MAPIPA YA SUMU YADAKWA MGODINI HUKO MKOANI MOROGORO

Baraza la Taifa la Usimamizi wa Mazingira (NEMC) limefanya ukaguzi wa kushtukiza katika eneo la mgodi wa Mgalai wilayani Mvomero, Mkoa wa Morogoro linalofanya uchenjuaji wa dhahabu na kukamata mapipa 20 yenye kemikali za sumu. Pia, Kampuni hiyo inadaiwa kufanya shughuli zake kinyume na taratibu.

Timu ya wataalamu wa NEMC kwa kushirikiana na Ofisi ya Mkemia Mkuu wa Serikali na wajumbe wa Kamati ya Ulinzi na Usalama ya Wilaya ya Mvomero walifika kwenye mgodi huo umbali wa kilomita 130 kutoka Makao Makuu ya Wilaya ya Mvoero jana mchana na kushuhudia shughuli mbalimbali zikiendelea katika mgodi huo huku michirizi ya zinazodaiwa kuwa ni kemikali za sumu zikiwa zinachuruzika kuelekea mto uliopo jirani unaotumiwa na wananchi wa Kata ya Pemba na maeneo mengine kwa shughuli za kibinadamu.

Hata hivyo, wahusika wa mgodi huo walikataa kutoa ushirikiano kwa timu hiyo, lakini baada ya askari Polisi waliokuwa wameongozana na wajumbe hao kutishia kutumia nguvu, ndipo waliokuwa mgodini hapo wakaruhusu ukaguzi ufanyike ambapo walibaini makosa kadhaa likiwamo kumilikiwa kwa mapipa zaidi ya 20 yenye kemikali za sumu ambayo ni hatari kwa maisha ya viumbe hai, na rekodi zimeonesha kuwa yalishaingizwa mapipa 83 ya sumu hiyo mgodini humo kwa mujibu wa Meneja wa Ofisi ya Mkemia Mkuu Kanda ya Kati, Mussa Kuzumia.

Wakili Mkuu wa Serikali kutoka NEMC, Bernard Kongolaa amesema kuwa kampuni hiyo inaendesha shughuli zake kinyume na taratibu licha ya kupewa zuio na Mkuu wa Wilaya ya Mvomero, Ofisi ya Mazingira Wilaya na Ofisi ya Madini Mkoa, lakini walikiuka na kuendelea na shughuli zao watawachukulia hatua za kisheria, ikiwamo kufikishwa.

from Blogger http://ift.tt/2u4IlgR
via IFTTT

Simba wanaandaa anguko lao jingine, Okwi, Niyonzima, Bocco, Kapombe si sajili za Omog

WAKATI mshambulizi Mganda, Emmanuel Okwi anahitaji zaidi ya milioni 100 za kitanzania ili kurejea klabuni Simba kwa uhamisho wake wa tatu, wachezaji walioisaidia timu hiyo kupata ubingwa wa kombe la FA msimu uliopita wanaendelea kuzungushwa kuhusu malipo yao ya mshahara wa mwezi wa tano, pia hakuna bonasi yoyote ile ambayo uongozi wa klabu hiyo umetoa kwa wachezaji.

Viongozi wa klabu badala ya kuboresha kikosi chao wamekuwa ‘bize’ kusaka wachezaji wanaowapenda na si wale waliopendekezwa na kocha Mcameroon, Joseph Omog.

Okwi si chaguo la Omog, na kocha huyo hakupendekeza usajili wa aliyekuwa nahodha wa Azam FC, John Bocco pia alimuhitaji Ally Shomari kutoka Mtibwa Sugar FC kama mbadala na msaidizi wa Mcongoman, Javier Besala Bokungu katika beki ya kulia lakini uongozi umetoa Tsh. milioni 60 na kumsaini Shomari Kapombe kutoka Azam FC.

Huu ni usajili wa kishabiki zaidi ambao umeendelea kufanywa na kina ‘Mr. Kazinyingi’ wakiongozwa na mwenyekiti wa kamati ya usajili, Zacharia Hans Poppe. Kutoa zaidi ya milioni 200 kwa Okwi, Kapombe na Bocco si sawa kwa timu kama Simba hasa ukizingatia wachezaji hao wote watatu hawajapendekezwa na kocha.

Pia kuendelea kung’ang’ani saini yenye thamani ya zaidi ya milioni 100 ya Mnyarwanda, Haruna Niyonzima kutoka Yanga wakati si pendekezo la mwalimu ni sawa na ‘ujinga’ ambao ukuapo huzalisha ‘upumbavu.’

