Mamia ya wafanyakazi huenda wakakosa ajira Afrika Mashariki baada ya maduka ya jumla ya Nakumatt kuonekana kuwa hatarini.
Nakumatt iliyo na maduka nchini Kenya, Uganda, Tanzania na Rwanda inakabiliwa na changamoto za kulipa madeni yake, na sasa wadeni wake wanatishia kuweka mali ya Nakumatt kwenye mnada.
Kwa miaka kadhaa Nakumatt imejivunia kukidhi mahitaji yote ya wateja na kauli mbiu ya ‘You need it, we’ve got it’ (Unahitaji, Tunacho), lakini hivi karibuni hata bidhaa muhimu kama mkate zimekuwa nadra kupatikana kwenye rafu zake.
Wateja wa duka hilo la Jumla walitaka kutambua yanayojiri kwenye duka hilo kupitia mtandao baada ya kukosa bidhaa muhimu lakini wasimamizi wa maduka hayo wamekanusha madai kwamba huenda biashara yake ikaporomoka.
Pindu tu baada ya habari kuanza kuenea mitandaoni, ilianza kubainika wazi kuwa maduka hilo haliwezi tena kuwalipa wanaoyauzia bidhaa.
Nakumatt pia inadaiwa kushindwa kulipa kodi ya majumba ambayo yanatumiwa kwa maduka yake.
Wiki moja tu baada ya kufunga maduka matatu nchini Uganda, madalali wametwaa mali ya Nakumatt kwenye jumba moja la kibiashara viunganimwa jiji la Nairobi, kwa madai ya kutolipwa kodi ya takriban dola nusu milioni.
Aidha kampuni hiyo inakabiliwa na kesi nyingine ya kufilisika kwa kutolipa deni la zaidi ya dola laki saba, na kwa kuandika cheki hewa.
Serikali ya Kenya imeingilia kati majadiliano baina ya duka hilo na wadeni wake, ili kupata suluhisho litakalozuia kampuni hiyo kusambaratika, haswa kabla ya uchaguzi mkuu unaotarajiwa kufanyika nchini Kenya mwezi Agosti.
Mkurugenzi wa Mauzo wa SBL, Alain Tayo (wa kwanza kushoto) akimkabidhi nyaraka za gari aina ya Heicher lenye thamani ya zaidi ya shilingi milioni 50 kwa Mwakilishi wa MM Group Joseph Chanika, ambaye ni msambazaji wa kanda aliyeibuka msambazaji anayeongoza katika kipindi cha kwanza cha nusu mwaka huu wa fedha 2017.wanaoshuhudia katikati ni Meneja Usambazaji wa SBL Malalia Mmasy ,na Baraka Kilimba Meneja Mauzo Baraka Kilimba na mwishoni ni Meneja wa SBL wa Uwajibikaji Katika Jamii, Hawa Ladha
Mkurugenzi wa Mauzo wa SBL, Alain Tayo Akizungumza na waandishi wa habari (Hawapo pichani) kuhusu zawadi ya msambazaji bora ambapo MM Group kutoka Mpanda aliibuka mshindi ,kulia kwake ni Meneja Usambazaji wa SBL Malalia Mmasy na kushoto kwake ni Mwakilishi wa MM Group Joseph Chanika,mapema leo katika ofisi za SBL Temeke Jijini Dar es salaam.
Waandishi wa habari wakichukua matukio katika mkutano huo wa kutangaza mshindi mapema leo katika ofisi za SBL Temeke Jijini Dar es salaam.
Meneja wa SBL wa Uwajibikaji Katika Jamii, Hawa Ladha akifafanua jambo kwa waandishi wa habari wakati wa kutangaza mshindi wa shindano la msambazaji bora ambapo MM Group toka Mpanda aliibuka mshindi ,anayefuatia katikati ni Mkurugenzi wa Mauzo wa SBL, Alain Tayo na mwishoni kulia ni ni Meneja Usambazaji wa SBL Malalia Mmasy ,mapema leo katika ofisi za SBL Temeke Jijini Dar es salaam.
