WASIFU WA MGOMBEA PEKEE WA CUF UBUNGE WA AFRIKA MASHARIKI

HISTORIA YAKE

Twaha Taslima ni wakili wa kujitegemea na mbunge wa Bunge la Afrika Mashariki (EALA) kutoka nchini Tanzania na ni kiongozi mwandamizi wa Chama Cha Wananchi CUF. Alizaliwa tarehe 20 Aprili 1953 katika kijiji cha Ibwera, Wilaya ya Bukoba Vijijini, Mkoa wa Kagera.

Taslima alianza elimu yake katika Shule ya Msingi Kwatwe na baadaye kuhamia Shule ya Msingi Myamahoro – Bukoba Vijijini baadaye alikwenda katika Shule ya Sekondari ya Grewal na kuhitimu kidato cha nne kabla ya kusoma Shule ya Sekondari Bukoba na kuhitimu kidato cha sita.

Baada ya kuhitimu kidato cha sita, Taslima aliajiriwa moja kwa moja na Idara ya Mahakama kama “Karani wa Mahakama na Mfasiri”. Aliifanya kazi hii mahakama Kuu ya Tanzania mpaka ilipoanzishwa mahakama ya Rufaa.

Taslima alijiunga na Taasisi ya Regent nchini Uingereza kwa masomo ya juu ya kiingereza na kutunukiwa Stashahada ya Lugha ya Kiingereza mwaka 1974. Alirejea nchini Tanzania na kuanza kazi za ujenzi wa taifa kwa miaka 11.

Kuanzia mwaka 1979 – 1993 amefanya kazi na Shirika la Utalii Tanzania akiwa kama Ofisa Sheria na akapandishwa cheo na kuwa Katibu Msaidizi wa Shirika (Shirika hilo lilivunjwa rasmi mwaka 1993).

Wakati anafanya kazi Shirika la Utalii Tanzania, pia alijiunga na Taasisi ya Usimamizi wa Maendeleo ya Mzumbe (IDM), siku hizi ikiitwa Chuo Kikuu cha Mzumbe ambako alisomea sheria na kuhitimu stashahada ya Sheria mwaka 1988.

Kutokana na ufaulu mzuri, Taslima alipata udahili wa kujiunga Chuo Kikuu cha Dar Es Salaam ambako alipata shahada ya Sheria (L LB) mwaka 1993.

Baada ya kuhitimu shahada yake ya Sheria, Taslima alifanya kazi kama Katibu wa kitengo cha Sheria katika Shirika la Kukuza Huduma za Viwanda (Industrial Promotion Service) lililoko jijini Dar Es Salaam, kati ya mwaka 1993 na 1994.

Baadaye mwaka 1995 hadi 1998, Taslima alifanya kazi kama katibu wa Idara ya Sheria na Ofisa Msimamizi wa Rasilimali watu katika Taasisi ya Usimamizi wa Fedha (IFM), Dar Es Salaam na kipindi hichohicho alikuwa mhadhiri wa muda mfupi katika masomo ya Sheria za Biashara katika Chuo hicho.

Taslima alisajiliwa rasmi kuwa Wakili wa kujitegemea mwaka 1996 na alianzisha kampuni ya uwakili ijulikanayo kama Taslima Law Chambers ambayo inafanya kazi jijini Dar Es Saalam ikiwa na tawi moja kanda ya ziwa. Kampuni hii imefanikiwa kutoa ajira kwa mawakili 8 akiwemo yeye mwenyewe huku ikiwa na wafanyakazi wengine zaidi ya watano.

Kwa zaidi ya miaka 20, Taslima amekuwa wakili wa Chama Cha Wananchi CUF akisimamia kesi mbalimbali za chama hicho upande wa Tanzania Bara na Zanzibar, lakini pia akijihusisha katika kusimamia kesi za vyama mbalimbali vya siasa ili kuendelea kujenga msingi wa upatikanaji wa haki kwa watu wanaotafuta mabadiliko katika nchi.

