Unaambiwa FIFA Bado Hawajaamini Kilichotokea Kwa Rais wa TFF Tanzania, Wameamua Kufanya Jambo Hili

Shirikisho la soka Duniani FIFA litatuma wajumbe wake kwa ajili ya kuja kufanya uchunguzi juu ya kinachoendelea ndani ya TFF, hatua hiyo ya FIFA imefikiwa baada ya viongozi wa juu wa TFF Rais Jamal Malinzi na Katibu Mkuu Selestine Mwesigwa kupandishwa kizimbani kusomewa mashtaka yanayowakabili ikiwemo utakatishaji fedha.

Makamu wa rais wa TFF Wallace Karia amethibitisha kupokea taarifa ya ujio wa wajumbe wa FIFA nchini kwa ajili ya kufanya kiko cha pamoja.

“Wenzetu wa FIFA wametupigia walihitaji namba zangu kwa hiyo tutaongea nao lakini pia tutafanya kikao cha kamati ya utendaji wakiwemo wajumbe wa FIFA ambao watatumwa ili tuweze kufanya tathmini jinsi hali ilivyo na kutoa maamuzi ili mpira uendelee na maisha yaweze kuendelea.”

“Tumeona tuwashirikishe wenzetu wa FIFA kwa sababu kuna hali ya sintofahamu imeanza kuwepo kwa hiyo ni vizuri kuangalia katiba ya TFF inazungumza nini na ikiwezekana tuende katika utaratibu mzuri kwa hiyo tutafanya kikao cha FIFA na tunategemea tukifanye Jumanne, kama Rais wetu atafanikiwa kupata dhamana tunatarajia awepo kwenye hicho kikao.”

“Baada ya vyombo vya habari na mitandao ya kijamii kutoa habari kuhusu Rais na Katibu kushikiliwa walipiga simu wakiwa na taarifa kwamba wote tuko ndani, wakamtafuta mtu ambaye katiba inamtaja kwamba atakuwa anaendeleza shughuli za ofisi, kwa hiyo wamepewa namba yangu nasubiri mawasiliano nao na wanataka kuja ili tuwe na kikao cha pamoja.”

“Katiba ya TFF inasema Rais anapokuwa hayupo, makamu wake ndio anaendea kuongoza vikao na kila kitu kama makamu pia hayupo, mjumbe wa kamati ya utendaji ambaye amekaamadarakani kwa muda mrefu atakuwa kiongozi wa taratibu zote.”

“Kikao chetu cha kesho leo tutaangalia ni jinsi gani tutaweza kumkaimisha ukatibu mmoja wa wafanyakazi wa hapa ili shughuli za taasisi ziweze kuendelea.”

Malinzi na Mwesigwa watapandishwa tena mahakamani Jumatatu Juni 3, 2017 ambapo mahakama itatoa uamuzi kuhusu dhamana ya viongozi hao.

from Blogger http://ift.tt/2uvHRxQ
via IFTTT

Video: Heshima anayopewa Niyonzima Rwanda, tetesi za kwenda Simba pia zimewafikia

Dauda TV imekanyaga jijini Kigali, Rwanda, katika mishemishe za town ikafanikiwa kupiga story na dereva tax (Jimmy) wa mjini Kigali na kumuuliza juu ya habari za star wa Yanga na timu ya taifa ya Rwanda Haruna Niyonzima.

Dereva tax anasema Niyonzima ni kipenzi cha wapenda soka wa Rwanda na wanamfuatilia sana hata akiwa Bongo katika timu yake ya Yanga ambayo tayari imetangaza kumuacha na i tetesi za Niyonzima kusaini Simba zimeshazungumzwa pia Rwanda.

from Blogger http://ift.tt/2uaW7ws
via IFTTT

JPM amuamshia Dude Boss wa Tantrade Kwenye Viwanja vya Sabasaba

Katika hotuba yake kwenye maonesho hayo Rais JPM amewaomba waandaaji na viongozi kuweka mipango ili kujenga Hotel na Majengo mapya katika viwanja hivyo akiwataka wajenge kiwanda kitakachowasaidia watanzania kupata ajira na kukarabati majengo kama yamechakaa.

“Haingii akili wao ndio wanatusisitizia mambo ya biashara na viwanda na theme ya mwaka huu inazungumzia kukuza biashara na maendeleo ya viwanda sasa wao badala ya kuzungumza juu ya maendeleo ya viwanda wanataka wajenge Hotel hapa, watengeneze majengo mapya sasa. Sijaelewa.

“Sasa kama hizo hela zipo basi mzipeleke mkajenge kiwanda cha mfano. Haya majengo yaliyopo ambayo mnayaona yamechakaa hawa wanaokuja kuonesha bidhaa zao wapeni bure wajenge ili kila mwaka wawe wanaonesha.