Mwakilishi wa MM Group Joseph Chanika akijaribu gari lake mara baada ya kukabidhiwa baada ya kuibuka kama msambazaji bora ,Makabidhiano hayo yalifanyika katika ofisi za SBL Temeke Jijini Dar es salaam.
Mwakilishi wa MM Group Joseph Chanika akizungumza na waandishi wa habari mara baada ya kukabidhiwa zawadi ya gari aina ya Heicher lenye thamani ya zaidi ya shilingi milioni 50 mapema leo katika ofisi za SBL Temeke Jijini Dar es salaam.
Dar es Salaam, Mei 24, 2017-Kampuni ya Bia ya Serengeti (SBL) imetoa zawadi ya gari aina ya Heicher lenye thamani ya zaidi ya shilingi milioni 50 kwa MM Group, ambaye ni msambazaji wa kanda aliyeibuka msambazaji anayeongoza katika kipindi cha kwanza cha nusu mwaka huu wa fedha 2017.
Kampuni ya MM Group ambayo ina makao yake wilayani Mpanda Mkoa wa Katavi iliwashinda wasambazaji wengine 85 walioshiriki kwa ajili ya kupata zawadi hiyo ya kipekee.
Akiendesha hafla hiyo ya makabidhiano iliyofanyika katika makao makuu ya SBL Temeke, Dar es Salaam, Mkurugenzi wa Mauzo wa SBL, Alain Tayo alimpongeza mshindi huku akithibitisha kujikita kwa kampuni hiyo ya bia katika kutambua juhudi zinazofanywa na wateja wake katika kuunga mkono ukuaji kwa kampuni.
“Wakati tunapongeza mchango wa MM Group kwa kuongoza na kushika nafasi ya juu katika kipengele chake kulikomwezesha kupata zawadi hii, tunatambua pia kazi nzuri inayofanywa na wasambazaji wengine, wateja na hali kadhalika wadau wetu. Kupitia uungwaji mkono huu wa dhati, SBL imekua katika uzalishaji na kufikia kiwango cha juu katika sekta ya uzalishaji bia ndani ya nchi na hata katika ukanda wa Afrika Mashariki,” alisema Tayo.
Akitoa wito kwa wasambazaji wengine wa SBL kuiga mfano wa MM Group, Tayo aliwahahakishia washirika wa SBL kibiashara wakiwamo wasambazaji na wateja kwamba SBL itaendelea kuwaenzi na kusikiliza mahitaji yao.
“Tunawashukuru wadau wetu wote kwa kuzingatia kwamba wamekuwa pamoja nasi katika katika safari yetu ndefu na ya mafanikio kibiashara”, alibainisha Tayo.
Kwa upande wake, Mwakilishi wa MM Group Joseph Chanika, wakati akiishukuru SBL kwa zawadi hiyo, aliwapa changamoto wasambazaji wengine kuendesha na kuenenda na ukaribu wa SBL kwa kufanya kazi kwa bidiii ili kufuzu kwa ajili ya tuzo kama hiyo.
“Naishukuru sana SBL kwa kuheshimu ahadi yake na kunituza gari hili Heicher. Hili gari ni zana muhimu katika biashara yangu ambayo itaniwezesha kukuza shughuli zangu za usambazaji wa bidhaa za SBL,” alisema Bw Joseph Chanika kwa bashasha.
NYOTA saba wa Simba waliokuwa kwenye timu zao za taifa, wametua kininja mjini Bukoba kuungana na wenzao kwa ajili ya mchezo wa Ligi Kuu Tanzania Bara dhidi ya Kagera Sugar, Jumapili hii.
Wachezaji hao ni mshambuliaji, Laudit Mavugo, aliyekuwa na kikosi cha timu yake ya Taifa ya Burundi, huku wengine Ibrahimu Ajib, Shiza Kichuya, Jonas Mkude, Mohammed Hussein ‘Tshabalala’, Abdi Banda, Said Ndemla na Muzamiri Yassini, nao wameungana na wenzao baada ya kuiwakilisha Taifa Stars kwenye mechi mbili za kirafiki.
