Ben Pol Amefunguka Haya Ikiwa ni Wiki Moja Sasa Toka Asambaze Picha Zake za Utupu Mitandaoni..!!!

Baada ya Ben Pol kuchafua hali ya hewa kwenye mitandao ya kijamii kuanzia Alhamisi ya wiki iliyopita kutokana na picha zake zinazomuonyesha akiwa nusu mtupu kuenea mitandaoni na kumsababishia kukutana na mvua kubwa ya matusi, msanii huyo amefunguka sababu ya kufanya hivyo.

Muimbaji huyo ambaye ameachia wimbo wake mpya ‘Tatu’, ameisema Junanne hii kuwa alifanya hivyo ili kuendana na kasi ya biashara ya muziki ambayo amedai kwa sasa inahitaji matangazo.

“Ile picha unajua muziki umebadilika na unataka kufanya promotion ya kitu chako unatakiwa kutoa material zote ya project yako. Sasa mimi nilikuwa anatoa wimbo ambao unazungumzia ufungwa, mtu ambaye hana uhuru, hawezi kusema,” alisema BenPol. “Kwahiyo mimi nimefanya hivyo ili kuwakilisha kile kitu ambacho nimekifanya ndani ya wimbo, sikuona kama nina sababu na kufanya kitu tofauti wakati kuna njia moja ya kupita ili kufanikishha jambo langu,”

Hata hivyo muimbaji huyo amedai hakufanya vile ili kutafuta kiki kama baadhi ya watu wanavyodai kwenye mitandao ya kijamii.

from Blogger http://ift.tt/2rlfSmT
via IFTTT

Kimenukaaa…Wanasheria Wajitokeza Kumpinga Makonda….!!!

BAADA ya Mkuu wa Mkoa wa Dar es Salaam kusema aliyekuwa Waziri wa Habari, Vijana, Utamaduni Sanaa na Michezo, Nape Nnauye, hakuwa na mamlaka ya kuunda kamati kuchunguza tukio lake la kuvamia kituo cha Clouds Media, wanasheria nchini wamesema kiongozi huyo anapotosha umma.

Wamesema kauli ya Mkuu huyo wa Mkoa kuwa ana mamlaka sawa na waziri kutokana na kuteuliwa na Mamlaka moja ya uteuzi si sahihi, wakibainisha kuwa licha kuwa wakuu wa mikoa huteuliwa na Rais kama ilivyo kwa mawaziri, Nape aliunda kamati kuchunguza tukio lililotokea katika eneo linalosimamiwa na wizara yake, na si kuchunguza mwenendo na utendaji kazi wa Mkuu wa Mkoa.

Kiongozi huyo wa Mkoa wa Dar es Salaam alitoa kauli hiyo juzi, wakati akihojiwa na kituo cha luninga cha Star Tv kwenye kipindi cha Tuongee Asubuhi, huku akikwepa baadhi ya maswali kuhusu elimu yake na jina lake halisi kwa kivuli cha “kuandamwa na wauza dawa za kulevya”.

“Hata kwa akili ya kawaida tu, unaweza kutofautisha mamlaka zao. Mkuu wa Mkoa ni kiongozi wa mkoa tu, ila waziri ni kiongozi wa nchi nzima kwa eneo analosimamia au kuongoza,” alisema Profesa Abdallah Safari.

Katika kipindi hicho, Bashite aliponda uamuzi wa Nape kuunda kamati ya kumchunguza baada ya kuvamia ofisi za Clouds Tv, akiwa na askari wenye silaha za moto na kulazimisha sehemu ya kipindi cha Shilawadu kurushwa hewani.

“Matukio kama haya hutokea nchi inapotaka kupinduliwa, lakini kama Rais yupo na nchi haijapinduliwa, basi kuingia ndani ya chombo cha habari na silaha, huku ni sawa na kunajisi uhuru wa habari,” alisema Nape.

Wakati akipokea ripoti ya kamati hiyo baada ya kupita saa takribani 24, Nape alisema ataifikisha kwenye Mamlaka za Uteuzi juu yake kwa maelezo kuwa yeye hana mamlaka ya kumchukulia hatua Mkuu wa Mkoa.

Hata hivyo, Nape aliachwa katika mabadiliko madogo ya Baraza la Mawaziri yaliyofanywa na Rais John Magufuli saa 12 baada ya kupokea ripoti hiyo iliyokuwa na timu ya watu sita.

Wanasheria

Mhadhiri wa Chuo Kikuu cha Dar es Salaam (UDSM), Dk James Jesse alisema: “Nape hakuandaa mamlaka ya kumchunguza Makonda, yeye alichunguza jambo lililotokea katika wizara yake, alichunguza jambo si mtu.

“Kama angemchunguza Mkuu wa Mkoa, kweli angekuwa hana mamlaka hayo. Lile ni tukio na ili upate picha ni lazima uhoji watu wote ambao walihusika kwenye hilo tukio,” alisema.