“Hiyo Hotel kwani mkijenga lazima walale hapa hapa? Mnaweza kujenga Hotel hapa bado wakaenda Hotelini mjini. Mimi nilifikiri ili kujenga jenga majengo fikirieni zaidi katika kujenga viwanda kwa ajili ya mfano wa kuonesha Wizara kweli iko mbele kwa kujenga viwanda.

“Haya majumba yanaweza yakawa siyo mazuri sana lakini ni mazuri kwa watu wa Tanzania ambao wanataka kuona bidhaa. Yanayowaleta hapa siyo majumba Watanzania wanakuja hapa kuangalia Tecknolojia na vifaa vilivyomo.

“Inawezekana mimi nipo tofauti mnisamahee lakini katika muelekeo wangu ninaona hizo hela mnataka kuzitumia vibaya. Mwenyekiti nimekuteua juzi umeshaanza kufikiria majengo hapa pamoja na Body yako mnanifanya nifikirie zaidi.

“Nimeshasema, nimewapongeza na ninawapongeza washiriki wote basi tuangalie masuala ambayo ni very positive kwa Taifa hili tunataka kuwa na viwanda vingi na siyo Hoteli nyingi.” Magufuli.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2t2D5ty
via IFTTT

Breaking News: Mtangazaji wa Azam TV Apatikana

Mtangazaji wa Azam Tv Fatna Ramole aliyeripotiwa kutoweka tangu Juzi Alhamisi ameripotiwa na ndugu yake Lulu Remole.

Lulu amethibitisha kupitia Ukurasa wake wa Twitter na kuwashukuru waungwana walishirikiana kumtafuta Dada yake.

“Asante wote kwa ushirikiano wenu, Mungu mkubwa tumepata taarifa na tukaweza kumpata Fatna.Bila RT zenu nisingepigiwa na huyo Dada. Mbarikiwe” – Lulu

Lulu aliripoti na kuujuza umma kupitia mitandao ya kijamii kuwa Dada yake hajaonekana kwa muda wa saa 48.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2tBnJxG
via IFTTT

Idadi ya Watanzania waliopotea Ughaibuni kwa ‘Unga’ inatisha

WATANZANIA 1,009 ambao walikuwa nguvukazi ya taifa wamefungwa vifungo vya maisha katika magereza mbalimbali nje ya nchi.

Waziri Mkuu, Kassim Majaliwa ametoa takwimu hizo jana wakati akifunga Maadhimisho ya Kitaifa ya Siku ya Kupiga Vita Dawa za Kulevya Duniani katika Viwanja vya Nyerere Square mkoani Dodoma. Alisema serikali haitagharamia kuwarudisha nchini wafungwa hao ambao wengi wao ni vijana, lakini kwa taifa linalotaka ujenzi wa uchumi wa viwanda, limepoteza nguvukazi muhimu katika kujenga uchumi wake.

Waziri Mkuu ambaye ni Mwenyekiti wa Baraza la Taifa la Kudhibiti Dawa za Kulevya, alisema nchi 21 ambako Watanzania hao wamefungwa ni China watu 265, ambapo kati yao 68 wamehukumiwa kunyongwa. “Nyingine ni Afrika Kusini watu (296), Brazili (121, Kenya (660, Irani (630, India (260), Uturuki (38), Ugiriki (250, Uingereza na Ireland (24) Msumbiji (20), Malasia na Tailand (16), Pakistani (15), Uganda (15), Japan (6), Nepal (4), Comoro (3), Misri (2) na Indonesia, Hispania, Ghana, Nigeria amefungwa mmoja mmoja kila nchi,” alisema.

Alisema tangu Mamlaka ya Kudhibiti na Kupambana na Dawa za Kulevya ilipoanza Februari mwaka huu hadi mwezi huu, imefanya jitihada kubwa na mabadiliko dhidi ya dawa ya kulevya yameonekana, ambapo ekari 565.75 za mashamba ya bangi katika mikoa mbalimbali nchini zimeteketezwa. “Mikoa inayoongoza ni pamoja na Mara (Tarime na Rolya) ekari 156.75, Morogoro (78), Arusha (68), Kagera (57) na Ruvuma ekari 35.

Aidha, kilo 11,307 za mirungi zimekamatwa na ekari 64.5 za mashamba ya mirungi zimeteketezwa katika mikoa ya Kilimanjaro, Kagera na Mbeya,” alisema. Waziri Mkuu alisema katika kipindi hicho, kilo 1,815 za heroini na kilo 27.58 za kokeni zimekamatwa na katika kipindi hicho hadi kufika Mei mwaka huu, lita 12,890 za kemikali bashirifu zinazotengeneza heroini na kokeni zimekamatwa.

Alisema mamlaka hiyo pia imebaini mbinu mbalimbali za magendo za dawa za kulevya, ikiwemo matumizi ya kemikali bashirifu kwa ajili ya kuzibadilisha na kutengeneza dawa za kulevya. Alisema taifa halitamwacha salama mtu yeyote anayejishughulisha kuanzia wazalishaji, wasambazaji, wauzaji na hata watumiaji wa dawa za kulevya na kifungo chake ni miaka 30.

