzania John Magufuli amewaagiza wakuu wote wa mikoa Tanzania Bara kuongeza juhudi za utatuzi wa migogoro ya ardhi ikiwa ni pamoja na kuharakisha mchakato wa kuwanyang’anya hati za umiliki watu wenye mashamba makubwa ambayo hawayaendelezi.
Rais Magufuli ametoa agizo hilo leo, Ikulu Jijini Dar es Salaam alipokutana na kufanya mazungumzo na Wakuu hao wa mikoa, Tanzania ambacho kikao hicho kimehudhuriwa na Makamu wa Rais Mhe. Samia Suluhu Hassan, Waziri Mkuu Mhe. Kassim Majaliwa Majaliwa, Mwanasheria Mkuu wa Serikali Mhe. George Mcheche Masaju, Katibu Mkuu Kiongozi Mhe. Balozi John Kijazi na baadhi ya Mawaziri.
“Mashamba yote yaliyotelekezwa, fuateni taratibu za sheria, yanyang’anyeni wapewe Watanzania ambao wapo tayari kuyaendeleza, lakini fanyeni jambo hili kwa kufuata utaratibu,” Rais Magufuli.
Aidha Rais amewaagiza Wakuu wa Mikoa wote kusimamia kwa ukaribu utekelezaji wa mpango wa ujenzi wa viwanda katika maeneo yao ili kuwawezesha wananchi kuongeza thamani ya mazao yao na kuzalisha ajira.
Rais Magufuli amesema kila Mkuu wa Mkoa anapaswa kufanyia kazi fursa za uanzishaji wa viwanda katika eneo lake na kuhakikisha anashawishi wawekezaji kuzitumia fursa hizo kama inavyofanyika katika Mkoa wa Pwani ambako tangu Awamu ya Tano iingie madarakani viwanda vikubwa 83 vimejengwa na vingine kukamilika huku viwanda vidogo zaidi ya 120 pia vikiwa vimejengwa.
Kipindi ni kipindi ambacho mengi yanazungumzwa na ambayo pia hayatofika kikomo mpaka pale ambapo dirisha la usajili litakapofunguliwa. Ni kipindi ambacho tetesi kadhaa zimeendelea kushika kasi na Alexis Sanchez ameendelea kuwa sehemu ya hili.
Baada ya kuwa katika kipindi kigumu na ambacho anaonekana kutokelewana na kocha wake Arsene Wenger huku pia akionekana kutokuwa tayari kusaini mkataba mpya kutokana na kutokuelewa mwenendo wa klabu hiyo, na mipango ya muda mrefu.
Na pamoja na kunukuliwa akisema anafurahia maisha ya London nyota wa klabu ya Arsenal Alex Sanchez amepokea simu ya kocha Jose Mourinho akitakiwa kujiunga na klabu ya Manchester united .
Taarifa zinasema kuwa Sanchez ni moja ya nyota wanaohitajika na mourinho kwa ajili ya kuimarisha kikosi chake kwa ajili ya msimu ujao.
Televisheni ya Chile kupitia kipindi cha ‘El Show de Prensafutbol” imeripoti kuwa kocha huyo wa Manchester United alimpigia simu mchezaji huyo kumshawishi ajiunge na klabu ya Manchester United msimu ujao. TV hiyo pia imeweka wazi kuwa hata Pep Guardiola amekuwa akijaribu kumfikia Sanchez kwa kutaka atue City.
Hata hivyo kutokana na tetesi za Hazard kuelekea Sanatiago Bernabeu, klabu ya Chelsea inaonekana kuwa mstari wa mbele na pia taarifa zinadai kuwa imeshafanya nae mazungumzo.
Askofu wa Kanisa la Ufufuo na Uzima, Bishop Josephat Gwajima amesema kuwa leo hii atatembelea kituo cha redio cha Efm pamoja na TVE kwaajili ya kuwapa pole wana tasnia ya habari kwa yaliyotokea.
