KWA Anko Magu Hakuna Kuremba..Mawaziri Walishwa CHIPSI Mayai Ikulu…

Kwa maisha ya kawaida mtaani, chipsi mayai ni moja ya vyakula vinavyopendwa na watu wengi hasa kutokana na utamu wake lakini pia ni miongoni mwa vyakula vinavyopatikana kwa haraka zaidi.

Mtanzania wa kawaida hujua kuwa Ikulu yalipo makazi na ofisi ya Rais huwa wanakula vyakula vizuri sana, hivyo ukimwambia kuwa pia wanakula chipsi mayai tena siku za sikukuu, anaweza asiamini.

Suala la kubana matumizi kama ilivyo sera ya serikali ya awamu ya tano linafanyika si tu kwa kuzuia safari za nje au mikutano kutofanyikia katika hoteli za nyota tano, ni pamoja na aina ya chakula kinacholiwa n wageni Ikulu wakati wa vikao.

Mara kadhaa tumeona viongozi wa kitaifa wakipewa pipi na juisi au wakati mwingine wakipewa sambusa wanapokuwa wanakwenda kwenye vikao au mikutano, lakini hii ya jana huenda ikawa imetia fora zaidi.

Jana Rais Magufuli aliongoza kikao cha Baraza la Mawaziri Ikulu jijini Dar es Salaam ambapo, kwanza licha ya kuwa siku ya mapumziko, mawaziri hao walikuwa kazini na pili, licha ya kuwa siku kama ya jana watu hula vyakula mbalimbali kama pilau, mawaziri hao waliokuwa Ikulu walikula chipsi mayai.

Ndio, umesoma sawa sawa, chipsi mayai. Si kwamba chakula hiki hakifai kuliwa na viongozi hao, au ni vibaya wao kula, lakini kwa vile walikuwa Ikulu na ilikuwa sikukuu, ungetegemea kuona wamepewa vyakula vinavyoendana na sherehe hiyo. Na hii imewashangaza wengi kwenye mitandao ya kijamii kwani ni kwa mara ya kwanza kuona viongozi wakila chipsi Ikulu.

Kutokana na fedha kuwa ngumu mtaani, nadhani ni wakati muafaka sisi wananchi tuige mtindo huu wa kubana matumizi ili tuweze kuendana na serikali hii ya Magufuli.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2slfDUO
via IFTTT

ROMA Mkatoliki Akiri Alitelekezwa na Serikali

Msanii wa muziki wa Hip Hop, Roma Mkatoliki amefunguka na kusema kuwa ingawaje Serikali ilimsaidia mpaka kupatikana kwake kipindi alipotekwa lakini haikumsaidia chochote mpaka kupona kwake.

Roma Mkatoliki akiwaonesha majeraha waandishi wa habari siku chache baada ya kuachiwa na watekaji .

Roma na wenzake wanne ambao walitekwa na watu wasiojulikana mwanzoni mwa mwaka huu na kupata majeraha makubwa kwenye mwili wake amekiri wazi kuwa Serikali haikumsaidia chochote mpaka anapona zaidi ya ndugu, Jamaa,marafiki na familia yake.

“Lahashaa! Hapana juu kwa juu tuu polisi, polisi Mwananyamala PF3 sijui nini ile, baada ya pale nikajiongoza mimi mwenyewe na familia yangu,so ikawa hivyo tuu“amesema Roma

Hata hivyo Roma amesema ameshawasamehe na amewasahau wote waliohusika na kutekwa kwake ila amewaweka wazi tuu Watanzania kuwa hakusaidiwa chochote na Serikali katika kuuguza majeraha aliyoyapata baada ya kutekwa.

“Yaliyopita yamepita tunasamehe,tunasahau waliohusika Mungu atawahukumu na mkono wake na Mungu atupe neema uvumilivu na neema ya kuwasamehe…Lakini usidanganyike na mtu anakwambia sijui alikuja akatoa bugana lake au sijui akatoa hela ya panadol, Lahashaa!“amesema Roma kwenye mahojiano yake na Times FM.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tjcskC
via IFTTT

MAVAZI Yanayoshawishi NGONO Vyuoni

VIONGOZI wametakiwa kulisaidia taifa kwa kukemea aina ya mavazi yanayovaliwa na wanafunzi wa vyuo vikuu nchini ambayo licha ya kuleta vishawishi vya ngono yamekuwa yakidhalilisha utu wa mwanamke.

