Niseme jambo moja muhimu Sana. Miswada ya sheria za madini tunazopitisha wiki hii ni hatua za kimapinduzi na kiokombozi. Sio hatua ndogo. Ni hatua zenye maumivu. Hata hivyo tukiweka mikakati ya kukabili changamoto zitakazoanza kutukabili maumivu yatakuwa ya muda mfupi tu.
Hivyo, tusijidanganye kuwa kila kitu kitakuwa ‘ mswano ‘, la hasha. Kampuni za nje zinazoweka mitaji yao hapa Tanzania zitaacha kuweka mitaji na zingine zitaondoa mitaji yao. Uzalishaji wa Dhahabu utashuka na Kwa kuwa dhahabu inachangia 30% ya Fedha za kigeni tutatetereka kidogo upande wa urari wa biashara na hata shilingi yetu kushuka thamani.
Serikali inapaswa kuweka mikakati ya muda wa kati kukabiliana na changamoto hizi. Moja ya njia muhimu na yenye maana kubwa ni kuongeza mauzo nje kwenye sekta ya kilimo ( Korosho, Katani, Kahawa, Chai, Pamba). Pia mauzo nje ya bidhaa za viwanda. Uzalishaji wa Sukari na Mawese ghafi unapaswa kuongezeka ndani ya wa kati ili kuokoa matumizi ya fedha za kigeni kununua bidhaa hizo nje.
Tutashambuliwa Sana na propaganda za magazeti ya ubepari mamboleo ( neo liberal right wing media). Hivyo, viongozi wetu wa kisiasa WANAPASWA kuwa WAMOJA kwenye shabaha hata kama wanapingana kwenye njia. Vyombo vya habari vya ndani vinapaswa kuandaliwa kuelewa hali yetu na kuelewesha dunia.
Huu sio wakati wa siasa za kipuuzi puuzi, ni wakati wa Siasa za kiuongozi.
Tukisimama imara na pamoja Kwa ushirikiano tutavuka katika kujenga Uchumi shirikishi wenye kuzalisha ajira nyingi. Tukiendekeza kuzodoana, kutukanana, kugandamiza demokrasia na kukomoana, ninawaapia tutashindwa vita Hii.
Meno ni muunganiko wa mfupa wa jino, Fizi na Mishipa. Maranyingi watu wengi huwa pale wanapoumwa na jino wanakimbilia kung’oa jino eti dawa ya jino kuling’oa jambo ambalo si kweli.
Tambua ndugu yangu kuwa unapokwenda kung’oa jino unang’oa Mfupa sio Fizi wala mishipa ambayo hakuna madhara kwa bakteria anaesababisha jino kuuma.
Tambua kuwa kwenye kinywa cha mwanadamu kuna bakteria wanaoishi mdomoni wanaitwa NORMAL FRALER. Bakteria hawa ndio wanaotengeneza ute wenye Acid unaolainisha chakula kwa haraka mdomoni. Na ndio kazi yao.
Lakini wanasababisha ugonjwa unaoitwa GINGIVAITES, ugonjwa huu husababisha fizi kutoa damu haswa unapopiga mswaki, lakini ukiachwa ukawa sugu unasababisha ugonjwa wake kuwa sugu na hujulikana kama MACHODIFECE ugonjwa huu husababisha na hufanya meno kuoza, ama kutoboka kutokana na bakteria AFINOTOBALASAD ndio wanaosababisha na huwa wanaingia ndani kwenye fizi kwa ajili ya kula damu. Hapo ndipo mtu hupatwa na tatizo la kuumwa na jino au meno.
Ili kuondoa tatizo hili, ni lazima uwaue hao bakteria na si kong’oa jino kwani wadudu hao walivyo unapong’oa jino moja wao huwa wanahamia jino jingine.
Tiba rahisi ya jino au meno yanayouma bila kung’oa wala kutumia dawa za hospitali tumia mojawapo kati ya hizi hapa:
Tengeneza na kunywa juisi ya bilinganya (Bringal).
Jino linalouma au fizi zilizovimba: Ponda ponda tangawizi mbichi kisha itie chumvi. Weka kwenye jino linalouma au fizi ilipovimba.
Saga majani makavu ya mint kutengeneza unga wake, kisha tia chumvi na weka kwenye jino linalouma.
Saga karafuu kuwa unga. Weka kiasi cha unga huo kwenye jino linalouma. Pia kama una mafuta ya karafuu, chukua nyuzi za pamba (cotton wool) chovya kwenye mafuta hayo na weka wool hiyo kwenye jino linalouma.
Tiba hizi tunazo majumbani kwetu tunamoishi lakini tumekuwa hatujui kuwa ni tiba, badala yake huwa tunakimbilia kung’oa meno yanayouma! CHANGAMKA!
