ZANZIBAR WATIMULIWA UANACHAMA WA CAF

Ikiwa ni miezi minne tangu chama cha soka cha Zanzibar kipewe uanachama na CAF hii leo habari mpya kutoka CAF zinasema chama hicho kimevuliwa uanachama.

Raisi wa soka barani Afrka Caf Ahmad Said amesema Zanzibar walipewa uanachama kimakosa na kama sheria zingepitiwa vizuri wasingepewa uanachama.

“Walipewa uanachama bila kupitia vizuri kanuni ambazo ziko wazi na zinaeleza kila kitu, kama kanuni na sheria zingepitiwa kiufasaha wasingepewa uanachama”

Sababu kubwa ambayo CAF wameivua uanachama Zanzibar ni kutokana na kisiwa hicho kuwa ndani ya Tanzania ambao nao ni wanachama wa CAF.

“Jina la nchi linatokana na jina linaloandikwa katika umoja wa mataifa UN na Zanzibar katika umoja huo inafahamika ipo ndani ya nchi iitwayo Tanzania ambao ni wanachama wa CAF” aliendelea kusema Rais Ahmad.

Hilo ni pigo kubwa kwa Wazanzibar kwani wakati huu walikuwa wakipambana kupata uanachama wa FIFA ambao wameukosa na wa CAF nao pia wamekosa.

Kwa maana hiyo ndoto ya kisiwa cha Zanzibar kushiriki michuano ya CAF kama mwanachama zimekufa rasmi na sasa watakuwa wakishiriki michuano hiyo kama Tanzania(Zanzibar na Tanzania bara).

from Blogger http://ift.tt/2uNk4ww
via IFTTT

CHELSEA WAWATAKA RADHI WACHINA BAADA YA KIUNGO WAO KUWAKASHIFU

=Chelsea wako nchini China kwa ajili ya mechi za kujiandaa na msimu mpya wa ligi lakini wakiwa nchini humo kiungo wao Kennedy amepata dhahma kubwa baada ya kuzomewa na raia wa nchi hiyo.

Kennedy ameingia katika matatizo hayo baada ya kusambaa kwa video ambayo ilimuonesha akiwadhihaki Wachina na nyingine inayoonesha kuwaita Wachina “wapumbavu” suala lililowaudhi sana raia hao.

Baada ya tukio hilo klabu ya Chelsea wametoa taarifa ya wazi kuomba msamaha kwa tukio alilofanya kiungo huyo na wakasisitiza kwamba hakuwa na nia ya kuwakosea heshima Wachina.

“Chelsea tunaomba radhi kwa video alizopost Kennedy jana jioni, hii ni tabia ambayo hatukuitarajia kwa mchezaji wetu lakini na yeye mwenyewe anajutia kwa tukio lililotokea tunaomba msamaha kwa hilo”

“Kila mtu katika klabu yetu ana heshima kwa taifa la China kwani wamekuwa wenyeji wema kwetu na wametuonesha upendo na uungwana wa hali ya juu, tunaomba msamaha” ilisema taarifa ya klabu ya Chelsea.

Hii leo Chelsea walikuwa na mechi zidi ya Arsenal ambapo wameibuka na ushindi wa mabao matatu kwa nunge mabao yakifungwa na Mitchy Batshuayi aliyefunga mbili na Willian akifunga lingine.

from Blogger http://ift.tt/2eFigQk
via IFTTT

TEMEKE IMEFANIKISHA KUINGIZA TIMU ROBO FAINALI NDONDO CUP 2017

Hatimaye wilaya ya Temeke imefanikiwa kuingiza timu katika hatua ya robo fainali ya michuano ya Ndondo Cup 2017 baada ya Keko Furniture kuifunga Boom FC kwa changamoto ya penati katika hatua ya 16 bora.

Keko Furniture imekuwa timu pekee kutinga robo fainali ya Ndondo Cup msimu huu kufuatia timu nyingine za Temeke kuondoshwa.

Mechi kati ya Keko Furniture vs Boom imepigwa kwenye uwanja wa Kinesi mta wa Victor Wanyama. Keko walianza kupata goli la kuonoka dakika ya 35 kipindi cha kwanza likifungwa na Kashkashi Hashim.

Said Issa akaisawazishia Boom dakika ya 62 na mchezo kumalizika kwa sare ya 1-1 ndipo ikabidi mikwaju ya matata kuamua timu itakayosonga mbele kwenye hatua ya robo fainali.