Kauli hiyo ilitolewa juzi na kiongozi wa Mbio za Mwenge kitaifa, Amour Hamad Amour wakati akizungumza na wanafunzi wa Chuo cha Bustani kilichopo katika Halmashauri ya Mji wa Kondoa. Alisema kuna haja ya viongozi kukemea suala la mavazi yasiyofaa kwa wanafunzi hasa ya vyuo vikuu ambayo mengi yamekuwa yakitia aibu.

“Hapa naona ni tofauti kila mmoja kavaa kiheshima, lakini kwenye vyuo vikuu hali ni tofauti mavazi mengi yanayovaliwa yanaleta vishawishi vya ngono na kufanya maisha ya wasichana kuwa hatarini,” alisema.

Pia katika hotuba yake aliwataka wanafunzi kuacha siasa za majitaka na kutafuta njia za kujiletea maendeleo. “Pia mfikirie zaidi kujiajiri hata kwenye kilimo kwani kunalipa, vijana ndio nguvu kazi ya taifa lazima walete mabadiliko lakini ukikaa unaleta siasa chafu, kujihusisha na vikundi viovu, uasherati na matumizi ya dawa za kulevya tutakosa viongozi wazuri wa kuliendeleza taifa,” alisema.

Aliwataka kupiga hatua za kimaendeleo kwani maendeleo ya Watanzania yanatakiwa kuletwa na watu wote. Sambamba na kuzungumza na wanafunzi hao kiongozi huyo wa Mbio za Mwenge aliweka jiwe la msingi katika ukumbi wa mikutano wa RC Mission. Ukumbi huo utakapomalizika utatumika kwa shughuli mbalimbali za kijamii kama mikutano na makongamano.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sZD6gq
via IFTTT

TAHADHARI..Je Wajua Kuwa Soda ni Sumu Kwa Afya Yako?

AFYA za mamilioni ya Watanzania wanaotumia vinywaji vya aina ya soda ipo hatarini, baada ya kugunduliwa uwepo wa chembechembe zenye kemikali za sumu ndani ya vinywaji hivyo, MTANZANIA Jumatano linaripoti.

Utafiti uliofanywa na Muungano wa Waandishi wa Habari za Uchunguzi Tanzania (Investigative Journalists Union of Tanzania- IJUTA) pamoja na tafiti zilizofanywa na wataalamu waliobobea katika afya ya umma duniani, umebaini kuwa vinywaji baridi aina ya soda ni hatari kuliko utumiaji wa sigara inayosababisha maradhi ya kansa katika mwili wa binadamu.

Kwa mujibu wa utafiti wa wanasayansi mbalimbali duniani, yapo madhara makubwa ya utumiaji wa vinywaji vya aina ya soda katika mwili wa binadamu.

Utafiti huo unaonyesha kuwa zipo sababu nane kuu zinazokiweka kinywaji aina ya soda kwenye kundi la vinywaji vyenye sumu ambavyo havifai kwa matumizi ya binadamu.

IJUTA imebaini kuwa makampuni makubwa yanayotengeneza vinywaji baridi aina ya soda yanatumia mabilioni ya dola kila mwaka kujitangaza na kutoa misaada ya kijamii kutokana na mauzo yake, bila kutaja madhara ya vinywaji hivyo kwa binadamu.

Kwamba matangazo hayo yanayogharimu mamilioni ya fedha ndiyo yanayokifanya kinywaji hicho kuwa maarufu zaidi duniani, licha ya kuwa na madhara makubwa katika mwili wa binadamu.

Aidha, utafiti huo unaonyesha kuwa umaarufu mwingine wa kinywaji aina ya soda ni utamu wa kupindukia ulio ndani ya soda.

Utafiti wa IJUTA unaonyesha kuwa utamu wa kupindukia iliomo ndani ya soda unawapumbaza wanywaji ili wasisikie ladha kali ya asidi iliyomo ndani ya soda.

IJUTA imegundua kuwa kiwango cha asidi kilicho ndani ya soda hakiwekwi wazi kwa walaji kwa sababu ya kuhofia kuwa wakibaini wataacha kikutumia kinywaji hicho.

Inaelezwa pia kuwa madini ya cola yaliyo ndani ya soda yana kilevi aina kafein kinachomteka mnywaji kuwa teja wa kinywaji hicho.

