ZANZIBAR WATIMULIWA UANACHAMA WA CAF

Ikiwa ni miezi minne tangu chama cha soka cha Zanzibar kipewe uanachama na CAF hii leo habari mpya kutoka CAF zinasema chama hicho kimevuliwa uanachama.

Raisi wa soka barani Afrka Caf Ahmad Said amesema Zanzibar walipewa uanachama kimakosa na kama sheria zingepitiwa vizuri wasingepewa uanachama.

“Walipewa uanachama bila kupitia vizuri kanuni ambazo ziko wazi na zinaeleza kila kitu, kama kanuni na sheria zingepitiwa kiufasaha wasingepewa uanachama”

Sababu kubwa ambayo CAF wameivua uanachama Zanzibar ni kutokana na kisiwa hicho kuwa ndani ya Tanzania ambao nao ni wanachama wa CAF.

“Jina la nchi linatokana na jina linaloandikwa katika umoja wa mataifa UN na Zanzibar katika umoja huo inafahamika ipo ndani ya nchi iitwayo Tanzania ambao ni wanachama wa CAF” aliendelea kusema Rais Ahmad.

Hilo ni pigo kubwa kwa Wazanzibar kwani wakati huu walikuwa wakipambana kupata uanachama wa FIFA ambao wameukosa na wa CAF nao pia wamekosa.

Kwa maana hiyo ndoto ya kisiwa cha Zanzibar kushiriki michuano ya CAF kama mwanachama zimekufa rasmi na sasa watakuwa wakishiriki michuano hiyo kama Tanzania(Zanzibar na Tanzania bara).

from Blogger http://ift.tt/2uNk4ww
via IFTTT

Matumizi 5 Ya Coke Yanayoonyesha Kwamba Si Sahihi Kwa Matumizi Ya Binadamu

Coca-Cola ni kinywaji maarufu na kinajulikana sehemu nyingi sana duniani.

Kuna maswali mengi ya kujiuliza juu ya unywaji wa kinywaji hiki kwa binadamu,kama ni sahihi kwa matumizi ya binadamu au la,au unywaji wa kinywaji hiki una madhara kwa baadae au la, nauliza hivi kwa sababu pH yake ipo juu kuliko hata ya asidi ya kwenye betri.

Taasisi ya moyo,mapafu na damu walidhamini utafiti ufanywe kwa mtu mmoja mmoja ambae anatumia japo soda moja kwa siku.

Walikutwa na uwezekano wa asilimia 44 ya kupata magonjwa yanayohusiana na mishipa ya moyo na aina ya pili ya kisukari kwa mda wa miaka minne

Utafiti ulifanywa kwa watu zaidi ya 2400 ya vijana,ambapo watu 1600 walikuwa hawana dalili zozote za metabolic syndrome ,na baada ya miaka minne nao wakawa na uwezekano wa kupata magonjwa ya moyo na kisukari.

Watu wanaopendelea kutumia soda kila siku wanaweza kupata matatizo ya;

                                                         1.uwezekano wa kupata shinikizo la damu

                                                         2.asilimia 25 walikuwa na uwezekano wa kupata kisukari

                                                         3.asilimia 30 walikuwa na uwezekano wa kuongezeka uzito

                                                         4.asilimia 31 walikuwa na uwezo wa kupata obesity

Utafiti mwingine unaonyesha asilimia 48 wanaotumia kinywaji hiki iwe mara kwa mara au mara chache wana uwezekano mkubwa wa kupata shambulio la moyo au stroke.

