MTOTO Atunukiwa Zawadi ya Kusafiri Kwa Ndege Maisha yake yote

Shirika la ndege la binafsi nchini India limemtunuku safari za bure mtoto aliyezaliwa ndani ya ndege moja ya shirika hilo iliyokuwa safarini kutoka Saudi Arabia kuelekea India.

Mhudumu mmoja wa ndege, ambaye alikuwa amepata mafunzo ya uuguzi alimsaidia mama kujifungua mtoto wakati ndege hiyo ikiwa umbali wa futi 35,000 angani.

Kutokana na tukio hilo, shirika hilo lilimpa zawadi ya kudumu maishani, ambayo itakuwa ni kusafiri bure kwa ndege ya shirika hilo katika maisha yake yote.

Mama na mtoto wake walipelekwa hospitalini baada ya ndege hiyo aina ya Boeng 737 kutua katika mji wa magharibi ya Mumbai.

Shirika hilo liliiambia BBC kuwa mama na mtoto wake walikuwa katika afya nzuri.

Kampuni iliwashukuru wahudumu kwa kumsadia mama kujifungua salama.

Shirika hilo lilisema kuwa hiyo ni mara ya kwanza mtoto kuzaliwa kwenye ndege zake.

Tukio kama hilo lilitokea nchini Uturuki ambapo mtoto wa kike alizaliwa katika ndege ya Shirika la Turkey Airline, Aprili mwaka huu.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2t91HSR
via IFTTT

Hongera Viongozi wa CHADEMA, CCM Walitaka Kupoka Hoja Yenu ya Mikataba

Kumekuwa na juhudi za makusudi kutaka kuwaaminisha Watanzania kuwa wapinzani wanatetea wezi wa Madini wakati walioshirikiana na wezi wanajulikana wakiwemo Wabunge wa CCM waliopitisha sheria mbovu kwa kura za NDIYO. Tume ya rais imewaumbua.

Jana MAKAMU Mwenyekiti wa Chama cha Demokrasia na Maendeleo (Chadema), Profesa Abdallah Safari amempongeza rais JPM na kumfananisha na Rais wa Kwanza wa Ghana, Kwame Nkrumah na Waziri Mkuu wa Kwanza wa Congo (DRC), Patrice Lumumba kutokana na juhudi binafsi anazofanya kutetea rasilimali za nchi.

Wakati huohuo Mjumbe wa kamati kuu ya Chadema ambaye pia alikuwa mgombea urais UKAWA, Mh. Edward Lowassa amesema, juhudi zinazofanywa na rais ni za kuungwa mkono na Watanzania wote, akaongeza kuwa anachofanya rais ndicho alichokuwa anakihubiri kwenye kampeni, ila akamshauri pamoja na mazuri anayofanya kiungwana anatakiwa kuwaomba radhi Watanzania kwa niaba ya chama chake CCM kwa kusaini mikataba mibovu ya kinyonyaji.

Kila mtu anajua CHADEMA/UKAWA, Lissu, Mnyika, Zitto ndiyo wenye hoja yao tangu mwanzo, CCM na washangiliaji wao Team Makinikia walikuwa wamedandia treni kwa mbele.

Naomba kuwaambia wanaCCM wote sasa tulieni kimya watetezi halisi wa Madini wameamua kujitokeza, mnachotakiwa ni kutubu badala ya kuendelea kujifanya mna uchungu na madini wakati mliyagawa wenyewe.

Hongera viongozi wa CHADEMA, tunaomba viongozi wengine zaidi wajitokeze ili kuwafundisha CCM maana halisi ya uzalendo usioyumba.

 ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2szJmxx
via IFTTT