Tafiti za kitaalamu zimeonyesha kuwa soda inahusishwa na matatizo mengi ya kiafya kwa watoto na watu wazima, yakiwemo matatizo ya kuongezeka unene kupita kiasi, ugonjwa wa ini na mengineyo.

Utafiti uliofanywa nchini Marekani unaonyesha kuwa soda huwekewa ‘fructose’ (sukari) nyingi kupitia mfumo wa sirapu (fructose corn syrup) ambayo inaongoza kwa kusababisha magonjwa ya unene, kisukari, ugonjwa wa moyo na magonjwa mengine sugu yanayowakabili Wamarekani wengi hivi sasa na dunia kwa ujumla.

Dk. Mercola, ambaye ni mtaalamu wa masuala ya lishe asilia na tiba mbadala nchini Marekani, amekaririwa na tafiti mbalimbali zilizofanyika nchini humo akieleza kuwa kinywaji aina ya soda ni hatari kwa binadamu, sawa na mtu anayevuta sigara au zaidi, jambo alilosisitiza kuwa siyo la kutia chumvi, bali ukweli halisi.

Watumiaji wa vinywaji aina ya soda wanaelezwa kuwa wamekuwa wakinywa kiasi kikubwa cha kaboni, kafeini (dawa ya kulevya), sukari ya kupundukia na asidi kali ambayo huvuruga afya ya mtumiaji kwa kiwango cha juu.

Soda pia imebainika kutokuwa na lishe ya aina yoyote zaidi ya maji na sukari.

Uchunguzi wa IJUTA na utafiti ya wanasayansi mbalimbali duniani, umeonyesha kuwa watu wengi hawajui kuwa unywaji wa soda huwaongezea kiasi kikubwa cha madini joto.

Chupa moja ya soda yenye ujazo wa mililita 330 husababisha unene kwa kiwango cha paundi moja kwa mwezi.

Mkurugenzi wa Taasisi ya Kisukari Tanzania (TDA), Ramadhan Mongi, amepata kukaririwa na vyombo vya habari hapa nchini akieleza kuwa ugonjwa wa kisukari Tanzania umeongezeka mara sita katika siku za hivi karibuni.

Alisema miaka kumi iliyopita, hali ya kisukari ilikuwa asilimia tatu (3), lakini katika miaka ya karibuni umeongezeka mara sita.

“Tunastahili kuongeza jitihada ya kupambana na gonjwa hili la kisukari kwa gharama zote kwa sababu kisukari ni moja ya magonjwa manne yanayomaliza Watanzania,” alisema.

Utafiti uliofanyika Mkoa wa Dar es Salaam ulibaini kwamba kati ya watu watano waathirika wa kisukari, mmoja tu ndiyo hupata matibabu ya serikali.

Unywaji kwa mpigo wa kabohaidrets iliyo na sukari nyingi kwenye soda hudhoofisha seli zinazozalisha vimeng’enya tofauti na vyakula vingine na pia imebainika kuwa sukari ikiingia kwa wepesi kwenye mzunguko wa damu husababisha kongosho kuzalisha vimeng’enya vingi mwilini.

Uchunguzi wa kitabibu katika Hospitali ya wanawake ya Boston nchini Marekani na katika Chuo cha Kitabibu cha Harvard umeonyesha wanawake 51,000 hawakuwa na kisukari mwanzoni mwaka wa 1991, lakini miezi minane baadaye wanawake 741 waligundulika na kisukari.

Ripoti ya utafiti huo ilionyesha kuwa wanawake waliokuwa wakitumia kinywaji aina ya soda moja ama mbili kwa siku waliongezeka uzito maradufu na walikuwa hatarini kupata ugonjwa wa kisukari.

Pia ilionyesha kuwa soda hudhoofisha mifupa na husababisha hali ya mifupa kupuputika, hali inayomuweka mtumiaji kuwa katika hatari ya kuvunjika mifupa kirahisi.

Madhara mengine yaliyobainika kusababishwa na unywaji soda ni kupukutika kwa meno na ama kuoza. Pia soda husababisha matatizo ya figo.

Soda yenye chembe ya cola husababisha figo kuwa na mawe kwa sababu ya asidi na kemikali mbalimbali zinazofichwa vipimo vyake kwa walaji.