Nyota hao baada ya mechi ya juzi ya kirafiki kati ya Tanzania na Burundi ambapo Stars ilishinda mabao 2-1, jana alfajiri waliondoka jijini Dar es Salaam na kutua mjini Bukoba asubuhi na mapema wakitumia ndege ya Shirika la Ndege la Tanzania (ATCL) na mara baada ya kutua waliungana na wenzao kambini bila hata kupumzika na kwenda moja kwa moja mazoezini kwenye Uwanja wa Taasisi ya Kanisa Katoliki mjini humo.
BINGWA limenasa taarifa za ndani kwamba wachezaji hao waliwekwa mafichoni na Makamu Mwenyekiti wa Simba, Geofrey Nyange ‘Kaburu’, baada ya kumaliza mechi dhidi ya Burundi kukwepa hujuma kabla ya kuondoka nao.
Kutua kwa wachezaji hao Bukoba kumeleta hamasa kubwa kwa nyota wengine ambao walikwishatangulia na kocha wao Joseph Omog, hivyo waliendelea na maandalizi ya mchezo huo utakaochezwa siku hiyo ya Jumapili kwenye Uwanja wa Kaitaba mjini Bukoba.
Tazama video Mtoto amvua kofia Papa Francis
“Wachezaji wetu wameingia leo asubuhi kama maninja wakiwa na Kaburu, walipofika tu kitu cha kwanza cha kufanya walibadili nguo na kuungana na wenzao mazoezini,” kilisema chanzo kimoja cha habari cha ndani.
“Ujio wao uliamsha hamasa sana, kwani baada ya kuonekana wenzao waliwafurahia na kuwashangilia na kukumbatiana wakipongezana kwa kile ambacho kila mmoja ameonyesha kwenye mechi hizo za kirafiki,” kiliongeza chanzo hicho.
Meneja wa timu hiyo, Mussa Hassan ‘Mgosi’, ameliambia BINGWA jana kuwa kurejea kwa wachezaji wote saba salama kumeongeza chachu ya ushindani baina yao kuelekea mechi zao za Kanda ya Ziwa wakianza na Kagera Sugar.
“Wachezaji hao wamefika leo asubuhi (jana) na walipata nafasi ya kufanya mazoezi pamoja na wenzao ambao walitangulia kufika hapa, kurejea kwao kumeongeza mzuka na hatuna shaka ya pointi tatu zitapatikana Jumapili,” alisema.
Vinara hao wa Ligi Kuu, Simba itakuwa Kanda ya Ziwa kucheza mechi tatu mfululizo, ambapo Jumapili wataanza na Kagera Sugar mjini Bukoba, kabla ya kwenda Mwanza kukipiga na Mbao FC, kabla ya kuhitimisha ziara hiyo dhidi ya Toto Africans.
Simba inaongoza msimamo wa ligi wakiwa na pointi 55, huku mahasimu wao, Yanga wakishika nafasi ya pili kwa kuzidiwa pointi mbili, wakati Azam ni watatu wakiwa na pointi 44, kila mmoja akiwa amecheza mechi 24.
DAR ES SALAAM: Siku nne tu baada ya watu waliotajwa kama mashehe kuingia na kuhudhuria ibada katika Kanisa la Ufufuo na Uzima linaloongozwa na Askofu Josephat Gwajima, lililopo Ubungo Maji, jijini, Shehe Mkuu wa Mkoa wa Dar es Salaam, Alhadi Salum, amewalipua kuwa hawakuwa viongozi wa dini ya Kiislamu, bali ni watu waliovaa vazi la kanzu, ambalo kila mtu anaweza kulivaa.
Akizungumza na Amani jana, kiongozi huyo ambaye pia ni Mjumbe wa Baraza la Amani mkoani Dar, alisema siku zote ndege wamoja hutambuana, kama ilivyo kwa maaskofu na wapiga debe, hivyo wao kama mashehe, hawajaona mtu mwenye hadhi ya kuitwa shehe, zaidi ya kuwaona watu waliovalia kanzu na vibalaghashia.