Kuhusu mamlaka zao, alisema: “Katiba haisemi kuhusu mamlaka, lakini ukitazama tu, mmoja anaongoza wizara ambayo ni mamlaka ya kitaifa na huyu mwingine anaongoza mkoa. Hivi utasema wote wanalingana kwa mamlaka kweli?”

Alisema ukubwa au mamlaka ya kiongozi hayatokani na ukubwa wa bajeti aliyonayo katika eneo analoongoza, “watu huangalia unaongoza mkoa, wilaya au wizara.”

Katika ufafanuzi wake, Profesa Safari alisema: “Kazi zao zinatofautiana sana. Waziri ni wa nchi nzima na mkuu wa mkoa ni wa mkoa tu. Waziri ni mjumbe wa Baraza la Mawaziri na katika kutekeleza wajibu wake, waziri ana wajibu wa kuunda tume kuchunguza jambo chini ya wizara yake.”

Aliongeza: “Kama huyo mkuu wa mkoa hataki kukubali kuhusu mamlaka ya waziri sijui anawaza nini, maana hili liko wazi na wanasheria tumelieleza kiundani zaidi. Kama hatambui hilo anashangaza, huko ni kujinyanyua tu.”

Alisema Nape alikuwa na lengo la kutaka kujua ukweli wa tukio lililotokea Clouds Tv, na si kumchunguza mkuu wa mkoa.

Mhadhiri mwingine wa Chuo hicho, Dk Onesmo Kyauke huku akichambua sheria inayoongoza utendaji katika mikoa (The Regional Administration Act), alisema waziri anaweza kutoa mapendekezo dhidi ya mkuu wa mkoa kwa Mamlaka ya Uteuzi ambayo ni Rais.

“Kama mkuu wa mkoa akifanya kosa, nafikiri waziri anapaswa kuwasilisha malalamiko yake kwa Rais… mkuu wa mkoa anashughulikia mkoa wake tu, lakini waziri anashughulikia majukumu yanayohusu wizara yake kitaifa, yaani nchi nzima, ila tatizo ni kuwa mkuu wa mkoa hayuko chini ya waziri.”

Katiba

Kwa mujibu wa Ibara ya 61 (2) ya Katiba ya Tanzania; wakuu wa mikoa Tanzania Bara watateuliwa na Rais baada ya kushauriana na Waziri Mkuu.

Kifungu kidogo cha (4) kinasema; Bila kuathiri masharti ya ibara ndogo ya (5), kila Mkuu wa Mkoa, atakuwa na wajibu wa kusimamia utekelezaji wa kazi na shughuli zote za Serikali ya Jamhuri ya Muungano katika mkoa aliokabidhiwa; na kwa ajili hiyo, atatekeleza kazi na shughuli zote zilizotajwa na sheria, au kwa mujibu wa sheria kama hizi au shughuli za mkuu wa mkoa na atakuwa na madaraka yote yatakayotajwa na sheria yoyote iliyotungwa na Bunge.

Mawaziri

Ibara ya 55 (1) inasema; Mawaziri wote ambao ni wajumbe wa Baraza la Mawaziri kwa mujibu wa ibara ya 54 watateuliwa na Rais baada ya kushauriana na Waziri Mkuu.

Kifungu kidogo cha (2) kinasema; Pamoja na mawaziri waliotajwa katika ibara ndogo ya (1), Rais aweza, baada ya kushauriana na Waziri Mkuu, kuteua naibu mawaziri. Naibu mawaziri wote hawatakuwa wajumbe wa Baraza la Mawaziri.

(3) Rais aweza kuteua idadi yoyote ya naibu mawaziri ambao watawasaidia mawaziri katika utekelezaji wa kazi na shughuli zao. (4) Mawaziri na naibu mawaziri wote watateuliwa kutoka miongoni mwa Wabunge.

(5) Bila kujali masharti ya ibara ndogo ya (1), ikitokea

kwamba Rais anahitajika kuteua waziri au naibu waziri baada

ya Bunge kuvunjwa, basi aweza kumteua mtu yeyote ambaye

alikuwa mbunge kabla ya Bunge kuvunjwa.

from Blogger http://ift.tt/2rkdpJh
via IFTTT

Wolper – Pamoja na Kuwa Mimi ni CCM..2020 Lowassa Akigombea Tena Nitampigia Kampeni Buree..!!!!

Msanii wa filamu nchini, Jacqueline Wolper amefunguka na kusema endapo mwaka (2020) Mh. Edward Lowassa atagombea Urais basi yeye atajitoa moja kwa moja kumsapoti katika kampeni zake kwani yeye ni shabiki mkubwa sana wa Waziri huyo Mstaafu.