Madaktari bingwa wa wanamichezo wanaeleza madhara yanayosababishwa na soda mwilini kuwa ni pamoja na shinikizo la damu, uharibifu wa ini, huvurugu mfumo wa kumeng’enya chakula tumboni kutokana asidi ya kiwango cha juu iliyo kwenye soda.

Wanashauri kuwa soda haistahili kutumika kama kishawishi kwenye mchezo, kwa sababu ina madhara makubwa kwa wanamichezo kwa sababu hunyonya maji kwenye mwili na kudhoofisha mwili.

Wakati utafiti huo ukidhihirisha hayo, Taasisi ya Chakula na Dawa Tanzania (TFDA) imeshindwa kutoa tamko lolote kuhusu utafiti huo, hata baada ya kupelekewa maswali kwa maandishi yanayoomba ufafanuzi wa ubora wa vinywaji vya soda katika mwili wa binadamu.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2s0FlPk
via IFTTT

JAY Z Afanya Kufuru ya Pesa

PESA INAONGEA BWANA! Huku Beyonce akiwa amejifungua salama na kukaa hospitalini kwa muda wa wiki moja na nusu, hatimaye mwanamama huyo na watoto wake mapacha, wa kiume na kike wameruhusiwa kutoka hospitalini.

Habari zaidi kutoka katika ardhi ya US inatutonya kwamba baada ya watatu gao kuruhusiwa kutoka hospitalini, mumewe, Jay Z alikwishaandaa mjengo wa kupanga wa maana uliopo Malibu ambapo watatakiwa kulipia dola 400,000 (zaidi ya milioni 900) kwa mwezi tu.

Mjengo huo wa maana upo karibu na Bahari ya Pasifiki ambapo watapata muda wa kuangalia meli na watu wakila bata lakini pia mjengo una uwanja mdogo wa ndege. Mjengo una hekari 6.3, si hiyo tu, bado mtu mzima Jay Z anaendelea kusaka mjengo mwingine wa kununua huko L.A (Los Angeles).

from Blogger http://ift.tt/2sfJQtw
via IFTTT

TID, Quick Rocka na OMG Wamalizana Kiume

Siku chache zilizopita Quick Rocka na kundi la OMG waliachia video ya wimbo Watasema huku staa mwingine wa Bongofleva TID akidai wametumia melody na maneno ya wimbo wake bila ridhaa yake hivyo kutaka alipwe fidia ya Tsh. 20m.

Sasa leo June 27, 2017 wasanii hao wamekutana ana kwa ana kwenye XXL ya Clouds FM ikiwa ni Eid Pili ambapo kila mmoja aliezea kilichotokea huku TID akiulizwa kama ni yeye ndiye aliyepost na kwa nini alichukua uamuzi wa kudai fidia na majibu yake yalikuwa hivi:

”Ukweli ni kwamba hawa jamaa walitakiwa wanilipe lakini tumekubaliana. Wamekuja tumepozana ili mwisho wa siku kuendeleza muziki mzuri. Nilipanic nikasema Rocka ndio anatoboa sasa hivi nitamuona na Lamborghini.

“Halafu huu wimbo umechukua tuzo mbili, kama East Africa Best Collaboration Song na Best Video kwa kipindi kile. Ulikuwa wimbo mkali sana halafu ulinicost hela nyingi. Nilirecord Kenya, Home Boys walinicharge kama 1.5m za kitanzania kufanya kila kitu lakini mwisho wa siku nimeona kafanya kitu kizuri.

“Pesa siyo kitu sana kama ameweza kufanya A, B, C, D kwa lengo la muziki mzuri nimempa blessing zangu acha anunue Lamborghini.” – TID.

Quick Rocka naye amesema TID ni mtu wa busara sana kwani walikaa chini na busara zikatumika ili mambo yakae sawa:“Tulikuwa na Vibe Studio baada ya kufanya nikamchek TID japo nilimwambia juu juu sikufunguka sana na ndio maana ilivyotokea ikawa hivyo lakini tukakaa chini mzee ana busara nyingi sana na zikatumika. Tumesalve issue imekuwa poa.” – Quick Rocka.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tWvpYx
via IFTTT

Mtendaji wa Kijiji Auawa Kibiti, Nyumba ya Mwenyekiti Yachomwa Moto

MAUAJI KIBITI: Ofisa Mtendaji wa Kiijiji cha Mangwi Kata ya Mchukwi, Shamte Rashidi Makawa ameuawa kwa kupigwa risasi na watu wasiojulikana usiku wa kuamkia leo, Mwenyekiti wa kijiji hicho alichoropoka na nyumba yake ikachomwa moto.

