MAMBO 17 MUHIMU YA KUZINGATIA KUEPUKA MOTO UNAOSABABISHWA NA UMEME MAJUMBANI

Mara kadhaa tumesikia au kuona nyumba na zikiungua na watu kupata hasara za mali na wakati mwingine wenyewe kufariki ama kwa kuungulia ndani ya nyumba au kutokana na mshtukio wa nyumba zao kuungua kutokana na hitilafu ya umeme.

Hitilafu za umeme zinazoweza kupelekea madhara hayo ama zinaweza kusababishwa kutokana na matumizi ya nyumbani au mfumo wa umeme wenyewe. Hivyo ni vyema kuchukua tahadhari kabla hayo hayajatokea.

Hapa chini ni mambo muhimu ya kuzingatia kuepuka matukio ya moto unaosababishwa na umeme majumbani;

1. Hakikisha utandazaji nyaya (wiring) katika nyumba inafanywa na mkandarasi aliyesajiliwa na serikali kwa wao huwa na ujuzi wa kutosha kuweza kufahamu kifaa gani kinahitajika sehemu gani.
2. Hakikisha vifaa vyote vinavyofungwa katika nyumba yako (nyaya, soketi, swichi, saketi breka) vimethibitishwa na Shirika la Viwango Tanzania (TBS). Vifaa ambavyo havijathibitishwa si salama kwa matumizi
3. Hakikisha waya wa ethi umethibitwa na TBS na umechimbiwa chini ardhini inavyotakiwa
4. Hakikisha unapotumia pasi usiiache ikiwaka ukande kufanya kazi nyingine. Pia vifaa vingine kama jiko la umeme, hita, hakikisha unazitoa au kuzima swichi mara baada ya kuzitumia ndipo uendelee na mambo mengine.
5. Usinyooshe nguo juu ya kitanda kwa kutumia pasi ya umeme.
6. Epuka kutumia ‘extension cables’ kwa kudumu. Zitumike kw adharura na pia usiziweke kwenye mazulia.
7. Usichaji simu au kutumia kompyuta mpakato (laptops) ukiwa umeziweka kitandani.
8. Usichomeke vitu vingi vinavyotumia umeme katika sakiti moja, mfano redio, runinga, jokofu, pasi.
9. Usiweke mapazia marefu dirishani yanayofunika soketi za umeme. Ni heri kuihamisha ikaka sehemu ya wazi kuliko kuifunika na pazia.
10. Unashauriwa kutumia mapazia yasiyoshika moto kwa urahisi, mfano mapazi ya pamba.
11. Hakikisha godoro la kitanda chako haligusani na swichi au soketi ndani ya nyumba yako.
12. Makochi ndani ya nyumba yako na samani nyingine za ndani zisigusane na swichi au soketi yeyote ili isiwe rahisi kushika moto tatizo linapotokea. Ziweke angalau umbali wa inchi sita.
13. Kama fyuzi ya umeme itakatika au soketi breka itajizima yenyewe, hakikisha umemuita fundi kuja kukagua tatizo. Usiweke fyuzi nyingine au kuwasha soketi breka.
14. Hakikisha unamuita mkandarasi aliyesajiliwa kupitia mfumo wote wa umeme kwenye nyumba hasa maungio kila baada ya miaka mitano.
15. Usiongoze vitu vinavyotumia umeme mwingi kama viyoyozi bila kuwahusisha wakandarasi waliosajiliwa kuangalia uwezo wa umeme wako kuhimili mzigo unaouongeza.
16. Usiunganishe umeme kutoka nyumba moja kwenda nyingine au kwenda kwenye banda la kuku bila kuwahusisha wakandarasi waliosajiliwa.
17. Ikitokea hitilafu yoyote ya umeme kuanzia kwenye mita ya TANESCO, braketi nguzo ya kwenye laini ya umeme, toa taarifa kwenye ofisi ya TANESCO iliyokaribu na wewe kwa kutumia namba za dharura.

from Blogger http://ift.tt/2rQbFov
via IFTTT

Mambo Si Mambo..Kuelekea Vita na Korea Kaskazini..Marekani Waamua Kutumia Helment Hizi Ghali Zaidi Duniani..Moja Inauzwa Milioni 900..!!!

Marubani wanaotumia ndege za kivita za Marekani F-35 stealth fighter watakuwa wakitumia helmet ghali zani duniani. 