“Yeyote anayedhoofisha nguvukazi ya Taifa letu, ana hujumu jitihada za ujenzi wa uchumi wa viwanda na anastahili kushughulikiwa bila huruma,” alisema Waziri Mkuu. “Mamlaka pia imebaini kwamba ziko kemikali ambazo zinatumika kwa ajili ya matumizi halali ya viwandani na kwenye maabara zimeanza kutumika kwa ajili ya uzalishaji wa dawa za kulevya kwa njia ya kisayansi,” alisema.

Waziri Mkuu alimpongeza na kumwagiza Kamishna wa Jenerali wa Mamlaka ya Kudhibiti na Kupambana na Dawa za Kulevya, Rogers Siyang’a kuhakikisha anawatumia wasanii, wanamuzuki, waigizaji na vikundi vya utamaduni katika kueneza vita dhidi ya dawa za kulevya. Aliwaagiza mawaziri wa Elimu, Sayansi, Ufundi na Mafunzo ya Ufundi, Profesa Joyce Ndalichako na Waziri wa Nchi, Ofisi ya Rais (Tamisemi), George Simbachawene kuhakikisha zinaundwa klabu za kupambana na dawa za kulevya katika shule mbalimbali nchini kama zilivyoundwa za PCCB na Skauti.

Alimwagiza Waziri wa Afya, Maendeleo ya Jamii, Jinsia, Wazee na Watoto, Ummy Mwalimu kuhakikisha huduma za kutoa dawa za kutibu wagonjwa wa dawa za kulevya zinasambazwa katika hospitali za rufaa mikoa na za wilaya. “Tayari zimeanzishwa nyumba za kutibu waathirika wa dawa za kulevya katika hospitali ya Muhimbili, Mwananyamala na Temeke na inajengwa nyingine Dodoma, hivyo ni budi huduma hiyo ya dawa ikasambazwa katika hospitali zote nchini,” alisema.

Waziri wa Nchi Ofisi ya Waziri Mkuu, Sera, Bunge, Vijana, Kazi, Ajira na wenye Ulemavu, Jenista Mhagama alisema kaulimbiu ya maadhimisho hayo mwaka huu ambayo yalitakiwa kuadhimishwa Juni 26 na kutokana na Sikukuu ya Iddi yakahamishiwa jana ni, ‘Tuwasikilize na kuwashauri vijana na watoto ili kuwapeusha na dawa za kulevya.’

from Blogger http://ift.tt/2u9FBgo
via IFTTT

EXCLUSIVE: Fahamu Mambo 8 kuhusu Train za umeme zinazoletwa Tanzania

Rais JPM April 12, 2017 alizindua ujenzi wa reli ya kisasa ‘standard gauge’ kutoka DSM hadi Mwanza ambayo itakamilika Oct 2019 jambo lililozua gumzo kwa baadhi ya Wananchi wakiwa na wasiwasi kuhusu train hizo kutokana na tatizo la umeme.

Ayo TV na millardayo.com zimekutana na Mhandisi wa Miundombinu ya Reli ambaye pia ni Mkuu wa Mradi huu Maizo Mgeni kutoka Kampuni inayojihusisha na ujenzi wa reli Tanzania RAHCO na kuelezeea mambo makubwa manane yanayohusiana na Standard Gauge.

Mambo manane hayo ni:

1:      Treni itakuwa inasimama kwenye vituo sita kutoka Dar es Salaam hadi Morogoro ambapo      itasimama Pugu, Soga, ruvu, Stesheni ya Ngerengere na mwisho Treni itasimama Morogoro.

2:     Kutokana na Treni kutumia umeme Serikali imejipanga kutoa umeme wa uhakika kwa 100% na wananchi wasiwe na shaka yoyote kwani umeme wa Treni hujengewa nyaya zake maalum zinazotofautiana na nyaya za umeme wa kawaida.

3:     Treni hii itakuwa na uwezo wa kusafirisha wagonjwa mahututi kwani ni za kisasa na zina mwendo wa haraka ambapo itatumia saa moja na nusu kutoka Morogoro hadi Dar es Salaam.

4:     Umeme utatumia vyanzo vyenye nguvu kutoa umeme wa Treni kama vyanzo vya maji na makaa ya mawe.

5:     Kwa tathmini ya sasa nauli ya Treni hizi haitokuwa sawa na Treni za mita kwani ni Treni zinazotumia teknolojia kubwa na za kisasa, hivyo nauli itakuwa juu zaidi ya Treni za kawaida.

6:     Treni haitosimama kama umeme kutoka Tanesco ukikatika ghafla.

7:     Kiwango cha nauli kwa wanafunzi bado kinafanyiwa kazi.

8:    Kwa sasa watu binafsi hawataruhusiwa kuwa na Treni binafsi kwani Shirika la Reli ndilo litakuwa msimamizi mkuu.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sbOSDd
via IFTTT