KUONDOLEWA kwa Nape Nnauye katika wadhifa wa Waziri wa Habari, Utamaduni, Sanaa na Michezo, kisha saa chache baadaye kutishiwa bastola wakati akielekea kuzungumza na waandishi wa habari, kumejenga taswira pana.
Taarifa kutoka ndani ya mifumo ya Serikali zinaeleza kuwa awali Nape alisikika akilalamika kwa watu wake wa karibu, kwamba anajua Rais Dk. John Magufuli ana mpango wa kumwondoa kwenye baraza lake la mawaziri.
Kwa mujibu wa taarifa hizo, malalamiko yake hayo yalianza kusikika hata kabla ya sarakasi za kiongozi mmoja wa Serikali kuvamia kituo cha televisheni na redio cha Clouds.
Watu wa karibu na Nape wanasema kuwa alipata kufikisha malalamiko yake hayo kwa baadhi ya viongozi wastaafu ambao wamepata kutumikia nyadhifa za juu serikalini.
Ingawa hakuna chombo chochote kilichokuwa tayari kuthibitisha hilo, lakini zipo taarifa zinazodai kuwa mwelekeo wa Nape kutenguliwa uwaziri ulitokana na mwanasiasa huyo kupishana misimamo na uongozi wake wa juu.
Taarifa kwamba Nape aliliona anguko lake, zinathibitishwa na maandiko yake mwenyewe kupitia akaunti yake ya twitter.
Andiko lake la hivi karibuni ni lile la Machi 20, mwaka huu ambalo linasomeka; “No longer at Ease!” (hakuna lisilo na mwisho).
Siku hiyo hiyo aliandika tena; “Each day is a day of decision and our decisions determine our desitiny!” (kila siku ni siku ya uamuzi, na maamuzi yetu huamua mwisho wetu)
Akandika tena “Mungu mkubwa!“ Na siku hiyo hiyo alituma ujumbe unaosemeka; “Majaribu huja ili kutuinua kutoka utukufu hadi utukufu. Kikubwa tusikate tamaa! Utukufu mkubwa upo mbele! Kwaresma njema.”
Machi 18, mwaka huu aliandika; “Chura akipigwa teke…” na Machi 14 akaandika “Brand hulindwa!”
Machi 9 aliandika; “Criticism may not be agreable but its necessary. It fulfils same function as pain in the body. It calls atention to an unhealthy state of things (ukosoaji unaweza usikubalike lakini ni muhimu. Unafanya kazi sawa na maumivu mwilini. Inakidhi kazi ile ile ya maumivu ya mwili. Ni wito wa tahafari kwa hali mbaya ya mambo)
Ni nyakati kama hizo baadhi ya watu ambao wamekuwa wakimfutilia Nape, wanasema ndipo alipoonekana hadharani kuikosoa Serikali tofauti na siku za nyuma.
Mfano mmojawapo ni wakati wa sakata la dawa za kulevya alipoonekana wazi kumkosoa Mkuu wa Mkoa wa Dar es Salaam, aliyeibuka hivi karibuni na orodha ya watuhumiwa wa dawa za kulevya, wakiwamo wasanii.
Nape alishauri hatua zinazochukuliwa ziepuke kuharibu nembo ya biashara aliyojijengea msanii husika kwa sababu ni gharama kubwa kuirejesha.
Siku chache baadae, Rais Magufuli alisikika akisema vita ya dawa za kulevya haina umaarufu. Pasipo kutaja jina, alieleza kushangazwa na wale waliokuwa wakiwatetea watuhumiwa.
Ni tangu wakati huo inaelezwa kuwa Nape amekuwa akiandika ujumbe mbalimbali kupitia mitandao ya kijamii na hivyo kuzua gumzo.
Ukiachilia mbali kuandika ujumbe kwenye akaunti yake ya twitter, pia Nape alionekana kutoa kauli nzito zenye kuashiria kukata tamaa kuitumikia nafasi hiyo.
KUVAMIWA CLOUDS
Tofauti na misimamo ya Nape katika siku za nyuma ambayo ilijiegemeza zaidi kuitetea Serikali na Chama Cha Mapinduzi (CCM), katika tukio la uvamizi wa kituo cha Clouds, alionyesha taswira nyingine kwa kukemea kitendo hicho na hata kuchukua hatua ya kuunda kamati kuchunguza.
Wakati Nape akichukua hatua hiyo, baadae siku hiyo hiyo Rais Magufuli alisikika akimtaka kiongozi anayetuhumiwa kufanya uvamizi huo achape kazi.
