AFYA: LINDA MOYO WAKO UOKOE FIGO ZAKO

Na Dkt. Syriacus Buguzi Kila unapojisikia una afya njema usidhani kuwa utabaki kuwa hivyo siku zote ila inamaanisha kwamba kwa muda huo viungo vyako vya mwili vinafanya kazi vizuri na kwa uwiano unaotakiwa – hasa moyo na figo.

Mwenyezi Mungu Muumbaji aliumba miili yetu kwa namna ambayo figo na mfumo wa mzunguko wa damu ambao unahusisha moyo viwe vinategemeana kiutendaji kwa namna nyingi – hii yote ni kukufanya ujisikie katika afya nzuri wakati wote.

Lakini hatari ni kwamba kama kuna kitu hakitakuwa sawa kwenye moyo wako, figo nazo zinakuwa kwenye mashaka pia. Madhara ambayo figo zinaweza kuyapata kutokana na udhaifu kwenye moyo zinaweza zisionekane mapema – inachukua miaka mingi sana kwa madhara kuonekana.

Ukizingatia hili, itoshe tu kusema kwamba kama siku zote tukiwa tunahakikisha mioyo yetu inafanya kazi vizuri, basi jua kabisa kuwa na figo nazo zinakuwa zimeokolewa kutoka kwenye madhara ambayo mengine ni makubwa kama kushindwa kabisa kufanya kazi.

Ni kivipi shinikizo la juu la damu lina madhara kwenye figo?

Kimsingi, kiasi cha pili cha wingi wa damu mwilini mwa binadamu (asilimia 25) huwa inasukumwa kwenda kwenye figo kutoka kwenye moyo. Hii ni sawa na kiasi cha lita 1.1 kila dakika kwa mwanaume mtu mzima mwenye uzito wa kilo 70. Kiasi kikubwa huwa kinaenda kwenye ini (ambacho huwa ni asilimia 27.8)

Hata hivyo, uhusiano na muingiliano huu huu kati ya moyo na figo ni wa kulindwa sana kwakuwa ni rahisi kudhuriwa. Kwakuwa kazi ya figo ni kuchuja taka zilizopo kwenye damu, figo zinatumia mfumo mkubwa sana wa mishipa ya damu ili kufanya kazi hiyo kwa ufanisi uliokusudiwa, na hapa ndipo matatizo yanapoanzia.

Mishipa hii ya damu (inayotumiwa na figo) inaweza kupata madhara na kupasuka endapo moyo utakuwa unasukuma damu kwa wingi sana au kwa kasi kubwa kuliko uwezo wa mishipa hiyo kufanya kazi. Hii ndio sababu wagonjwa wengi wenye maradhi ya figo hapa Tanzania wanakutwa au wanakuwa na historia ya muda mrefu ya maradhi ya shinikizo la juu la damu (HBP). Tafiti zinaonesha kuwa Shinikizo la Juu la Damu ni sababu ya pili kwa ukubwa kwa matatizo ya figo.

Kwahiyo, kama ugonjwa wa shinikizo la juu la damu unabaki kwa muda mrefu bila kupatiwa suluhisho, itasababisha mishipa minene iliyopo nje ya figo yenye kazi ya kupokea damu inayotoka kwenye moyo kuminywa na kupungua unene, kudhoofu au kukakamaa.

Baada ya muda mrefu, mishipa ya damu midogo ambayo kazi yake ni kuchuja damu ndani ya figo kukosa hewa ya oksijeni na virutubisho vinavyotakiwa ili mishipa hiyo iweze kufanya kazi vizuri.

Jambo hili linasababisha madhara makubwa kwenye figo. Zinapoteza kabisa uwezo wa kuchuja damu, zinashindwa kudhibiti kiwango cha asidi na chumvi mwilini na mwisho kushindwa kabisa kufanya kazi.