Ijumaa iliyopita kituo cha Clouds kilivamiwa na Mkuu wa mkoa wa Dar es Salaam, Paul Makonda akiwa na askari wenye mitutu kitendo kilichopingwa na wadau mbalimbali wa habari.
“Kesho Tarehe 23/03/2017 Saa nne kamili asubuhi, nitatembelea Ofisi za EFM na TVE ili kuwapa pole wana tasnia ya Habari kwa yaliyotokea.” aliandika mchungaji huyo kupitia ukurasa wake wa Instagram.
Askofu huyo jana alitembelea kituo cha Clouds kwaajili ya kutoa pole kwa yaliyotokea.
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
Hatimaye kamati maalum iliyoundwa na waziri wa habari, utamaduni, sanaa na michezo, Nape Nnauye kuhusu tukio la mkuu wa mkoa wa Dar es Salaam, Paul Makonda kuzivamilia studio za Clouds Media Group, Ijumaa iliyopita akiwa na askari wenye silaha nzito, imekabidhi ripoti yake.
Kamati hiyo iliyoundwa na watu mbalimbali akiwemo mhariri mtendaji wa New Habari Corporation, Deodatus Balile, imethibitisha kuwa ni kweli Makonda alienda katika kituo hicho usiku wa Ijumaa akiwa na askari na kuwashinikiza watangazaji wa kipindi cha Da W’keend Chat show (Shilawadu) warushe kile alichokiita kipindi chake na baada ya kugoma aliwatishia mambo kadhaa.
Kamati hiyo imesema moja ya vitisho hivyo ni kuwakagua watangazaji hao kama wanahusika na uuzaji wa madawa ya kulevya ‘ama kuwabana wadhamini wa kipindi hicho na pengine kuwaingiza kwenye orodha ya kuuza dawa za kulevya.’
Imedai kuwa watangazaji wa kipindi hicho walipatwa na taharuki kubwa kiasi cha kujikuta wakilia na kushindwa kufunga kipindi chao. Imesema mkuu huyo wa mkoa alitumia takriban saa nzima katika kituo hicho na kuwataka wafanyakazi wake kuwa yaliyotokea yabaki ndani ya siku hizo.
Kamati hiyo imesema tukio hilo limeingilia uhuru wa uhariri na uvunjifu wa amani kutokana na vitisho alivyovitoa mkuu huyo wa mkoa. Pia kamati imekiri kuwa Makonda alikuwa ‘mgeni mwenyeji’ kwenye kituo hicho na March 14 alikaaa katika ofisi hizo hadi saa 10 alfajiri kuhariri na watayarishaji kipindi maalum cha kuadhimisha mwaka mmoja wa uongozi wake.
Hata hivyo wafanyakazi wa kituo hicho wamedai kuwa mkuu huyo wa mkoa hakuwahi kwenda na askari wenye silaha katika siku zingine kabla ya March 17. Pia imedai kuwa hakuna mtangazaji aliyepigwa wala kuumizwa kwenye tukio hilo.
Mapendekezo ya kamati hiyo ni:
1. Mkuu wa mkoa aombe radhi Clouds na kwa wanahabari wote
2. Waziri husika atoe taarifa kwa mamlaka husika ili Mkuu wa Mkoa achukuliwe hatua
3. Vyombo vya usalama kufanya uchunguzi juu ya askari kuingia Clouds na silaha za moto
4. Kampuni ya Clouds ipitie upya kanuni, miongoni na sheria za utangazaji ili kuwa na udhibidi wa watu kuzoea kuingia mara kwa mara pasipo kuwa na taaluma ya habar
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
Dar es Salaam. Rais John Magufuli
amefanya mabadiliko madogo ya
katika Baraza la Mawaziri kwa
kumteua Profesa Palamagamba
Kabudi kuwa Waziri wa Katiba na
Sheria.
