WAZIRI
Mkuu mstaafu John Samwel Malecela, amewashauri wakulima wa mkoa wa Dodoma
kutumia mashine za kisasa katika kupiga zao la mtama mara baada ya kuvuna ili
kusaidia kuwa na ubora.
Malecela
amesema hayo wakati akipokea mashine ya kupiga mtama iliyotengenewa na shirika
la kuhudumia viwanda vidogo nchini Sido.
Amesema
kuwa wakulima wengi mkoani hapa wamekuwa na tabia ya kutumia zana za kienyeji katika
kupiga zao hilo la mtama hali ambayo inasababisha kwa kiasi kikubwa kupungua
kwa ubora.
Amesema
kuwa kama wakulima watabadilika na kuanza kutumia zana za kisasa katika kupiga
mtama watasaidia katika kuongeza thamani ya zao hilo na kusaidia kupata bei
nzuri na soko la uhakika.