Kwahiyo, hakikisha unapima moyo wako kujua kama unafanya kazi kama unavyotakiwa ili uweze kuokoa figo. Hakikisha unavijua vipimo hivi na maana yake kwakuwa ni kitu cha msingi sana kwa afya yako, na baada ya kuvijua uwe unafanya vipimo vya mara kwa mara ili uweze kuishi kwa afya njema wakati wote.

from Blogger http://ift.tt/2vrp6g1
via IFTTT

Maalim Seif Afunguka ya Myoni Juu ya Kitendo cha Rais Magufuli Kumteua Mpinzani Kuwa Mkuu wa Mkoa..!!!

KATIBU Mkuu wa Chama cha Wananchi (CUF), Maalim Seif Sharif Hamad amemkingia kifua Rais Dk. John Magufuli kwa uamuzi wake wa kumteua Mwenyekiti wa Chama cha ACT-Wazalendo, Anna Mghwira kuwa Mkuu wa Mkoa wa Kilimanjaro.

Akizungumza na waandishi wa habari Dar es Salaam jana, Maalim Seif alisema Rais Magufuli hajakosea kwa uteuzi huo kwa kuwa hapangiwi nani amweke wapi na nani asimweke.

“Uteuzi ni haki yake, wala hatuingilii maamuzi yake kwa sababu kuteua au kutoteua ni yeye na kuteua ACT na kuacha vyama vingine huenda yeye mwenyewe ana yake moyoni na kwamba hajaamua kufanya hivyo.

“Mimi sikuingia katika moyo wake na kwa kufanya hivyo si jambo geni kwa kuwa wapo waliopita waliwapa wapinzani ubunge, lakini pia ni Rais wa kwanza kuingiza mtu wa chama kingine kwenye serikali katika utendaji…si jambo baya kwa maana linaweza jenga upya Serikali,’’ alisema.

Alisema Rais Magufuli ametumia mfumo ambao pia hutumiwa na nchi za Bara la Ulaya na Marekani, ambapo Rais Mstaafu wa Marekani, Barack Obama naye aliutumia.

“Siwezi kushangaa kwani inaweza ikatokea siku akamteua Naibu Katibu Mkuu wangu, Joran Bashange kuwa Waziri wa Nishati na Madini,” alisema Maalim Seif huku waandishi na maofisa wa chama hicho wakiangua kicheko.

UVCCM

Nao Umoja wa Vijana wa Chama Cha Mapinduzi (UVCCM), umesema hatua ya Rais Dk. Magufuli kumteua Anna Mghwira kuwa Mkuu wa Mkoa wa Kilimanjaro ni kitendo cha kijasiri na cha kizalendo kwa sababu hakuna alipokosea.

Pamoja na hali hiyo, umoja huo umesema uteuzi wa nafasi ya RC Mghwira, ni wazi ataisimamia na kuongoza kwa hekima, busara na uzalendo kwa masilahi ya Taifa.

Kauli hiyo, imetolewa Dar es Salaam jana na Kaimu Katibu Mkuu wa UVCCM, Shaka Hamdu Shaka.

Alisema uteuzi huo, usiibue nongwa na kuonekana kuna jambo limekosewa.

Pamoja na hali hiyo Shaka, alisema Katiba ya nchi hairuhusu mgombea binafsi na kwamba kila mgombea urais, udiwani au ubunge hutokana na chama cha siasa ila anaposhinda urais huwa na mamlaka ya kuteua mtu yeyote ili mradi awe Mtanzania bila ubia.

Alisema Rais Dk. Magufuli, ana haki na wajibu wa kumteua mtu yeyote atakayeona anafaa kushika nafasi atakayomteua ilimradi aliyeteuliwa awe ana hisia za uchapakazi, mpenda umoja na mzalendo.

Shaka alisema katiba ya CCM imetamka ikiwa kutakuwa na mkuu wa mkoa anayetokana na CCM atashiriki vikao vya Kamati ya Siasa ya Mkoa wakati wa vikao lakini kwa suala la Mghwira lipo tofauti kwani anatokana na chama kingine na ikiwa ataona kuna haja ya kujiunga na CCM basi naye atapata fursa ya kushiriki vikao hivyo.