Wolper amesema hayo kupitia kipindi cha KIKAANGONI kinachofanyika kupitia ukurasa wa Facebook wa EATV na kudai kuwa yeye anampenda sana Lowassa pamoja na mkewe na kusema hata kampeni za mwaka 2015 alijitoa kumsapoti Lowassa kutokana na mapenzi yake kwani hakuwahi kulipwa hata elfu kumi.

“Kama Edward Lowassa atagombea urais mwaka 2020 Mungu wangu nitampa sapoti yangu moja kwa moja, mimi nampenda sana Lowassa na mkewe na nilianza kumpenda Lowassa toka kanisani maana kila harambee alikuwa anakuja, kwa hiyo mimi ni shabiki wa Lowassa na mkewe nilifanya kampeni kwa ajili ya kumsapoti Mh. Lowassa na sijawahi kuchukua pesa yoyote lakini watu wake walinitelekeza ndiyo maana nilikwenda CCM” -alisema Wolper.

from Blogger http://ift.tt/2rTSeuS
via IFTTT

Hivi Ndivyo Taifa Linavyoibiwa Madini Mchana Kweupee..!!!

Kamati iliyoundwa na Rais wa Tanzania Dkt. John Pombe Magufuli kwa ajili ya kuchunguza mchanga wenye madini aliokuwa ameuzuia kusafirishwa nje ya nchi, hii ljana imewasilisha taarifa ya uchunguzi ilioufanya ikiwa na mambo 8 pamoja na mapendekezo 9.

Kamati hiyo imebaini mambo makuu 8 kama ifuatavyo……

1. Dhahabu

Kamati imebaini kuwepo kwa viwango vingi vya juu vya dhahabu ndani ya makinikia yaliyofanyiwa uchunguzi. Viwango hivyo ni kati ya 671 g/t hadi 2375 g/t, sawa na wastani wa 1400 g/t. Wastani huu ni sawa na 28 kg za dhababu kwenye kontena moja lenye tani 20 za makinikia. Hivyo, kwenye makontena 277 ya makinikia yaliyozuiliwa Bandari ya Dar es Salaam na Bandari Kavu yatakuwa na wastani wa tani 7.8 za dhahabu yenye thamani ya TZS bilioni 676 (USD 307,292,720).

Aidha, kwa kutumia kiwango cha juu kilichopimwa kwenye kontena moja lenye shehena ya tani 20 za makinikia (47.5 kg), kiasi cha dhahabu katika makontena 277 kitakuwa 13,157.5 kg ambazo thamani yake ni TZS 1,146,860,330,000 (USD 521,300,150).

Hivyo, thamani ya dhahabu katika makontena 277 yaliyozuiliwa bandarini ni kati ya TZS bilioni 676 na bilioni 1,147.

Taarifa tulizopata kutoka kwa wazalishaji pamoja na Wakala wa Serikali wa Ukaguzi Madini (TMAA) zinaonesha kuwa makinikia yana wastani wa takriban 200 g/t. Kiwango hiki ni sawa na kilo 4 za dhababu kwenye kila kontena. Hivyo, makontena 277 ya makinikia yaliyozuiliwa Bandari ya Dar es Salaam na Bandari Kavu yatakuwa na tani 1.1 za dhahabu. Kiasi hiki cha dhahabu kina thamami ya TZS bilioni 97.5 (USD 44,320,000).

Thamani hii ni ndogo sana ukilinganisha na thamani halisi iliyopatikana katika uchunguzi huu ya kati ya TZS bilioni 676 na bilioni 1,147. Kutokana na tofauti hii kubwa kati ya viwango vya dhahabu vilivyopo kwenye taarifa za usafirishaji na vile ambavyo Kamati imevibaini, ni dhahiri kuwa Taifa linaibiwa sana kupitia usafirishaji wa makinikia nje ya nchi.

2. Pamoja na viwango vikubwa vya dhahabu kwenye makinikia, Kamati ilipima na kupata viwango vikubwa vya madini ya copper (kiwango cha 15.09% hadi 33.78%, wastani wa 26%), silver (kiwango cha 202.7 g/t hadi 351 g/t, wastani wa 305 g/t), sulfur (kiwango cha 16.7% hadi 50.8%, wastani wa 39.0%) na iron (kiwango cha 13.6% hadi 30.6%,wastani wa 27%).

Copper

Wastani wa kiwango cha copper kilichopatikana ni tani 5.2 na kiwango cha juu kilichopimwa ni tani 6.75 kwenye kila kontena lenye tani 20 za makinikia. Hivyo, kiasi cha wastani wa copper kwenye makontena 277 ni tani 1,440.4 ambazo thamani yake ni TZS bilioni 17.9 (USD 8,138,260) na kiasi cha juu ni tani 1,871.4 ambazo zina thamani ya TZS bilioni 23.3 (USD 10,573,478). Hivyo, thamani ya copper katika makontena 277 yaliyozuiliwa bandarini ni kati ya TZS bilioni 17.9 na bilioni 23.3.

from Blogger http://ift.tt/2rCNCM4
via IFTTT