Kisiasa, Taslima amekuwa mwanachama mtiiifu wa Chama cha Wananchi CUF tokea mwaka 2000 hadi sasa na zaidi ya yote katika kipindi cha kuanzia mwaka 2004 amekuwa akichaguliwa kuwa Mjumbe wa Baraza Kuu la Uongozi la Taifa, na tena mwaka 2009 akachaguliwa katika chombo hicho na mwaka 2014 akachaguliwa kwa mara ya tatu. Taslima amekuwa Mwenyekiti wa Kamati ya Uongozi ya CUF tangu Septemba 2015 hadi Agosti 2016.

Taslima ameoa na ana watoto.

MBIO ZA UBUNGE

Taslima ni mwanasiasa mzoefu kwa upande wa Ubunge. Alishiriki uchaguzi wa kwanza wa Ubunge mwaka 2002 katika jimbo la Bukoba Vijijini baada ya kifo cha aliyekuwa mbunge wa jimbo hilo, Dkt. Sebastian Kinyondo (CCM) aliyefariki mwezi Agosti mwaka 2001 akiwa jijini Nairobi alikokuwa amepelekwa kwa matibabu ya dharura.

Katika Uchaguzi huo mdogo, Taslima aligombea kwa tiketi ya CUF na kuchukua nafasi ya pili nyuma ya mshindi wa jumla, Naziri Karamagi wa CCM.

Mwaka 2005 Taslima aligombea ubunge katika jimbo la Bukoba Vijijini kwa tiketi ya CUF akishindana na Nazir Karamagi wa CCM kwa mara ya pili. Taslima aliibukia katika nafasi ya pili akiwa na asilimia 35 ya kura zote dhidi ya asilimia 62 za Karamagi.

Taslima aligombea tena ubunge Bukoba Vijijini kwa mara ya tatu mwaka 2010, alitokea wa tatu kwa asilimia 7 ya kura zote.

Mwaka 2012 alijitosa katika kinyang’anyiro cha Ubunge wa Bunge la Afrika Mashariki (EALA) katika kundi la vyama vya upinzani. Alipigiwa kura nyingi na kushinda nafasi hiyo na hadi nifanyapo uchambuzi huu, yeye ni mbunge wa bunge hilo hadi kipindi chake kikamilike mwaka 2017.

HITIMISHO

Taslima ni Wakili ambaye amekuwa na mchango mkubwa sana katika Chama cha Wananchi CUF, siasa za Tanzania na ametoa mchango mkubwa kwenye bunge la EALA miaka mitano iliyopita. Anastahili kuchaguliwa tena kwa hali na mali.

Uchambuzi huu umenukuliwa kutoka wenye chapisho la Gazeti la Mwananchi la Mwezi Mei 2015 lililohusu watu wenye sifa za kugombea Urais wa Tanzania. Mchambuzi ni Julius Mtatiro, Adv Cert in Ling, B.A, M.A, L LB : juliusmtatiro@yahoo.com, +255787536759.

from Blogger http://ift.tt/2nAagjj
via IFTTT

Mke amuacha Mumewe na Kwenda Kuolewa na Mganga wa Kienyeji awe Mke wa 9

MWANAMUME wa miaka 45 aliyeachwa na mke akaenda kuolewa kama mke wa tisa na mganga, sasa atarejeshewa mahari na gharama ya kumsomesha.

Bw James Mayaka aliyekuwa na furaha tele baada ya Mahakama ya Rufaa mjini Kisumu kuamuru arejeshewe Sh200,000, alisema hatimaye amepata haki baada ya kesi ya miaka sita mahakamani. 

Kati ya pesa atakazopata ni alizotumia kumsomesha Bi Everline Kerubo Makini katika chuo cha Ualimu cha Narok nchini Kenya, kati ya 2002 na 2004. 

Mkewe huyo alikuwa amekata rufaa kupinga uamuzi wa Mahakama Kuu ya Kisii mnamo Februari 2015.

Lakini majaji wa Mahakama ya Rufaa Wanjiru Karanja, Festus Azangalala na Gatembu Kairu, walisema kwamba uamuzi wa Mahakama Kuu ulikuwa sahihi.

Mahakama ya Kisii ilikuwa imeamuru Bi Makini, arejeshe Sh205,000 kama baadhi ya malipo ya mahari na karo ya chuo pamoja na riba. 