Kamanda wa Polisi wa Mkoa wa Pwani, Onesmo Lyanga amethibitisha kutokea kwa mauaji hayo na kueleza kuwa Jeshi la Polisi tayari lipo eneo la tukio, hivyo watatoa taarifa rasmi za tukio hilo baadaye.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2slvxOW
via IFTTT

Vyakula Vinavyoongoza Kwa Kuongeza Akili Kwenye Ubongo wa Binadamu

Katika mwili wa mwanadamu hakuna kitu chenye umuhimu mkubwa kama ubongo, ubongo ndio ambao humsaidia mwanadamu katika kufanya mambo mbalimbali, hata hivyo inaelezwa ya kwamba ubongo wa mwanadamu ndio humfanya mwanadamu kuonekana hivyo alivyo.

Hivyo inaelezwa ya kwamba ili mwanadamu aweze kuongeza akili, katika kufikiri na kutenda mambo mbalimbali anatakiwa kula vyakula vifuatavyo:

1. Mafuta ya samaki.

Mafuta ya samaki ni muhimu kwa ubongo na mfumo wa fahamu. Ulaji wa samaki wenye minofu kama sangara na dagaa, utaweza kupata faida hizo kwa sababu aina hii ya samaki ina kiasi kingi cha mafuta ya Omega 3 ambayo huimarisha utendaji kazi na mawasiliano kati ya ubongo na seli za mwili moja kwa moja.

2. Ulaji wa mbegu za maboga.

Mbegu za maboga zina kiwango kingi cha madini ya ‘Zinc’ ambayo husadia kuongeza kumbukumbu (memory). Kuna njia nyingi za kula mbegu za maboga, moja wapo ni kuzikaanga na kula kama

karanga, ukila kiasi cha kiganja kimoja kwa siku, huweza kusaidia kuweza kuongeza akili.

3.Pilipili kali.

Pilipili kali nayo huwa ni chakula kikubwa cha ubongo kwa sababu ina kiwango kingi cha Vitamin C ambayo huhitajika zaidi kwenye ubongo, pilipili inaaminika kuwa na kiwango kingi cha vitamin hiyo kuliko hata machungwa. Hivyo unaweza ukatumia pilipili kali kama vile pilipili kichaa, pilipili mbuzi kwani hizo ni mifano ya pilipili kichaa.

4.Nanasi.

Utumiaji wa nanasi pia ni miongoni mwa matunda ambayo husaidia kwa kiwango kikubwa katika kuongezea uwezo wa kiakili.

5. Nyanya

Nyanya ni muhimu sana kwa sababu huzuia magonjwa ya ubongo (brain disease) kutokana na kuwa na kirutubisho aina ya ‘Lycopene’ chenye uwezo wa kuzuia magonjwa nyemelezi yanayoweza kutokea. Hivyo ulaji wa nyanya utakusaidia kukupa kinga dhidi ya magonjwa mbalimbali, yakiwemo ya akili.

6.Karanga

Aina zote za karanga zina vitamin E, ambayo huzuia tatizo la upotevu wa kumbukumbu na pia zina mafuta yenye afya yanayohitajika mwilini.

7. Mayai ya kienyeji.

Mayai ya kuku, ambayo yana kirutubisho aina ya Choline. Kirutubisho hiki huzalishwa mwilini kwa kiwango kidogo tu, hivyo kwa kula mayai (ya kienyeji) utaweza kuongeza kiwango cha kirutubisho hicho mwilini kwa kiwango kikubwa na hivyo kuimarisha afya ya ubongo.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tjqpPx
via IFTTT

Mwalimu Ajiua kwa Sumu Akiwa Gesti, Aacha Ujumbe Mzito

SUMBAWANGA. Mwalimu, Betson Sanga aliyekuwa akifundisha Shule ya Sekondari Milundikwa iliyopo wilayani Nkasi mkoani Rukwa amefariki dunia baada ya kunywa sumu akiwa katika nyumba ya kulala wageni.

Kamanda wa Polisi Mkoa wa Rukwa, George Kyando amesema kwamba mwalimu huyo alifariki dunia juzi usiku huku akiwa ndani ya chumba alichokuwa amepanga katika nyumba moja ya kulala wageni iliyopo eneo la stendi kuu ya mabasi yaendayo mikoani.