“Hakuna shehe pale, wale ni watu tu wamevaa kanzu na vibalaghashia, siyo kila mvaa kanzu ni shehe, mtu yeyote anaweza kuvaa, kwani kanzu ni vazi kama vazi jingine na ndiyo maana zinauzwa madukani.
“Siku zote mashehe tunatambuana, hata maaskofu, wapiga debe wanatambuana, wale sisi hatuwatambui kama mashehe. “Na ndiyo maana tulitoa tamko kama Baraza Kuu la Waislamu Tanzania (Bakwata) kuwa wale hawakuwa mashehe kutoka Bakwata na wala hawakuwa na baraka za Bakwata,” alisema shehe mkuu huyo.
Mashehe wanaozungumzwa ni wale ambao walienda kanisani katika siku ambayo pia wasanii wa vichekesho, Stanley Yusuph ‘Stan Bakora’ na Musa Kitale, ‘Mkude Simba’ walihudhuria ibada kwenye kanisa hilo.
Tukio hilo lilitokea Machi 26, mwaka huu na kuzua mshangao hata kwa waumini wa kanisa hilo ambao walishindwa kujizuia na kulipuka kwa kelele za ushindi, zilizoambatana na shangwe, miluzi na vifijo.
LadyJaydee amefunguka kuhusu #Harmorapa ambaye amekuwa akiteka vichwa vya habari kutokana na stori zake zikiwemo nyingi za kuvunja mbavu.
#Jaydee amekiambia kipindi cha FNL cha EATV kuwa haoni tatizo kwa rapper huyo chipukizi kwa kuwa kila msanii ana njia zake ambazo anatumia za kufikisha sanaa yake inapotakiwa kufika.
#Ladyjaydee “Tumuache afanye yake, unajua kila mtu ni ambavyo anaweza kuiwakilisha sanaa yake, kwahiyo mimi naona yuko poa,” ..
.
.
#Jide ameongeza kuwa alifurahi sana baada ya kuona clip ya video ikimuonyesha #Harmorappa akitoka nduki baada ya mbunge wa Mtama, Nape Nnauye kuonyeshewa bastola Alhamisi hii.
TAZAMA HARMORAPA ALIVYO TIMUA MBIO BAADA YA KUIONA BASTOLA
HATUA ya Rais John Magufuli kumteua Profesa Ibrahim Juma kuwa Kaimu Jaji Mkuu wa Tanzania imeibua utata kuhusu dhamira yake kwenye kufanya hivyo, Raia Mwema limeambiwa.
Tangu Uhuru wa Tanganyika, hakuna Rais aliyewahi kumteua mtu kuwa Kaimu Jaji Mkuu; baada ya Jaji Mkuu aliyekuwepo madarakani kumaliza muda wake wa utumishi kwenye mhimili huo wa dola.
Profesa Juma ambaye anachukuliwa kama mgeni kwenye mhimili huo, aliteuliwa na Rais Magufuli mapema mwaka huu kuwa Kaimu Jaji Mkuu akichukuwa nafasi ya Chande Othman aliyefikia umri wa kustaafu.
Mazungumzo baina ya gazeti hili na wandani wa Mahakama hapa nchini yameeleza hali hiyo kuleta utata kwa vile tukio hilo halijawahi kutokea na halina maelezo ya maana kulitetea.
“Sikiliza, hii nchi haijawahi kuwa na Kaimu Jaji Mkuu aliyeapishwa wakati Jaji Mkuu akiwa amestaafu. Hii ni mara ya kwanza na kwa kweli imeleta mkanganyiko mkubwa.
“ Kaimu Jaji Mkuu anaweza kuapishwa wakati Jaji Mkuu akiwa kwenye safari ya muda mrefu nje ya nchi au akiwa na tatizo linaloweza kuathiri utendaji kazi wake. Hapo Kaimu anaweza kuapishwa lakini si kwa ilivyo sasa. Jaji Mkuu kastaafu sasa Rais anateua Kaimu wa nini?” alihoji mmoja wa majaji mashuhuri nchini aliyezungumza kwa sharti la kutotajwa majina yake.