Bw Mayaka ambaye ni naibu wa mwalimu mkuu wa shule moja ya upili alikuwa ameomba mahakama hiyo ya Kisii imwamuru Bi Kerubo amrejeshee Sh209,000 ambazo alikuwa amemlipia kama karo ya chuo. Pia, alitaka mahakama kumshurutisha amrejeshee Sh120,000 alizolipa kama mahari. 

Hata hivyo, mahakama iliamuru Bi Kerubo arejeshe kiwango nusu kwa kila suala yaani, Sh104,000 kwa karo na Sh60,000 kwa mahari. Jumla ilikuwa ni Sh164,000. 

Kiwango hicho hata hivyo kiliongezeka na kufikia 205,000 baada ya riba kujumuishwa. Uamuzi huo ulisomwa na Jaji Chrispin Nangila kwa niaba ya Jaji Ruth Sitati mnamo Februari 27, 2015. 

Aliongeza kuwa angali anafuatilia kesi katika mahakama ya Nyamira inayolenga kumwezesha kuishi na watoto wake, ambao wako na umri wa miaka 13 na 11 mtawalia. 

“Aliwachukua watoto wetu kwa nguvu na ningetaka nirejeshewe kisheria kwani najua wanataabika,” alisema. 

Alisema Bi Kerubo huwabadilishia makao mara kwa mara kwa jamaa zake kwa sababu anazozielewa mwenyewe. 

Alisema mke huyo aliacha boma lake mwaka wa 2009.

Walioana kwa mujibu wa ndoa za kitamaduni za Wakisii mwaka 2000. Walifanya ndoa rasmi mwaka wa 2004 katika ofisi ya Mkuu wa Wilaya ya Nyamira. 

Bw Mayaka anasema mke huyo wa umri wa miaka 42 aliolewa na mganga mmoja katika eneo la Daraja Mbili mjini Kisii. Ni mke wa tisa wa mganga huyo. 

Anasema wanaume wengi huogopa kutafuta haki wanapokandamizwa katika ndoa wakihofia kuonekana wanaume wanyonge. 

“Wengine hawana ufahamu kuwa wanaweza kutafuta haki,” anasema. Bw Mayaka anasema yu tayari kuoa tena.

Chanzo:swahilihub.

KAMA ULIMIS VIDEO YA MCHEZAJI WA Ghana  ALIE JIKANYAGA KWA KUWASHUKURU MUKE NA MCHEPUKO WAKE TAZAMA HAPA

from Blogger http://ift.tt/2nGlFlb
via IFTTT

Aliyekuwa Waziri wa Kikwete Sasa Aisoma Namba,Ashindwa Kulipa Deni la Milioni 11,Alilia Asamehewe…!!!!

Katika hali inayoonyesha hali ngumu ya kiuchumi, aliyekuwa Naibu Waziri wa Kazi na Ajira na Maendeleo ya Vijana, katika Serikali ya Awamu ya Nne, Makongoro Mahanga ameamua kujisalimisha na kumwangukia Kainerugaba Msemakweli ili amsamehe deni analomdai.

Hata hivyo Msemakweli amesema hawezi kumsamehe Mahanga kutokana na kwamba ameshatumia gharama katika kesi yake hivyo lazima alipwe fedha zake.

Mahanga anatakiwa kumlipa Msemakweli jumla ya Sh11, 097,000 na anatakiwa kulipa Sh2 milioni kila mwezi kwenye akaunti ya

Msemakweli na kisha kuwasilisha mahakamani risiti ya malipo, hadi deni hilo litakapomalizika.

Deni hilo ni gharama za kesi alizozitumia Msemakweli katika kesi ya madai ya kashfa iliyofunguliwa na Mahanga dhidi yake baada ya kumtaja katika kitabu chake cha Orodha ya Mafisadi Sugu wa Elimu kuwa ni mmoja wa vigogo wenye shahada za Udaktari wa Falsafa za kughushi.

DOWNLOAD APPS YA TZTOWN HAPA

WANANCHI WAOMBA SERIKALI KUODOA TAKA KIZIMBANI MAKAMBAKO MKOANI NJOMBE

from Blogger http://ift.tt/2mZsGMV
via IFTTT