KWA NINI WENGINE HUTOKWA JASHO ZAIDI, NA NINI CHA KUFANYA?

Watu wote huwa wanakuwa na idadi karibu sawa za vinyweleo vya kutolea jasho, lakini vifuko vya kutoa jasho huwa vinakomaa miaka miwili ya mwanzo wa maisha. Si vifuko vyote vya jasho vinakuwa na uwezo wa kutengeneza jasho (inategemea mahitaji ya mwili kwa muda huo). Watu wanaoishi kwenye hali ya hewa ya joto huwa wanakuwa na vifuko vinavyofanya kazi zaidi ya waliokua kwenye hali ya hewa ya baridi. Kwa watu wazima, tunakuwa na vifuko vyote lakini ni asilimia ndogo tu ndio vinavyotengeneza jasho.

Hali ya hutokwa jasho zaidi ya wengine (ambayo kitaalamu hujulikana kama hyperhidrosis) ni ya kwawaida ingawa yawezekana ikawa inakusababishia aibu mbele ya wengine. Taarifa kutoka jarida la ‘The Science of Us’ zinaeleza kuwa hakuna sababu za kibaiolojia juu ya hali hii.

Kuna mambo kadhaa yanayousababisha mwili kutoka jasho:

1. Mwili unaanza kutoa jasho hata kabla ya joto kuwa kali sana. Lengo kubwa la mwili kutoa jasho ni kulinda joto la mwili. Kwahiyo, mwili huwa unapokea mabadiliko haraka sana hata kama mabadiliko hayo yakiwa ni madogo katika joto la hali ya hewa. Jasho linaanza kutoka hata kabla hatuaanza kupata kero za joto kali, kwahiyo lile jasho linalokutoka kabla ya hali ya hewa kuwa na joto kali si jambo la kushangaza ila ni jinsi mwili unavyotakiwa kufnaya kazi.

2. Kutokwa jasho kunasababishwa na hali ambazo huwezi kuzitawala, na hali hii imetengenezwa na mwili wako ukiwa mtoto. Hii inamaanisha kuwa kutokwa jasho sana haihusiani na tatizo la kurithi hali hiyo. Kwa hiyo hii inamaanisha kuwa mazingira uliyokuwa ukiishi utotoni mwako ni jambo kubwa sana litalofanya uwe unatokwa jasho kwa kiasi gani katika maisha yako ya baadae.

3. Mwili wako kutoa jasho husaidia vidonda kupona. Vifuko vya jasho vinavyojulikana kwa jina la kitaalamu la “eccrine” ambavyo vinakuwepo kwenye mwili mzima ni muhimu sana kwa kufanya vidonda vikauke haraka. Husaidia sana utengenezwaji wa seli mpya mwilini na kuzitoa zilizokufa kutokana na majeraha ya vidonda. Hii inamaanisha kuwa, vifuko vya jasho ambavyo havitapata nafasi ya kufanya kazi utotoni mwako vitarudisha nyuma uwezo huu mwilini mwako — vifuko vya jasho huwa vinachangia uponyaji wa vidonda mwilini kwa asilimia 100 kwa vijana, lakini uwezo huu hupungua kadri umri unavyoongezeka.

Jinsi ya kupunguza kiasi cha kutokwa jasho jingi mwilini:

1. Unaweza kupunguza kutokwa jasho sana kwa kupunguza muda wa kutumia kiyoyozi. Kama huwa muda mwingi unakuwa kwenye joto la chini (baridi), ni rahisi sana kutokwa jasho pindi joto litakapoongezeka, hata kama ni kwa kiwango kidogo sana.

2. Jiweke kwenye mazingira ya joto kubwa mara kwa mara. Kwa kuongeza kiwango cha joto mara kwa mara (hata kwenye gari yako) mwanzoni itakuletea shida ya kutokwa jasho jingi, lakini baada ya muda mwili wako utazoea hali ya hewa ya joto kali. Kama ukijiweka kwenye joto la juu kwa muda, mwili wako utaizoea hali hiyo.

3. Kunywa maji baridi badala ya kujiwekea barafu kwenye sehemu moja tu ya mwili. Uwezo wa mwili kutoa jasho unategemea joto la ndani ya mwili, sio la nje ya mwili, kwahiyo kunywa maji baridi inasaidia kupoza joto la ndani ya mwili—ambalo kwa kufanya hivyo itasaidia kukuweka sawa bila kujali ugumu wa kazi unayofanay au kiwango cha joto cha hali ya hewa, mwili wako bado utapoa kwa haraka.

Utaratibu huu wa kuufanya mwili kuzoea mabadiliko taratibu pia unatakiwa utumiwe unapoanza kufnaya mazoezi. Kana huwa unatokwa jasho hata unapopanda ngazi chache, hata kama hujachoka, endelea tu kupanda nda ngazi—baada ya muda, yawezekana kwa kupanda ngazi hizo kila siku—mwili wako utazoea na utaweza kupanda ngazi hizo hizo bila kutokwa jasho kwa kiwango ambacho kilikuwa kinatoka mwanzoni mwa zoezi hilo.

from Blogger http://ift.tt/2uA3QHN
via IFTTT

Msanii Rayuu Afunguka Sababu za Kutokufunga Mwezi Mtukufu

MSANII kutoka Bongo Muvi, Alice Bagenzi ‘Rayuu’ amefunguka kuwa ugonjwa wa vidonda vya tumbo unaomsumbua umemfanya ashindwe kufunga kama alivyokuwa akifanya miaka ya nyuma.

