CMSA NA KIGUGUMIZI CHA TAARIFA KWA WANUNUZI WA HISA ZA VODACOM

Sheria ya Fedha 2017 inalenga kuwawezeshaje watanzania kama Mamlaka ya Masoko ya Mitaji na Dhamana (CMSA) imekuwa kimya kuhusu hatma ya fedha zetu toka kufungwa kwa uuzaji wa hisa wa awali (IPO) wiki saba zilizopita?

Wengi wetu tulivunja vibubu vyetu ili kununua hisa za Vodacom lakini mpaka leo Mamlaka ya Masoko ya Mitaji na Dhamana (CMSA) imekuwa kimya juu ya hatma za fedha zetu. Tuna haki ya kufahamishwa nini kinaendelea.

Mamlaka ya Masoko ya Mitaji na Dhamana (CMSA) iliongeza siku 10 za uuzwaji wa hisa (IPO) ili kuwanufaisha wageni lakini imekuwa kimya kuhusu wazawa walionunua hisa zao wiki saba zilizopita.

CMSA ijifunze kutoa taarifa kwa wakati ili kusaidia kujenga imani kwa watanzania vinginevyo IPO za makampuni mengine ya simu zitakwama.

Airtel imetanga IPO yao lakini bado kuna sintofahamu ya IPO ya Vodacom inayosababishwa na ukimya wa CMSA kuhusu ziliko fedha zetu.

Hawa CMSA wanatuchelewesha kupata gawiwo letu kutoka Vodacom. Tueleweze kitu gani kinaendelea.

Leo nimekutana na mwanafunzi ambaye ametumia akiba yake TZS 300,000 aliyoikusanya kwa zaidi ya miaka mitatu kununua hisa za Vodacom lakini hana taarifa kuhusu uwekaji huo.

Wiki saba zimepita lakini watu wote tulionunua hisa za Vodacom hatujapata ‘share certificates’ zetu. CMSA imekaa kimya. Ni haki yetu kupata taarifa kuhusu uwekezaji tulioufanya.

Nimepiga simu CMSA kuomba taarifa za IPO ya Vodacom baada ya kupata wasiwasi na ukimya wao. Nimejibiwa nisubiri wakati nimeshasubiri kwa wiki nane. Kulikoni CMSA?

from Blogger http://ift.tt/2thbH81
via IFTTT

KWA NINI WENGINE HUTOKWA JASHO ZAIDI, NA NINI CHA KUFANYA?

Watu wote huwa wanakuwa na idadi karibu sawa za vinyweleo vya kutolea jasho, lakini vifuko vya kutoa jasho huwa vinakomaa miaka miwili ya mwanzo wa maisha. Si vifuko vyote vya jasho vinakuwa na uwezo wa kutengeneza jasho (inategemea mahitaji ya mwili kwa muda huo). Watu wanaoishi kwenye hali ya hewa ya joto huwa wanakuwa na vifuko vinavyofanya kazi zaidi ya waliokua kwenye hali ya hewa ya baridi. Kwa watu wazima, tunakuwa na vifuko vyote lakini ni asilimia ndogo tu ndio vinavyotengeneza jasho.

Hali ya hutokwa jasho zaidi ya wengine (ambayo kitaalamu hujulikana kama hyperhidrosis) ni ya kwawaida ingawa yawezekana ikawa inakusababishia aibu mbele ya wengine. Taarifa kutoka jarida la ‘The Science of Us’ zinaeleza kuwa hakuna sababu za kibaiolojia juu ya hali hii.

Kuna mambo kadhaa yanayousababisha mwili kutoka jasho:

1. Mwili unaanza kutoa jasho hata kabla ya joto kuwa kali sana. Lengo kubwa la mwili kutoa jasho ni kulinda joto la mwili. Kwahiyo, mwili huwa unapokea mabadiliko haraka sana hata kama mabadiliko hayo yakiwa ni madogo katika joto la hali ya hewa. Jasho linaanza kutoka hata kabla hatuaanza kupata kero za joto kali, kwahiyo lile jasho linalokutoka kabla ya hali ya hewa kuwa na joto kali si jambo la kushangaza ila ni jinsi mwili unavyotakiwa kufnaya kazi.