Jaji huyo alisema mtu akiwa anakaimu nafasi yoyote anakuwa hajiamini na hawezi kuchukua uamuzi mzito kwa sababu hajui kama atamfurahisha aliyemteua au la.
“Kama Rais alikuwa anamtaka Profesa Juma, angemteua tu kuwa Jaji Mkuu, hii kaimu haina maana sana. Imeleta mkanganyiko na utata tu,” alisema Jaji huyo.
Ingawa baadhi ya wanaharakati kwenye baadhi ya mitandao ya kijamii wameenda mbali kiasi cha kusema kuna uvunjwaji wa Katiba kwenye uteuzi huo wa Kaimu Jaji Mkuu, Raia Mwema limebaini hakuna uvunjwaji wa Katiba uliofanyika kwenye jambo hilo.
Ibara ya 118 ya Katiba ya Jamhuri ya Muungano wa Tanzania toleo la mwaka 197, imeeleza kwa kirefu kuhusu nafasi hiyo ya Jaji Mkuu kama ifuatavyo:-
“118.-(1) Kutakuwa na Jaji Mkuu wa Mahakama ya Rufani
(ambaye katika ibara zifuatazo kwenye Katiba hii atatajwa tu kwa kifupi kama “Jaji Mkuu” na Majaji wengine wa Mahakama ya Rufani wasiopungua wawili, isipokuwa kwamba kikao maalumu cha Mahakama nzima kitakuwa kamili kikiwa na Majaji wa Rufani wasiopungua watano.
(2) Jaji Mkuu atateuliwa na Rais na atakuwa ndiye Kiongozi wa Mahakama ya Rufani na pia Mkuu wa Idara ya Mahakama kama ilivyofafanuliwa katika ibara ya 116 ya Katiba hii.
“(3) Majaji wengineo wa Mahakama ya Rufani watateuliwa na Rais, baada ya kushauriana na Jaji Mkuu, kutoka miongoni mwa watu ambao wanaweza kuteuliwa kuwa Majaji wa Mahakama Kuu ya Jamhuri ya Muungano kama ilivyoelezwa katika ibara ya 109 ya Katiba hii au kutoka miongoni mwa watu wanaoweza kuteuliwa
kuwa Majaji wa Mahakama Kuu ya Zanzibar kwa mujibu wa Sheria zinazotumika Zanzibar.
“(4) Iwapo itatokea kwamba:-
(a) Kiti cha Jaji Mkuu kitakuwa wazi; au
(b) Jaji Mkuu hayupo Tanzania; au
(c) Jaji Mkuu atashindwa kutekeleza kazi yake kwasababu yoyote na Rais akiona kuwa kwa muda watukio lolote kati ya hayo matatu inafaa kumteua Kaimu Jaji Mkuu, basi Rais aweza kumteua Kaimu Jaji Mkuu kutoka miongoni mwa watu wenye sifa za kustahili kuteuliwa kuwa Majaji wa Mhakama ya Rufani.
“Na huyo huyo Kaimu Jaji Mkuu atatekeleza kazi za Jaji Mkuu mpaka atakapoteuliwa Jaji Mkuu au mpaka Jaji Mkuu mwingine ambaye hakuwapo Tanzania au alikuwa hamudu kazi zake atakaporejea kazini.”
Kwa mujibu wa vifungu hivyo vya Katiba, Rais anaweza kuteua Kaimu Jaji Mkuu endapo “Kiti cha Jaji Mkuu kitakuwa wazi”; lakini haijafafanua uwazi upi kwani inaweza kuwa kwa sababu ya kifo, kustaafu, kusafiri, kuumwa au sababu nyingine yoyote inayokubalika.
Ukaimu wa Profesa Juma
Baadhi ya wandani hao wa Mahakama, wameliambia gazeti hili ingawa imekuwa ni kawaida kwa majaji kukaimu Ujaji Mkuu, mara nyingi wanaokaimu huendelea kutumia ofisi zao zilezile na magari yaleyale, jambo ambalo ni tofauti na sasa.