Siku moja baada ya Nape kupokea ripoti ya kamati aliyoiunda kuchunguza tukio hilo na kutanabaisha wazi kwamba anajua kutetea haki kuna gharama zake, hivyo yuko tayari kuzilipa, Rais Magufuli alitangaza kumwondoa katika nafasi yake ya uwaziri.
Watu wanaomfahamu Nape na ambao wamekuwa wakimfuatilia kwa ukaribu, wameliambia MTANZANIA Jumapili kuwa mwanasiasa huyo alijua wazi anguko lake.
“Hebu nyinyi waandishi wa habari jiulizeni ni lini Nape alikuwa rafiki wa vyombo vya habari kama si sasa? Ni kwa sababu alijua. Huko nyuma hakuwa upande wenu, mnakumbuka kuhusu sheria ya huduma ya vyombo vya habari?” alihoji mbunge mmoja wa CCM ambaye hakutaka jina lake liandikwe gazetini.
MUSWADA WA SHERIA YA HABARI
Nape alijipambanua vizuri kutetea msimamo wa Serikali wakati wa mchakato wa kupitisha Muswada wa Sheria ya Kusimamia Vyombo vya Habari ambao ulipitishwa na Bunge wakati kukiwa na malalamiko mengi kutoka kwa wadau wa habari.
Katika jitihada za kupitisha muswada huo, Nape alisimama kidete kuhakikisha mjadala wa kuupitisha hausogezwi mbele kama ilivyoombwa na wadau wa habari ambao walitaka kupata muda wa kuusoma ili waongeze maoni yao na kukosoa vipengele ambavyo vinaonekana ni kandamizi kwa tasnia.
Mwanzo wa uongozi katika wizara hiyo, Nape alinyooshewa kidole na wafuatiliaji wa mambo kuwa yeye ndiye aliyeongoza jitihada za Serikali za kuzuia televisheni nchini zisionyeshe vikao vya Bunge la 11 mubashara.
Wakati wa mjadala wa sakata hilo bungeni, Nape alitetea msimamo huo wa kulizuia Shirika la Utangazaji Tanzania (TBC) kwamba lisionyeshe Bunge mubashara kwa kigezo cha kushindwa kuhimili gharama.
Katika ufafanuzi wake juu ya sakata hilo, Nape alisema msimamo wa kuifungia TBC isionyeshe Bunge mubashara umetolewa na Serikali, lakini akasema hajavizuia vyombo binafsi.
Kupitia maelezo hayo, alijitetea kwamba uamuzi wa kuzuia matangazo hayo ulifanywa na Bunge la Kumi wakati likipitisha uamuzi wa chombo hicho wa kuanzisha studio yake.
Siku chache baadaye, Waziri Mkuu Kassim Majaliwa akiwa nchini Uingereza, alikazia hoja hiyo kwa kusema sababu ya kuzuia matangazo mubashara ya Bunge ni kutoa nafasi kwa wananchi kufanya kazi kwani walikuwa hawafanyi kazi.
Hata hivyo, tukio la sasa la Nape kupinga utendaji kazi wa Mkuu wa Mkoa wa Dar es Salaam limeonekana kufuta matukio yake ya nyuma ambayo baadhi ya watu, hasa upande wa upinzani, walikuwa wakiyachukulia kwa mtazamo hasi.
MKUTANO WAKE ULIVYOZUA HOFU
Upo mtazamo kuwa pengine kubadilika huko ghafla misimamo ya Nape kulichangia kwa kiasi kikubwa kuzuiwa kwa mkutano wake na waandishi wa habari saa chache baada ya Rais Magufuli kumwondoa katika wadhifa wake.
Hata hivyo, taarifa za kuzuiwa kwa mkutano huo hadi sasa ni za kukanganya, hasa baada ya Kamanda wa Polisi Mkoa wa Kinondoni, Susan Kaganda kukanusha taarifa za Meneja wa Hoteli ya Protea aliyejitambulisha kwa jina moja la Suleiman kwamba alipata maelekezo kutoka kwake ya kutoruhusu kufanyika hotelini kwake.
Pamoja na hilo, tukio la kujitokeza mtu aliyetoa bastola hadharani kumtishia Nape ili arudi ndani ya gari, nalo lilijenga taswira hiyo hiyo.
CREDIT – MTANZANIA
TAZAMA HARMORAPA ALIVYO TIMUA MBIO BAADA YA KUIONA BASTOLA
Wanaume wanaoishi katika maeneo yenye joto la wastani mpaka la juu ni moja kati ya kundi la watu wanaokabiliwa na maambukizi ya fangasi wa ngozi ya miguuni, kitabibu hujulikana kama ‘Tinea pedis.’
Mara nyingi ngozi ya miguuni hasa katika ngozi ngumu ya nyayo na katikati ya vidole, ndizo zinazopatwa sana na vimelea wa fangasi.