Katika changamoto ya penati, Keko walifanikiwa kufunga penati mbili wakati Boom wao walifanikiwa kufunga penati moja na kujikuta wakiyaaga mashindano ya Ndondo Cup 2017.

from Blogger http://ift.tt/2uUGltg
via IFTTT

WENGER AMGANDA KAMA RUBA ALEXIS SANCHEZ

Bado tetesi zinazidi kuongezeka kwamba Sanchez anaondoka Arsenal huku ikisemekana yuko njiani kuelekea nchini Ufaransa ambapo timu ya PSG iko tayari kuwalipa Gunners £70m ili kumnununa Sanchez.

Lakini kama unadhani kiasi hiko cha pesa ni kikubwa sana kiasi cha kumshawishi Wenger baasi utakuwa umekosea sana kwani Wenger hataki pesa hiyo na anachotaka yeye ni Sanchez tu.

Jana baada ya mchezo zidi ya Chelsea kocha huyo aliulizwa kuhusu habari za Sanchez kuzagaa kwamba anakwenda PSG lakini kocha huyo akasema hizo ni taarifa tu za vyombo vya habari.

Waandishi walimuuliza Wenger vipi kama PSG watato pesa ndefu zaidi ya Man City na ukizingatia kwamba PSG hawatokei Uingereza ambapo bado Wenger alisema uamuzi wake utabaki hivyo hivyo.

Arsenal wamerejea nchini Uingereza hapo jana na labda Wenger na Sanchez wataonana wiki ijayo kufanya mazungumzo, Wenger hataki kumuuza Sanchez kutokana na kiwango chake huku msimu uliopita akifunga mabao 30 na kutoa assist 19.

from Blogger http://ift.tt/2vMZ7zi
via IFTTT

ALIEIGIZA KAMA BABA KWENYE MOVE ZA HOME ALONE AFARIKI DUNIA

California, Marekani. Mwigizaji John Heard aliyejizolea umaarufu kwa kuigiza kama baba katika filamu za Home Alone, amefariki dunia akiwa na umri wa miaka 72.

Mwili wake aligundulika na mhudumu wa hoteli aliyofikuwa amefikia kwa ajili ya mapumziko baada ya kufanyiwa upasuaji mdogo wa mgongo jijini California, Marekani.

Heard alikuwa akiigiza kama Peter McCallister katika filamu za Home Alone akiwa baba wa Macaulay Culkin maarufu Kelvin.

Ameigiza katika filamu mbili kati ya hizo ambazo ni Home Alone na Home Alone 2: Lost in New York

from Blogger http://ift.tt/2uUIdC7
via IFTTT

SAKATA LA VYAMA VYA UPINZANI NA JESHI LA POLISI

Jeshi la Polisi limekanusha madai kwamba linalenga na kutumia nguvu kubwa sana kuvinyamazisha vyama vya upinzani nchini na badala yake limesema kuwa linashughulika na watu wanaovunja Sheria na wakikamatwa wanasingizia kuwa ni kwa sababu ya kuwa kwenye upinzani.

Msemaji wa Jeshi la Polisi nchini, Kamishna Msaidizi wa Polis (ACP) Barnabas Mwakalukwa alisema hayo jana katika mahojiano na alipokuwa akijitambulisha kwa waandishi wa habari.

Amesema kuwa Jeshi la Polisi halina haja ya kumfatilia mtu yeyote mmoja mmoja lakini huwa linaangalia watu wote ambapo baadhi yao wamo wanaovunja Sheria, amani na kufanya makosa mengine.

Alitoa ufafanuzi huo baada ya kuulizwa kuhusu ukamataji unaendelea unaohusisha viongozi na wanachama wa vyama vya upinzani kama Mbunge wa Kawe – Halima Mdee, ambaye alishikiliwa na Jeshi la Polisi kwa saa 48, Mbunge wa Singida Mashariki na Mwanasheria Mkuu wa CHADEMA wakiwa ni baadhi yao.

Alipoulizwa kuhusu tathmini ya Jeshi hilo juu ya hali ya uhalifu nchini, alisema kwamba matukio ya uhalifu nchini yamepungua sana, hasa kwa yale yanayohusu ujambazi wa kutumia silaha na mauaji ya watu wenye ulemavu wa ngozi na wazee.

“Kwa sasa changamoto kubwa ni matukio ya ubakaji kwani yanaongezeka kwa kasi na wananchi wanatakiwa kuchukua tahadhari kwa wageni wanaolala majumbani mwao na kwamba wasiwaruhusu kulala kwenye chumba pamoja na watoto wao,” alisema.

Kwa mujibu wa Kamishna Barnabas, matukio ya ubakaji ya aina hiyo yanayohusisha ndugu yanachukua muda mrefu kuripotiwa polisi na hadi muda yanafikishwa polisi, ushahidi unakuwa ushapotea.

HT @ THE CITIZEN

from Blogger http://ift.tt/2tqVr5d
via IFTTT