Nafasi hiyo ilikuwa ikishikiliwa na Dk
Harrison Mwakyembe ambaye
anakuwa Waziri wa Habari,
Utamaduni, Sanaa na Michezo
iliyokuwa ikishikiliwa na Nape
Nnauye.
Taarifa iliyotolewa leo asubuhi na
Mkurugenzi wa Mawasiliano ya Rais,
Ikulu, Gerson Msigwa imesema kuwa
uteuzi huo unaanza mara moja na wateule wote wataapishwa kesho mchana.
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
Kama mama, kama mtoto hilo halipo kwa Snura. Mrembo huyo amefunguka kuwa hataki watoto waje kuwa wanamuziki kama yeye.
Akiongea na gazeti la Risasi, hitmaker huyo wa ‘Shindu’ ambaye kwa sasa ana watoto wawili amesema maisha ndiyo yaliyomsababisha yeye aingie kwenye fani hiyo lakini hapendi watoto wake waingize mguu kwenye tasnia hiyo.
“Nafanya muziki kwa kuwa natafuta hela. Maisha yamenifanya niingie kwenye fani hii lakini siyo kwamba ndiyo naipenda mpaka niwarithishe na wanangu. Sitaki kabisa wawe kama mimi, ukiniuliza kwa nini jibu langu ni hilo,” amesema Snura.
“Sina sababu ieleweke hivyo tu, nashukuru Mungu wanangu nao hawana muda na fani hii na ninapenda waendelee kuwa hivyo kwani sipendi wanangu wafanye kazi hii,” ameongeza.
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
Rapper ambaye kwa sasa ana kiki kubwa Bongo, Harmorapa amezungumzia madai kwamba anabebwa na wimbi la kiki wala hayupo kwenye game kudumu.
Hakijatosha, Harmorapa alipata nafasi pia kuzungumzia ishu ya wanaomuongelea vibaya na hata kumtukana. Nilipata nafasi ya kupiga stori na Harmo na alikuwa na la kuwaambia wanaomsema vibaya. “Watu ambao wanahisi Harmorapa hatodumu kwenye game kwanza wanakosea halafu pia naweza nikasema kwamba wanamkufuru Mungu kwa sababu Mungu ndiye anayepanga na kupangua,” alisema rapper huyo.
Aliendelea kusema…”Kama mimi binafsi nimejipanga sana vya kutosha. Unajua kwamba maneno yao mimi hayanivinjii chochote ni ile sawa na kumpiga chura teke na kumwongezea mwendo. Wanavyoniongea mimi ndo wananipa power na wananipa maujuzi na wananipa kuweza. Ni wao wananiweza mimi kuweza na kukaza ilmradi niweze kufanya kazi nzuri.”
Katika hatua nyingine nilitaka kujua iwapo Harmonize amemjua kabla awe supa staa au vipi. Alinijibu kwa kusema kwamba hakuwa akimfahamu muimbaji huyo kutoka WCB kabla hajakuwa staa. Wakati akiendelea kufanya vizuri na wimbo wake wa ‘Kiboko ya Mabishoo’, Harmorapa amewaahidi mashabiki wake makubwa mwaka huu na amewataka wawe tayari kushuhudia maangamizi atakayofanya kwenye game mwaka huu.
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
Leo March 22 jioni, kikosi cha timu ya taifa ya Tanzania ‘Taifa Stars kilifanya mazoezi kwenye uwanja wa Taifa kwa ajili ya maandalizi ya mechi zake mbili za kimataifa dhidi ya Burundi pamoja na Botswana.
Kabla ya kuanza kwa mazoezi, waandishi wa habari waliojitokeza kushuhudia Stars akifanya mazoezi walipata fursa ya kuzungumza na nahodha wa Stars Mbwana Samatta ambaye kwa sasa anakipiga barani Ulaya kwenye klabu ya KRC Genk ya Ubelgiji.