Pia utumiaji wa vinywaji baridi umethibitika kuongeza hatari ya matatizo ya kupumua kama asthma na COPD

Matumizi 5 ya Coca-cola

Tambua kuwa unywaji wa Coca-Cola utakuletea madhara katika afya yako,basi ni nzuri zaidi kwenye matumizi ya kusafishia

Coca-cola unaweza kuitumia kwa matumizi ya nyumbani kama;

1.kusafisha choo

  2.kusafishia injini

3.Kuondoa kutu

4.Kuondoa oil iliyomwagika sakafuni

5.Kuondoa madoa ya damu kwenye nguo au kitambaa

from Blogger http://ift.tt/2thtbCh
via IFTTT

Simba Washinda Rufaa Dhidi ya Kagare Sugar

Simba wameshinda rufaa yao dhidi ya Kagera Sugar na wamepewa point tatu baada ya kuibainika mchezaji wa kagera Sugar Mohammed Fakhi alicheza mechi ya Simba akiwa na kadi tatu za njano katika michezo dhidi ya Mbeya City, Majimaji, African Lyon hizo ndio mechi ambazo amepata kadi za njano

from Blogger http://ift.tt/2pg3Nv7
via IFTTT

Mwalimu atokea ofisini kwa Mkuu wa Wilaya akiwa amelewa Chakari

MKUU wa Wilaya ya Handeni, Godwin Gondwe, ameshangazwa na idara ya elimu msingi ya Halmashauri ya Wilaya hiyo kushindwa kumchukulia hatua aliyekutwa amelewa wakati wa kazi.

Mwalimu huyo, Fikiri Swai wa Shule ya Msingi Kwankonje, anatuhumiwa kufika kazini akiwa amelewa pombe.

MKUU WA WILAYA YA HANDENI, GODWIN GONDWE.

Tukio hilo lilitokea juzi shuleni hapo wakati Gondwe alipofika katika mpango wa kusambaza mbegu za mihogo na katika shughuli hiyo, alifika mwalimu huyo na kuanza kusalimia akiwa amelewa chakari.

Kutokana na hali hiyo, Gondwe alitaka kufahamu kama ni mwalimu wa shule hiyo na ndipo alipojibiwa kuwa ndiyo na kuelezwa kuwa hiyo ni tabia yake ya muda mrefu. Pia ilielezwa kuwa ameshachukuliwa hatua za kinidhamu ikiwamo kusimamishwa kazi.

Baada ya majibu hayo, Gondwe alisema mtumishi wa umma kufika kazini akiwa amelewa au kufanya hivyo muda wa kazi na kwamba kitendo cha mwalimu huyo ni kosa na ameonyesha dharau mbele ya viongozi wa ngazi ya juu ndani ya wilaya.

“Kumbe mmeshamsimamisha sasa kwa nini anakuja shuleni tena akiwa amelewa muda wa kazi? Hamuoni inaleta taswira mbaya kwa wanafunzi kuona hili ni jambo la kawaida? Kwa kweli sijafurahishwa na hili kabisa,” alisema Gondwe.

Alipoulizwa sababu ya kulewa pombe muda wa kazi, Mwalimu Swai alisema hali hiyo inatokana na kusimamishwa kazi kwa muda mrefu hivyo kumfanya aingie kwenye ulevi na hali hiyo imetokana na uamuzi wake wa kuomba kupandishwa daraja na ndipo ulipoibuka ugomvi kati yake na viongozi.

Swai aliongeza kuwa anashangazwa na kusimamishwa kufundisha huku akitakiwa kuripoti shuleni na kutia saini kila siku na kuchukua mshahara kila mwezi.

Alisema tangu mwaka 2013 alisimamishwa kazi na mshahara wake anachukua kama kawaida ila hakuna hatua nyingine za kinidhamu zinazoendelea dhidi yake.

Mratibu wa Elimu Kata, Nuru Faraji, alisema ni kweli mwalimu huyo amekuwa na tabia ya kulewa muda wa kazi na alishawahi kufanya hivyo hata kwenye kikao kimoja na viongozi wa elimu wa wilaya, hali ambayo ilibidi kutolewa kwenye kikao na kupewa adhabu.

Naye Ofisa Elimu ya Msingi wa Halmashauri ya Wilaya ya Handeni, Selemani Mtinda, alisema wanafahamu tatizo la mwalimu huyo na kueleza kuwa kesi yake iko mamlaka inayoshuhulika na walimu, ambayo ndiyo yenye mamlaka na jambo hilo.

TAZAMA HARMORAPA ALIVYO TIMUA MBIO BAADA YA KUIONA BASTOLA

from Blogger http://ift.tt/2nPqAQh
via IFTTT