MKUU wa
mkoa wa Njombe, Kapteni Mstaafu, Aseri Msangi amewataka waajiri wasimamie kazi vizuri na kuwa tayari kutoa motisha kwa watumishi wanaofanya
kazi vizuri sambamba na kutoa adhabu kwa watumishi wanaokiuka taratibu za kazi.
Akizungumza
kwenye ufunguzi wa kikao pili cha baraza la wafanyakazi ofisi ya mkuu wa
mkoa
wa Njombe kilichofanyika kwenye ukumbi wa Day to Day mjini hapa, Msangi
pia amekemea baadhi ya watumishi wa umma wasizingatia maadili
ya mavazi kwenye ofisi za umma hususan wafanyakazi wanawake.
"Nikuombe
RAS 'Katibu Tawala mkoa" kanuni za maadili zifuatwe kwa watumishi
wote,hatuji kufanya mapenzi ofisini, watu wengine hawatafanya kazi
wanakuangalia wewe," alisema Msangi.
Mbali na
kuhimiza maadili kazini, Mkuu huyo wa mkoa alitoa rai kwa wafanyakazi wa
serikali hapa nchini kutumia vizuri mikopo wanayokopa kutoka katika Saccos ili
kuendelea kukabiliana na matatizo pamoja na janga la umasikini.
Katika
hatua nyingine, Msangi aliwaambia wajumbe wa Baraza hilo la Wafanyakazi kuwa
mkoa wa Njombe umeongezewa siku za zoezi la utoaji wa chanjo ya Surua na Rubella mpaka Oktoba 26, mwaka huu.
Msangi
alisema sababu za kuongezwa kwa siku hizo mbili zilitokana na upungufu wa dawa
za chanjo ambazo walilazimika kuagiza kutoka bohari kuu ya dawa mkoani Iringa.
Awali
akimkaribisha mgeni rasmi kufungua kikao hicho, Katibu Tawala wa Mkoa wa
Njombe, Jackson Saitabahu ambaye pia ni Mwenyekiti wa baraza hilo, ameagiza
chama cha wafanyakazi kuwahimiza wafanyakazi kupima maambukizi ya VVU ili
waweze kupatiwa huduma kirahisi.
Alisema
kama mkoa wanajipanga zaidi kupata takwimu sahihi ya maambukizi ili kuona kama
imeshuka ambapo awali ilikuwa ni asilimia 14.8 na mkoa kutajwa kuongoza kwa
kasi maambukizi ya ukimwi.
Subscribe to:
Post Comments (Atom)