Uwapo wa unyevunyevu, joto na giza huwa ni mazalia mazuri ya fangasi wa miguuni.
Wanaume ambao wako katika hatari ya kupata fangasi za miguuni ni wale wenye dosari ya nyayo ya miguu kuwa na kiasi kikubwa cha tezi zinazotoa jasho nyayoni.
Vilevile wenye kinga dhaifu, wanaugua kisukari, wanaoishi maeneo yenye joto kali na wale wanaovaa viatu muda mwingi.
Maambukizi haya yanaweza kuwa chanzo cha kupata fangasi maeneo mengine ikiwamo katika sehemu za siri, viganja vya mikono na mwili mzima.
Uwapo wa fangasi miguuni unaweza pia kumhatarisha mwathirika kuvamiwa na bakteria rafiki wa juu ya ngozi ambao wakipenya kwa ndani ya ngozi huleta madhara.
Vimelea wa fangasi ni mojawapo wa vimelea wanaoweza kusambaa na kumpata mwanadamu mmoja kwenda kwa mwingine kwa kugusana na vitu vilivyotumiwa na mwenye vimelea wa fangasi.
Katika maisha ya kila siku mara nyingine watu huweza kuvaliana soksi na viatu; hii ni mojawapo ya njia zinazoweza kueneza maambukizi ya fangasi wa miguuni kwa wanaoishi mazingira ya pamoja.
Si hivyo tu bali pia kuvaa viatu na soksi za mitumba ambavyo pengine vimetumiwa na mtu mwenye maambukizi ya fangasi, inaweza pia kuwa sababu mojawapo ya maambukizi ya fangasi za miguuni.
Vilevile kutumia pamoja sakafuni au vitu vilivyokanyagwa ikiwamo mazulia, mabwawa ya kuogelea, vifaa vya mazoezi vilivyotumiwa na mtu mwenye vimelea.
Dalili kubwa ya fangasi ni muwasho unaokulazimisha kujikuna na kujihisi raha au utulivu unapojikuna, harufu nzito ya kuoza katika miguu, kumomonyoka ama kulika kwa ngozi yenye fangasi.
Pia kuvuja kwa majimaji yenye kuteleza na harufu nzito, maumivu au kuhisi kuchomachoma baada ya kuchubuka na pia mara nyingine kuhisi kuwaka moto.
Ugunduzi wa fangasi wa ngozi ya miguu ni rahisi, huhitajiki kwenda maabara, wahudumu wa afya wanaweza kugundua kwa kupata historia ya dalili na kutazama kwa macho.
Mara nyingine unaweza usihitaji kupewa dawa za kukabiliana na fangasi wa miguu, elimu ya afya inaweza kukubadili tabia na ukadhibiti fangasi wa ngozi ya miguuni bila dawa.
Njia ya kukabili fangasi
Moja ya njia rahisi za kukabiliana na kujikinga na fangasi ni kubadili mienendo ya kimaisha ikiwamo kupenda kuwa msafi wa kimwili pamoja na kufua nguo zinazovaliwa ikiwamo soksi ambazo wengine huzivaa kwa muda mrefu bila kuzifua. Tumia soksi zenye asilimia nyingi ya pamba ili kuweza kunyonya jasho la miguuni, kutumia kitambaa safi au taulo dogo kwa ajili ya kukaushia maji baada ya kuoga au unapotoka kazini, matembezini na mchezoni.
Mara tu baada ya kutoka katika shughuli zako vua viatu vya kufunika na tumia viatu vya wazi, kausha kwa kitambaa kikavu maeneo ya miguuni katika upenyo wa vidoleni.
Matibabu ya dawa za fangasi za kupaka zilizo katika mtindo wa poda zinaweza kutumika kutibu, kwa fangasi sugu, dawa za kumeza zinaweza kutolewa. Kama kukiwa na maambukizi mchanganyiko na bakteria dawa za antibiotic zinaweza kutolewa.
Mara nyingine fangasi zinaweza kupata nyufa za vidoleni zikatengeneza vidonda ambavyo vinaweza kupata maambukizi wa bakteria ikiwamo wale wa tetenasi.
Hakikisha pia ukiwa una tatizo hili kiasi cha kufikia kupata vidonda miguuni, hakikisha unapata chanjo ya tetenasi kama hukuwahi kuchomwa.
Fangasi za miguuni ni ugonjwa kama magonjwa mengine, hivyo wanaogua wasipuuze wakidhani ni tatizo dogo.
Wanaogua tatizo wafike katika huduma za afya mapema kwa ajili ya ushauri na matibabu
TAZAMA JAMAA HUYU ALIVYOKOSWA KOSWA NA KIFO KWA AJARI MTONI