Waandishi walitaka kujua mambo kadha wa kadha kutoka kwa Samatta ambaye bila shaka nae akafunguka kama ifuatavyo…
Baada ya kufanya vizuri tangu alipojiunga na KRC Genk, kuna offer yoyte rasmi kutoka vilabu vikubwa ambayo imeshamfikia?
Niko pale na nina furaha kuwa pale, kama kuna lolote litatokea ni masuala ya muda tu.
Tanzania imekuwa ikiporomoka kwenye nafasi za viwango vya FIFA, kama nahodha anadhani tatizo liko wapi?
Sio suala la nahodha ni jukumu la wachezaji wote, viongozi na watanzania. Imefika kipindi tuangalie kwamba tunaelekea wapi, isiwe wengine wanacheka wakati wachezaji wanaumia, ni suala la watanzania wote kutengeneza misingi kwa pamoja kwa ajili ya timu ya taifa kwa sababu inapokuwa inaporoka halafu tunatupiana lawama haipendezi.
Alikuwa anatamani club yake (KRC Genk) ikutane Mnchester United kwenye robo fainali ya Europa League ili atimize ndoto yake ya kukanyaga Old Trafford, baada ya ratiba kutoka na timu yake kupangwa na Celta Vigo amesjisikiaje?
Ni mechi nzuri pia kwa kuongeza uzoefu, sio game ndogo Europa kucheza na Celta Vigo
Baada ya kushinda tuzo ya mchezaji bora kwa wachezaji bora wa Afrika kwa wachezaji wa ndani lipewa eneo la kiwanja kama zawadi na wadau nchini kwa ajili ya kujenga kituo cha soka cha vijana, mpango huo umefikia wapi?
Siwezi kuanza kujenga kwa sasa kwasababu ntakuja kufa njaa badae, itafika kipindi kila kitu kitakuwa sawa muda utaongea hilo ni lengo langu toka kitambo sana na nitalifanya kwa sababu ni lengo ambalo nilijiwekea mwenyewe.
Kukosekana kwa Thomas Ulimwengu kwenye timu ya taifa kwa ajili ya mechi za kirafiki za kimataifa kutaiathiri vipi timu ya taifa?
Nitam-miss ni rafikiangu lakini vile vile tulikuwa tumetemngeneza uwiano mzuri kwe ye timu lakini kama mwanajeshi muda mwingine inabidi ushirikiane na watu wengine sio lazima awe mtu ambaye umemzoea . najua hata Tanzania wachezaji wengine na mashabiki pia watam-miss lakini ana majeruhi na hawezi kutumika inabidi tulielewe hilo.
Maoni yake kuhusu kocha wa taifa wa sasa Salum Mayanga
Alikuwa kocha msaidizi kipindi cha Mart Noij na tulikuwa tunafanya kazi pamoja kwenye timu ya taifa tunafahamia na anawafahamu wachezaji wengi wa kitanzania wa timu ya taifa.
Anawasaidiawachezaji wa Tanzania kupata nafasi za kucheza soka la kulipwa nje ya nchi?
Nashindwa kujibu moja kwa moja kwa sababu kwa sasa naweza kuonekana kama natafuta sifa ya kuonekana nasaidia wengine nafikiri liachwe labda wachezaji wanaweza kuongea wenyewe japo hatujafanikiwa kwa kiasi kikubwa lakini itafika kipindi itakuwa rahisi.
Anajisikiaje pale jina lake linapotajwa na wasanii kwenye nyimbo zao?
Kuna wasanii wengi walikuwa wanataja jina langu kwenye nyimbo zao tangu nikiwa TP Mazembe labda zilikuwa hazisikiki au watu walikuwa hawatilii maanani kwa sababu Samatta alikuwa bado yupo Afrika. Najisikia furaha kwa sababu nahisi watanzania wenzangu wananipa sapoti na wanajali kile nachofanya , wasanii wote mimi ni washkaji zangu.
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