Akizungumza na 3 Tamu, Rayuu amedai kuwa anaumia sana kutotimiza nguzo hiyo muhimu ya dini yake na anafanya kila awezalo kuhakikisha anautibu ugonjwa huo ili siku zijazo aweze kufunga.

“Nimekuwa nikijaribu kufunga lakini kabla siku haijaisha vizuri, vidonda vinatibuka hatari hivyo najikuta nikifungulia njiani, naumia sana kwa hali hii kwani napenda kufunga ila ndo hivyo sina jinsi,” alisema Rayuu.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2rPkgIc
via IFTTT

TzTown Tv: Marufuku kuharibu misitu ya asili

Serikali wilayani Njombe imepiga marufuku uharibifu wa misitu ya asili pamoja na vyanzo vya maji kutokana na kuwepo kwa baadhi ya wananchi wanaofanya shughuli za kilimo katikati ya misitu mikubwa na kusababisha uharibifu mkubwa wa ikolojia.

Mkuu wa wilaya ya njombe akizungumza na vyombo vya habari ofisini kwake anasema kamati ya ulinzi na usalama ya wilaya iko tayari kuinusuru misitu wilayani humo iliyoko kwenye hifadhi na hakuna mtu anayeruhusiwa kuendeleza uharibifu.

Anasema kwa waliokwisha fanya kilimo ifikapo msimu wa Mavuno hapo septemba mwaka huu wanatakiwa kuacha mara moja kuendeleza kilimo ndani ya misitu na maagizo yamewasilishwa katika serikali za vijiji ili kuweka mipaka ya misitu.

Lakini kuna uhimu gani kuitunza misitu ya asili mwenyekiti wa halmashauri ya wilaya ya njombe valentine hongoli anafafanua.

TAZAMA VIDEO MISITU NYUMBE YAVAMIWA……….

from Blogger http://ift.tt/2rPUK5m
via IFTTT

Utata..Msichana Aliyedaiwa Kufa Akutwa Makaburini..!!!

JESHI la Polisi limefafanua utata wa msichana aliyekufa Mbezi Tangi Bovu jijini Dar es Salaam kuwa ni tofauti na msichana aliyekutwa makaburini siku moja baadaye akiwa amekaa na kitambaa chekundu mdomoni.

Kwa mujibu wa ndugu, marehemu na msichana aliyekutwa makaburini ni marafiki wanaoishi katika mtaa mmoja Mbezi Juu wilayani Kinondoni.

Kamanda wa Polisi wa Mkoa wa Kipolisi wa Kinondoni, Suzan Kaganda amesema, ndugu walishindwa kuchunguza mwili vizuri wakiamini aliyekufa ni ndugu yao ambaye ni Anna Mathew (23), kumbe aliyekufa ni Juliana Tawete (32).

“Baada ya ajali kutokea walijitokeza ndugu kwenda kutambua mwili wa marehemu katika Hospitali ya Mwananyamala baada ya ajali ya Aprili 16 kuamkia 17 mwaka huu, wakatambua huyo ni binti yao kumbe hakuwa yeye,” alisema Kamanda Kaganda.

Anasema kwa mshangao juzi usiku wakati mwili wa mtu aliyeaminika kuwa ni Anna ukiwa Hospitali ya Mwananyamala, ndugu zake walienda kutoa taarifa Kituo cha Polisi Kawe wakidai kuwa ndugu yao aliyekuwa amekufa wamemuona makaburini huko Mbezi Juu.

“Ni watu wawili tofauti kabisa, kwa hiyo ni ndugu tu walikosea, unajua kuingia chumba kile cha kuhifadhia maiti kuangalia ndugu yako unaweza kupata mawenge, hata hivyo tunaendelea kuchunguza tukio hili,” alisema Kamanda Kaganda.

Kwa mujibu wa Jeshi la Polisi, wakati akivuka barabara eneo la Mbezi Tangi Bovu, Juliana aligongwa na gari ambalo halikusimama na kwamba alikuwa ameshuka kwenye gari, baada ya ajali hiyo askari walikuja na kupima ajali huku mwili huo ukipelekwa Hospitali ya Mwananyamala.

Gazeti hili lilifika katika Hospitali ya Mwananyamala ambapo alikuwepo Anna pamoja na ndugu zake pamoja na familia ya Juliana wakiwa na askari kwa ajili ya kuutambua mwili tena na pia Anna kufanya vipimo.

Hawakutaka pia kueleza majibu ya vipimo. Familia ya Anna hawakutaka kuzungumza na vyombo vya habari huku mtu aliyejitambulisha kama babu yake alidai kuwa familia inaendelea kufanya uchunguzi kwa sababu hawaelewi kilichotokea ingawa ndugu yao yuko hai.

“Kama kuna kitu wanaenda kuchunguza ni kumchunguza binti alikuwa wapi mpaka aonekane kesho yake makaburini akiwa na kitambaa chekundu mdomoni, tena akiwa analia, binti huyo ni mdogo miaka 23,” alisema mtu ambaye hakutaka kutaja jina lake ambaye alisema Anna na Juliana ni marafiki na wanaishi mtaa mmoja wa Gold Star, Mbezi Juu.

Dada wa marehemu Juliana, Gladis Charles alisema aliyekufa kweli ni mdogo wake Julieth kwani ameshuhudia mwili wake na kuutambua. Mwili wa marehemu unatarajiwa kuzikwa leo jijini Dar es Salaam.

from Blogger http://ift.tt/2ounRIm
via IFTTT