Raia Mwema limeelezwa kwamba Profesa Juma anatumia gari la Jaji Mkuu, anafanya kazi kwenye ofisi ya Jaji Mkuu na kutendewa kama Jaji Mkuu kamili, ilhali wadhifa wake huo haujathibitishwa.
Wakati wa Jaji Mkuu Francis Nyalali, Raia Mwema limeelezwa, mara kadhaa aliwahi kutibiwa nje ya nchi na nafasi yake kukaimiwa na Jaji Augustino Ramadhani, lakini hakuwahi kutumia gari wala ofisi ya Jaji Mkuu.
Ilikuwa hivyo hivyo kwa Jaji Eusebia Munuo ambaye aliwahi kukaimu nafasi ya Chande wakati alipokuwa nje ya nchi kwa muda mrefu lakini hakuwahi kutumia ofisi ya Jaji Mkuu wala gari lake.
“ Kwa mujibu wa Sheria za Utumishi, muda wa kukaimu nafasi ni miezi sita. Sasa tunasubiri kwa hamu baada ya kupita kwa miezi hiyo sita nini kitafuata.
“ Je, Rais Magufuli atamuita tena Jaji Juma kwa ajili ya kumuapisha kuwa Jaji Mkuu? Kama hatamuapisha, atatoa sababu za kutomuapisha? Je, watu wakisema amemtoa kwa sababu alikataa kuburuzwa itakuwaje?” Raia Mwema limeambiwa.
Akizungumza na gazeti hili kuhusu suala hili, Rais wa Chama cha Mawakili wa Tanganyika (TLS), Tundu Lissu, alisema hatua ya Rais Magufuli kuteua Kaimu Jaji Mkuu ni dharau kubwa kwa majaji wa Tanzania.
Alisema kitendo cha Rais kuteua Kaimu Jaji Mkuu wakati kulikuwa na fursa ya kuteua Jaji Mkuu kamili kinatoa picha mbili kubwa; moja kwamba hakuwa tayari kwa uteuzi huo na pili hakuna majaji wenye sifa ya kuchukua wadhifa huo.
“Je, Rais anataka kuonyesha kwamba nchi hii haina majaji wenye uwezo wa kushika wadhifa huo kiasi kwamba ateue Kaimu Jaji Mkuu? Kwangu, naichukulia hii kuwa ni dharau kwa majaji wetu.
“ Mimi nasema Rais hajavunja sheria yoyote kwa kuteua Kaimu Jaji Mkuu lakini kinachogomba hapa ni picha anayoionyesha kwa mhimili huu. Kinachogomba ni dhamiri yake kwenye Idara ya Mahakama,” alisema Lissu.
Lissu alisema kazi iliyopo sasa kwa wanasheria, asasi za kijamii na vyombo vya habari ni kumkumbusha Rais kwa nguvu zote kwamba Idara ya Mahakama inatakiwa kuongozwa na Jaji Mkuu mwenye mamlaka kamili na si ya kukaimu.
“Na nyie mjiulize, Jaji Mkuu amestaafu, Kaimu Jaji Mkuu wa nini? Kaimu inakubalika tu wakati mhusika anapokuwa nje ya nchi au kwa sababu nyingine kama zilivyoelezwa kwenye Katiba. Hili la kuteua Kaimu wakati Jaji Mkuu amestaafu ndiyo kalileta Magufuli,” alisema.
Jaji Ibrahim Hamis Juma ni msomi mbobezi wa masuala ya sheria akiwa amewahi kuwa Mkuu wa Kitivo cha Sheria cha Chuo Kikuu cha Dar es Salaam (UDSM).
Aliapishwa kuwa Kaimu Jaji Mkuu Januari mwaka huu na kwa mara ya kwanza aliteuliwa kuwa Jaji wa Mahakama Kuu mwaka 2008.
Credit – Raia Mwema
TAZAMA HARMORAPA ALIVYO TIMUA MBIO BAADA YA KUIONA BASTOLA