2. Kutokwa jasho kunasababishwa na hali ambazo huwezi kuzitawala, na hali hii imetengenezwa na mwili wako ukiwa mtoto. Hii inamaanisha kuwa kutokwa jasho sana haihusiani na tatizo la kurithi hali hiyo. Kwa hiyo hii inamaanisha kuwa mazingira uliyokuwa ukiishi utotoni mwako ni jambo kubwa sana litalofanya uwe unatokwa jasho kwa kiasi gani katika maisha yako ya baadae.

3. Mwili wako kutoa jasho husaidia vidonda kupona. Vifuko vya jasho vinavyojulikana kwa jina la kitaalamu la “eccrine” ambavyo vinakuwepo kwenye mwili mzima ni muhimu sana kwa kufanya vidonda vikauke haraka. Husaidia sana utengenezwaji wa seli mpya mwilini na kuzitoa zilizokufa kutokana na majeraha ya vidonda. Hii inamaanisha kuwa, vifuko vya jasho ambavyo havitapata nafasi ya kufanya kazi utotoni mwako vitarudisha nyuma uwezo huu mwilini mwako — vifuko vya jasho huwa vinachangia uponyaji wa vidonda mwilini kwa asilimia 100 kwa vijana, lakini uwezo huu hupungua kadri umri unavyoongezeka.

Jinsi ya kupunguza kiasi cha kutokwa jasho jingi mwilini:

1. Unaweza kupunguza kutokwa jasho sana kwa kupunguza muda wa kutumia kiyoyozi. Kama huwa muda mwingi unakuwa kwenye joto la chini (baridi), ni rahisi sana kutokwa jasho pindi joto litakapoongezeka, hata kama ni kwa kiwango kidogo sana.

2. Jiweke kwenye mazingira ya joto kubwa mara kwa mara. Kwa kuongeza kiwango cha joto mara kwa mara (hata kwenye gari yako) mwanzoni itakuletea shida ya kutokwa jasho jingi, lakini baada ya muda mwili wako utazoea hali ya hewa ya joto kali. Kama ukijiweka kwenye joto la juu kwa muda, mwili wako utaizoea hali hiyo.

3. Kunywa maji baridi badala ya kujiwekea barafu kwenye sehemu moja tu ya mwili. Uwezo wa mwili kutoa jasho unategemea joto la ndani ya mwili, sio la nje ya mwili, kwahiyo kunywa maji baridi inasaidia kupoza joto la ndani ya mwili—ambalo kwa kufanya hivyo itasaidia kukuweka sawa bila kujali ugumu wa kazi unayofanay au kiwango cha joto cha hali ya hewa, mwili wako bado utapoa kwa haraka.

Utaratibu huu wa kuufanya mwili kuzoea mabadiliko taratibu pia unatakiwa utumiwe unapoanza kufnaya mazoezi. Kana huwa unatokwa jasho hata unapopanda ngazi chache, hata kama hujachoka, endelea tu kupanda nda ngazi—baada ya muda, yawezekana kwa kupanda ngazi hizo kila siku—mwili wako utazoea na utaweza kupanda ngazi hizo hizo bila kutokwa jasho kwa kiwango ambacho kilikuwa kinatoka mwanzoni mwa zoezi hilo.

from Blogger http://ift.tt/2sSNrKe
via IFTTT

WAZIRI WA FEDHA AFANYA ZIARA YA KUSHTUKIZA OFISI ZA TRA VINGUNGUTI

WAZIRI wa Fedha na Mipango, Dkt. Philip Mpango, amefanya ziara ya kushitukiza katika Ofisi za Mamlaka ya Mapato Tanzania-TRA, eneo la Vingunguti Jijini Dar es Salaam na kuagiza kuongezwa kwa wafanyakazi na vitendea kazi katika ofisi hiyo baada ya kukuta msongamano mkubwa wa watu waliojitokeza kulipa kodi ya majengo.

Dkt. Mpango ambaye alitumia muda wake mwingi kusikiliza kero za baadhi ya wakazi wa Jiji la Dar es Salaam waliojitokeza kwa wingi kulipa kodi hiyo, ameiagiza Mamlaka ya Mapato Tanzania kuongeza wafanyakazi kumi pamoja na mashine za kieletroniki za kukusanyia kodi pamoja na kuweka utaratibu mzuri wa kuwahudumia wazee na watu wenye ulemavu.