Ni kweli, Simba inahitaji wafungaji wawili wa nyongeza katika kikosi chao hasa baada ya kumpoteza Ibrahim Ajib, pia kikosi hicho kimepatia sana kuwasaini mlinda mlango, Aishi Manula kutoka Azam FC, Ally Shomari na beki namba 3, Jamaly Mwambeleko kutoka Mbao FC.

Pia usajili wa beki ya kati unahitajika licha ya kumsaini, Yusuph Mlipili kutoka Toto Africans ila katika eneo la kiungo, Omog hana upungufu mkubwa ambao unapelekea klabu kuhitaji saini mpya yenye thamani ya zaidi ya milioni 100.

Nahodha, Jonas Mkude, Mghana, James Kotei, Muzamiru Yassin, Mohamed Ibrahim hawa ni viungo wanne wa kati wenye uwezo wa juu.

Ili kujenga timu yenye ubora ni heri pesa aliyotumika kumsaini Kapombe ingefanya kazi hiyo kumleta kikosi Mrundi, Yusuph Ndikumana ambaye si tu ni beki mzuri wa kati bali ni chaguo la kocha Omog ambaye anamuhitaji beki huyo wa kati wa Mbao FC ili kushirikiana na Mganda, Juuko Murishid.

Kuna wakati nilimsikia Hans Poppe akisema hawawezi kumsaini tena Ndikumana kutokana na mchezaji huyo kuhitaji dau la juu ( Tsh. milioni 60) lakini naamini aliamua kumpuuza mchezaji huyo kwa sababu ni chaguo la Omog si yeye wala kamati yake ndio maana licha ya kutohitajika na kocha, Bocco, Kapombe na pengine Okwi ‘wataikwangua’ klabu hiyo zaidi ya milioni 200.

Simba inapaswa kuwasaini, Ndikumana au Salim Mbonde kutoka Mtibwa Sugar ili kuimarisha beki yao ya kati. Wanapaswa kuendelea kuwashikilia Abdi Banda na Juuko huku pia wakisaini wafungaji ambao wamependekezwa na Omog.

Kuendelea ‘kufuja’ pesa ‘wanazokopeshwa‘ na mfadhili wao ni sawa na kuiangusha klabu kiuchumi na kuharibu ufanisi wa timu iliyoanza kujengwa vizuri ndani ya uwanja.

Najiuliza, Okwi, Bocco, Kapombe wa nini Simba SC wakati hawawezi kuziba nyufa zilizowaangusha msimu uliopita.?

Narudia kutolea mfano usajili wa timu hiyo mwishoni mwa mwaka 2002, ambapo aliyekuwa kocha wa timu hiyo, Mkenya, James Siang’a (Mwenyezi Mungu amerehemu) licha ya kusajiliwa kwa wachezaji kwa nyota kama Ulimboka Mwakingwe, Lubigisa Madata, Victor Costa, Christopher Alex (Mwenyezi Mungu amerehemu,) kocha huyo alimwambia wazi aliyekuwa katibu mkuu wa klabu wakati huo, Kassim Dewji,

“Bila kuwasaini Primus Kasonso na Juma Kaseja naacha kazi…”Omog anasubiri nini wakati mapendekezo yake yametimizwa kwa Manula, Ally na Mwambeleko tu? Ndiyo maana nilisema awali kocha huyu hafai Simba SC.

Wakati ule niliposema barua ya Simba kwenda FIFA haikuwa na mashiko zaidi ya kutafuta ‘chaka’ la uongozi kufichia madhaifu yao, kuna baadhi ya wasomaji walipinga sana. Nauliza, vipi kombe la Simba limeshafika kutoka FIFA? Sasa wanawapotezea mbali kwa sajili za Mr. Kazinyingi.

Hakika naona Simba SC wakijiandalia anguko lao jingine, sababu kina Okwi, Niyonzima, Bocco, Kapombe si sajili za Omog…

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2sXaKWG
via IFTTT

Tazama Katuni 5 Bora za Leo

Wachoraji Wetu Wamekuwa Wabunifu sana kuendana na Mazingira ya Siasa, Elimu na Michezo

Hapa Nimekuwekea Link Utazame Katuni Bora Tano zilizochorwa Leo, Bonyeza HAPA

Au Tembelea

http://ift.tt/2nQoxIX

from Blogger http://ift.tt/2nWzvyN
via IFTTT

Davido: Nampenda Sophia Kinoma!

LICHA ya hivi karibuni kuweka hadharani kuwa anatarajia kupata mtoto wa pili kwa demu wake mpya mwenye asili ya Marekani, Mandy, staa wa muziki kutoka Naija, David Adeleke ‘Davido’ amefunguka ya moyoni kuwa bado anampenda kinoma mzazi mwenzake wa kwanza aitwaye Sophia Momodu aliyezaa naye mtoto mmoja, Imade.