Kupitia helmet hii, rubani ataona kila kitu cha dunia kinachoonwa na camera za ndege.

Bei ya helmet moja ni dola za Marekani 400,000 sawasawa na milioni 900 za Kitanzania.

from Blogger http://ift.tt/2oPhGCm
via IFTTT

DIAMOND ATISHIKA, AMUOMBA MSAMAHA ASKOFU GWAJIMA

Mwanamuziki Diamond Platnumz amemuomba msamaha Askofu Gwajima kufuatia kile kilichodaiwa na askofu huyo kuwa ameimbwa kwenye wimbo wa mtu anayepotosha haki ili kutetea vyeti feki.

Kupitia ukurasa wake wa Instagram mapema leo mchana Askofu Gwajima aliandika, “Aliyeniweka kwenye wimbo wa lengo la kupotosha haki ili kusapoti vyeti feki, jiandae, Almasi itageuka maji kesho!”

Kauli hii ya Askofu Gwajima imekuja ikiwa ni saa chache tu tangu mwanamuziki Diamond Platnumz alipotoa wimbo wake unaokwenda kwa jina la Acha Nikae Kimya ambapo ndani ya waliotajwa ni pamoja na Askofu Gwajima. Katika wimbo huo, Diamond alisema kuwa, ugomvi kati ya Makonda na Gwajima unachcochewa na dada mmoja kwenye mitandao.

Baada ya Gwajima kutoka maneno hayo, Diamond amejitokeza na kuandika kwenye ukurasa wake wa Instagram akifafanua kile alichokiimba kuhusu Gwajima kuwa hakina lengo baya, huku akimtaka Askofu Gwajima kutomgeuza maji kesho kanisani kwake, kwani yeye akimpania mtu huwa hatoki

“Yala! Yala! Jamani Mwenzenu nimeyatimba….. lakini mi nafkiri watu wanatakiwa waiskilize hii nyimbo kwa umakini sana tena sana na wataelewa nini ilikuwa maana yangu haswa… Hususani kama kipengele nilichomtaja mzee wangu @Bishopgwajima nilisema: “mara nasikia vya aibu Konda na Gwajima eti ugomvi umekolea….ila kuchunguza kwa karibu ni kuna binti mmoja tu ndio kwa mitandao anachochea…” aliandika Diamond

Aliendelea kufafanua, “Point yangu ni kwamba licha ya kweli kuna yaliyojiri nyuma, lakini kwa busara zao ninazoamini wamejaaliwa na Mwenyez Mungu muda si mref wangekaa chini na kumaliza…nawote kufurahi kwa pamoja, lakini kwakuwa kuna dada mwingine alikua anachochea hawa ndugu zetu wazidi kufarakana…ikapelekea hadi kufikia hapa…asa hapo kosa langu mie liko wapi?

Chonde chonde mzee wangu @Bishopgwajima usinigeuze maji kesho , mana nakujua ukimuamulia mtu…. naweza jumapili ya kesho nikaiona chungu Mwaka mzima”

from Blogger http://ift.tt/2pe1aJp
via IFTTT

Makonda: Zitto Amenisaidia Sana Kuelewa Siasa..!!!!

Mkuu wa Mkoa wa Dsm, Paul Makonda akiwa kwenye interview amesema Mbunge wa Kigoma Mjini(ACT) ndiye Mbunge anayemsaidia kuelewa siasa.

Afafanua kuwa, Zitto anajua kujenga hoja za kuiyumbisha serikali hasa kwenye kusimamia mambo mbalimbali yenye maslahi ya kitaifa.

TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2o7CXr7
via IFTTT

Ukweli Mchungu Kuhusu FARU John, Kamati Yabaini ni Kweli Alikufa

Kamati iliyoundwa na Waziri Mkuu, Kassim Majaliwa kuchunguza kifo cha Faru John imetoa taarifa kuwa mnyama huyo alikufa katika hifadhi ya Sasakwa Gruneti kwa kukosa matibabu alipoumwa.

Akiwasilisha ripoti hiyo kwa Waziri Mkuu, Mwenyekiti wa Kamati hiyo, Profesa Samwel Mnyele alisema faru John alikosa matunzo na uangalizi wa karibu.

