Msukuma Amkosa makonde Mwenyekiti wa Serikali ya kijiji

MBUNGE wa jimbo la Geita Vijijini na Mwenyekiti wa CCM Mkoa wa Geita,Joseph Kasheku Musukuma nurusa amchape makonde hadharani Mwenyekiti wa Serikali ya kijiji cha Ihumilo kata ya Nkome Wilayani humo Thomas Halila, muda mfupi baada ya Mbunge huyo kuongoza mamia ya wananchi wa kijiji hicho kungíoa vigingi vilivyowekwa kwenye mipaka ya eneo la Serikali ya kijiji hicho linalodaiwa limeuzwa kinyemela Tsh. Million sita (600,000.),na mwenyekiti Halila, wakishirikiana na mtendaji wa kijiji hicho Charles Mbilingi kwa kutumia Muhtasari wa majina na saini hewa za wakazi wa kijiji hicho.

Hatua ya Mbunge huyo kuongoza,mamia ya wananchi wa kijiji hicho kisha kungíoa vingingi kwenye eneo hilo lenye ukubwa wa hekali moja na nusu ilikuja baada ya malalamiko ya wananchi hao kudai kutoshirikishwa na kwamba majina yaliyomo kwenye muhtasari wa kikao hicho na hata saini ni za kughushi hali iliyomlazimu Mbunge huyo kusoma jina moja baada ya jingine ili kubaini janja nyani iliyofanywa na mwenyekiti pamoja na mtendaji huyo.

Ambapo iligundulika,mhtasari uliotumika kuuza eneo hilo ni wa kughushi kutokana na wananchi hao kukana kushiriki kikao hicho kilichoketi 15/07/2017 kubariki uuzwaji wa eneo hilo mbali na majina yao kusomwa hadharani,huku diwani wa kata hiyo Masumbuko Sembe akigeuka mbogo baada ya jina lake kuwa miongoni mwa yaliyosomwa na Mbunge wao.

Kufuatia udanganyifu huo, Mbunge huyo akalazimika kuongoza wananchi kwenda kungíoa vingingi vilivyowekwa kwenye mipaka ya eneo hilo lililouzwa kwa mtu ambaye hakufahamika kwa majina wala makazi yake,sambamba na kumwagiza mkurugenzi wa halmashauri hiyo Deus Seif kuondoka na mtendaji huyo.

from Blogger http://ift.tt/2tJKGvc
via IFTTT

Baada ya Ushindi wa Jana..Wenger Aaanza Kuchonga..Atoa Kejeli Hili kwa Maashabiki wa Man United,Liver na Man City..!!!

.Kocha wa Arsenal, Arsene Wenger ameibuka na kuanza tambo baada ya timu yake kuibuka na ushindi wa bao 2-1 dhidi ya Middlesbrough juzi.

Mabao kutoka kwa Alexis Sanchez na Mesut Ozil yalitosha kuwapa pointi tatu Gunners katika mchezo huo uliopigwa kwenye dimba la Riverside. Pia, kipindi cha pili Alvaro Negredo aliipatia timu yake bao.

Ushindi huo umewapa nguvu mpya kwenye mbio za kumaliza katika nafasi nne za juu kwenye Ligi Kuu England inayoelekea ukingoni.

Timu hiyo imebakiza pointi saba ili kuipiku Manchester City inayoshika nafasi ya nne. Hata hivyo kikosi hicho cha Guardiola kina michezo mingi ukilinganisha na Arsenal yenye mchezo mmoja mkononi.

Kocha huyo raia wa Ufaransa amekiri, awali walianza kupoteza mwelekeo baada ya kupokea kipigo cha mabao 3-0 kutoka kwa Crystal Palace wiki iliyopita.

“Nilihisi kwamba tulikuwa na mipango. Kama mlivyoona hatukucheza kwa kujiamini lakini kiuhalisia tulihitaji ushindi,” alizungumza Wenger wakati akihojiwa na Sky Sport.

from Blogger http://ift.tt/2pw2k6z
via IFTTT

Bashe Afunguka Haya azito Kuhusu Mchanga wa Madini Uliokamatwa na Rais Magufuli..!!!