Kyando amesema chanzo cha kifo cha mwalimu huyo bado hakijafahamika lakini aliacha ujumbe mfupi wa maneno.

“Kama anadaiwa deni lolote na mtu amweleze mkurugenzi ambaye ni mwajiri wake, lakini asilaumiwe chochote juu ya kifo chake,” amesema Kamanda Kyando wakati akinukuu ujumbe huo wa marehemu.

Kamanda Kyando pia amesema uchunguzi wa kitabibu umebainisha kuwa mwalimu huyo alijiua kwa kunywa sumu.

GPL

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2ugVXTw
via IFTTT

Breaking…Rais wa TFF na Katibu Wake Wakamatwa na TAKUKURU

Taarifa iliyotufikia asubuhi hii inaeleza kuwa, Rais wa Shirikisho la Soka nchini, Jamal Malinzi na Katibu Mkuu wake, Selestine Mwesigwa wanashikirikia na Taasisi ya Kuzuia na Kupambana na Rushwa (TAKUKURU) na wapo katika Kituo cha Polisi Salander Bridge ili kupisha uchunguzi dhidi yao. hilo limethibitisha na Mkuu wa Kitengo cha Mawasiliano wa Takukuru, Mussa Misalaba alipokuwa akihojiwa na kituo cha Radio EFM leo. Misalaba amesema ni kweli wanawashikilia na taarifa zaidi wataitoa baada ya kumaliza uchunguzi wao, kwa sasa ifahamike kuwa viongozi hao wanawashikilia.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tWDkVH
via IFTTT

Matokeo ya mechi za Ndondo Cup leo Juni 27, 2017

Misosi FC imekuwa timu ya kwanza kukata tiketi ya kucheza hatua ya 16 bora ya michuano ya Ndondo Cup 2017 baada ya kupata ushindi wa magoli 3-0 dhidi ya Mdandu Investment mechi iliyopigwa uwanja wa Kinesi pale V. Wanyama Street, Shekilango.

Laurent Mugila aliifungia Misosi bao la kwanza dakika ya 17 kipindi cha kwanza kabla ya Fuluzuri kufunga goli la pili dakika ya 40 na matokeo kuwa Misosi 2-0 Mdandu hadi mapumziko.

Maganga akapasia kamba tena dakika ya 63 kipindi cha pili likiwa ni bao la tatu na la ushindi kwa Misosi ambao wanaongoza kundi lao wakiwa na pointi sita baada kushinda mechi zao mbili za kwanza mfululizo huku wakiwa wamebakiza mechi moja ya hatua ya makundi.

Kwenye uwanja wa Mwl. Nyerere, Magomeni, Buguruni wamepata ushindi wa goli 1-0 dhidi ya Kibo Kombaini.

Goli pekee katika mchezo huo limefungwa na Twaha Magoha dakika ya 30 kipindi cha kwanza na kudumu hadi dakika ya 90 ya mchezo huo.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2uhg6ZQ
via IFTTT

Barua ya wazi ya Alves kwenda Juve, asasitiza hachezi kwa ajili ya pesa

Tayari klabu ya Juventus imethibitisha kwamba hawatakuwa na Dani Alves katika msimu ujao wa ligi baada ya mlinzi huyo kuamua kutorndelea kukukipiga katika klabu hiyo ya Italia.

Tayari timu mbalimbali zimesanza kuwinda saini ya Alaves lakini Manchester City wanaonekana wako karibu zaidi kumsajili mlinzi huyo wa kimataifa wa Brazil.

Baada ya Alves kusema kwamba hataendelea Juventus, mashabiki wengi walimshambulia kuwa na tamaa ya pesa, na sasa Alves ameibuka na kuandika ujumbe wa majonzi kuiaga Juventus.

“Nawashukuru sana mashabiki wa Juventus walioishi na mimi mwaka mzima na kunipa support kama mchezaji wao katika timu hii inayochukua makombe na kucheza fainali” alianza kuandika Alves.

“Kwa heshima ya klabu hii nilijitoa sana na kupambana sana ili kuifanya klabu hii kuwa klabu kubwa zaidi ulimwenguni na hii ilitokana na kupafurahia hapa”

“Naomba msamaha sana mashabiki wa Juventus kwa kama kuna siku niliwakosea lakini sikuwahi kukusudia kufanya hivyo, hakuna mwanadamu aliyeko sawa lakini lakini sikuwahi kukusudia kuwaudhi”

“Sichezi mpira kwa sababu ya pesa kama inavyodaiwa bali nacheza mpira kwa sababu naupenda mpira na watu wake,nawaachia ninyi munihukumu kwa kazi niliyowatendea” alimalizia Alves.