Davido aliyasema hayo alipofanyiwa mahojiano na redio moja nchini Nigeria kuwa, hawezi kumsahau wala kumtupa mzazi mwenzake kwa kuwa amezaa naye.

“Nampenda mzazi mwenzangu, haahaa, Sophia sikia hii popote ulipo!” Davido na Mandy walianzisha uhusiano Atlanta, Georgia huko Marekani na hadi sasa demu huyo ameshakanyaga Jiji la Lagos anapoishi Davido mara moja yaani Desemba 2016.

MAAJABU!!!..Mwanamke awawezesha

 wanafunzi 

Kenya kutazama anga za juu

from Blogger http://ift.tt/2nPfLKz
via IFTTT

SINGIDA: POLISI ALIYEKUWA AKIJIHAMI AMUUA RAIA

Mkazi wa Wilaya ya Ikungi mkoani Singida, Herman Joseph(32), anayedaiwa kujihusisha na uhalifu alikufa baada ya kupigwa risasi tumboni na askari polisi aliyekuwa akijihami.

Kamanda wa Polisi Mkoa wa Singida, Debora Magiligimba anasema tukio hilo lilitokea juzi alasiri eneo la Ikungi madukani ambapo marehemu Herman Joseph(32) alikuwa akigombana na mkewe Maria Jacob(28) hali iliyosababisha mwanamke huyo kujeruhiwa na kisu kwenye makalio kabla ya marehemu kumjeruhi pia kwa kisu tumboni Janeth Mathias(28).

Baada ya majeruhi kupiga yowe wananchi walifika katika eneo hilo ambapo Shaban Jumanne (35) nae alijeruhiwa mkono wa kulia na Issa Shaban(48) mkono wa kushoto. Huku akijigamba kuwa haogopi chochote na hakuna atakayeweza kumkamata.

“Baada ya Taarifa kufika katika kituo kidogo cha polisi Ikungi, askari wanne walifika eneo la tukio” alisema.

Askari walipofika eneo la tukio walimkuta Joseph na kumtaka ajisalimishe, ila hakutii na kuanza kumfuata askari huku akiwa na kisu chake mkononi kwa lengo la kumchoma askari kifuani. Askari aliyekuwa na silaha alifyatua risasi mbili hewani huku akirudi nyuma ili kumfanya Herman aogope.

Alifafanua kuwa wakati askari akijaribu kujihami kwa kurudi kinyumenyume, alijikwaa na kuanguka chini. ndipo marehemu alipotaka kumchoma kisu kifuani lakini aliwahiwa kwa kupigwa risasi tumboni na kupelekea kifo chake.

Kutokana na tukio hilo, Kamanda Magiligimba alisema polisi inaendelea na uchunguzi wa kina ili kubaini ukweli halisi na hatimaye haki kutolewa kulingana na majibu ya upelelezi mzima wa tukio.

MAAJABU!!!..Mwanamke awawezesha wanafunzi 

Kenya kutazama anga za juu

from Blogger http://ift.tt/2ngrlBT
via IFTTT

MEYA WA UBUNGO KUFUNGUA KESI YA JINAI DHIDI YA RC MAKONDA

Meya wa Manispaa ya Ubungo, Boniface Jacob amesema Jumanne wiki ijayo atafungua kesi ya jinai dhidi ya Mkuu wa Mkoa wa Dar es Salaam, Paul Makonda kutokana na madai ya kuwa na vyeti vya kidato cha nne alivyovitumia si vya kwake.

Jacob ameeleza kuwa kesi hiyo itasimamiwa na mawakili maarufu Tundu Lissu ambaye ni Mwanasheria Mkuu wa CHADEMA na Peter Kibatala.

Kesi hiyo itafunguliwa wiki ijayo baada mawakili hao kumaliza mchakato wa uchaguzi wa Chama cha Wanasheria wa Tanganyika (TLS) unaotarajiwa kufanyika Jumamosi Machi 18 mwaka huu ambapo Tundu Lissu ni mmoja wa wagombea wa kiti cha urais.

Mbali na kufungua mashtaka mahakamani, Meya huyo wa CHADEMA amesema kuwa, atamshtaki Makonda katika Sekretarieti ya Maadili ya Utumishi wa Umma, Tume ya Haki za Binadamu na Utawala Bora.

MAAJABU!!!..Mwanamke awawezesha wanafunzi 

Kenya kutazama anga za juu

from Blogger http://ift.tt/2nyqNEI
via IFTTT