“Nimeagiza wafanyakazi waongezwe, viti 50 kwa ajili ya kutumiwa na wazee pamoja na akina mama wenye watoto vitaletwa, pamoja na kuongeza mashine za kielektroniki 5 kutoka 3 zilizokuwepo ambapo sasa zitakuwa mashine 8, hatua hii itaondoa changamoto hii” alifafanua Dkt. Mpango

Amerejea pongezi zake kwa Watanzania kwa kujitokeza kwa wingi kila mahali nchini kote kulipa kodi ya majengo akikielezea kitendo hicho kuwa ni cha kizalendo na kitaisaidia nchi kuondokana na umasikini kwa kuwa itakuwa na uwezo wa kuwahudumia wananchi wake kikamilifu.

Dkt. Mpango amewahakikishia Wazee waliotimiza umri wa kuanzia miaka 60 na kuendelea kwamba Serikali imewaondolea kodi ya majengo kwenye nyumba zao wanazoishi kutokana na kutambua mchango wao mkubwa katika kulitumikia Taifa wakati wa ujana wao.

Baadhi ya wakazi wa Jiji la Dar es Salaam waliojitokeza kulipa kodi katika Ofisi hiyo ya TRA, Vingunguti, wamepongeza utaratibu wa Waziri wa Fedha na Mipango, Dkt Philip Mpango wa kuwajibika na kutumia muda wake kuwatembelea na kuwahudumia wananchi na pia wamemmwagia sifa kem kem Rais Dkt. John Pombe Magufuli kwa hamasa kubwa aliyowapa na kwamba wako tayari kumuunga mkono kwa hali na mali ili nchi ipate maendeleo kwa haraka

Matukio mbalimbali ya picha zikionyesha Waziri wa Fedha na Mipango, Dkt. Philip Mpango akifanya ziara za kushitukiza katika maeneo muhimu kwa lengo la kuangalia utaratibu wa ulipaji kodi mbalimbali hususan ya majengo na vituo vya mafuta ili kubaini kasoro mbalimbali na kutoa maelekezo masuala muhimu anayoyabaini ambapo jana alikuwa Kigamboni, Jijini Dar es Salaam.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tLoDXo
via IFTTT

NGELEJA AELEZA SABABU ZA KURUDISHA FEDHA SERIKALI BADALA YA RUGEMARILA

Siku chache baada ya kutangaza kuwasilisha shilingi milioni 40 katika Mamlaka ya Mapato Tanzania (TRA), Mbunge wa Sengerema, William Ngeleja amefafanua sababu za kutomrejeshea fedha huyo mfanyabiashara, James Rugemalira ambaye alimpa awali kama msaada.

Fedha hizo ni sehemu ya shilingi bilioni 306 zilizotolewa katika akaunti maalum ya Tegeta Escrow mwaka 2014 iliyofunguliwa Benki Kuu ya Tanzania, fedha zizotolewa kimakosa wakati kesi ya mgogoro wa kati ya Tanesco na Kampuni ya kufua umeme ya IPTL ikiwa bado haijatolewa maamuzi.

Kwa mujibu wa taratibu, fedha hizo zilipaswa kutolewa baada ya kesi husika kukamilika na pande zote mbili kukaa pamoja kukokotoa kiasi cha fedha ambacho kila upande ungepaswa kupata kwa mujibu wa maamuzi.

“Kwa mazingira halisi yanayomkabili aliyenipa msaada, mahali salama pa kurejesha hizo fedha sasa ni serikalini. Serikali itajua kuwa fedha hizo zinastahili kwenda kwa Rugemalira sasa au wasubiri hatima ya kesi,” Ngeleja anakaririwa na Gazeti la Mwananchi .

“Ningerudisha kwa Rugemarila watu wangeweza kuibua hoja kwamba labda napiga changa la macho tu,” aliongeza.

Mfanyabiashara huyo maarufu ambaye kampuni yake ya VIP Engineering ilikuwa inamiliki asilimia 30 ya IPTL, pamoja na Mwenyekiti wa Pan African Power Solution (PAP), Harbinder Singh Seth wanakabiliwa na kesi ya uhujumu uchumi na bado wako mahabusu.

Mgao wa fedha hizo pia uliwafikia Anna Tibaijuka aliyekuwa waziri wa Nyumba na Maendeleo ya Makazi, Andrew Chenge ambaye ni Mbunge wa Bariadi Magharibi, Askofu Msaidizi wa Kanisa Katoliki, Methodiu Kilaini, Jaji John Ruhangisa na wengine.

-Mwananchi

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sSGLMe
via IFTTT