Alves pia alimshukuru CEO wa Juventus Beppe Marrota ambaye ndiye ametoa ruhusa kwa Alves kuondoka katika klabu hiyo mabingwa wa Serie A.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2s0M4bS
via IFTTT

TAARIFA KUHUSU MAHOJIANO LOWASSA ALIYOFANYA KITUO CHA POLISI LEO

Aliyekuwa Waziri Mkuu wa Tanzania, Edward Lowassa ameruhusiwa kutoka katika Kituo Kikuu cha Polisi Dar es Salaam baada ya kuhojiwa na kisha kujidhamini.

Lowassa ambaye pia ni Mjumbe wa Kamati Kuu ya CHADEMA amehojiwa kuhusu tuhuma za uchochezi zinazomkabili na akaruhusiwa kuondoka ambapo ametakiwa kurejea tena siku ya Alhamisi.

Kwa mujibu wa Wakili Peter Kibatala, sababu za kuhojiwa kwa Lowassa ni juu ya kauli alizozitoa wakati wa futari alipokuwa akiongea na waumini wa dini ya kiislam.

Miongoni mwa mambo mengi aliyozungumza Lowassa katika futari hiyo ni kuhusu Masheikh wa Uamisho wanaoshikiliwa na serikali kwa miaka minne sasa dhidi ya tuhuma za ugaidi.

Lowassa alipewa wito huo jana, ambapo tangu alipofika katika kituo hicho cha polisi leo asubuhi, ulinzi umeimarishwa kufuatia wingi wa waandishi wa habari na watu wengine waliokuwa wamekusanyika jirani na kituo hicho.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sZtUsw
via IFTTT

BABA ALIUZA KUNI NA KUNISOMESHA HADI CHUO KIKUU

Ukitafuta jina la baba yangu (Joseph Kimanzi) kwenye mtandao wa Google, hutopata jibu lolote. Hakuna kitabu wala makala inayomhusu lakini kwetu sisi, yeye ni shujaa. Namuombea dua kwa Mungu kwakuwa alijitolea kila kitu kwa ajili yetu hivyo apate maisha marefu na aje kupumzika na kufurahia matunda ya kazi kubwa aliyoifanya kwa ajili yetu.

Joseph Kimanzi (kushoto). Kulia ni binti yake na mwandishi wa makala hii Nthenya Joseph ambaye kwa sasa ni mhitimu wa chuo kikuu.

HAJAWAHI KUAJIRIWA SEHEMU YOYOTE

Kwa kadri ya kumbukumbu zangu zinavyoniambia, hajawahi kupata ajira ya kudumu ila alikuwa anafanya kila kibarua kitakachojitokeza mbele yake, mradi apate kitu cha kuleta nyumbani jioni atakaporudi. Tulikuwa tunaishi karibu na mjini, kwahiyo hatukuwa na shamba kusema tutalima. Baba alikuwa anafanya kazi kwenye majumba ya watu na kuuza kuni, mkaa na chochote atachoona kitampatia pesa.

Hakuwa anachagua kazi ya kufanya. Hata angetaka kuchagua, hakuwa na cha kuchagua vile vile. Kwahiyo ilimlazimu kufanya kilicho mbele yake.

Hakuwahi kupata anasa ya kulala zaidi ya alfajiri. Hakuna hata siku moja niliyoamka na kumkuta baba nyumbani, sio tu kitandani. Alfajiri ilikuwa ikimkuta akiwa maili kadhaa kutoka nyumbani. Asubuhi zote zilikuwa zinamkuta akiwa kwenye mapori akitafuta kuni nzuri kwa kuuza au kuchoma mkaa, au angekuwa njiani kwenda kutafuta maji, hitaji adimu sana kwenye eneo letu katika kipindi hicho, au angekuwa anafanya kazi za ujenzi. Mara kadhaa alirudi na majeraha yaliyotokana na panga lake kukosa mti anaokata na kutua kwenye kidole, au matofali yakimdondokea alipokuwa kwenye ujenzi – lakini hiyo haikutosha kumfanya achelewe kuamka wala kutokwenda kibaruani kabisa; aliamka na kwenda kutafuta pesa tuweze kuishi.

