JPM amuamshia Dude Boss wa Tantrade Kwenye Viwanja vya Sabasaba

Katika hotuba yake kwenye maonesho hayo Rais JPM amewaomba waandaaji na viongozi kuweka mipango ili kujenga Hotel na Majengo mapya katika viwanja hivyo akiwataka wajenge kiwanda kitakachowasaidia watanzania kupata ajira na kukarabati majengo kama yamechakaa.

“Haingii akili wao ndio wanatusisitizia mambo ya biashara na viwanda na theme ya mwaka huu inazungumzia kukuza biashara na maendeleo ya viwanda sasa wao badala ya kuzungumza juu ya maendeleo ya viwanda wanataka wajenge Hotel hapa, watengeneze majengo mapya sasa. Sijaelewa.

“Sasa kama hizo hela zipo basi mzipeleke mkajenge kiwanda cha mfano. Haya majengo yaliyopo ambayo mnayaona yamechakaa hawa wanaokuja kuonesha bidhaa zao wapeni bure wajenge ili kila mwaka wawe wanaonesha.

“Hiyo Hotel kwani mkijenga lazima walale hapa hapa? Mnaweza kujenga Hotel hapa bado wakaenda Hotelini mjini. Mimi nilifikiri ili kujenga jenga majengo fikirieni zaidi katika kujenga viwanda kwa ajili ya mfano wa kuonesha Wizara kweli iko mbele kwa kujenga viwanda.

“Haya majumba yanaweza yakawa siyo mazuri sana lakini ni mazuri kwa watu wa Tanzania ambao wanataka kuona bidhaa. Yanayowaleta hapa siyo majumba Watanzania wanakuja hapa kuangalia Tecknolojia na vifaa vilivyomo.

“Inawezekana mimi nipo tofauti mnisamahee lakini katika muelekeo wangu ninaona hizo hela mnataka kuzitumia vibaya. Mwenyekiti nimekuteua juzi umeshaanza kufikiria majengo hapa pamoja na Body yako mnanifanya nifikirie zaidi.

“Nimeshasema, nimewapongeza na ninawapongeza washiriki wote basi tuangalie masuala ambayo ni very positive kwa Taifa hili tunataka kuwa na viwanda vingi na siyo Hoteli nyingi.” Magufuli.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2t2D5ty
via IFTTT

PICHA: MKUU WA MKOA WA K’NJARO AFIKA NYUMBANI KWA MAREHEMU NDESAMBURO

Mkuu wa Mkoa wa Kilimanjaro, Anna Elisha Mghwira leo ametembelea familia ya marehemu Mzee Philemon Ndesamburo na kutoa pole kwa ndugu na jamaa waliokuwa nyumbani kuomboleza msiba wa mpendwa huyo.

Anna Mghwira aliyeapishwa juzi Ikulu jijini Dar es Salaam ameanza kazi rasmi leo katika kituo chake cha kazi ambapo alikwenda nyumbani kwa aliyekuwa Mbunge wa Moshi Mjini, Philemon Ndesamburo na kupata nafasi ya kuzungumza na mke wake na kumpa salamu za pole kufuatia kufiwa na mumewe.

Mzee Ndesamburo alifariki wiki iliyopita muda mfupi baada ya kupata matatizo ya kiafya akiwa ofisini kwake na alizikwa siku ya Jumanne nyumbani kwake Kiboroloni Moshi Mjini.

ASANTE KWA KUTEMBELEA MTANDAO WETU!!

LIKE PAGE  YETU KWA HABARI ZAIDII

from Blogger http://ift.tt/2rQ7Ks2
via IFTTT