Mnyele ambaye ni Mkemia Mkuu wa Serikali alisema hakukuwa na kibali rasmi cha kumhamisha Faru John kutoka Hifadhi ya Ngorongoro kwenda Grunet.

Alisema kamati hiyo imeshauri hatua za kiutawala zichukuliwe dhidi ya ofisi ya Mkurugenzi wa Wanyamapori na Mhifadhi wa Hifadhi ya Ngorongoro kutokana na mapungufu yaliyojitokeza.

Kwa upande wake, Waziri Mkuu, Kassim Majaliwa alipongeza kamati hiyo na kusema serikali itayafanyia kazi mapendekezo ili kulinda maliasili.

Chanzo: Mwananchi

TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2oqq73D
via IFTTT

JPM Atoa Agizo kwa CAG Kukagua Sekta ya Madini

Rais Magufuli amemuagiza CAG kufanya ukaguzi wa kina katika sekta ya madini na kubaini mianya yote ambayo inasababisha nchi kukosa mapato makubwa hususani katika misamaha ya kodi, mikataba mbalimbali na ulipaji wa kodi.

Ametoa agizo hilo leo wakati akipokea ripoti ya Mdhibiti na Mkaguzi Mkuu wa Hesabu za Serikali (CAG) kwa mwaka wa fedha unaoishia tarehe 30 Juni, 2016 Ikulu Jijini Dar es Salaam.

Ripoti hiyo imewasilishwa na Mdhibiti na Mkaguzi Mkuu wa Hesabu za Serikali (CAG) Prof. Mussa Juma Assad katika hafla iliyohudhuriwa na Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa.

“Haiwezekani Watanzania wanakosa dawa hospitali wakati dhahabu zao zinaondoka, Watanzania wanakosa maji wakati dhahabu zao zinaondoka, Watanzania wanakosa umeme wakati dhahabu zao zinaondoka, Watanzania wanakosa barabara wakati dhahabu zao zinaondoka, nataka ukakague kwa kina hii sekta ya madini ili watanzania wajue chao nini na kama kinapatikana sawasawa?” amesisitiza Mhe. Rais Magufuli.

Mhe. Dkt. Magufuli pia amemuagiza Waziri Mkuu Kassim Majaliwa Majaliwa kuitisha kikao cha pamoja kitakachomkutanisha CAG na Mawaziri wote, Makatibu Wakuu wa wizara zote, Gavana wa Benki Kuu na Wakuu wa taasisi za umma ili kila mmoja aambiwe hali ya hesabu katika taasisi yake na kuchukua hatua.

“Mhe. Waziri Mkuu ukaongoze hicho kikao na wewe CAG uwaambie kila mmoja katika eneo lake juu ya dosari zake, sitaki kuona dosari zinajirudia zilezile kila wakati” amefafanua Mhe. Rais Magufuli.

Ripoti hiyo imegusa maeneo mbalimbali yakiwemo ukaguzi wa hali ya hesabu za Serikali, misamaha ya kodi, ukusanyaji wa kodi na maduhuli ya Serikali, uandaaji na utekelezaji wa bajeti, hali ya deni la Taifa, usimamizi wa rasilimali watu, usimamizi wa mali na madeni ya Serikali na usimamizi na uendeshaji wa taasisi za umma zikiwemo taasisi muhimu za kifedha na Shirika la Umeme Tanzania (TANESCO).

Prof. Mussa Juma Assad amesema pamoja na hatua kubwa iliyopigwa na Serikali katika kuzingatia taratibu za fedha bado kuna mapungufu mbalimbali ambayo yameendelea kujitokeza na ameshauri hatua zichukuliwe kukabiliana nayo ikiwemo kudhibiti mianya ya upotevu wa fedha za umma katika madini, kuiepusha TANESCO kununua umeme wa gharama kubwa, matumizi mabaya ya misamaha ya kodi na kuongeza mashine za kutoa risiti (EFD).

Kwa mujibu wa Katiba ya Jamhuri ya Muungano wa Tanzania, CAG anapaswa kuwasilisha ripoti ya hesabu za Serikali kwa Rais wa Jamhuri ya Muungano wa Tanzania kabla ya tarehe 31 Machi ya kila mwaka, na baada ya hapo ripoti hiyo huwasilishwa bungeni katika kikao kinachofuata.

TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2nsPWmc
via IFTTT