HAKUWAHI KULALAMIKA

Jambo la kushangaza sana ni kwamba hakuwahi kulalamika, hata alipokuwa anaumia, hata alipokuwa amechoka sana na kuwa na maumivu ya mifupa. Mara zote alikuwa akituangalia na kutabasamu na kutuasa tusome kwa bidii sana. Tabu alizokuwa anazipitia kwa ajili yetu zilinifanya niamue kusoma kwa juhudi sana. Mara zote alikuwa akiniambia kuwa Mungu ametubariki kwa kutupa afya njema na akili, tunachotakiwa kufanya ni kuvitumia, na nilimuamini.

IMANI YAKE ILINIPA MATUMAINI

Nilifanya mtihani wa kuhitimu Shule ya Msingi wakati watu walionizunguka walikuwa na uhakika kuwa baba asingeweza kunisomesha sekondari, na hawakusita kuniambia hivyo wazi wazi. Nilikata tamaa, lakini wiki chache kabla ya mtihani wa kuhitimu aliniambia:

“Usiwasikilize, usiangalie unapotoka, fanya jitihada zako zote na nitakupeleka shule ya sekondari.” Na alitimiza ahadi yake.

Nilikuwa wa pili darasani kwangu na nilikuwa wa kwanza kwa watahiniwa wa kike kwenye matokeo. Nilikuwa najua kwamba hakuwa na pesa ya kunilipia ada, lakini alichokisema kilinipa matumaini makubwa.

Ingawa nilikuwa wa mwisho kuwasili shule na sikwenda shule ya chaguo langu, lakini nilikwenda shule. Baba aliweza kukusanya robo ya ada iliyotakiwa na kuniandikisha shule. Sijui aliwezaje kumshawishi mkuu wa shule kunipokea lakini nakumbuka furaha niliyokuwa nayo!

ALIFANYA KAZI SHULE KWANGU KULIPA DENI

Ili kulipa kiasi cha pesa kilichobaki, baba alilazimika kufanya kazi shuleni kwangu, mara nyingi kwa kupeleka kuni. Nakumbuka alipokuwa akikodi lori, kulijaza kuni na kulileta shuleni. Walipofika shuleni, wenye gari walimwaga kuni hizo bila kuzipanga na kumwacha baba akifanya kazi hiyo peke yake. Mara nyengine wakati wa mapumziko nilikuwa nikipita karibu na kuni hizo na kujikuta nikishangaa imewezekanaje mtu mmoja kukata kuni zote hizo, achilia mbali kuzipanga. Nilipomsogelea kumsalimia mara zote alitabasamu lakini hakuweza kuficha uchovu na usingizi aliokuwa nao.

Lakini aliendelea kufanya kazi tu. mwisho alirudi nyumbani akiwa taabani kabisa, akiwa na njaa na majeraha mikononi na miguuni. Kibaya zaidi ni kwamba shule haikumpa hata senti moja, hata nauli tu ya kumuwezesha arudi nyumbani. Pesa yote aliyotakiwa kulipwa iliingizwa kwenye ada yangu. Alirudi nyumbani bila chochote mfukoni, lakini alifurahi kwamba nitabaki shule. Nilitamani kumsaidia. Mara nyingine nilijikuta nalia nikiwa peke yangu kwa kumhurumia.

Alikuwa na imani na mimi na alitamani siku moja niende nje ya nchi kujiendeleza kimasomo.

IMANI YAKE KWANGU, KWA MARA NYINGINE

Imani yake kwangu, kwa mara nyingine tena, ilinifanya niamue kusoma kwa bidii kubwa sana na kushika nafasi ya kwanza katika Wilaya yangu kwenye mtihani wa kuhitimu sekondari. Ingawa sijaenda kusoma nje ya nchi kaka baba alivyotamani lakini nilipata nafasi ya kusoma Chuo Kikuu nchini.

Leo hii mimi ni mhitimu wa Chuo Kikuu cha Kilimo na Teknolojia cha Jomo Kenyatta, nina shahada ya Ununuzi na Ugavi na wadogo zangu wawili wapo sekondari, shukrani za kipekee kwa baba. Yeye ni shujaa wangu na namfurahia kila uchao.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sZt1jx
via IFTTT