“Ila kwa sasa hasa baada ya kuripoti katika eneo lake la kazi hatoweza kuhudhuria vikao vya Kamati ya Siasa ya Mkoa kwa kuwa si mwana CCM ila kama ataona kuna haja ya kujiunga na CCM hazuiwi na atakuwa na haki ya kuhudhuria vikao vyote.

“Kwa hili Rais Dk. Magufuli anabaki kuwa nembo ya demokrasia ya kweli nchini kwetu kwa kushirikisha wapinzani kwenye nafasi nyeti za utendaji.

“Viongozi wa Serikali wakiteuliwa hula viapo vya utii ambavyo vimeandikwa kisheria katika medani za uendeshaji Serikali, mteule wa Rais hali kiapo cha kisiasa bali huapa kiapo cha kutumikia nchi na watu wake kwa mujibu wa sheria za nchi na Katiba,” alisema Shaka.

from Blogger http://ift.tt/2sJ9WAK
via IFTTT

Facebook Nayo Yaja na Mtindo wa Snapchat..!!!

Baada ya Instagram kuanzisha Insta Stories, mtindo ulioipandisha chat Snapchat, Facebook nayo imekuja na mtindo huo kwenye app yake.

Kupitia app ya Facebook, sasa unaweza kushare matukio/stories na kuona kile marafiki zako wamekifanya kwa saa 24. Juu ya Facebook app, utaona picha za duara zinazowakilisha story walizoziweka marafiki zako na ukibonyeza, utaona picha, video ama michoro waliyoweka.

Baada ya saa 24, post hizo zitapotea na hazitaonekana tena.

Kwa maana hiyo Facebook sasa imeanzisha stories kwenye app zake zote, Facebook, Messenger, Instagram na Whatsapp. Hadi sasa Instagram stories zimekuwa na mafanikio makubwa.

TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2ogWToP
via IFTTT

Waziri Mwakyembe apokelewa Kwa Shangwe Idara ya Habari Maelezo

Waziri wa Habari Utamaduni Sanaa na Michezo Mhe. Dkt Harrison George Mwakyembe akisalimiana na Naibu wake Mhe. Anastazia Wambura wakati alipowasili katika ofisi za Idara ya Habari (MAELEZO) Jijini Dar es Salaam mara baada ya kuapishwa kushika wadhifa huo kulia ni Katibu Mkuu wa Wizara hiyo Prof. Elisante Ole Gabriel.

TAZAMA JAMAA HUYU ALIVYOKOSWA KOSWA NA KIFO KWA AJARI MTONI

from Blogger http://ift.tt/2nZ588G
via IFTTT

RAIS WA BRAZIL AHAMA IKULU BAADA YA KUONA MIZIMU

Rais wa Brazil Michel Temer ameahama katika Ikulu ya nchi hiyo (Alvorada Palace) kwa kile alichoeleza kuwa ni kutokujisikia vizuri pamoja na kuona mizimu inayomfanya ashindwe kulala usiku.

Ikulu ya Rais wa Brazil

Kiongozi huyo pamoja na mke wake, Marcela (33) wameyahama makazi hayo rasmi kwa kile walichoeleza vyombo vya habari kutokujisikia hali ya kawaida na kuona vitu vya ajabu ajabu vinavyowafanya washindwe kulala usiku na kusema huenda ikawa ni mizimu.

Rais na mkewe baada ya kuhama katika makazi hayo, wamerejea katika makazi yao ya awali (Jaburu Palace) alipokuwa akiishi wakati akiwa Makamu wa Rais chini ya uongozi wa Rais Dilma Rousseff aliyeondolewa madarakani mwaka 2016 kwa makosa ya rushwa.

Jengo la makazi ya Makamu wa Rais wa Brazil

Tukio hili la Rais kuhama makazi yake limekuja wakati ambao nchi hiyo ina mgogoro mkubwa wa kisiasa kufuatia tuhuma za rushwa zinazowakumba viongozi wengi wa kisiasa pamoja na taasisi za serikali.

from Blogger http://ift.tt/2nEU280
via IFTTT