MBUNGE wa Nzega Mjini, Hussein Bashe(CCM), ameiomba Kamati iliyoundwa na Rais John Magufuli kwa ajili ya kuchunguza makontena ya mchanga katika Bandari ya Dar es Salaam, kurekori kilichomo katika makontena hayo ili yaoneshwe kwenye televisheni kwa lengo la kuwaondoa hofu Watanzania.

Ombi hilo limekuja siku chache baada ya Rais Magufuli kuunda Kamati kwa ajili ya kuchunguza makontena ya mchanga katika Bandari ya Dar es Salaam.

Alitoa ombi hilo bungeni mjini hapa wakati akichangia hotuba ya bajeti ya Makadirio ya Mapato na Matumizi ya Ofisi yaWaziri Mkuu kwa mwaka 2017/2018.

Alisema wengi wanaamini kwamba yale makontena yaliyokamatwa bandarini yana dhahabu.

“Spika kule kwangu Nzega wanaamini yale makontena yaliyopo bandarini yana dhahabu,tunaomba mrekodi hili tukio la uchunguzi halafu mtuoneshe kwenye TV tuone kilichomo ndani ya zile kontena,” alisema.

Alisema yeye ni miongoni mwa watu ambao wanaamini kwamba uwekezaji wa migodi mikubwa haujasaidia nchi ya Tanzania.

“Mimi ni miongoni mwa watu tunaoamini kwamba uwekezaji wa migodi mikubwa hauijaisaidia nchi yetu,”alisema.

Mbunge wa Gairo, Mohamed Shabiby (CCM), amepongeza hatua ya serikali kupiga marufuku matumizi na biashara ya pombe maarufu kama viroba ambapo alisema kuwa hivi sasa watu wamenenepa kutokana na kuacha kutumia kinywaji hicho.

Aliishauri pia serikali kutafuta namna bora ya kuzuia uwepo wa kinywaji hicho akitaka waanzie kwenye uzalishaji badala ya sokoni kama ambavyo wamefanya wakati wa kutekeleza zoezi hilo hivi karibuni nchini.

from Blogger http://ift.tt/2oj7YrO
via IFTTT

MCHUNGAJI ASHINDA MOCHUARI AKISUBIRI MKE WAKE AFUFUKE

Mchungaji Githumba kutoka Embu nchini Kenya jana alishinda katika chumba cha kuhifadhia maiti nchini humo akisubiria mke wake, marehemu Polly Kagembo afufuke.

Mchungaji huyo alisema kuwa mke wake aliyefariki Jumapili Machi 26, 2017 angefufuka siku ya tatu kama ilivyokuwa ha Lazaro aliyefufuliwa na Yesu.

Baada ya kufunga na kuomba kwa muda tangu saa mbili asubuhi hadi saa 11 jioni katika chumba hicho, siku ya jana ambapo aliamini mkewe angefufuka iliisha bila mafanikio. Mchungaji huyo alikuwa amewataka waandishi wa habari kwenda eneo hilo kujiona muujiza wa mkewe akifufuka.

Baba huyo mwenye watoto wanne alikuwa akisema mkewe huyo aliyefariki kutokana na kuugua Kifua Kikuu alikuwa amelala tu na angefufuka siku ya tatu kama wangekuwa wakiomba na kumuamini Mungu kwa pamoja.

Mitandao ya kijamii jana nchini Kenya walizungumzia suala hilo ambapo wengi walichapisha habari za kuchekesha kuhusu mchungaji huyo. Kupitia mtandao wa Twitter, wengi waliandika maoni yao kupitia hashtag #PastorGithumba

Tazama video Mtoto amvua kofia
 Papa Francis

from Blogger http://ift.tt/2ohq3ag
via IFTTT